کراچی : سماجی رہنما رمضان چھیپا امریکی خاتون کے معاملے پر نوجوان ندال کو پیشکش کی کہ یہاں پہنچ کربات چیت کرے، میں اس معاملے کوحل کراؤں گا۔
تفصیلات کے مطابق سماجی رہنما رمضان چھیپا نے امریکی خاتون کے معاملے پر نوجوان ندال سےگزارش کی کہ نوجوان اور ان فیملی سن رہی ہے تو فوری یہاں پہنچیں، میں اس معاملے کوحل کراؤں گا۔
رمضان چھپیا کا کہنا تھا کہ ندال یہاں پہنچ کر بات چیت کرے تب ہی مسئلہ حل ہوگا، میں ملاقات کا اہتمام کراتا ہوں۔
یاد رہے ٹیپوسلطان پولیس نے محبت کی شادی کیلئے کراچی آنے والی امریکی خاتون اونیجا اینڈریو کو چھیپا ہیڈ آفس منتقل کیا گیا تھا
ترجمان چھیپا ویلیفئر کا کہنا تھا خاتون کو علیحدہ کمرہ فراہم کیا گیا ہے، خاتون ذہنی دباؤمیں ہے،اس لیے کسی سے بات نہیں کررہی۔
مزید پڑھیں: امریکی خاتون کی محبت کی کہانی میں نیا موڑ ، چھیپا ہیڈ آفس منتقل
بعد ازاں رمضان چھیپا نے تصدیق کی تھی کہ ٹیپوسلطان تھانے کی معرفت سےامریکی خاتون ہمارےپاس آئیں، خاتون چند دنوں سے کراچی کی سڑکوں پر دربدر پھر رہی تھیں۔
ان کا کہنا تھا کہ ہم چاہتے ہیں امریکی خاتون پاکستان سےعزت کے ساتھ رخصت ہو، پریشانی کی وجہ سے امریکی خاتون کی ذہنی کیفیت پراثرپڑا ہے۔
گذشتہ روز کراچی میں موجود امریکی خاتون پورا دن فلیٹ کی بیسمنٹ میں رہنے کے بعد اچانک آن لائن ٹیکسی میں نامعلوم مقام کی جانب روانہ ہوگئی تھی، پولیس کا کہنا تھا نہیں معلوم خاتون کہاں گئی۔
خاتون نے دعویٰ کیا تھا کہ آن لائن شادی کی تھی، مجھے پیسے نہیں چاہیے میرے پاس پیسے ہیں۔
