ایئرپورٹ کے رن وے پر کوئی معمولی رکاوٹ بھی نہیں ہوتی مگر ایک امریکی ہوائی اڈے کے رن سے پر 2 قبریں بنی ہوئی ہیں۔
امریکی ریاست جارجیا کے سوانا/ ہلٹن ہیڈ ایئرپورٹ کے رن وے پر 2 قبریں بنی ہوئی ہیں جو وہاں آنے اور جانے والے مسافروں کو حیران کر دیتی ہیں۔
غیر ملکی میڈیا کے مطابق رن وے 10 اور 28 کے کنارے پر واقع یہ قبریں ایک شادی شدہ جوڑے کیتھرین اور رچرڈ ڈاٹسن کی ہیں۔ یہ جوڑا رن وے کے نیچے مدفون ہے اور ایسا کیوں ہوا؟ اس کی ایک علیحدہ دلچسپ کہانی ہے۔
رپورٹ کے مطابق سوانا/ ہلٹن ہیڈ ایئرپورٹ 1960 میں بنایا گیا تھا۔ تاہم یہ قبریں ایئرپورٹ کے قیام سے تقریباً ایک صدی قبل کی ہیں۔
آج جہاں سے ہوائی جہاز اڑتے دکھائی دیتے ہیں وہ زمین دو صدی قبل ڈاٹسن کی ملکیت ہوتی تھی۔ یہ 1797 میں پیدا ہوئے تھے اور نصف صدی خوشگوار ازدواجی زندگی گزاری۔
کیتھرین کا انتقال 1877 جب کہ ڈاٹسن نے 1884 میں یہ دنیا چھوڑی۔ خاندانی رسم و رواج کے مطابق، جوڑے کو چیروکی ہل پر ان کی زمین پر ایک دوسرے کے ساتھ دفن کیا گیا تھا جہاں اب لوگوں کو ایک مصروف ایئرپورٹ دکھائی دیتا ہے۔
امریکی حکومت نے جب اس ایئرپورٹ کی توسیع کا منصوبہ بنایا تو مذکورہ علاقہ بھی اس میں شامل تھے۔ تاہم اس موقع پر آنجہانی جوڑے کے پوتے پوتیاں آڑے آ گئے اور قبروں کو ختم کرننے نہ دیا۔
اس وقت کی امریکی حکومت نے بالآخر مجبور ہوکر رن وے کو قبروں کے اوپر ہی ایسے تیار کیا کہ جوڑے کی قبروں کے آثار پر قبروں کے پختہ نشانات بنا دیے۔
