Tag: رمضان ٹرانسمیشن

پاکستانی معروف اداکار آغا علی نے اپنے بُرے وقت سے متعلق اہم انکشاف کیا ہے۔

حال ہی میں نجی ٹی وی کی رمضان ٹرانسمیشن میں پاکستانی اداکار آغا علی نے بطور شرکت کی جہاں انہوں نے بتایا کہ 2018 کا سال میرے لیے بہت مشکل ثابت ہوا تھا۔

اداکار آغا علی نے ماضی میں گزرے ہوئے برے وقت سے متعلق گفتگو کی اور بتایا کہ 2018 ایک ایسا سال تھا جس میں، میں نے اپنے 90 فیصد پیسہ ایک جگہ انویسٹ کر دیا تھا اور وہ پیسہ ڈوب گیا تھا۔

آغا علی نے کہا کہ اسی سال میرا ایک ریلیشنشپ بھی ٹوٹ گیا تھا، 99 فیصد لوگ مجھے برا بھلا بولتے تھے اور میں خود کو سوشل میڈیا پر بطور ویلن ہی دیکھا کرتا تھا، اس دوران میرا وزن بھی کافی حد تک بڑھ گیا تھا۔

’’اسی دوران میں نے عمرے کی نیت کی، 2018 میں ہی عمرہ ادا کیا اور پھر میرے معاملات سدھرنے لگے، اس بُرے وقت کے دوران میں نے صرف اللہ کو خود کے قریب پایا تھا۔

یاد رہے کہ اداکار آغا علی اور اداکارہ سارہ خان ایک رومانوی تعلق میں جڑے تھے،  لمبے عرصے تک ایک ساتھ رہنے کے بعد اس جوڑی میں علیحدگی ہو گئی تھی۔

لیکن بعد میں سارہ خان نے گلوکار فلک شبیر سے شادی کر لی تھی جبکہ 2020 میں آغا علی نے اداکارہ حنا الطاف کے ساتھ خاموشی سے نکاح کر لیا تھا۔