’اینیمل‘ میں ولن کا پاور فل کردار ادا کرنے والے بوبی دیول نے کہا ہے کہ رنبیر مجھ سے عدم تحفظ کا شکار نہیں ہیں۔
فلم کی بے پناہ کامیابی اور اپنے کردار کو شائقین کی جانب سے سراہے جانے کے بعد بھارتی ذرائع ابلاغ سے گفتگو میں بوبی دیول نے کہا کہ رنبیر ایک حیرت انگیز آدمی ہے، میں اس سے محبت کرتا ہوں، میں نے کئی اداکاروں کے ساتھ کام کیا لیکن انھوں نے مجھے بہت عزت دی۔
اینیمل کے ’ابرار‘ کا کہنا تھا کہ رنبیر کپو ایک سپر اسٹار ہیں لیکن اس کے باوجود وہ جہاں بھی فلم کی پروموشن کے لیے گئے مجھے بھی زبردستی اپنے ساتھ لے گئے۔ ایسا کوئی نہیں کرتا۔ ہر کوئی صرف لائم لائٹ چرانا چاہتا ہے لیکن وہ ایسے نہیں ہیں انھیں کوئی کوئی عدم تحفظ نہیں ہے۔
رنبیر کپور اور بوبی دیول کا آف اسکرین برومنس بھی کافی ہٹ جارہا ہے اور فلم کے حوالے سے ہر ایونٹ میں دنوں ایک دوسرے کے لیے کافی اچھے خیالات کا اظہار کرتے نظر آتے ہیں۔
اس بانڈ کے حوالے سے بوبی نے بتایا کہ وہ باکمال آدمی ہے۔ ہمارے درمیان جو چیز مشترک ہے وہ یہ کہ ہم دونوں اپنے خاندان کو کافی اہمیت دیتے ہیں۔ ہم دونوں فلمی خاندانوں سے آئے ہیں اور ہم جانتے ہیں کہ انڈسٹری کا حصہ بننا کیسا ہوتا ہے۔
بوبی دیول نے یہ بھی اعتراف کیا کہ وہ رنبیر کپور کے مداح ہیں۔ انھوں نے کہا میں رنبیر کا بہت بڑا پرستار ہوں، وہ میرے پسندیدہ اداکار ہیں۔ میں شوٹنگ کے دوران ان سے پوری طرح متاثر ہوگیاتھا۔
