ماسکو: روسی صدر پیوٹن نے کہا ہے کہ اجناس ڈیل سے زیادہ فائدہ یورپ نے اٹھایا ہے اب دنیا کو نئے ورلڈ آرڈر کی ضرورت ہے۔
میڈیا رپورٹ کے مطابق روسی صدر پیوٹن کا کہنا ہے کہ یوکرین اجناس ڈیل کی اب ضرورت نہیں کیونکہ اس سے زیادہ فائدہ یورپ نے اٹھایا، ایتھوپیا، سوڈان،صومالیہ، یمن اور افغانستان کو صرف تین فیصد اجناس ملیں ہیں۔
روسی صدرکا کہنا تھا کہ دنیا کو نئے کثیر القطبی ورلڈ آرڈر کی ضرورت ہے، افریقا، ایشیا، مشرقِ وسطی اور لاطینی امریکا کو اس ورلڈ آرڈر میں قابلِ قدر مقام ملے گا اس سے خطے میں استحکام، استعماری میراث، اور دیگر ہتھکنڈوں سے جان چُھڑانے میں کامیاب ہو جائیں گے۔
انہوں نے کہا کہ عالمی صورتحال کا تقاضہ ہے کہ نیا ٹرانسپورٹ اور لاجسٹک سلسلہ ہو، مالیاتی اور اقتصادی نظام ہو اور باہمی طور پر ایسے تصفیے ممکن بنائے جائیں جو ناموافق بیرونی اثرات سے محفوط اور آزاد ہوں۔
