Tag: رنویر الہ بادیہ

رنویر الہ بادیہ بالآخر پولیس کو مل گئے، بھارتی یوٹیوبر خود پولیس اسٹیشن پہنچے جہاں ان سے پولیس نے 5 گھنٹے طویل پوچھ گوچھ کی۔

پیر کے روز بھارتی یوٹیوبر مہاراشٹر سائبر سیل کے ہیڈکوارٹر پہنچے، یوٹیوب شو ’انڈیاز گاٹ لیٹنٹ‘ میں ان کے ریمارکس کے تنازعہ کے بعد وہ پہلے بار عوامی مقام پر آئے، رنویر کے علاوہ یوٹیوبر آشیش چنچلانی کو بھی مہاراشٹر سائبر سیل ہیڈکوارٹر میں دیکھا گیا۔

خبر رساں ایجنسی نے مہاراشٹر سائبر سیل کے حوالے سے بتایا کہ آشیش چنچلانی اور رنویر الہ بادیا نے مہاراشٹر سائبر سیل کے حکام سے خود رابطہ کیا تھا۔

دونوں نے حکام کو بتایا کہ وہ اپنے بیانات ریکارڈ کرانا چاہتے ہیں، مہاراشٹر سائبر سیل نے ان دونوں کو آج اپنے بیانات ریکارڈ کرنے کے لیے سمن بھیجا۔

میڈیا کی توجہ سے بچنے کے لیے رنویر نے چہرے پر سیاہ ماسک لگایا ہوا تھا، انھیں شام 5 بجے کے قریب ہیڈ کوارٹر سے نکلتے ہوئے دیکھا گیا۔ وہ ایک پرائیویٹ کار میں سوار ہوکر وہاں سے واپس گئے۔

ایک اہلکار نے بتایا کہ مہاراشٹر سائبر کے حکام نے رنویر الہ بادیہ اور آشیش چنچلانی سے تقریباً پانچ گھنٹے تک پوچھ گچھ کی۔ دونوں ممبئی میں سائبر ہیڈکوارٹر میں الگ الگ حاضر ہوئے۔

رنویر ا اور آشیش صبح 11.30 بجے کے قریب سائبر ہیڈ کوارٹر میں داخل ہوئے تھے جس کے بعد ان کے بیانات ریکارڈ کیے گئے۔

https://urdu.arynews.tv/ranveer-says-getting-death-threats-police-couldnt-trace-him/

بھارت کے متنازع شو ’انڈیاز گاٹ لیٹنٹ‘ میں فحش مذاق کرنے کے بعد رنویر الہ بادیہ نے امیدوار کو کیا کہا؟ وہاں موجود شائق نے بتادیا۔

سمے رائنا کے مشہور کامیڈی شو میں موجود ایک کانٹینٹ کریٹر نے دعویٰ کیا کہ ’انڈیاز گاٹ لیٹنٹ‘ میں بھارتی یوٹیوب رنویر الہ بادیا نے والدین کے حوالے سے فحش مذاق کرنے کے بعد فوری طور پر امیدوار سے معافی مانگ لی تھی۔

موہت خوبانی نامی سامعین نے دعویٰ کیا کہ رنویر جو اس قسط کے ججوں میں سے ایک تھے انھوں نے اپنے بہیودہ تبصرے کے فوراً بعد معافی مانگ لی کہ امیدوار اس مذاق پر افسردہ تو نہیں۔

وائرل ہونے والی انسٹاگرام ویڈیو میں موہت خوبانی نے بتایا کہ ’شو میں شریک امیدوار آیا، رنویر نے مذاق کیا، اس کے فوراً بعد رنویر نے تین سے چار بار معذرت کرتے ہوئے پوچھا، امید ہے کہ آپ کو برا نہیں لگا۔

خیال رہے کہ بھارتی سپریم کورٹ نے یوٹیوبر اور پوڈ کاسٹر رنویر الہ بادیہ اور مزاحیہ اداکار سمے رائنا کے شوز کو تاحکم ثانی بند کرنے کا فیصلہ سنا دیا ہے۔

بھارتی میڈیا رپورٹ کے مطابق سپریم کورٹ نے پوڈ کاسٹر رنویر الہ ابادیہ کو مزاحیہ اداکار سمے رائنا کے ’انڈیاز گوٹ لیٹنٹ‘ شو میں ایک بیہودہ مذاق پر متعدد ایف آئی آر کے سلسلے میں گرفتاری سے روک دیا تاہم ان کے شوز کو تاحکم ثانی بند کرنے کا فیصلہ دیدیا۔

سپریم کورٹ نے رنویر الہ آبادیہ کی سخت سرزنش بھی کی اور حکم دیا کہ وہ پیشگی اجازت کے بغیر ملک سے باہر نہ جائیں جبکہ انہیں اپنے پاسپورٹس ممبئی تھانے میں جمع کروانے کا حکم بھی دیا ہے۔

ان دنوں بھارت میں زیرعتاب آئے ہوئے یوٹیوبر رنویر الہ بادیہ نے انسٹاگرام پر نیا پیغام شیئر کیا جس میں بتایا کہ انھیں قتل کی دھمکیاں مل رہی ہیں۔

ممبئی پولیس اس وقت ان کا پتہ نہیں لگا پارہی کیونکہ ان کا فون بند ہے اور وہ نامعلوم مقام پر موجود ہیں، انڈیاز گوٹ لیٹنٹ کا تنازع سامنے آنے کے بعد پوڈ کاسٹر نے انکشاف کیا کہ انھیں جان سے مارنے کی دھمکیاں مل رہی ہیں اور وہ پولیس کے ساتھ تعاون کر رہے ہیں۔

رنویر الہ بادیہ نے انسٹاگرام پر اپنے پیغام میں کہا کہ ’میں اور میری ٹیم پولیس اور دیگر تمام حکام کے ساتھ تعاون کر رہے ہیں۔ میں تمام ایجنسیوں کے لیے دستیاب ہوں، والدین کے بارے میں میرا تبصرہ غیرحساس اور شرمندہ کردینے والا تھا، میں اس پر معذرت خواہ ہوں۔

انھوں نے کہا کہ میں کہیں بھاگ نہیں رہا، میں دیکھ رہا ہوں کہ لوگوں کی طرف سے مجھے موت کی دھمکیاں مل رہی ہیں کہ وہ مجھے مارنا چاہتے ہیں اور میرے خاندان کو نقصان پہنچانا چاہتے ہیں۔

رنویر الہ بادیہ نے کہا کہ لوگ میری والدہ کے کلینک میں بھی آرہے، میں خوفزدہ محسوس کر رہا ہوں اور مجھے نہیں معلوم کہ کیا کروں لیکن میں بھاگنے والا نہیں ہوں، مجھے بھارت کی پولیس اور عدالتی نظام پر پورا بھروسہ ہے۔

View this post on Instagram

A post shared by Ranveer Allahbadia (@beerbiceps)

خیال رہے کہ معروف بھارتی یوٹیوب کامیڈین سمے رائنا نے اپنے یوٹیوب شو ’انڈیاز گاٹ لیٹنٹ‘ میں ہونے والے تنازع کے بعد تمام ویڈیوز ڈیلیٹ کردی تھیں۔

سوشل میڈیا پر اُس وقت ہنگامہ برپا ہوا جب رنویر الہ بادیہ نے والدین سے متعلق ایک توہین آمیز سوال کیا، اس سوال کے بعد سے سمے اور رنویر کو شدید تنقید کا سامنا کرنا پڑ رہا ہے۔

رنویر الہ بادیہ نے اپنے کیے پر معافی بھی مانگی ہے، تاہم شو میں جب رنویر نے یہ سوال کیا تھا تو نہ صرف سامعین بلکہ شریک ججز سمے رائنا، آشیش چنچلانی اور اپوروا مکھیجا بھی حیران رہ گئے تھے۔

یوٹیوب پر بہت زیادہ دیکھا جانے والا شو ’انڈیاز گاٹ لیٹنٹ‘ کی 14 ویڈیوز چینل پر موجود تھیں، اور ہر ویڈیو پر ملینز کے حساب سے ویوز تھے جو مجموعی طور پر 200 ملین سے بھی زیاد بنتے تھے۔

تاپم سمے نے دباؤ میں آکر اب تمام ویڈیوز کو یوٹیوب سے ہٹا دیا ہے، ’انڈیاز گاٹ لیٹنٹ‘ کی ویڈیوز کو سرچ کیا جائے تو ان کے چینل کی کوئی بھی ویڈیو اب نظر نہیں آرہی۔