ARYNews.tv | Urdu – Har Lamha Bakhabar

Tag: رنبیر کپور

  • رنبیر کپور پر بڑھاپے کے اثرات نمودار، تصویر وائرل

    رنبیر کپور پر بڑھاپے کے اثرات نمودار، تصویر وائرل

    ممبئی: بالی ووڈ انڈسٹری کی دوسری بڑی فلم ’سنجو‘ میں مرکزی کردار ادا کرنے والے اداکار رنبیر کپور پر اچانک بڑھاپے کے اثرات نمودار ہونے لگے ، اُن کی تصویر نے سوشل میڈیا پر تہلکہ مچادیا۔

    تفصیلات کے مطابق سنجے دت کی زندگی پر بنائی جانے والی فلم ’سنجو‘ میں کامیاب اداکاری کے جوہر دکھانے والے رنبیر کپور کی تصویر دیکھ کر مداح پہلے تو انہیں پہچان نہیں سکے پھر بھارتی میڈیا نے خود اس بات سے آگاہ کیا کہ یہ کس کی تصویر ہے۔

    سوشل میڈیا پر وائرل ہونے والی تصویر میں رنبیر اپنی عمر سے بہت ہی زیادہ بڑے نظر آرہے ہیں یہی بات مداحوں کے لیے حیران کُن تھی کہ نوجوان اداکار پر اچانک بڑھاپے کے اثرات نمودار کیسے ہوگئے۔

    مزید پڑھیں: سنجو نے عامر خان اور سلمان کی کامیاب فلموں کو پیچھے چھوڑ دیا

    بھارتی میڈیا کے مطابق اداکار نے یہ انداز کسی فلم یا ڈرامے کے لیے نہیں اپنایا بلکہ انہوں نے یہ اسٹائل ایک اشتہار کے لیے دھارا جس میں وہ سیلز مین کا کردار ادا کرتے نظر آئیں گے۔

    واضح رہے کہ سنجو نے 28 روز میں 339 کروڑ 75 لاکھ روپے سے زائد کا بزنس کیا جس کے بعد یہ دنگل کے بعد باکس آفس پر کمائی کرنے والی دوسری بڑی فلم بن گئی۔

  • عالیہ بھٹ کا رنبیر کپور کے لیے گانا، ویڈیو دیکھیں

    عالیہ بھٹ کا رنبیر کپور کے لیے گانا، ویڈیو دیکھیں

    ممبئی: بالی ووڈ اداکارہ عالیہ بھٹ نے اپنے ہونے والے والے شوہر اور ساتھی اداکار رنبیر کپور کے لیے گانا گنگنایا جس کی ویڈیو سوشل میڈیا پر وائرل ہوگئی۔

    بھارتی میڈیا کے مطابق عالیہ بھٹ اور رنبیر کے مابین گہری دوستی تھی جو محبت میں تبدیل ہوچکی اور اب دونوں نے شادی کرنے کا فیصلہ کرلیا، ذرائع کا دعویٰ ہے کہ دونوں اداکاروں نے اپنے گھر والوں کو راضی بھی کرلیا جنہوں نے 2020 تک شادی کرنے کا فیصلہ کیا ہے۔

    عالیہ اور رنبیر کے مابین محبت کا رشتہ ہے اور دونوں ایک دوسرے کے خفیہ ملاقاتیں بھی کرتے ہیں جن کی کئی بار تصاویر منظر عام پر بھی آچکیں تاہم دونوں جانب سے ابھی تک شادی کے پلان کی تردید یا تصدیق نہیں کی گئی۔

    یہ ضرور رہا کہ گزشتہ دنوں بالی ووڈ اداکارہ کے والد مہیش بھٹ نے  اس ضمن میں مختصر جواب دیتے ہوئے کہا تھا کہ ’میں اُن لوگوں کی طرح نہیں جو اپنی بیٹی کو محبت کرنے سے روکوں یا پھر اُس پر سختی کروں، یہ حقیقت ہے کہ رنبیر اور عالیہ ایک دوسرے کے بہت اچھے دوست اور ساتھی ہیں‘۔

    مزید پڑھیں: عالیہ بھٹ اور رنبیر کپور کی شادی کب ہوگی؟ تاریخ سامنے آگئی

    اُن کا کہنا تھاکہ ’شادی کے معاملے میں بیٹی اور رنبیر کا فیصلہ اور پسند پر ہم میں سے کسی کو اعتراض کبھی نہیں ہوگا اور نہ اس حوالے سے کسی کو گفتگو کرنا چاہیے‘۔

    کچھ روز قبل عالیہ بھٹ نے ایوارڈ شو میں شرکت کی جس میں انہیں ہدایت کار کرن جوہر اور میزبان منیش نے اسٹیج پر مدعو کیا، اس دوران طنز و مزاح کے نشتر بھی چلے بعد ازاں اداکارہ نے اپنی خوبصورت آواز میں رنبیر کی فلم ’اے دل ہے مشکل‘ کا گانا گایا۔

     بھارتی میڈیا کے مطابق مہیش بھٹ کی صاحبزادی نے یہ گانا اپنے ہونے والے خاوند کے نام کیا۔

    چاکلیٹی ہیرو ایک نجی تقریب میں یہ بتا چکے ہیں کہ ’کچھ نیا ہونے جارہا ہے کیونکہ اب ہمارا رشتہ اگلے مرحلے میں داخل ہوچکا‘۔

    یہ بھی پڑھیں: انتظار ختم !! عالیہ بھٹ نے خوشخبری سنادی، رنویرکے ساتھ تصاویر وائرل

    رنبیر نے یہ بات کس تناظر میں کہی اس حوالے سے مزید کوئی اطلاع تو سامنے نہیں آئی تھی البتہ اُن کے قریبی حلقہ احباب اور دوستوں کا ماننا ہے کہ اداکار  کا اشارہ عالیہ کی طرف یہ تھا۔ علاوہ ازیں گزشتہ برس نجی ٹی وی شو میں میزبان کرن جوہر کے سوال پر بالی ووڈ اداکارہ بھی رنبیر سے محبت اور دیوانگی کا کھلا اظہار کرچکی ہیں۔

    واضح رہے کہ عالیہ اور رنبیر  کے درمیان قربتوں کا سلسلہ نئی آنے وال فلم ’براہمسترا‘ کی شوٹنگ پر بلغاریہ میں شروع ہوا، اس فلم میں امتابھ بچن مین کام کررہے ہیں، اسے 15 اگست 2019 کو سینیما گھروں میں نمائش کے لیے پیش کیا جائے گا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • راج کمار ہیرانی کی ’’سنجو‘‘ کے سامنے باکس آف ریکارڈز پاش پاش ہوگئے

    راج کمار ہیرانی کی ’’سنجو‘‘ کے سامنے باکس آف ریکارڈز پاش پاش ہوگئے

    ممبئی: بالی وڈ کے کامیاب ترین ہدایت کار راج کمار ہیرانی کی فلم سنجو نے باہوبلی ٹو کا ریکارڈ توڑ کر ایک اورسنگ میل عبور کر لیا۔

    تفصیلات کے مطابق سنجے دت کی زندگی پر مبنی اس فلم نے ریلیز کے تیسرے روز ایک دن میں سب سے زیادہ بزنس کرنے کا باہوبلی کا ریکارڈ توڑ دیا اور تین دن میں ایک سو بیس کروڑ روپے کی کمائی کر لی۔ 

    واضح رہے کہ باہو بلی ٹو نے تیسرے دن ساڑھے 46 کروڑ کا کاروبار کیا تھا، راج کمار ہیرانی کی فلم نے تیسرے دن میں 46 کروڑ 71 لاکھ کا کاروبار کرکے نیا ریکارڈ قائم کر دیا۔ 

    یہ فلم سنجے دت کی زندگی کے گرد گھومتی ہے، جس میں رنبیر کپور نے سنجے کا کردار نبھایا ہے، جس کے لیے ان پر داد کے ڈونگرے برس رہے ہیں۔

    فلم میں پریش راول سنیل دت اور منیشا کوئرالا نرگس کے روپ میں نظر آئے ہیں، فلم میں دیا مرزا اور سونم کپور نے بھی اپنی صلاحیتوں کا مظاہرہ کیا ہے۔

    یاد رہے کہ راج کمار ہیرانی انڈسٹری کو ”تھری ایڈیٹس“ اور ”پی کے“ جیسی بلاک بسٹر فلمیں دے چکے ہیں، انڈسٹری میں پہلی بار 200 کروڑ اور 300 کروڑ کا جادوئی ہندسہ ہیرانی ہی نے عبور کیا تھا۔

    کچھ تجزیہ کاروں کا خیال ہے کہ سنجو 400 کروڑ کا ناقابل ہندسہ بھی پھلانگ سکتی ہے۔

    فلم سنجو، رشی کپور 25 برس پرانی تصویر سامنے لے آئے

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

     

  • سنجو ناقدین اور ناظرین کو بھا گئی، رنبیر اور ہیرانی پر داد کے ڈونگرے برسنے لگے

    سنجو ناقدین اور ناظرین کو بھا گئی، رنبیر اور ہیرانی پر داد کے ڈونگرے برسنے لگے

    ممبئی: سنجے دت کی بائیو پک سنجو ریلیز ہوتے ہی فلمی ناقدین اور ناظرین کو بھا گئی۔ فلم کوشان دارعمل مل رہا ہے۔

    تفصیلات کے مطابق رنبیر کپور کی فلم سنجودیکھنے والوں کو بھا گئی، فلم کو ناقدین کی جانب سے مثبت ردعمل ملا ہے، فلم کے بیش تر ابتدائی شوز ہاﺅس فل جارہے ہیں۔

    ”تھری ایڈیٹس“ اور” پی کے“ جیسی بلاک بسٹر فلمیں بنانے والے راج کمار ہیرانی کی اس فلم میں ممتاز اداکار سنجے دت کی زندگی کے مختلف ادوار کا احاطہ کیا گیا ہے۔

    واضح رہے کہ سنجے دت کا شمار بالی وڈ کے متنازع ترین اداکاروں میں ہوتا ہے، ان کی زندگی میں لو افیئرز، ڈرگس اور اسلحہ رکھنے جیسے بڑے اسکینڈلز سامنے آئے۔

    یاد رہے کہ انڈسٹری کو کئی بلاک بسٹر دینے والے سنجے دت کو جیل کی ہوا کھانی پڑی تھی۔ ایک زمانے میں یہ تصور کیا جاتا تھا کہ سنجے دت کا کیریر ختم ہوگیا، مگر وہ ہر بار پوری قوت سے لوٹ آئے۔

    فلم سنجو آج 29 جولائی کو ریلیز ہوئی، معروف ہندوستانی نقاد ترن آدیش نے اسے ماسٹر پیس ٹھہرایا اور جذبات سے بھرپور ایک طاقتور فلم قرار دیتے ہوئے ہدایت کار راج کمار ہیرانی کوخوب سراہا۔

    کومل نہیتا نے بھی پہلے روز فلم کو ملنے والے ردعمل کو غیرمتوقع اور شان دار قرار دیا ہے، انڈسٹری کی معروف ہستیوں نے رنبیر کپور کی پرفارمینس کی بھی تعریف کی ہے۔

    توقع کی جارہی ہے کہ فلم رنبیر کپور کو اپنا سپراسٹار کا اسٹیٹس بحال کروانے میں مددگار ثابت ہوگی۔

    کیا ”سنجو“ کے بعد اب رنبیر کپور ”منا بھائی“ بنیں گے؟

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • عالیہ بھٹ اور رنبیر کپور کی شادی کب ہوگی؟ تاریخ سامنے آگئی

    عالیہ بھٹ اور رنبیر کپور کی شادی کب ہوگی؟ تاریخ سامنے آگئی

    ممبئی: بھارتی میڈیا نے دعویٰ کیا ہے کہ بالی ووڈ اداکارہ عالیہ بھٹ اور  اُن کے ساتھی رنبیر کپور دو برس بعد ازدواجی بندھن میں بندھ جائیں گے۔

    بھارتی میڈیا کے مطابق عالیہ بھٹ اور رنبیر کے مابین گہری دوستی تھی جو محبت میں تبدیل ہوچکی اور اب دونوں نے شادی کرنے کا فیصلہ کرلیا، ذرائع کا دعویٰ ہے کہ دونوں اداکاروں نے اپنے گھر والوں کو راضی بھی کرلیا جنہوں نے 2020 تک شادی کرنے کا فیصلہ کیا۔

    ذرائع ابلاغ میں اس سے قبل یہ افواہیں گردش تھیں کہ عالیہ اور رنبیر کے مابین محبت کا رشتہ ہے اور دونوں ایک دوسرے کے خفیہ ملاقاتیں بھی کرتے ہیں جن کی کئی بار تصاویر منظر عام پر بھی آچکیں۔

    مزید پڑھیں: ادھیڑ عمر بالی ووڈ اداکار کی نوجوان لڑکی سے شادی

    گزشتہ دنوں چاکلیٹی ہیرو نے ایک نجی تقریب میں شرکت کی جس میں انہوں نے بتایا کہ ’کچھ نیا ہونے جارہا ہے کیونکہ اب ہمارا رشتہ اگلے مرحلے میں داخل ہوچکا‘۔

    رنبیر نے یہ بات کس تناظر میں کہی اس حوالے سے مزید کوئی اطلاع سامنے نہیں آسکی البتہ اُن کے قریبی حلقہ احباب اور دوستوں کا ماننا ہے کہ اداکار  کا اشارہ عالیہ بھٹ کی طرف یہ تھا۔

    دوسری جانب گزشتہ برس نجی ٹی وی شو میں بالی ووڈ اداکارہ بھی محبت کا اظہار کرچکی ہیں اور انہوں نے یہ بات کہی تھی کہ ہماری دوستی ہے اور میں رنبیر کی دیوانی ہوں۔

    اسے بھی پڑھیں: بالی ووڈ شادیوں کا سیزن، ایک ہفتے میں تیسری شادی

    واضح رہے کہ عالیہ اور رنبیر  کے درمیان قربتوں کا سلسلہ نئی آنے وال فلم ’براہمسترا‘ کی شوٹنگ پر بلغاریہ میں شروع ہوا، اس فلم میں امتابھ بچن مین کام کررہے ہیں، اسے 15 اگست 2019 کو سینیما گھروں میں نمائش کے لیے پیش کیا جائے گا۔

    خیال رہے کہ گزشتہ برس بالی ووڈ اداکارہ انوشکا شرما اور ویرات کوہلی نے شادی کی تھی جس کے بعد ایک ہفتے کے دوران سونم کپور، میوزک ڈائریکٹر ہمیش ریشمیا، اداکارہ نہیا دھوپیا نے بھی شادی کی تھی۔

    یہ بھی پڑھیں: پاکستانی فنکاروں کی حمایت، عالیہ بھٹ اور اُن کے والد کو قتل کی دھمکیاں

    دوسری جانب بالی ووڈ کی معروف اداکارہ دپیکا اور اداکار رنویر سنگھ کی شادی کی تاریخ سامنے آگئی جس کے مطابق دونوں اداکار رواں سال نومبر میں شادی کرلیں گے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • کیا ”سنجو“ کے بعد اب رنبیر کپور ”منا بھائی“ بنیں گے؟

    کیا ”سنجو“ کے بعد اب رنبیر کپور ”منا بھائی“ بنیں گے؟

    ممبئی: سنجے دت بننے کے بعد رنبیر کپور نے ”منا بھائی“ کا روپ دھار لیا، ویڈیو انٹرنیٹ پر وائر ہوگئی۔

    تفصیلات کے مطابق رنبیر کپور کی نئی ویڈیو منظر عام پر آئی ہے، جس میں وہ منو بھائی کے روپ میں جلوہ گر ہوئے ہیں اور شان دار فارمینس کے لیے ان پر داد کے ڈونگرے برس رہے ہیں۔

    یہ کوئی فلم نہیں، بلکہ رنبیر کپور کی اگلی ریلیز سنجو ہی کا ایک ٹکڑا ہے، جسے ٹیزر کے طور پر ریلیز کیا گیا ہے۔ فلم 29 جون کو منظر عام پر آئے گی۔

    یاد رہے کہ ممتاز ہدایت کار راج کمار ہیرانی کی اس فلم میں رنبیر کپور معروف اداکار سنجے دت کا کردار نبھا رہے ہیں۔

    ایک جانب جہاں فلم میں سنجے دت کی زندگی کے کئی ادوار کا احاطہ کیا گیا ہے، وہیں اداکار کی فلموں کے مشہور سین بھی شامل ہیں۔

    تازہ ٹریلر منا بھائی کے ایک مشہور سین پر مبنی ہے، جس میں ہمیں رنبیر کپور سنجے دت کے روپ میں نظر آرہے ہیں۔

    یاد رہے کہ فلم منا بھائی کے ڈائریکٹر بھی راج کمار ہیرانی ہی تھے، جنھوں نے انڈسٹری کو تھری ایڈیٹس اور پی کے جیسی لازوال فلمیں دی۔

    توقع کی جارہی ہے کہ یہ فلم بلاک بسٹر ثابت ہوگی اور رنبیر کپور کے کیریر کو ٹریک پر لانے میں معاون ہوگی۔

    فلم سنجو کا ٹریلر آتے ہی چھا گیا۔۔۔ ویڈیو دیکھیں

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

     

  • فلم ’سنجو‘ میں انوشکا شرما کا منفرد روپ

    فلم ’سنجو‘ میں انوشکا شرما کا منفرد روپ

    ممبئی: معروف بالی ووڈ اداکار سنجے دت کی زندگی پر مبنی فلم ’سنجو‘ کا ایک اور پوسٹر جاری کردیا گیا جس میں انوشکا شرما نہایت مختلف اور منفرد روپ میں نظر آرہی ہیں۔

    فلم سنجو کے ہدایت کار راج کمار ہیرانی کی جانب سے جاری کردہ پوسٹر میں یہ نہیں بتایا گیا کہ انوشکا شرما کس کا کردار نبھائیں گی تاہم ان کا کردار مختصر ہوگا۔

    سنجے دت کی زندگی پر بننے والی فلم میں رنبیر کپور مرکزی کردار ادا کر رہے ہیں جن کا گیٹ اپ سنجے دت سے اس قدر مماثلت رکھتا ہے کہ لوگوں کے لیے فرق کرنا مشکل ہے کہ اصل سنجے دت کون سا ہے۔

    فلم کے ہدایت کار کے مطابق فلم کا ٹریلر آج ریلیز کیا جائے گا۔ اس سے قبل فلم کا ٹیزر ٹریلر ریلیز کیا گیا تھا جس نے آتے ہی مقبولیت کے ریکارڈ قائم کردیے تھے۔

    فلم کی دیگر کاسٹ میں پاریش راول، منیشا کوئرالا، سونم کپور اور دیا مرزا شامل ہیں۔ فلم رواں برس 29 جون کو سنیما گھروں میں نمائش کے لیے پیش کی جائے گی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • انتظار ختم، سنجے دت کی زندگی پر فلم 29 جون 2018 کو ریلیز ہوگی

    انتظار ختم، سنجے دت کی زندگی پر فلم 29 جون 2018 کو ریلیز ہوگی

    ممبئی: سنجے دت کے مداحوں‌ کا انتظار ختم ہوا، ان کی زندگی پر مبنی فلم ’سنجے دت بائیو پک‘ 29 جون 2018 کو ریلیز کی جائے گی۔

    تفصیلات کے مطابق معروف ہدایت کار راج کمار ہیرانی کی اس فلم میں‌ رنبیر کپور سنجے دت کا کردار نبھا رہے ہیں. فلم میں‌ سنجے دت کی زندگی کے مختلف واقعات اور ادوار کا احاطہ کیا گیا ہے۔

    یہ بھی پڑھیں: رنبیر کپور، سنجے دت کے روپ میں کیسے لگ رہے ہیں؟

    فلم میں‌ وکی کوشل، منیشاکوئرالا، دیا مرزا اور سونم کپور بھی اداکاری کے جوہر دکھائیں‌ گے. ہدایت کار راج کمار ہیرانی کو یقین ہے کہ سنجے دت بائیوپک 2018 کی سب سے کامیاب فلم ثابت ہوگی۔

    یاد رہے، ابتدا میں یہ خیال کیا جارہا تھا کہ مذکورہ فلم اسی سال 30 مارچ کو ریلیز کی جائے گی، لیکن تمام قیاس آرائیاں اس وقت دم توڑ گئیں، جب انتظامیہ نے ریلیز کیلئے حتمی تاریخ 29 جون 2018 کا اعلان کیا۔

    فلم کی شوٹنگ مخلف مملک میں کی گئی۔ جنوبی افریقہ کے دارالحکومت کیپ ٹاؤن میں شوٹنگ کے دوران اداکاروں نے ہدایت کار و دیگر لوگوں کے ساتھ تصویریں بھی بنوائیں۔ واضح رہے کہ منیشا کوئرالا فلم میں‌ سنجے دت کے کی والدہ نرگس کا کردار نبھا رہی ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ماہرہ کی کردار کشی اس لیے کی جارہی ہے کیونکہ وہ ایک عورت ہے: رنبیر

    ماہرہ کی کردار کشی اس لیے کی جارہی ہے کیونکہ وہ ایک عورت ہے: رنبیر

    پاکستانی اداکارہ ماہرہ خان کی بھارتی اداکار رنبیر کپور کے ساتھ متنازعہ تصاویر آج کل سوشل میڈیا پر موضوع بحث بن چکی ہیں اور اس بارے میں ماہرہ نے کوئی ردعمل ظاہر نہ کیا، تاہم رنبیر کپور نے ناقدین کی ٹھیک ٹھاک کلاس لے ڈالی۔

    ایک بھارتی اخبار کی جانب سے اس معاملے پر پوچھے گئے سوال پر رنبیر کپور نے اس معاملے پر مضبوط مؤقف اپنایا اور لوگوں کو دوسروں کی زندگیوں میں دخل دینے سے پرہیز کی ہدایت کی۔

    اپنے بیان میں رنبیر کا کہنا تھا، ’میں گزشتہ کچھ ماہ سے ماہرہ خان کو ذاتی طور پر جانتا ہوں۔ وہ ایک ایسی خاتون ہیں جن کا میں مداح ہوں اور ان کی عزت کرتا ہوں، نہ صرف ان کی کامیابیوں کی وجہ سے بلکہ ان کی ذاتی شخصیت کی وجہ سے بھی‘۔

    انہوں نے کہ جس طرح سے ماہرہ خان کے کردار کے بارے میں باتیں کی جارہی ہیں وہ نہایت ہی غلط ہے۔ ’اور اس سے بھی زیادہ دکھ کی بات یہ ہے کہ صنفی امتیاز پر مبنی اس کردار کشی کی وجہ صرف یہ ہے کہ کیونکہ ماہرہ ایک عورت ہے‘۔

    رنبیر کا مزید کہنا تھا کہ میری لوگوں سے اپیل ہے کہ وہ نفرت انگیز گفتگو کرنا بند کریں اور اپنی اس زندگی، سکون اور محبت کی طرف توجہ کریں جو خدا نے انہیں تحفتاً دی ہے۔

    آخر میں رنبیر نے کہا، ’سگریٹ نوشی اور نفرت دونوں ہی صحت کے لیے مضر ہیں‘۔

    مزید پڑھیں: ماہرہ خان اور رنبیر کپور کی تصاویر سوشل میڈیا پر وائرل

    یاد رہے کہ ایک روز قبل سامنے آنے والی تصاویر میں ماہرہ خان نہایت مختصر لباس میں ملبوس تھیں جبکہ وہ رنبیر کپور کے ساتھ سگریٹ نوشی کرتی بھی دکھائی دے رہی تھیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • رنبیر کپور، سنجے دت کے روپ میں کیسے لگ رہے ہیں؟

    رنبیر کپور، سنجے دت کے روپ میں کیسے لگ رہے ہیں؟

    ممبئی: بالی ووڈ اداکار رنبیر کپور جو سنجے دت کی زندگی پر بننے والی فلم میں کام کر رہے ہیں،ان کی حال ہی میں منظر عام پر آنے والی کچھ تصاویر نے سب کو چونکا دیا ہے جن میں وہ بالکل سنجے دت کی طرح نظر آرہے ہیں۔

    سنجے دت کی زندگی پر بننے والی فلم ’دت‘ راج کمار ہیرانی کی ہدایت کاری میں بن رہی ہے جو اس سے قبل تھری ایڈیٹس، پی کے، اور منا بھائی جیسی فلمیں بنا چکے ہیں۔

    فلم میں سنجے دت کا کردار رنبیر کپور ادا کر رہے ہیں، اور حال ہی میں منظر عام پر آنے والی ان کی ایک اور جھلک نے ان کے مداحوں کو چونکا کر رکھ دیا ہے۔

    رنبیر کپور نے بالی ووڈ میں قدم رکھنے کے بعد متعدد فلموں میں مخصوص کردار ادا کیے تھے جن میں وہ عموماً وہ ایک نٹ کھٹ اور نوعمر لڑکے کے روپ میں نظر آتے تھے۔

    تاہم اب آہستہ آہستہ ان کی اداکاری میں نکھار آرہا ہے اور وہ سنجیدہ کردار بھی ادا کر رہے ہیں جس کی ایک مثال فلم دت میں سنجے دت کا کردار ہے۔

    یاد رہے کہ اس سے پہلے بھی فلم کی شوٹنگ کی کچھ تصاویر منظر عام پر آئی تھیں جن میں رنبیر نے بالوں کو بڑھا کر سنجے دت کی نوجوانی کا بہروپ دھارا ہوا تھا۔

    مزید پڑھیں: سنجے دت کی سوانح حیات میں‌ رنبیر کپور کی پہلی جھلک

    اب موجودہ تصاویر میں وہ سنجے دت کی درمیانی عمر کا حلیہ اپنائے ہوئے ہیں۔

    اس سے قبل ایک انٹرویو میں رنبیر کے فٹنس ٹرینر کنال نے بتایا تھا کہ اس کردار کے لیے رنبیر نے اپنا وزن بھی کافی بڑھا لیا ہے۔ انہوں نے اپنے مسلز بھی بنائے ہیں جس کے لیے وہ سخت محنت کر رہے ہیں۔

    انہوں نے بتایا کہ ورزش کے لیے رنبیر کپور صبح 3 بجے اٹھتے ہیں۔

    فلم دت میں سنجے دت کے والد سنیل دت کا کردار پاریش راول ادا کر رہے ہیں۔ فلم کی عکس بندی کا آغاز رواں سال جنوری سے کیا گیا تھا۔