ARYNews.tv | Urdu – Har Lamha Bakhabar

Tag: رمضان المبارک

  • سعودی عرب: رمضان کے حوالے سے اہم ہدایات جاری

    سعودی عرب: رمضان کے حوالے سے اہم ہدایات جاری

    سعودی عرب میں ریاستی سلامتی کے ادارے کی جانب سے رمضان المبارک کے حوالے سے اہم ہدایات جاری کردی گئی ہیں۔

    بین الاقوامی خبر رساں ادارے کی رپورٹ کے مطابق مملک میں ریاستی سلامتی کے ادارے کے ترجمان کا کہنا ہے کہ مقدس ماہ کے دوران صرف مجاز حکومتی چینلز اور اداروں کے ذریعے ہی عطیات فراہم کئے جائیں۔

    ریاستی سلامتی کے ادارے کے ترجمان کے مطابق اس انتباہ کا مقصد خیراتی کاموں کا تحفظ اور ان کے ذرائع آمدن میں مزید اضافہ کرنا ہے۔

    ترجمان کا کہنا تھا کہ یہ انتباہ اس خدشے کے پیش نظر ہے کہ کچھ غیر مجاز افراد یا ادارے ماہ مقدس کو شہریوں اور مقیمین سے عطیات یا فنڈز کے حصول کی مہم کیلیے استعمال کریں گے۔

    ترجمان نے مزید وضاحت کرتے ہوئے بتایا کہ شاہ سلمان مرکز برائے امداد وانسانی خدمات مملکت کا واحد ادارہ ہے جسے بیرون ملک عطیات بھیجنے کا اختیار ہے، اس کے سوا کوئی ادارہ اس کا مجاز نہیں ہے۔

    چین کے صوبے ہیبی کے ریسٹورنٹ میں زور دار دھماکا

    ریاستی سلامتی کے ادارے کے ترجمان نے واضح کیا کہ ان ہدایات کی خلاف ورزی کی صورت میں عطیات دینے والوں کے خلاف قانون حرکت میں آئے گا۔

  • غزہ: رمضان المبارک میں بھی بمباری، مزید 67 فلسطینی شہید

    غزہ: رمضان المبارک میں بھی بمباری، مزید 67 فلسطینی شہید

    ماہ رمضان المبارک میں بھی اسرائیل کی جانب سے غزہ میں بمباری کا سلسلہ جاری ہے، تازہ حملوں میں مزید 67 فلسطینی شہید اور 106 زخمی ہوگئے۔

    بین الاقوامی خبر رساں ادارے کی رپورٹ کے مطابق غزہ میں اسرائیل کے وحشیانہ حملوں کا سلسلہ رمضان میں بھی تھم نہ سکا، خان یونس اور رفح میں بمباری سے مشہور فلسطینی فٹبالر محمد برکت سمیت 67 فلسطینی جام شہادت نوش کرگئے۔

    غیر ملکی میڈیا کا کہنا ہے کہ شمالی غزہ میں شدید غذائی قلت سے مزید دو بچے شہید ہوگئے، جس کے بعد غذائی قلت سے شہید بچوں کی تعداد 27 تک پہنچ گئی ہے۔

    دوسری جانب اقوام متحدہ کے سیکرٹری جنرل انتونیو گوتریس نے ماہ مقدس رمضان المبارک کی آمد کے موقع پر غزہ جنگ بندی کا مطالبہ کردیا ہے۔

    اقوام متحدہ کے سیکرٹری جنرل نے کہا کہ مسلمانوں کا امن و سلامتی پھیلانے والا ماہ مقدس رمضان شروع ہوچکا ہے، اس کے باوجو د بھی ماہ مقدس میں بھی غزہ میں بمباری، خونریزی اور ہلاکت خیزی جاری ہے۔

    انہوں نے کہا کہ غزہ میں امداد کی رسائی میں حائل رکاوٹیں دور کی جائیں اور غزہ سے فوری طور پر یرغمالیوں کی رہائی بھی ممکن بنائی جائے۔

    چین: کوئلے کی کان میں حادثات، 12 افراد ہلاک

    سیکرٹری جنرل اقوام متحدہ انتونیوگوتریس نے مطالبہ کیاکہ ماہ رمضان کا احترام کرتے ہوئے غزہ میں جنگ بندی کی جائے۔

  • رمضان میں بینکوں کے اوقات کار کیا ہوں گے؟ اعلان ہوگیا

    رمضان میں بینکوں کے اوقات کار کیا ہوں گے؟ اعلان ہوگیا

    کراچی : اسٹیٹ بینک نے رمضان المبارک کے دوران دفتری اور کاروباری اوقات کا اعلان کردیا، بینکس صبح نو بجے سے سہ پہر ساڑھے تین بجے کھلیں رہیں گے۔

    تفصیلات کے مطابق اسٹیٹ بینک نے رمضان کیلئے مالیاتی اداروں اور بینکوں کے اوقات کار جاری کردیے، جس میں بتایا یکم رمضان کو ملک کےتمام بینک بند رہیں گے۔

    پیر سے جمعرات مالیاتی ادارے صبح 9 سے سہ پہر ساڑھے 3 تک کھلے رہیں گے، عوام کیلئے بینک صبح9 سے دوپہر 2 بجے تک کھلیں گے۔

    جمعہ کوبینک ،مالیاتی ادارےصبح ساڑھے8سےدوپہر ایک بجے تک کھلے رہیں گے جبکہ پیر سے جمعرات 2 سےڈھائی بجے تک نماز کا وقفہ ہو گا۔

    مرکزی بینک کا کہنا ہے کہ رمضان المبارک کے مقدس مہینے کے دوران بینک دولت پاکستان میں مندرجہ ذیل دفتری اوقات پر عمل کیا جائے گا، جن پر تمام بینک، ترقیاتی مالی ادارے اور مائکروفنانس بینک بھی عمل کریں گے۔

    رمضان المبارک کے مقدس مہینے کے بعد وہی اوقات کار لاگو ہوجائیں گے، جو رمضان المبارک سے پہلے نافذ تھے۔

  • رمضان میں معدے کو تیزابیت سے بچانے کا آسان طریقہ؟

    رمضان میں معدے کو تیزابیت سے بچانے کا آسان طریقہ؟

    رمضان المبارک کے روزے رکھنے کے باعث اکثر افراد تیزابیت کی زد میں آجاتے ہیں، حالانکہ وہ افطار میں بہت پرہیز کرتے ہیں، تلی ہوئی چیزیں نہیں کھاتے، اس کے باوجود بھی سحری میں بہت زیادہ تیزابیت ہوجاتی ہے۔

    ڈاکٹرز مشورہ دیتے ہیں کہ دہی انسانی صحت کے لئے بہت مفید اور کیلشیم سے بھرپور غذا ہے، دوسرے الفاظ میں یہ ایک مکمل غذا ہے۔

    معدے میں تیزابیت سے بچاؤ کے لیے دہی کی لسی انتہائی مفید ہے، اس سے معدہ بھی درست رہے گا، تیزابیت بھی نہیں ہوگی اور روزے میں آپ کو سارا دن نقاہت کا احساس بھی نہیں ہوگا۔

    دہی… ایک کپ
    چھوٹی الائچی…2 عدد
    ست پودینہ…ایک چمچہ

    ان تینوں کو بلینڈ کرکے لسی بناکر فریج میں رکھیں، سحری اور افطاری میں استعمال کریں اور معدے کی تیزابیت سے چھٹکارا پائیں۔

    ماہ صیام اُمّت مسلمہ کے لیے توانائی راحت اور زندگی کا پیغام لے کر آتا ہے، اس ماہ مقدس میں سنگین امراض میں مبتلا افراد کیلئے روزے رکھنا کسی امتحان سے کم نہیں۔

    ان امراض میں بلند فشارِ خون، ذیابطیس، امراضِ تنفّس، تپِ دق یا ٹی بی، معدے اور آنتوں کا السر یا تیزابیت، گردے اور پتّے کی پتھری، ہرنیا، مِرگی، جگر کا ورم یا ہیپاٹائیٹس اور مختلف نفسیاتی امراض سرفہرست ہیں۔

    آدھا گلاس پانی اور ۔ ۔ ۔ ۔ ۔ ۔ بڑھا ہوا پیٹ اندر

    ماہرین کا کہنا ہے کہ معالج کے مشورے کے بعد اِن تمام امراض کے ساتھ روزہ رکھنا ممکن ہے لیکن سحر و افطار میں دوا کا استعمال لازم ہوتا ہے اور ادویات کے اوقات مقرّر کیے جاسکتے ہیں۔

  • رمضان المبارک سے پہلے طبی معائنہ کیوں ضروری ہے؟

    رمضان المبارک سے پہلے طبی معائنہ کیوں ضروری ہے؟

    ماہ صیام اُمّت مسلمہ کے لیے توانائی راحت اور زندگی کا پیغام لے کر آتا ہے، اس ماہ مقدس میں سنگین امراض میں مبتلا افراد کیلئے روزے رکھنا کسی امتحان سے کم نہیں۔

    ان امراض میں بلند فشارِ خون، ذیابطیس، امراضِ تنفّس، تپِ دق یا ٹی بی، معدے اور آنتوں کا السر یا تیزابیت، گردے اور پتّے کی پتھری، ہرنیا، مِرگی، جگر کا ورم یا ہیپاٹائیٹس اور مختلف نفسیاتی امراض سرفہرست ہیں۔

    ماہرین کا کہنا ہے کہ معالج کے مشورے کے بعد اِن تمام امراض کے ساتھ روزہ رکھنا ممکن ہے لیکن سحر و افطار میں دوا کا استعمال لازم ہوتا ہے اور ادویات کے اوقات مقرّر کیے جاسکتے ہیں۔

    طبی مسائل

    مندرجہ ذیل سطور میں ہم کچھ ایسے اہم مسائل، کیفیات اور امراض بیان کریں گے، جن پر ماہِ رمضان میں خصوصی توجّہ دینے کی ضرورت ہے۔

    اس حوالے سے ڈاؤ یونیورسٹی آف ہیلتھ سائنسز کے ماہرین کا کہنا ہے کہ ماہ رمضان سے قبل اپنے فزیشن کے پاس جا کر رمضان پری اسسمنٹ لازمی کروائیں۔

    سیمینار سے خطاب کرتے ہوئے ماہرین صحت نے کہا کہ بلاشبہ روزے کے بہت سے فوائد ہیں جو رکھ سکتے ہیں وہ ضرور رکھیں، روزے ہرگز نہ چھوڑیں کیوں کہ اس سے ایچ بی اے ون سی اور صحت سے جڑے باقی معاملات درست رہتے ہیں۔

    مقررین کا کہنا تھا کہ دنیا میں 15 کروڑ مسلمان شوگر کے مرض میں مبتلا ہیں، جن میں 5 کروڑ کے لگ بھگ ماہ رمضان کے روزے رکھتے ہیں، روزے میں شوگر کی کمی یا زیادتی کو قابو رکھنے کی ضرورت ہوتی ہے اس لیے رمضان سے قبل ہی شوگر کے مریضوں اور ان کے قریبی افراد کو آگہی کی ضرورت ہے۔

    انہوں نے کہا کہ شوگر میں ٹائپ ون اور ٹائپ ٹو، دو اقسام ہوتی ہیں، ٹائپ ون کے مریضوں کو ہم رمضان میں روزہ رکھنے سے منع کر دیتے ہیں، جب کہ ان کی نسبت ٹائپ ٹو مریضوں کو روزہ رکھنے کی اجازت دیتے ہیں، ٹائپ ون مریضوں میں حاملہ یا وہ بچے شامل ہیں جن کو شوگر ہو جاتی ہے۔

  • رمضان المبارک میں سرکاری دفاتر کے اوقات کار کیا ہوں گے؟ اعلان ہوگیا

    رمضان المبارک میں سرکاری دفاتر کے اوقات کار کیا ہوں گے؟ اعلان ہوگیا

    اسلام آباد : حکومت نے رمضان المبارک کیلئے سرکاری دفاتر کے اوقات کار کا اعلان کردیا ، دفاتر کے اوقات کار صبح 9 سے دن 3 بجے ہوں گے۔

    تفصیلات کے مطابق رمضان المبارک کیلئے وفاقی سرکاری دفاتر کے اوقات کار کا اعلان کردیا گیا ، اس حوالے سے اسٹیبلشمنٹ ڈویژن نے وفاقی سرکاری دفاترکے نئے اوقات کا نوٹیفکیشن جاری کردیا ہے۔

    نوٹیفکیشن میں کہا گیا ہے کہ ہفتے میں 5 روز کام والے دفاتر کے اوقات کار صبح 9 سے دن 3 بجے اور 6 روز کام والے دفاتر کے اوقات کار صبح 9 سے دن 2 بجے ہوں گے جبکہ جمعہ کے روز وفاقی سرکاری دفاتر کے اوقات کار صبح 9 سے ساڑھے 12 تک ہوں گے۔

    واضح رہے کہ رمضان کے مقدس مہینے میں ملازمین کو سہولت فراہم کرنے کے لیے اداروں میں روزانہ اوقات کار میں دو گھنٹے کمی کردی جاتی ہے۔

  • رمضان المبارک میں عوام کو 10 ہزار روپے کیش دینے کا اعلان

    رمضان المبارک میں عوام کو 10 ہزار روپے کیش دینے کا اعلان

    وزیراعلی خیبرپختونخوا علی امین گنڈاپور نے رمضان پیکج کے تحت کے خیبرپختونخوا کے مستحق افراد کو 10ہزار روپے دینے کا اعلان کر دیا۔

    اے آر وائی نیوز کے مطابق پشاور میں کابینہ اجلاس کے بعد بریفنگ میں وزیر اعلی خیبرپختونخوا علی امین گنڈاپور نے کہا کہ ملک کے معاشی حالات ٹھیک نہیں ہیں، امن وامان کی صورتحال، عوام کی فلاح ہماری ترجیحات میں شامل ہیں۔

    ان کا کہنا تھا کہ یکم رمضان سے صحت کارڈ بحال ہوجائے گا، صحت کارڈ کے لئے 5 بلین ریلیز کردیے ہیں، رمضان میں عوام کو ریلیف دیں گے، پروگرام کے تحت رمضان میں 8 لاکھ خاندانوں کو نقد 10ہزار روپے دیں گے۔

    انہوں نے کہا کہ دھکم پیل اور غیر معیاری اشیا سے بچنے کے لئے کیش دے رہے ہیں، ہمیں روزگار دینے کے لئے نوجوانوں کو ٹریننگ دینی ہے اس کے علاوہ لنگر خانے دوبارہ کھولنے کے لئے اقدامات شروع کردیے ہیں۔

    وزیر اعلیٰ خیبرپختونخوا نے کہا کہ بجلی کے خالص منافع میں وفاق کے ذمے 1510 ارب بقایاجات ہیں جانتے ہیں معاشی حالات ٹھیک نہیں لیکن ہمیں یہ رقم ہرصورت ملنی چاہیے اگر ان کے پاس پیسے نہیں تو ہمارا صوبہ بجلی، گیس کا آدھا بل دے گا۔

    علی امین گنڈاپور نے کہا کہ شہباز شریف کا کے پی میں بارش متاثرین کو پیکج دینا اچھی بات ہے، وفاق کے ساتھ ورکنگ ریلیشن رکھیں گے مگر سیاسی و نظریاتی اختلاف رہے گا اور میں صوبے اور عوام کے حقوق پر کوئی سمجھوتا نہیں کروں گا۔

    وزیراعلیٰ کے پی علی امین گنڈاپور نے مزید کہا کہ ہماری معاشی ٹیم ان کے ساتھ بیٹھ کر معاملات دیکھے گی، ڈنڈے کے زور پر نہیں عاجزی کے ساتھ بیٹھنے کے لئے تیار ہیں۔

  • رمضان المبارک: مسلمانوں کو مسجدِ اقصیٰ میں داخلے کی اجازت مل گئی

    رمضان المبارک: مسلمانوں کو مسجدِ اقصیٰ میں داخلے کی اجازت مل گئی

    اسرائیل نے فیصلہ کیا ہے کہ پچھلے سالوں کی طرح اس سال بھی رمضان المبارک کے آغاز میں مسلمانوں کو مسجدِ اقصیٰ میں داخلے کی اجازت دی جائے گی۔

    بین الاقوامی خبر رساں ادارے کی رپورٹ کے مطابق اسرائیلی وزیراعظم نیتن یاہو کا اس حوالے سے کہنا تھا کہ پچھلے سالوں کی طرح اس مرتبہ بھی رمضان کے پہلے ہفتے کے دوران زیادہ سے زیادہ مسلمان نمازیوں کو مسجدِ اقصیٰ جانے دیا جائے گا۔

    رپورٹس کے مطابق رمضان کے پہلے ہفتے میں اتنی ہی تعداد میں عبادت گزاروں کو مسجدِ اقصیٰ میں داخل ہونے کی اجازت دی جائے گی جتنی پچھلے سال دی گئی تھی۔

    غیر ملکی میڈیا کا اس حوالے سے کہنا ہے کہ ہر ہفتے سیکیورٹی اور حفاظت کے حوالے سے صورتحال کا جائزہ لیا جائے گا اور اسی کے مطابق فیصلہ کیا جائے گا۔

    واضح رہے کہ ہر سال رمضان المبارک میں مسلمانوں کی بڑی تعداد مسجدِ اقصیٰ میں عبادت کے لیے پہنچتی ہے۔

    دوسری جانب غزہ میں اسرائیلی بربریت کا سلسلہ تھم نہ سکا، اسرائیل نے جنگ کے بعد سے اب تک غزہ میں ظلم وجبر کی نئی مثالیں قائم کر دیں۔

    اسرائیلی فوج نے غزہ کی شہری آبادی کے ساتھ ساتھ اسپتالوں اور پناہ گزین کیمپوں پر گولے برسا دیئے، جبالیہ میں مسجد پر بمباری کے دوران پانچ فلسطینی شہید اور درجنوں زخمی ہو گئے ان شہداء میں بچے بھی شامل ہیں۔

    رپورٹ کے مطابق بیت الحم پناہ گزین کیمپ پر صیہونی فوج کے حملوں سے درجنوں فلسطینی شدید زخمی ہوئے جبکہ دیگر پناہ گزین کمپوں پر فائرنگ سے 34 فلسطینی شہید ہو گئے، خان یونس میں ایک ہی خاندان نے 17 افراد جامِ شہادت نوش کر گئے۔

    شاہی مہمانوں کا چوتھا گروپ عمرہ ادا کرنے کیلئے مدینہ پہنچ گیا

    اسرائیلی فورسز نے نابلس میں فائرنگ کر کے 16 سالا نوجوان کو شہید کر دیا، شہداء کی مجموعی تعداد 30 ہزار 717 اور 72 ہزار سے زائد زخمی ہو گئے۔

  • رمضان المبارک کی آمد، اردوان نے اسرائیل کو خبردار کر دیا

    رمضان المبارک کی آمد، اردوان نے اسرائیل کو خبردار کر دیا

    انقرہ: ترکیہ کے صدر رجب طیب اردوان نے اسرائیل کو خبردار کیا ہے کہ مسلمانوں کے قبلہ اول میں داخلے پر پابندی کے خوف ناک نتائج نکلیں گے۔

    تفصیلات کے مطابق ترکیہ کے دارالحکومت انقرہ میں ترک صدر اردوان کی فلسطینی ہم منصب محمود عباس سے ملاقات ہوئی، جس میں دو طرفہ امور اور فلسطین کی موجودہ صورت حال پر تبادلہ خیال کیا گیا، ترک صدر نے کہا کہ فلسطین میں یہودیوں کی غیر قانونی آباد کاری خطے میں امن کی راہ میں بڑی رکاوٹ ہے۔

    رجب طیب اردوان نے کہا مسائل ختم کرنے کے لیے رمضان المبارک میں فلسطینی مسلمانوں کو مسجد اقصیٰ میں عبادت کی اجازت دی جائے، قبلہ اول میں داخلے پر پابندی کے خوف ناک نتائج نکلیں گے۔

    او آئی سی اجلاس، اسرائیلی مظالم کی شدید مذمت

    دوسری جانب سعودی وزیر خارجہ نے بھی اسرائیل کو عسکری جارحیت سے باز رہنے کی تنبیہ کر دی ہے، شہزادہ فیصل بن فرحان نے کہا کہ کوئی طاقت فلسطینیوں کو ان کی سرزمین سے محروم نہیں کر سکتی، اسرائیل اقوام متحدہ کے انسانی بنیادوں پر امدادی کاموں میں رکاوٹ نہ بنے، اب فلسطین کو ریاست کے طور پر تسلیم کرنے کا وقت آ گیا ہے۔

  • کویت میں رمضان المبارک کی آمد، مساجد کی تیاریاں مکمل !

    کویت میں رمضان المبارک کی آمد، مساجد کی تیاریاں مکمل !

    کویت میں رمضان المبارک کی آمدکی تیاریاں مکمل کئے جانے کی تصدیق کردی گئی ہے۔

    غیر ملکی ذرائع ابلاغ کے مطابق کویت کی وزارت اوقاف اور اسلامی امور کے اسسٹنٹ انڈر سکریٹری برائے مساجد سیکٹر بدر العتیبی کی جانب سے اس سال رمضان المبارک کے مقدس مہینے کے استقبال کے لیے مساجد کے شعبے کی تیاریاں مکمل ہونے کی تصدیق کی گئی ہے۔

    بدر العتیبی کا میڈیا سے کہنا تھا کہ مساجد کا شعبہ مذہبی حیثیت کے مطابق رمضان المبارک کے مقدس مہینے پر خاص توجہ مرکوز کرتا ہے۔

    انہوں نے کہا کہ نمازیوں کو ہر ممکنہ سہولیات مہیا کر کے ان کے لیے اجر وثواب حاصل کرنے کے تمام ذرائع مہیا کئے جاتے ہیں اور سرگرمیوں، پروگراموں، تقریبات اور اندرونی اور بیرونی میزبانی فراہم کی جاتی ہے۔

    انہوں نے مساجد کی تیاری، دیکھ بھال کا کام مکمل کرنے، ان کے لیے وقتاً فوقتاً ضروری دیکھ بھال فراہم کرنے، ان کی صفائی، خواتین کے نمازی کمروں اور بیرونی صحنوں کو تیار کرنے اور چوبیس گھنٹے (24) گھنٹے باقاعدگی سے دیکھ بھال کرنے والی ٹیموں کی موجودگی کی تصدیق کی۔

    واضح رہے کہ کویت میں رواں سال رمضان المبارک کا آغاز 11 مارچ 2024 کو ہونے کا انکشاف کیا گیا ہے جس کے پیش نظر آمد کا 1 ماہ سے بھی کم عرصہ رہ جانے کی وجہ سے وزارت اوقاف و اسلامی امور کی جانب سے کویت بھر تمام مساجد میں نمازیوں کی سہولیات اور آرام سے عبادات کرنے کے لئے تیاریاں مکمل کر لی گئی ہیں۔