Tag: روس

کریمیا : روس نے یوکرین کی جانب سے تہتر ڈرونز مار گرانے کا دعویٰ کردیا، ۔روس کی وزارت دفاع کا کہنا ہے کہ ڈرون حملوں میں کسی قسم کا جانی نقصان نہیں ہوا۔

تفصیلات کے مطابق روس نے کریمیا پر یوکرین کا حملہ ناکام بنا دیا اور یوکرین کی جانب سے تہتر ڈرونز مار گرانے کا دعویٰ کردیا۔

روس کی وزارت دفاع کا کہنا ہے کہ روسی ائیر ڈیفنس نے یوکرین کی جانب سے کریمیا پر مارے جانے والے ستر سے زیادہ ڈرونز کو مار گرایا۔

روسی حکام نے کہا کہ ہ فی الحال ڈرون حملوں میں کسی قسم کا جانی نقصان نہیں ہوا اور نہ ہی ان حملوں سے کوئی تباہی ہوئی ہے۔

روسی وزارت دفاع کا مزید کہنا تھا کہ 9 ڈرونز کو فضائی دفاعی فورسز نے تباہ کیا جب کہ 33 کو الیکٹرانک وار فیئر کے ذریعے مارا گیا جو اپنے اہداف تک پہنچے سے پہلے ہی کریمیا پر گر کر تباہ ہو گئے۔

یوکرینی صدر زیلنسکی کے بیان کے بعد روس نے ان کا آبائی شہر کریوی ریح پر میزائل برسادیئے جنوبی اور مشرقی یوکرین پر میزائل داغے گئے۔

تفصیلات کے مطابق یوکرین پر روس کے حملے جاری ہیں، روسی طیاروں کی تازہ بمباری میں دس افراد ہلاک اور نوے زخمی ہوئے، ہلاک ہونے والوں میں ماں اوراس کی دس سال کی بیٹی بھی شامل ہے۔

یوکرینی صدر کے بیان کے بعد روس نے ان کے آبائی شہرکریوی ریح پر حملہ کیا، روسی فورسز نے جنوبی شہر ڈونسٹیک کو بھی نشانہ بنایا۔

یوکرینی صدر نے بیان دیا تھا کہ جنگ اب روس کے اندر پہنچ چکی ہے، روس نے صدر  زیلنسکی کے بیان پر جنوبی اور مشرقی یوکرین پر میزائل داغے۔

یوکرینی حکام نے دعویٰ کیا ہے کہ روس نے یوکرینی صدر کے آبائی شہر کے قریب انتہائی مہلک میزائل حملہ کیا۔

دوسری جانب اقوامِ متحدہ کی سلامتی کونسل نے روس سے یوکرین سے فوج فوری نکالنے کا مطالبہ کردیا، یوکرینی نمائندہ نے کہا کہ روسی اقدام خطے کے لیے خطرہ ہیں جبکہ روسی نمائندے کا کہنا تھا کہ روسی سرحدی علاقوں میں خواتین اور بچوں کو نشانہ بنانے کا کیا جواز پیش کیا جاسکتا ہے؟

چین نے دونوں فریقین سے بین القولااقوامی انسانی قوانین کی پاسداری کا مطالبہ کیا ہے۔

روسی صدر ولادیمیر پوتن نے دریا دلی کا مظاہرہ کرتے ہوئے افریقی ممالک کا اربوں ڈالر کا قرضہ معاف کرنے کا اعلان کیا ہے۔

غیرملکی میڈیا رپورٹس کے مطابق سینٹ پیٹرزبرگ میں روس افریقہ فورم کے تحت ایک اجلاس منعقد ہوا، جس سے خطاب میں روسی صدر نے افریقی ممالک پر واجب الادا 20 ارب ڈالر سے زیادہ کے تاریخی قرضے کو معاف کر دیا ہے۔

اس موقع پر ولادیمیر پوتن کا کہنا تھا کہ براعظم افریقہ کو ترقی کی جانب گامزن کرنے کے لیے مزید فنڈز بھی مہیا کیے جائیں گے۔

روسی صدر نے ماسکو اور افریقہ کے درمیان تاریخی تجارتی اور مالیاتی روابط کو مد نظر رکھتے ہوئے کہا کہ افریقی ملکوں کو جو قرضہ معاف کیا گیا ہے اس کی مالیت 23 ارب ڈالر ہے جب کہ اس مقصد کے لیے 90 ملین ڈالر مزید مختص کرنے کا ارادہ رکھتے ہیں۔

پوتن نے خطاب میں افریقی ممالک کو مزشی خوشخبری سناتے ہوئے کہا کہ براعظم افریقہ کے پسماندہ ممالک کو مفت اناج بھی فراہم کیا جائے گا۔

ماسکو اناج بھیجنے کے اخراجات بھی خود اٹھائے گا جب کہ برکینا فاسو، زمبابوے، مالی، صومالی، وسطی افریقی جمہوریہ، اور اریٹیریا کو 25 سے 50 ہزار ٹن کے درمیان اناج مہیا کیا جائے گا۔

واضح رہے کہ کچھ مہینوں قبل پوتن نے کہا تھا کہ روس افریقی کانٹینینٹل فری ٹریڈ ایریا (AfCFTA) کے قیام کے عمل میں دلچسپی رکھتا ہے، انھوں نے روس اور افریقی ممالک کے درمیان باہمی تجارت کے فروغ پر بھی زود دیا تھا۔

ماسکو : روس نے 60 ہزار ٹن گندم پر میزائل برسا دئیے،یوکرینی حکام کا کہنا ہے روس نے یوکرین کی بندگاہوں کے قریب اناج کے زخیرے پر ڈرون برسائے۔

تفصیلات کے مطابق ماسکو کی جانب سے بلیک سی ہاس کے ذریعے یوکرائنی اناج کے محفوظ گزرنے کی اجازت دینے والے معاہدے کی تجدید سے انکار نے عالمی غذائی تحفظ کے لیے خدشات کو جنم دے دیا ہے۔

اناج کی بر آمد کا معاہدے سے دستر برادرا ہونے کے بعد روس نے ساٹھ ہزار ٹن گندم پر میزائل برسادئیے، یوکرینی حکام کا کہنا ہے روس نے یوکرین کی بندگاہوں کے قریب اناج کے زخیرے پر ڈرون برسائے۔

یوکرین کے صدر ولادیمیر زیلنسکی نے کہا کہ "روسی دہشت گردوں نے اناج کے معاہدے کے بنیادی ڈھانچے کو جان بوجھ کر نشانہ بنایا۔” "ہر روسی میزائل نہ صرف یوکرین پر بلکہ دنیا کے ہر اس شخص پر حملہ ہے جو ایک عام اور محفوظ زندگی چاہتا ہے۔”

یوکرین کی فضائیہ کا کہنا ہے کہ روس نے اوڈیسا کے علاقے میں بنیادی ڈھانچے اور فوجی تنصیبات کو نشانہ بنانے والے 63 میزائل اور ڈرون داغے، ان میں سے 37 کو مار گرایا۔

وزیر زراعت میکولا سولسکی نے بتایا کہ اوڈیسا کے جنوب مغرب میں چورنومورسک بندرگاہ پر اناج کی برآمد کے بنیادی ڈھانچے کے ایک بڑے حصے کو نقصان پہنچا ہے اور 60,000 ٹن اناج تباہ ہو گیا ہے۔

روسی حکام نے پہلے ہی خبردار کیا تھا بحیرہ اسود کی بندرگاہوں سے اناج کی ترسیل خطرناک ہوسکتی ہے جبکہ روسی صدر نے کہا مغرب اناج کی ڈیل کو بطور بلیک میلنگ استعمال کر رہا تھا۔

روس اور یوکرین کے درمیان اناج کی برآمد کا معاہدہ ٹوٹنے سے گندم مہنگی ہونے کا خدشہ ہے۔

یاد رہے روس کے دستبردار ہونے کے بعد یوکرین کو بحیرہ اسود کے راستے محفوظ طریقے سے اناج برآمد کرنے کی اجازت دینے والا معاہدہ باضابطہ طور پر ختم ہوگیا تھا۔

کریملن کا یہ اعلان کریمیا میں ایک پُل پر حملے کے چند گھنٹے بعد سامنے آیا تھا ، جس میں دو شہری ہلاک ہوگئے تھے، یوکرین نے باضابطہ طور پر اس کی ذمےداری قبول نہیں کی لیکن روسی سیکیورٹی سروس کے مطابق اس حملے کے پیچھے یوکرین کا ہاتھ تھا۔

روسی صدرنے کریمیا کے پُل پر حملے کی مذمت کرتے ہوئے کہا تھا کہ اس کا سخت جواب دیا جائے گا، کریمیا پُل ایندھن اور خوارک کی فراہمی کی اہم گزرگاہ ہے۔