پاکستان کرکٹ بورڈ (پی سی بی) کے سابق چیئرمین رمیز راجا کا کہنا ہے کہ نئی مینجمنٹ نے بورڈ پر ایسا حملہ کیا کہ میرا سامان تک مجھے نہ لینے دیا۔
اے آر وائی نیوز کے مطابق سابق چیئرمین پی سی بی رمیز راجا عہدے سے برطرفی پر پھٹ پڑے، انہوں نے کہا کہ صبح ان کے سترہ بندے پی سی بی میں دندناتے پھر رہے تھے جیسے کوئی ایف آئی اے کا چھاپہ پڑ گیا ہو۔
انہوں نے کہا کہ مجھے ایسا لگ رہا تھا جیسے کہ میں کچھ وہاں سے اٹھا کر لے جاؤں گا۔
92 ورلڈ کپ کے فاتح کپتان عمران خان کا کہنا ہے کہ رمیز راجا پاکستان کرکٹ کے لیے بہترین خدمات انجام دے رہے تھے اس دوران قومی ٹیم ٹی 20 ورلڈ کپ کے فائنل میں پہنچی۔
اے آر وائی نیوز کے مطابق سابق کپتان و سابق وزیراعظم عمران خان کا کہنا ہے کہ کرکٹ بورڈ کی سربراہی نجم سیٹھی کے سپرد کردی گئی کیا نجم سیٹھی رمیز راجا سے زیادہ بہتر کرکٹ جانتے ہیں۔؟
یہ پڑھیں: ’نئی مینجمنٹ نے بورڈ پر ایسا حملہ کیا کہ میرا سامان تک نہیں لینے دیا‘
انہوں نے کہا کہ کرکٹ معاملات کو چلانے کا زیادہ تجربہ کس کے پاس ہے؟ رمیز راجا یا پھر ایک صحافی جو ن لیگ کا حامی ہے۔
عمران خان نے سوال کیا کہ’نجم سیٹھی کا کرکٹ سے کیا تعلق ہے۔؟
مزید پڑھیں: ’رمیز راجا سے پی سی پی میں کوئی خوش نہیں تھا‘
واضح رہے کہ گزشتہ دنوں رمیز راجا کو عہدے سے برطرف کرکے نجم سیٹھی کو چیئرمین پی سی بی مقرر کیا گیا، پی سی بی کی جانب سے کمیٹی بھی بنائی گئی جس میں سابق کپتان شاہد آفریدی عبوری چیف سلیکٹر ہیں، عبدالرزاق، راؤ افتخار انجم ، ہارون الرشید شامل ہیں جبکہ ویمن ٹیم کی سابق کپتان و کمنٹیٹر ثنا میر نے گزشتہ دنوں بورڈ سے معذرت کرلی تھی۔
لاہور: پاکستان کرکٹ بورڈ (پی سی بی) کے چیف آپریٹنگ آفیسر سلمان نصیر نے سابق چیئرمین پی سی بی رمیز راجا کا سامان واپس کرنے کی یقین دہانی کروادی۔
اے آر وائی نیوز کے مطابق پی سی بی کے چیف آپریٹنگ آفیسر سلمان نصیر نے سماجی رابطے کی ویب سائٹ ٹوئٹر پر لکھا کہ ’چیئرمین پی سی بی نجم سیٹھی کی آمد سے قبل سابق چیئرمین کا سامان حفاظت میں لیا تھا۔
انہوں نے لکھا کہ ’رمیز راجا کو ان کا سامان جلد واپس کردیا جائے گا۔‘
All belongings of @iramizraja were collected by me as COO of @TheRealPCB prior to arrival of @najamsethi on the morning of being notified and have been safely kept in PCB custody and will ofcourse be returned as a part of usual handing over/taking over process
— Salman Naseer (@salnaseer) December 26, 2022
واضح رہے کہ سابق چیئرمین پی سی بی رمیز راجا کا کہنا تھا کہ نئی مینجمنٹ نے بورڈ پر ایسا حملہ کیا کہ میرا سامان تک مجھے نہیں لینے دیا، صبح ان کے 17 بندے پی سی بی میں دندناتے پھر رہے تھے جیسے کوئی ایف آئی اے کا چھاپہ پڑ گیا ہو۔
مزید پڑھیں: ’نئی مینجمنٹ نے بورڈ پر ایسا حملہ کیا کہ میرا سامان تک نہیں لینے دیا‘
ان کا کہنا تھا کہ مجھے ایسا لگ رہا تھا جیسے کہ میں کچھ وہاں سے اٹھا کر لے جاؤں گا۔
رمیز راجا کا کہنا تھا کہ کیوی ٹیم پاکستان آرہی تھی تو چیف سلیکٹر بدل دیا گیا یہ کوئی طریقہ نہیں کہ کافی ٹیسٹ کھیلنے والے کرکٹرز کو باہر نکال دیں۔
یاد رہے کہ گزشتہ دنوں رمیز راجا کو عہدے سے برطرف کرکے نجم سیٹھی کو چیئرمین پی سی بی مقرر کیا گیا ہے۔
پاکستان کرکٹ بورڈ (پی سی بی) کے سابق چیئرمین رمیز راجا کا کہنا ہے کہ نئی مینجمنٹ نے بورڈ پر ایسا حملہ کیا کہ میرا سامان تک مجھے نہ لینے دیا۔
اے آر وائی نیوز کے مطابق سابق چیئرمین پی سی بی رمیز راجا عہدے سے برطرفی پر پھٹ پڑے، انہوں نے کہا کہ صبح ان کے سترہ بندے پی سی بی میں دندناتے پھر رہے تھے جیسے کوئی ایف آئی اے کا چھاپہ پڑ گیا ہو۔
انہوں نے کہا کہ مجھے ایسا لگ رہا تھا جیسے کہ میں کچھ وہاں سے اٹھا کر لے جاؤں گا۔
سابق چیئرمین پی سی بی نے کہا کہ کیوی ٹیم پاکستان آرہی تھی تو چیف سلیکٹر بدل دیا گیا یہ کوئی طریقہ نہیں کہ کافی ٹیسٹ کھیلنے والے کرکٹرز کو باہر نکال دیں۔
مزید پڑھیں: ’رمیز راجا سے پی سی پی میں کوئی خوش نہیں تھا‘
انہوں نے مزید کہا کہ کامیابیاں آسانی سے نہیں ملتی ہیں اگر بہت زیادہ تبدیلیاں کی گئیں تو ٹیم میں یکجہتی ختم ہوجائے گی۔
رمیز راجا کا کہنا تھا کہ ’سیزن کے درمیان میں ہی کہہ رہے تھے کہ مکی آرتھر کو لے آئیں گے، عزت کے ساتھ بھیجا جاتا ہے گھر بھیجنے کا یہ کوئی طریقہ نہیں ہوتا۔
واضح رہے کہ گزشتہ دنوں رمیز راجا کو عہدے سے برطرف کرکے نجم سیٹھی کو چیئرمین پی سی بی مقرر کیا گیا، پی سی بی کی جانب سے کمیٹی بھی بنائی گئی جس میں سابق کپتان شاہد آفریدی عبوری چیف سلیکٹر ہیں۔
پاکستان کرکٹ بورڈ کے چیئرمیں رمیز راجا نے بابر اعظم کی کپتانی کے متعلق اہم بیان جاری کیا ہے۔
اسٹیڈیم میں صحافیوں نے گفتگو کے دوران رمیز راجا سے سوال کیا گیا کہ بابر بطور کپتان آپ کو کیسے لگتے ہیں؟ اس سوال کے جواب میں ان کا کہنا تھا کہ ٹھیک ہےٹھیک ہیں، کھیل میں اوپر نیچے ہوتا رہتا ہے، ہم ابھی ٹی ٹوئنٹی ورلڈ کپ فائنل کھیل کر آئے ہیں، انسان اپنی غلطیوں سے ہی سیکھتا ہے۔
رمیز راجا نے دوران گفتگو کہا کہ انگلینڈ کی ٹیم سب کے لیے آئی اوپنر ہے، انہوں نے ٹیسٹ کرکٹ میں ایک نیا ٹرینڈ سیٹ کیا ہے۔
کرکٹ بورڈ کے چیئرمین کا مزید کہنا تھا کہ ایک کرکٹ بورڈ تب ہی بڑا ہوتا ہے جب وہ چیزوں کو اینلائز کرے اور اس پر کھل کر بات کر سکے۔
رمیز راجا کا کہنا تھا کہ میں بطور کرکٹر اس بات کو تسلیم کرتا ہوں کہ ہم پیچھے ہیں، لیکن ہم تینوں فارمیٹ میں ٹاپ کوالٹی کی ٹیمز کو ٹرن آؤٹ کرنا تھوڑا مشکل ہے، لیکن ہم چیزوں کو آگے لے کر جائیں گے۔
لاہور: قومی ٹیم کے سابق کپتان محمد حفیظ ایک بار پھر رمیز راجا پر برہم ہوگئے۔
تفصیلات کے مطابق قومی ٹیم کے سابق کپتان محمد حفیظ نے نجی ٹی وی چینل سے گفتگوکرتے ہوئے کہا کہ میرا 12 سال کا بیٹا بھی رمیز راجا سے زیادہ کرکٹ جانتا ہے۔
محمد حفیظ نے کہا کہ رمیز راجا کی بطور کرکٹر عزت کرتا ہوں لیکن انہیں کرکٹ کی سمجھ نہیں ہے، انہیں اپنے یوٹیوب چینل کے لیے مرچ مصالحے کی ضرورت ہے اسی لیے ایسی باتیں کرتے ہیں۔
قومی ٹیم کے آل راؤنڈر نے واضح کیا کہ جب پرفارمنس خراب ہوگی خود کرکٹ چھوڑ دوں گا۔
محمد حفیظ نے کہا کہ کورونا کی وجہ سے پیدا ہونے والی صورتحال میں بائیو سیکیور ببل میں رہنے کی وجہ سے کھلاڑیوں میں ذہنی دباؤ بہت زیادہ ہوتا ہے۔
انہوں نے کہا کہ کرکٹ تو ایک ماہ بعد ہوتی ہے پلیئرز کو اس سے قبل ہی بند ہوکر اس ماحول میں زندگی گزارنا پڑتی ہے، میں خود 5 ماہ سے اپنی فیملی کو وقت نہیں دے پارہا، اچھی بات یہ ہے کہ ہم کرکٹ کھیل رہے ہیں لیکن اس کے لیے قربانی بھی دینا پڑتی ہے کہ نارمل زندگی نہیں گزار سکتے۔
سابق کپتان کا کہنا تھا کہ نیوزی لینڈ میں بھی 14 روز کا قرنطینہ کرنا پڑے گا، انگلینڈ میں حالات مختلف تھے لیکن کیویز کے دیس میں قرنطینہ مکمل کرنے کے بعد ہم نارمل انداز میں گھوم پھر سکیں گے، امید ہے نیوزی لینڈ میں ٹیم اس بار بہتر کارکردگی دکھائے گی۔
محمد حفیظ نے کہا کہ تینوں فارمیٹ کا کپتان مقرر کیے جانے پر بابر اعظم کو مبارک باد پیش کرتا ہوں، ان کی بیٹنگ مضبوط اور تکنیک شاندار ہے وہ میچ کی صورت حال کو خود پر حاوی نہیں کرتے، مجھے نہیں لگتا کہ کپتانی کے دباؤ سے اس کی کارکردگی متاثر ہوگی۔