روس نے یوکرین کے شہر پولٹاوا میں فوجی انسٹیٹیوٹ پر بیلسٹک میزائلوں سے حملہ کیا ہے، جس کے باعث بڑے پیمانے پر جانی نقصان کی اطلاعات سامنے آرہی ہیں۔
غیر ملکی ذرائع ابلاغ کے مطابق یوکرینی حکام کا اس حوالے سے کہنا ہے کہ روس نے فوجی انسٹیٹیوٹ پر 2 بیلسٹک میزائل داغے ہیں، روسی حملے میں 51 افراد ہلاک اور 235 زخمی ہوئے۔
یوکرین کی جانب سے ہلاکتوں اور زخمیوں سے متعلق مزید تفصیلات سے آگاہ نہیں کیا گیا، تجزیہ نگاروں کا کہنا ہے کہ ہلاک اور زخمی ہونے والوں میں یوکرینی فوجی شامل ہوسکتے ہیں۔
یوکرین کے ایک رکن پارلیمنٹ کا کہنا ہے کہ یوکرین کو جنگ کو روسی سرزمین میں لے جانا چاہیے تاکہ ان تمام ہلاکتوں کو روکا جا سکے جن کا ہم یہاں یوکرین میں ہر روز سامنا کر رہے ہیں۔
اسرائیل کو اسلحے کی فراہمی معطل، امریکا نے برطانیہ کو خبردار کردیا
روس کے بیلسٹک میزائل حملے کی شدید مذمت کرتے ہوئے یوکرینی صدر زیلنسکی نے کہا کہ آج کا حملہ رواں برس یوکرین پر ہوئے روسی حملوں میں سب سے ہلاکت خیز معلوم ہورہا ہے، روس سے اس حملے کا حساب لیا جائے گا۔
