Tag: روسی صدر

روس کے صدر ولادیمیر پیوٹن کے پاس ایک ایسا خصوصی ہوائی جہاز بھی ہے جس کے بارے میں کہا جاتا ہے کہ ایٹم بم بھی اس کا کچھ بگاڑ نہیں سکتا۔

غیر ملکی میڈیا یاہو نیوز کے مطابق روسی صدر ولادیمیر پیوٹن کے پاس ’’ڈومزڈے پلین‘‘ نامی ایک خصوصی جہاز ہے۔ اس جہاز میں دیگر جہازوں کی طرح کوئی کھڑکی نہیں ہے اور دعویٰ کیا جا رہا ہے کہ اس جہاز کا ایٹم بم بھی کچھ نہیں بگاڑ سکتا اور اس کو ایٹمی جنگ جیسے بدترین حالات میں بھی استعمال کیا جا سکتا ہے۔

رپورٹ کے مطابق یہ جہاز جس کو ‘‘فلائنگ کریملن‘‘ یا ’’میکسڈو‘‘ کے نام سے بھی جانا جاتا ہے۔ روسی صدر اس کا اس وقت استعمال کر سکتے ہیں جب ممکنہ ایٹمی حملے میں بالفرض سب کچھ تباہ ہو جائے گا۔یہ خصوصی طیارہ ایک ایئر بورن کمانڈ سینٹر کے طور پر کام کرے گا۔

اس جہاز ایلیوشِن آئی آئی 80- میکسڈوم کو یہ نام اس لیے دیا گیا ہے کہ یہ بدترین حالات میں صدر پوتن اور دیگر روسی حکام کو ممکنہ طور پر محفوظ رکھنے کی صلاحیت کا حامل ہے۔

اس جہاز میں دیگر جہازوں کی طرح کھڑکیاں نہیں ہیں۔ اس کی وجہ امریکی ایئر فورس کے سابق انٹیلی جنس افسر کرنل سیڈرک لیٹن نے یہ بیان کی ہے کہ اس کی وجہ یہ ہے کہ ایٹمی دھماکے کی صورت میں ان کے ٹوٹنے کا امکان تک نہ ہو۔

اس جہاز کے اوپر ایک خصوصی ڈوم بھی ہے جس کی مدد سے روسی ’ہر طرح کے حالات میں‘ اپنے مواصلاتی روابط کو بحال رکھنے کے قابل ہوں گے۔

اس جہاز کی ایک خاص بات یہ بھی ہے کہ اسے فضا میں ایندھن بھی فراہم کیا جا سکتا ہے، اور اسی خاصیت کی وجہ سے یہ بہت طویل دورانیے تک زمین سے دور رہنے کی صلاحیت رکھتا ہے۔

تاہم یہ بات بھی دلچسپی سے خالی نہیں کہ روس دنیا کا واحد ملک نہیں کہ جس کے پاس اس قسم کا جہاز ہے بلکہ اس کے روایتی حریف امریکا کے پاس بھی ایک دو نہیں بلکہ چار ڈومزڈے جہازوں پر مشتمل بیڑا ہے۔

روسی صدر ولادیمیر پیوٹن کے قافلے میں شامل ایک لگژری گاڑی میں دھماکا ہوا ویڈیو میں کار سے آگے کے شعلے بلند ہوتے دیکھے جا سکتے ہیں۔

غیر ملکی میڈیا کے مطابق روسی صدر ولادیمیر پیوٹن کے قافلے میں شامل ایک لگژری لیموزین کار میں زور دار دھماکا ہوا جس کے بعد گاڑی میں آگ بھڑک اٹھی اور بلند شعلوں نے خوف وہراس پھیلا دیا۔

یہ دھماکا روسی خفیہ ایجنسی ایف ایس بی کے ہیڈ کوارٹر کے قریب ہوا۔ دھماکے بعد سیکیورٹی ادارے الرٹ ہوگئے ہیں۔

دی سن کی رپورٹ کے مطابق وسطی ماسکو میں ولادیمیر پوتن کے قافلے کی ایک لگژری لیموزین میں دھماکا ہوا۔ تاہم ابھی تک یہ واضح نہیں ہے کہ یہ کسی سازش کا حصہ ہے یا گاڑی میں کسی خرابی کی وجہ سے آگ لگی۔

لگژری کار لیموزین کو آگ لگنے کی ویڈیو بھی منظر عام پر آئی ہے جس میں کار سے آگ کے شعلے بلند ہوتے نظر آرہے ہیں۔

بتایا جا رہا ہے کہ یہ گاڑی صدر کے پراپرٹی ڈپارٹمنٹ کے زیر انتظام ہے، جو صدر کی ٹرانسپورٹ کو سنبھالتا ہے۔ ابھی تک یہ واضح نہیں ہوسکا ہے کہ واقعے کے وقت کار کے اندر کون تھا۔

کار میں آگ لگنے کی ویڈیو بھی وائرل ہوئی جس میں ریسکیو اداروں کے کارکنوں کو آگ بجھانے میں مدد کرتے ہوئے دیکھا جا سکتا ہے، جس کے بارے میں خیال کیا جاتا ہے کہ یہ کار کے انجن بے ایریا سے شروع ہوئی اور اس کے اندرونی حصوں تک پھیل گئی۔

لیموزین کار روسی صدر کی پسندیدہ لگژری کار ہے۔ اسے اکثر ان کو استعمال کرتے دیکھا گیا ہے۔ صرف یہی نہیں بلکہ انہوں نے یہ کار اپنے دوستوں کو بھی تحفے میں دی ہے۔

پیوٹن نے یہ کار شمالی کوریا کے رہنما کم جونگ ان کو بھی تحفے میں دی تھی۔

واضح رہے کہ یہ دھماکا ایک ایسے وقت میں ہوا جب حال ہی میں روسی صدر کے حریف یوکرینی ہم منصب زیلینسکی نے پیوٹن کی جلد ‘موت کی پیشن گوئی’ کی تھی۔

یوکرین کے صدر زیلنسکی نے دعویٰ کیا تھا کہ روسی صدر پوتن کی طبیعت خراب ہو رہی ہے اور وہ جلد انتقال کر جائیں گے اور پیوٹن کی موت کے بعد یہ جنگ جلد ختم ہو جائے گی۔

زیلنسکی کے اس بیان کے بعد پیوٹن پر کریملن کے اندر سے ہی حملے کا خطرہ بڑھنے کا خدشہ ظاہر کیا جا چکا ہے۔

https://urdu.arynews.tv/zelensky-predicts-putin-will-die-soon/

امریکی صدر ڈونلڈ ٹرمپ نے کہا ہے کہ روسی صدر سے یوکرین امن معاہدے پر مثبت گفتگو ہوئی ہے۔

غیر ملکی میڈیا رپورٹ کے مطابق روس کے روسی صدر ولادیمیر پیوٹن اور امریکی صدر ڈونلڈ ٹرمپ کے درمیان ٹیلی فون پر بات چیت ہوئی، روس اور امریکی صدور کے درمیان ڈھائی گھنٹے طویل گفتگو ہوئی جس میں یوکرین جنگ سمیت دیگر امور پر بات کی گئی۔

امریکی صدر ڈونلڈ ٹرمپ نے روسی صدر سے گفتگو کے بعد امریکی ٹی وی کو انٹرویو میں کہا کہ روسی صدر کے ساتھ یوکرین امن معاہدے  پر گفتگو مثبت رہی، مکمل جنگ بندی کیلئے تیزی سے کام کریں گے۔

امریکی ٹی وی کو انٹرویو میں ٹرمپ نے مزید کہا روسی صدر سے یوکرینی امداد پر بات نہیں ہوئی، امریکی مندوب اسٹیو وٹکوف کا کہنا ہے روسی وفد سے اتوار کو جدہ میں بات ہوگی۔

روس یوکرین جنگ کے خاتمے کیلیے اہم پیشرفت

دوسری جانب امریکا اور روس کے درمیان یوکرین میں جنگ بندی سے متعلق بات چیت کے بعد یوکرینی صدر کا کہنا ہے کہ جنگ بندی کی امریکی تجویز پر امریکی صدر سے بات کریں گے۔

یوکرینی صدر ولادیمیر زیلنسکی کا کہنا ٹرمپ سے گفتگو کا مقصد یہ جاننا ہوگا کہ روس نے امریکا کو کیا پیشکش کی ہے، یہ جاننا بھی چاہتے ہیں کہ امریکا نے روس کو کیا پیشکش کی۔

صدر ولادیمیر زیلنسکی کا مزید کہنا تھا کہ پیوٹن کی شرائط ظاہر کرتی ہیں کہ روس جنگ بندی کے لیے تیار نہیں، روسی صدر کا مقصد یوکرین کو کمزور کرنا ہے۔