لاہور: سابق چیئرمین پی سی بی نجم سیٹھی رمیز راجہ جونیئر کے والد کے انتقال پر سابق کرکٹر اور کمنٹینٹر رمیز راجہ سے تعزیت کر بیٹھے۔
تفصیلات کے مطابق رمیز راجہ جونیئر کے والد رضائے الٰہی سے انتقال کرگئے تو انہوں نے سماجی رابطے کی ویب سائٹ ٹویٹر پر مداحوں سے دعائے مغفرت کی درخواست کی۔
سابق چیئرمین پی سی بی نجم سیٹھی نے اپنی ٹویٹ میں سابق ٹیسٹ کرکٹر اور موجودہ کمنٹیٹر راجہ کو مخاطب کرتے ہوئے کہا کہ آپ کے والد کی وفات کا سن کر بہت افسوس ہوا، اللہ تعالیٰ ان کی مغفرت فرمائے۔
نجم سیٹھی نے لکھا کہ آپ کی کامیابیوں پر والد بڑا فخر محسوس کرتے ہوں گے، آپ کے اہل خانہ کے لیے دعا گو ہوں۔
My Father has passed away by the will of Allah Subhana Wa TaaAllah “Inna Lillahi Wa Inna Ilayhi Raji'un” prayers needed. May Allah Almighty's blessings be upon my father and Allah SWT grants him Janat Ul Firdous. Ameen.
— Rameez Raja (@rameezraja_jr) February 20, 2019
ٹویٹر صارفین نے فوری طور پر ان کی غلطی پر احساس دلایا کہ رمیز راجہ جونیئر کے والد کا انتقال ہوا ہے، ایک صارف نے لکھا کہ مان لو نجم سیٹھی صاحب آپ بوڑھے ہوگئے ہیں۔
رمیز راجہ جونیئر کے والد کے انتقال پر قومی کرکٹ ٹیم کے کپتان سرفراز احمد، فواد عالم، سہیل تنویر سمیت دیگر کھلاڑیوں نے تعزیت کا اظہار کیا اور دعائے مغفرت کی۔