اسلام آباد: رواں مالی سال کے آٹھ ماہ میں پاکستان نے 6 ارب سڑسٹھ کروڑ اسی لاکھ ڈالر بیرونی قرض حاصل کیا۔
تفصیلات کے مطابق اقتصادی امور ڈویژن نے رواں مالی سال کے 8ماہ میں بیرونی قرض کی تفصیلات جاری کردیں ، جس میں بتایا گیا کہ رواں مالی سال 6 ارب 67کروڑ 80 لاکھ ڈالر بیرونی قرض حاصل ہوا۔
اقتصادی امور ڈویژن کا کہنا تھا کہ رواں مالی سال 17 ارب 38 کروڑ ڈالر سے زائدبیرونی قرضوں کاتخمینہ لگایا، پاکستان کو بجٹ تخمینے سے کم قرض اب تک موصول ہوا ہے۔
اقتصادی امور ڈویژن نے بتایا کہ جولائی تافروری84کروڑ80لاکھ ڈالر دو طرفہ قرض موصول ہوا، جس میں سعودی عرب نے59 کروڑ 51 لاکھ ڈالرتیل کی سہولت کیلئے فراہم کئے۔
اس کے علاوہ چین نے پاکستان کو 6 کروڑ 73 لاکھ ڈالر سے زائد کا قرض دیا، نیا پاکستان سرٹیفکیٹ سے68 کروڑ 68 لاکھ ڈالر سے زائد حاصل کئے اور 2 ارب ڈالر ٹائم ڈیپازٹ کے تحت پاکستان کو موصول ہوئے۔