Tag: روس

ماسکو : روس نے سونامی بنا کر پورا ملک تباہ کرنے والا خطرناک ہتھیار بنا لیا ، امریکی فوجی حکام نے اس بم کو ‘قیامت کےدن کی مشین’ قرار دیا ہے۔

تفصیلات کے مطابق روس نےسونامی بناکرپوراملک تباہ کرنے والا جوہری بم تیار کرلیا۔

برطانوی اخبار نے بتایا کہ روس نے بحری بم یا ‘تارپیڈو۔ پوسائیڈن’ تیار کیا ہے، جو سونامی پیدا کرکے پورے برطانیہ کو سمندر کی گہرائیوں میں ڈبو سکتا ہے۔

ہر روسی آبدوز ایسے چھ جوہری تارپیڈوز لے جا سکتی ہے، پوسائیڈن کی وجہ سے تابکار سونامی تین سو سے پانچ سومیٹر بَلند ہوتی ہے اور ہموار زمین پر اس کا اثر پانچ سو کلو میٹر گہرائی تک جاتا ہے۔

روس کی جانب سے اس بم کا تجربہ اپریل دوہزار انیس میں کیا گیا تھا۔

امریکی فوجی حکام نے اس بم کو قیامت کےدن کی مشین۔ قرار دیا ہے اور کہا پوسائیڈن نئی قسم کا اسٹریٹجک جوہری ہتھیار ہے، جو کم سے کم آواز پیدا کرتا ہے اور آسانی سے رخ تبدیل کرسکتا ہے۔

بین الاقوامی میڈیا میں رپورٹس بتاتی ہیں کہ روسی صدر ولادیمیر پوٹن نے اپنی تقریر میں اس بات کا ذکر کیا کہ ایٹمی ٹارپیڈو کو تباہ کرنے یا اسے تباہ کرنے کے لیے کوئی ہتھیار نہیں۔

ماسکو : روس نے ہاپر سونک میزائلوں سے لیس بحری جہاز سمندر میں تعینات کر دیا ، جہاز جدید ترین ہاپر سونک میزائل سسٹم زِرکون سے لیس ہے۔

تفصیلات کے مطابق روس کی جانب سے ہاپر سونک میزائلوں سے لیس بحری جہاز سمندر میں تعینات کر دیا گیا۔

ایشیا اور یورپ کی طرف سے سمندر میں جہاز کو تعینات کیا گیا ہے، اس حوالے سے روسی صدر پیوٹن نے کہا کہ جہاز جدید ترین ہاپر سونک میزائل سسٹم زِرکون سے لیس ہے۔

زرکون ہائپرسونک کروز میزائل فضا میں آواز سے بھی نو گنا زیادہ کی رفتار سے سفر کر سکتا ہے۔

برق رفتار زرکون میزائل چار سو کلومیٹر تک اپنے ہدف کو نشانہ بنا سکتا ہے، اس کروز میزائل کو نیٹو نےایس ایس این تھری تھری کا نام دے رکھا ہے۔

خیال رہے ایڈمرل گورشکوف فریگیٹس کی نئی سیریز کا پہلا جہاز ہے جسے روسی بحریہ کے ایک اہم اسٹرائیک جزو کے طور پر پرانے سوویت ساختہ تباہ کن جہازوں کو تبدیل کرنے کے لیے ڈیزائن کیا گیا تھا۔

ایڈمرل گورشکوف نے روس کے جدید ترین ہائپرسونک میزائل زرکون کے لیے اہم ٹیسٹ بیڈ کے طور پر کام کیا ہے۔

زرکون کا مقصد روسی کروزر، فریگیٹس اور آبدوزوں کو مسلح کرنا ہے اور اسے دشمن کے جہازوں اور زمینی اہداف دونوں کے خلاف استعمال کیا جا سکتا ہے، یہ ان متعدد ہائپر سونک میزائلوں میں سے ایک ہے جو روس نے تیار کیے ہیں۔

کیف کے میئر نے کہا ہے کہ روس نے یوکرینی دارالحکومت کیف پر تین میزائل فائر کئے ہیں۔

غیر ملکی میڈیا رپورٹ کے مطابق میئر کا کہنا ہے کہ روس نے یوکرین پر میزائل برساتے ہوئے ملک بھر کی اہم تنصیبات کو نشانہ بنایا ہے، جس کے بعد روسی شہری محفوظ مقامات پر پناہ لینے پر مجبور ہیں۔

میئر کا کہنا تھا کہ اکتوبر کے بعد سے روس نے سب سے زیادہ میزائل آج جمعے کی صبح برسائے جس میں مشرقی علاقے خارکیف کے علاوہ بحیرہ اسود کے قریبی علاقے اوڈیسا اور مغربی یوکرین کو نشانہ بنایا ہے۔

کیف کے مئیر کا کہنا تھا کہ میزائل حملے کے بعد دارالحکومت کیف، خارکیف اور سمی کے علاقے میں اکثر مقامات بجلی کی سہولت سے محروم ہو گئے ہیں، جبکہ متعدد افراد ملبے تلے دبے ہوسکتے ہیں۔

دوسری جانب ریلوے آپریٹرز کا کہنا ہے کہ بجلی نہ ہونے سے ریلوے لائنز کا نظام بھی متاثر ہوا ہے۔