ARYNews.tv | Urdu – Har Lamha Bakhabar

Tag: رقص

  • روسی صدر پیوٹن کا آسٹریا کی وزیر خارجہ کے ہمراہ رقص

    روسی صدر پیوٹن کا آسٹریا کی وزیر خارجہ کے ہمراہ رقص

    ویانا/ماسکو : روسی صدر نے آسٹریا کی وزیر خارجہ کرین کینیسل کی شادی کی تقریب میں روس کے میوزیکل بینڈ کے ہمراہ شرکت کی اور 53 سالہ دلہن کے ساتھ رقص بھی کیا۔

    تفصیلات کے مطابق روسی صدر ولادی میر پیوٹن نے ایک روز قبل نجی دورے پر یورپی ملک آسٹریا کی وزیر خارجہ کرین کنیسل کی شادی کی تقریب میں شرکت کرنے کے بعد جرمن چانسلر اینجیلا مرکل سے ملاقات کے لیے روانہ ہوگئے۔

    غیر ملکی خبر رساں ادارے کا کہنا تھا کہ روسی صدر آسٹریا کی وزیر خارجہ کی شادی میں شرکت کرنے کے لیے روسی بینڈ کے ہمراہ ریاست سٹیریا میں منعقدہ تقریب میں پھولوں کا گلدشتہ ہاتھوں میں تھامے پہنچے تھے۔

    غیر ملکی خبر رساں ادارے کا کہنا تھا کہنا تھا کہ روسی صدر ولادی میر پیوٹن نے شادی کی تقریب کے دوران سفید لباس میں ملبوس دلہن 53 سالہ کرین کینیسل کے ہمراہ رقص بھی کیا۔

    یورپی میڈیا کے مطابق وزیر خارجہ کرین کینیسل نامور بزنس مین وولفینگ میلنگر سے کے ساتھ شادی کے بندھن میں بندھی ہیں۔

    غیر ملکی خبر رساں ادارے کا کہنا تھا کہ روس اور یورپی یونین میں مختلف معاملات پر کشیدگی کے باوجود کرین کینیسل کی شادی میں شرکت کی دعوت پر حیران کن ہے۔

    غیر ملکی میڈیا کا کہنا تھا کہ آسٹریا کی فریڈم پارٹی کے سربراہ ہائنز کرسچین نے روس کی حمایت کرتے ہوئے عائد پابندیاں ختم کرنے کا مطالبہ کیا ہے۔

    خیال رہے کہ سابق روسی جاسوس سرگئی اسکریپال پر قاتلانہ حملے کے بعد روس اور برطانیہ کے درمیان پیدا ہونے والی کشیدگی میں برطانوی حکومت کی حمایت میں روسی سفیروں کو ملک بدر نہیں کیا تھا۔

  • قاہرہ کی سڑکوں پر رقصاں خواتین بیلے ڈانسرز

    قاہرہ کی سڑکوں پر رقصاں خواتین بیلے ڈانسرز

    کیا آپ نے کبھی بیلے ڈانسرز کو سڑک پر رقص کرتے دیکھا ہے؟

    مغربی ممالک میں تو شاید یہ ایک عام بات ہو لیکن ایشیائی خصوصاً مسلمان ممالک میں یہ ایک نہایت ہی حیرت انگیز اور غیر معمولی بات ہے۔ سڑک پر رقاصوں اور خصوصاً خواتین رقاصاؤں کا رقص بہت سوں کو ناگوار گزر سکتا ہے۔

    مصر کے دارالحکومت میں بھی ایک فوٹو گرافر اور چند بیلے ڈانسرز نے قاہرہ کی سڑکوں پر رقص کر کے لوگوں کو ناک بھوں چڑھانے پر مجبور کردیا۔ بیلے ڈانس رقص کی ایسی قسم ہے جس میں رقاص اپنے پاؤں کی انگلیوں کے سہارے رقص کے مختلف مراحل سر انجام دیتا ہے۔

    cairo-9

    cairo-3

    محمد طاہر نامی یہ فوٹوگرافر اس سے قبل بہت سے ممالک میں سڑک پر بیلے ڈانس کے مظاہرے اور ان کی تصویر کشی و عکس بندی دیکھ چکا تھا اور وہ مصر میں بھی ایسا ہی فوٹو پروجیکٹ شروع کرنا چاہتا تھا۔

    جب اس نے چند بیلے ڈانسرز کی مدد سے اس پر کام شروع کیا تو بہت جلد اس کی تصاویر خواتین کی خود مختاری کی علامت بن گئیں۔ اس کی یہ تصاویر سڑکوں پر خواتین کی چھیڑ چھاڑ اور ہراسمنٹ کے خلاف ایک استعارے کے طور پر لی جانے لگیں۔

    cairo-10

    cairo-4

    Happiest of birthdays to our beautiful ballerina @haniahindy ❤️

    A post shared by Ballerinas of Cairo (@ballerinasofcairo) on

    محمد طاہر نے نہ صرف ان رقاصاؤں کی رقص کرتے ہوئے تصویر کشی کی، بلکہ پس منظر میں ان افراد کو بھی عکس بند کرلیا جو ان ڈانسرز کو حیرت، ناگواری، یا تعجب سے دیکھ رہے ہیں۔

    cairo-5

    cairo-6

    قاہرہ شہر کی اندرونی گلیوں میں عکس بند کی جانے والی ان تصاویر کے پس منظر میں قاہرہ کی قدیم اور روایتی مضبوط دیواریں، گلیاں، گھر اور دیگر تاریخی تعمیرات اور ان کے سامنے بیلے ڈانس کا مظاہرہ، دیکھنے والوں کو مبہوت کردیتا ہے۔

    cairo-7

    cairo-2

    cairo-8

    cairo-11

     

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • رقص میں ہے سارا جہاں

    رقص میں ہے سارا جہاں

    آج دنیا بھر میں رقص کا عالمی دن منایا جا رہا ہے۔ سنہ 1982 سے آغاز کیے جانے والے اس دن کو منانے کا مقصد رقص کی مختلف اقسام کو فروغ دینا، مختلف قوموں کے ثقافتی سرمائے کو بچانا اور رقص و ثقافت کے ذریعے امن کو فروغ دینا ہے۔

    پاکستان کی خوبصورت اور رنگا رنگ ثقافت میں بھی رقص کا اہم حصہ رہا ہے اور مختلف علاقوں میں روایتی رقص رائج ہیں جو خوشی کے مواقعوں پر کیے جاتے ہیں۔

    اعضا کی شاعری جسے رقص کہا جاتا ہے، کے عالمی دن کے موقع پر ہم پاکستان میں کیے جانے والے چند خوبصورت علاقائی رقص کی جھلکیاں پیش کر رہے ہیں۔

    بھنگڑا

    صوبہ پنجاب کا روایتی رقص بھنگڑا دنیا بھر میں مشہور ہے اور یہ ایسا رقص ہے جسے عام زندگی میں بھی خوشی سے بے اختیار ہو کر کیا جاتا ہے۔

    لڈی

    شادیوں کے موقع پر کیا جانے والا یہ رقص پاکستان کے تمام علاقوں میں رائج ہے۔

    سمی

    سمی رقص پنجاب کے  قبائل میں رائج ہے جس میں اداس موسیقی پر دھیما رقص کیا جاتا ہے۔

    جھومر

    ملتان اور صوبہ بلوچستان کے چند علاقوں میں رائج جھومر رقص کا نام لفظ ’جھوم‘ سے اخذ ہے۔

    لیوا

    لیوا رقص بلوچستان کے مکران قبائل میں رائج ہے۔

    چھاپ

    چھاپ صوبہ بلوچستان کا روایتی رقص ہے۔

    ہو جمالو

    سندھ دھرتی کا روایتی رقص ہو جمالو ہے جس میں اس بول کے گانے پر والہانہ رقص کیا جاتا ہے۔

    خٹک

    پشتون قبائل کا روایتی رقص خٹک ڈانس پوری دنیا میں مشہور ہے۔

    اتن

    صوبہ خیبر پختونخواہ میں خٹک ڈانس کے علاوہ اتن ڈانس بھی کیا جاتا ہے۔

    گمر اور گٹکا

    صوبہ خیبر پختونخواہ کے ہزارہ ڈویژن میں گمر ڈانس مشہور ہے جو مارشل آرٹ کی طرز پر کیا جاتا ہے۔

    کیلاش

    پختونخواہ کے علاقے چترال میں آباد کیلاش قبیلے کا روایتی رقص نہایت خوبصورت ہوتا ہے۔

    دھمال

    پاکستان میں ایک اور مشہور رقص دھمال ہے جو سندھ اور پنجاب میں رائج ہے۔ اس رقص کا تعلق صوفی ازم سے بھی جوڑا جاتا ہے۔

    پاکستان کے طول و عرض میں پھیلے صوفی بزرگان کے مزاروں پر روز شام کے وقت دھمال کا اہتمام کیا جاتا ہے، جب نقارے پر چوٹ پڑتی ہے اور عشق مجازی و عشق حقیقی میں ڈوبے دیوانے دھمال ڈالنا شروع کردیتے ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • رقص کرنے کے دماغ پر حیرت انگیز فوائد

    رقص کرنے کے دماغ پر حیرت انگیز فوائد

    برصغیر پاک و ہند میں رقص کرنے کی روایت بہت پرانی ہے۔ ہر عقیدے اور مذہب کے لوگ ہر خوشی کے موقع پر رقص کر کے خوشیوں کو دوبالا کردیتے ہیں۔

    لیکن کیا آپ جانتے ہیں رقص کرنا ہماری دماغی صحت پر کس قدر مثبت اثرات مرتب کرتا ہے؟

    رقص کرنا ہمارے دماغ پر بڑھاپے کے اثرات کو حیرت انگیز طور پر کم کرتا ہے۔

    حال ہی میں کی جانے والی ایک تحقیق کے مطابق بزرگ افراد کو صحت مند رکھنے کے لیے کروائی جانے والی ورزشوں کے برعکس جب انہیں رقص کروایا گیا تو ان کی ذہنی صحت پر نہایت مثبت اثرات مرتب ہوئے۔

    رقص کرنا یادداشت کو بہتر اور دماغ کو چاک و چوبند بناتا ہے۔

    ایک تحقیق میں کہا گیا کہ رقص آپ کے ذہنی تناؤ، بے چینی اور ڈپریشن کو بھی کم کرتا ہے۔ ماہرین کے مطابق رقص کی مختلف اقسام کو آزمانا کچھ نیا سیکھنے کے مترادف ہے۔

    ماہرین کی تجویز ہے کہ بزرگ افراد کے لیے نیا ’ڈانسنگ فٹنس پروگرام‘ تشکیل دیا جائے جو جسم اور دماغ دونوں کو فعال کرے۔

    تحقیق کے مطابق رقص کے مختلف مراحل، ہاتھ پاؤں کی حرکت، اور مختلف حرکات و سکنات چیزوں کو یاد رکھنے میں مدد دیتے ہیں جس سے عام زندگی میں بھی یادداشت میں بہتری آتی ہے۔

    ماہرین کے مطابق بڑی عمر کے افراد کے رقص کرنے سے ان میں یادداشت کے امراض جیسے ڈیمنشیا اور الزائمر میں بھی کمی دیکھنے میں آئی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • فرانس میں نہ ختم ہونے والی انوکھی آرٹ پرفارمنس

    فرانس میں نہ ختم ہونے والی انوکھی آرٹ پرفارمنس

    پیرس: یورپی ملک فرانس کے دارالحکومت پیرس میں آرٹ کے شائقین ایک انوکھی نمائش دیکھ کر حیران رہ گئے جس میں چند ڈانسرز ایک ترپال سے چھلانگ کر گردش کرنے والی سیڑھی پر چڑھ اور اتر رہے تھے۔

    پیرس میں پینٹھون تھیٹر میں ایک انوکھی آرٹ کی نمائش پیش کی گئی۔

    اس میں ایک ترپال کے گرد گردش کرتی ہوئی سیڑھیاں نظر آرہی ہیں جن پر کچھ ڈانسرز کھڑے ہیں۔ یہ ڈانسرز ترپال پر گرتے ہیں اور اچھل کر واپس سیڑھیوں پر پہنچ جاتے ہیں۔

    سیڑھیوں کی گردش کے ساتھ ان ڈانسرز کا مقام بھی تبدیل ہوتا جاتا ہے اور بظاہر یوں لگتا ہے کہ ترپال سے سیڑھی تک کا یہ سفر کبھی ختم نہیں ہوگا۔

    یہ آرٹ پرفارمنس اس قدیم یونانی بادشاہ سسیفس کی یاد دلاتی ہے جو ایک دھوکے کے آسرے میں ایک بڑے گول پتھر کو لڑھکا کر پہاڑ کی چوٹی تک لے جاتا اور جب وہ وہاں سے واپس پلٹ کر لڑھکتا ہوا آتا تو اس سے خود کو زخمی کرتا۔

    سسیفس کا خیال تھا کہ اس طرح سے وہ ہمیشہ زندہ رہ سکے گا تاہم اس کے اس گمراہ کن خیال کی وجہ سے اسے سزاوار قرار دیا گیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • موت کے خطرے سے بچنے کے لیے تیراکی اور رقص کریں

    موت کے خطرے سے بچنے کے لیے تیراکی اور رقص کریں

    زندگی کو بھرپور طرح سے اور لمبی زندگی جینا کس کی خواہش نہیں ہوتی۔ اگر آپ جلد موت سے بچنا چاہتے ہیں اور صحت مند اور لمبی زندگی جینا چاہتے ہیں تو ماہرین نے اس کے لیے ایک تجویز بتا دی ہے۔

    لندن کی مختلف یونیورسٹیوں میں کیے جانے والے تحقیقی سروے سے پتہ چلا کہ تیراکی کرنا، ریکٹ والے کھیل جیسے ٹینس یا بیڈمنٹن کھیلنا، سانس کی مشقیں کرنا اور رقص کرنا امراض قلب اور فالج سے موت کے امکانات کو کم کرتی ہیں۔

    tennis

    یہ تحقیقی مقالہ برٹش جنرل اور اسپورٹس میڈیسن میں شائع کیا گیا۔

    اس تحقیق کے لیے برطانیہ اور اسکاٹ لینڈ میں کیے جانے والے صحت کے سالانہ سروے کے ڈیٹا سے مدد لی گئی جس میں ہزاروں افراد کی صحت کا ریکارڈ شامل تھا۔

    dance

    ان افراد سے پوچھا گیا کہ وہ کس قسم کی ورزشیں کرتے ہیں، ہفتے میں کتنی بار کرتے ہیں اور اس کا دورانیہ کتنا ہوتا ہے، علاوہ ازیں کیا وہ ہلکی ورزش ہوتی ہیں یا تھکادینے والی ورزش ہوتی ہیں۔

    ماہرین نے دیکھا کہ وہ افراد جو مختلف کھیلوں اور جسمانی سرگرمیوں جیسے ٹینس، بیڈ منٹن، رقص یا باغبانی میں حصہ لیتے تھے ان میں فالج اور دل کے دورے سے موت کا امکان 56 فیصد، تیراکی کرنے والوں میں 41 فیصد، ایروبکس ڈانس کرنے والوں میں 36 فیصد اور سائیکل چلانے والوں میں 15 فیصد کم ہوتا ہے۔

    cycling

    ماہرین کا کہنا ہے کہ روزانہ بھاگنے کو اپنا معمول بنانے والے اور فٹ بال یا رگبی جیسے کھیل کھیلنے والے افراد میں امراض قلب میں مبتلا ہونے کا امکان بے حد کم رہ جاتا ہے اور وہ طویل عمر بھی پاتے ہیں۔

    طبی ماہرین کی تجویز ہے کہ دل کو مضبوط بنانے کے لیے زیادہ سے زیادہ جسمانی حرکت کی جائے تاکہ دل کا نظام فعال رہے اور یہ کمزوری کا شکار ہو کر امراض میں مبتلا نہ ہو۔

  • وزیراعلیٰ کے پی کے پرویزخٹک کااسٹیج پررقص

    وزیراعلیٰ کے پی کے پرویزخٹک کااسٹیج پررقص

    اسلام آباد: آزادی مارچ کے اسٹیج پرخیبرپختوانخوہ کے وزیراعلٰی پرویز خٹک کے رقص نے سماں باندھ دیا ، حاضرین محظوظ ہوئے بغیر نہ رہ سکے۔ عمران خان کا پارلیمنٹ اور وزیراعظم ہاؤس کی جانب پیش قدمی کا اعلان ۔اسلام آباد کی فضاء پاکستان تحریک انصاف کے آزادی مارچ میں شریک کارکنوں کے نعروں سے گونج اٹھی، جہاں کارکنان کا جوش وجذبہ قابل دید ہے ۔

    وہیں دیکھنے میں سیدھے سادھے اور سنجیدہ رہنے والے وزیراعلیٰ خیبرپختونخوا پرویز خٹک بھی  موڈ میں آگئے اور آزادی مارچ کے اسٹیج پر پارٹی نغموں کی دھنوں پر رقص کرکے سب کے دل جیت لئے۔

    پرویز خٹک کو رقص کرتا دیکھ اعظم سواتی سمیت دیگر کئی رہنماء بھی اسٹیج پر آگئے اور ان کے ساتھ رقص کرکے حاضرین کے دل موہ لئے۔ تحریک انصاف کے چیئرمین عمران خان مسکراتےہوئے رقص کا مزہ لیتے رہے۔

  • خاتون پولیس اہلکار کا شاہ رخ کے ساتھ رقص متنازعہ بن گیا

    خاتون پولیس اہلکار کا شاہ رخ کے ساتھ رقص متنازعہ بن گیا

    بھارتی ریاست مغربی بنگال میں پولیس کی ایک تقریب میں اس وقت تنازعہ کھڑا ہوگیا جب ایک خاتون پولیس اہلکار نے وردی میں بولی ووٖڈ سپراسٹار شاہ رخ خان کے ساتھ رقص کیا۔

    بھارتی ریاست مغربی بنگال میں پولیس کے سالانہ ثقافتی میلے کی تقریب کے دوران خاتون پولیس اہلکار کاوردی میں شاہ رخ خان کے ساتھ رقص کرنے پر حزب اختلاف نے طوفان کھڑا کردیا، شاہ رخ خان کو حال ہی میں ممتا بینر جی نے مغربی بنگال کا برانڈ سفیر مقرر کیا تھا، حزبِ اختلاف کے رہنماؤں نےممتا بینر جی پر الزام عائد کیا ہے کہ انھوں نے خاتون افسر کو وردی میں رقص کی جازت دے کر بھارتی آئین کی خلاف ورزی کی ہے کیونکہ آئین کسی کو اس طرح وردی میں ناچنے کی اجازت نہیں دیتا، سابق سٹی پولیس کمشنر نیروپم سوم کا کہنا ہے کہ انھوں نے اپنے دور میں کسی کو اس طرح ڈانس کرنے کی کبھی اجازت نہیں دی۔

  • جمہوری نظام کےتسلسل کاانحصار وزیراعظم پرہے، رحمان ملک

    جمہوری نظام کےتسلسل کاانحصار وزیراعظم پرہے، رحمان ملک

    کراچی: پیپلزپارٹی کے رہنما رحمان ملک نےوزیراعظم کواے پی سی بلانے کامشورہ دے دیاکہتےپرامن احتجاج سب کاحق ہے۔

    رحمان ملک نے وزیراعظم کواے پی سی بلانے کامشورہ دیا کہتے ہیں جمہوری نظام کاتسلسل یاوسط مدتی انتخابات صورتحال کاانحصار وزیراعظم پرہے، اے آروائی نیوز سے گفتگو کرتے ہوئے رحمان ملک نے کہا طاہرالقادری ہوں یا عمران خان پرامن احتجاج سب کاجمہوری حق ہے ، سابق وزیرداخلہ کاکہناتھاچودہ اگست قومی وحدت کی علامت ہےکسی کوجشن آزادی کی تقریبات میں شرکت کادعوت نامہ نہیں ملااس روز حکومت کی اہلیت کاپہلاامتحان ہوگا، رحمان ملک نےکہااس وقت اسلام آباد میں گھٹن کاماحول ہے جونہیں ہوناچاہئے۔

  • ایم کیوایم کےرہنماؤں کا اے آروائی نیوزسے اظہاریکجہتی کیلئےمظاہرے میں شرکت

    ایم کیوایم کےرہنماؤں کا اے آروائی نیوزسے اظہاریکجہتی کیلئےمظاہرے میں شرکت

    mqm