روس کا ایک ہیلی کاپٹر لاپتا ہوگیا، ایم آئی ایٹ ہیلی کاپٹر میں عملے کے 3 افراد علاوہ دیگر 19 افراد سوار تھے۔
غیر ملکی خبر رساں ادارے کی رپورٹ کے مطابق مذکورہ ہیلی کاپٹر مشرقِ بعید میں آتش فشاں وچکازیٹز کے نزدیک واقع فوجی اڈے سے روانہ ہوا تھا، مقررہ وقت پر اِس نے اپنی منزل پہنچ کر رپورٹ نہیں کیا۔
سال 1960 کی دہائی میں ڈیزائن کیا جانے والا ایم آئی بی ایٹ روسی ہیلی کاپٹر خصوصی طور پر روس کے اندر پرواز کے لیے تیار کیا گیا تھا۔
یہ ہیلی کاپٹر روس کے مشرقِ بعید کے حصے میں جزیرہ نما کامچیٹکا کے نزدیک لاپتا ہوا۔ اس سے قبل ایسا ہی ایک روسی ہیلی کاپٹر 12 اگست 2021کو کامچیٹکا کے علاقے میں تباہ ہوا تھا اور اس حادثے میں 16 افراد ہلاک ہوئے تھے۔
واضح رہے کہ کامچیٹکا روس کے مشرقِ بعید کے حصے میں ایک مقبول تفریحی مقام ہے، یہ علاقہ ماسکو کے مشرق میں 6 ہزار کلومیٹر اور امریکی ریاست الاسکا کے مغرب میں 2 ہزار کلومیٹر کے فاصلے پر واقع ہے۔
علاوہ ازیں روس نے اقوام متحدہ سے مطالبہ کیا ہے کہ وہ یوکرین کی جانب سے روسی علاقے بلگورود پر حملے کی مذمت کرے، سرگئی لاوروف نے روس اور یوکرین کے درمیان مذاکرات کے مخالفین کو سنگین نتائج سے خبردار کردیا۔
