Tag: روجھان

روجھان: پولیس نے ہنی ٹریپ کے ذریعے 6 افراد کو اغوا ہونے سے بچالیا، ڈاکوؤں نے آن لائن سامان کی خریداری کا جھانسہ دے کر کچے میں بلایا تھا۔

تفصیلات کے مطابق روجھان میں تھانہ گوٹھ مزاری اور تھانہ شاہوالی پولیس نے بروقت کارروائی کرتے ہوئے ہنی ٹریپ کے ذریعے 6 افراد کو اغوا ہونے سے بچالیا۔

ڈی پی او فاروق امجد نے بتایا کہ ڈاکوؤں نے 5 افراد کو آن لائن سامان کی خریداری کا جھانسہ دے کر کچے میں بلایا تھا، پانچوں افراد کا تعلق لاہور سے ہے اور آن لائن کاسمیٹکس کا کام کرتے ہیں۔

فاروق امجد کا کہنا تھا کہ تھانہ شاہوالی کی حدود میں ایک شہری کو شادی کا جھانسہ دے کر بلایا گیا تھا، ڈاکو شہریوں کو سستی اشیا کا جھانسہ دے کر اغوا کرتے ہیں۔

ڈی پی او نے عوام سے گزارش کی ایسے جرائم پیشہ عناصر کے جھانسے میں نہ آئیں۔

روجہان : جنوبی پنجاب کے ضلع روجھان میں نامعلوم خاتون کے اندھے قتل کا معمہ پولیس نے حل کردیا، دریا بُرد کی جانیوالی خاتون کا شوہر ہی قاتل نکلا۔۔ پولیس نے ایک ملزم کو گرفتار کرلی۔

تفصیلات کے مطابق پنجاب کی آخری تحصیل روجھان میں ہوا کی بیٹیاں جہاں تعلیمی حق سے محروم ہیں وہاں فرسودہ رسم رواج کی بھینٹ چڑھانا معمول بن چکا ہے۔

تھانہ عمرکوٹ کی حدود میں ایسا ہی معاملہ سامنے آیا، جہاں 25 سالہ خاتون رابعہ احسن کو اپنوں نے ہی بے دردی سے موت کے گھاٹ اتار دیا۔

ایس ایچ او تھانہ عمر کوٹ شاہد خواجہ نے بتایا کہ شوہر اور سسرالیوں نے مل کر مقتول رابعہ کو زندہ دریائے سندھ کی موجوں کی نظر کر دیا۔

ان کا کہنا تھا کہ دریائے سندھ سے ملنے والی خاتوں کی لاش اور اندھے قتل کا سراغ لگانا پولیس کےلیے چیلنج بن گیا، مگر پولیس نے جدید ٹیکنالوجی اور ڈی این اے کی مدد سے اندھے قتل کی گتھی سلجھا دی۔

مقتولہ کی شناخت سمیت ملزمان کو بھی ٹھونڈ نکالا، مقتولہ رابعہ کو بے دردی سے قتل کرنے میں ملوث ہیں، اسکے شوہر اور سسرالیوں کو کیفر کردار تک پہنچانے کےلیے پولیس کی مذید کارروائی جاری ہے۔

روجھان : کچے میں 55 ڈاکوؤں نے پولیس کے سامنے ہتھیار ڈال دیئے، ہتھیار ڈالنےوالوں کاتعلق بنوں اورفیاض دولانی گینگ سے ہے۔

تفصیلات کے مطابق روجھان کے کچے میں ڈاکوؤں کے خلاف گرینڈ آپریشن میں پچپن ڈاکوؤں نے ہتھیار ڈال دیے۔

ڈی پی او دوست محمد کا کہنا ہے ہتھیار ڈالنے والوں کا تعلق بنوں اور فیاض دولانی گینگ سے ہے، آپریشن کے دوران ڈاکوؤں کی متعدد پناہ گاہوں کو تباہ کردیا۔

دوست محمد نے بتایا کہ ہتھیار ڈالنے والے افراد ڈکیتی، قتل، اغوا برائے تاوان کیسز میں مطلوب تھے۔

دوسری جانب کندھ کوٹ کے تھانہ تنگوانی، جمال اور شبیر آباد کی حدود میں پولیس اور رینجرز کا آپریشن ساتویں روز بھی جاری ہے۔

استاد کے قتل کی سہولتکاری کے الزام میں چونتیس ملزمان گرفتار ہیں، اکیس افراد کے خلاف پولیس مقابلے کا مقدمہ درج کیا گیا ہے۔

دوران آپریشن مزید سات مشتبہ افراد کو بھی حراست میں لیا گیا اور ملزمان کے گھروں سے تین موٹرسائیکل برآمد کی گئیں۔

آپریشن میں بکتر بند گاڑیوں جدید مشنری سے لیس رینجرز کے جوان حصہ لے رہے ہیں۔

روجھان: سونمیانی میں بھتہ نہ دینے پر ڈاکوؤں نے گھر پر حملہ کردیا فائرنگ سے انٹر کاطالبعلم جاں بحق ہوگیا۔

تفصیلات کے مطابق صوبہ پنجاب کی تحصیل روجھان کے علاقے سونمیانی میں بھتہ نہ دینے پر ڈاکوؤں نے گھر پر حملہ کردیا، ڈاکوؤں اور اہل علاقہ کے درمیان شدید فائرنگ ہوئی، فائرنگ کے تبادلے میں ایک نوجوان جاں بحق جبکہ ایک ڈاکو بھی مارا گیا۔

روجھان پولیس کا کہنا ہے کہ دیگر ملزمان فرار ہوگئے جبکہ جاں بحق نوجوان کی شناخت ہارون کے نام سے ہوئی جو انٹر کا طالب علم تھا۔

دوسری جانب اہل علاقہ کی اطلاع کے بعد پولیس کی بھاری نفری موقع پر پہنچ گئی اور تحقیقات شروع کردی۔