اسلام آباد : وفاقی کابینہ نے رمضان ریلیف پیکیج کی منظوری دے دی، رمضان پیکیج کے تحت یوٹیلیٹی اسٹورزپر 19 بنیادی اشیا پر ریلیف ملے گا۔
تفصیلات کے مطابق نگراں وزیراعظم انوار الحق کاکڑ کی زیر صدارت وفاقی کابینہ کا اجلاس ہوا، اجلاس میں سیاسی اور معاشی صورتحال کا جائزہ لیا گیا۔
رمضان ریلیف پیکچ منظوری کیلئے وفاقی کابینہ میں پیش کیا گیا ، وفاقی کابینہ نے رمضان ریلیف پیکیج کی منظوری دے دی، رمضان پیکیج کے تحت یوٹیلیٹی اسٹورزپر 19 بنیادی اشیا پر ریلیف ملے گا۔
ذرائع نے بتایا کہ رمضان پیکیج کےتحت 7ارب 49کروڑ سے زائد پیکیج دیاجائےگا، رمضان ریلیف پیکج کا اطلاق 4 مارچ سے کرنے کی تجویز ہے۔
آٹا،چینی ،گھی ،کوکنگ آئل،چاول،دالوں پر سبسڈی دی جائے گی، کھجور،بیسن،دودھ،مشروبات اور مصالحہ جات پربھی رعایت دی جائے گی۔
بی آئی ایس پی مستحقین کو رمضان پیکج کےتحت ٹارگٹڈ سبسڈی ملےگی، ٹارگٹڈسبسڈی کےسواعام صارفین کیلئےبھی خصوصی رعایتی قیمت مقرر ہوگی۔
وفاقی کابینہ نے ای سی سی فیصلوں کی توثیق کی ، ای سی سی نے گذشتہ ہفتے یوٹیلیٹی اسٹورز پر رمضان ریلیف پیکچ منظور کیا تھا۔
