Tag: روس

ماسکو: یوکرین پر حملے کے بعد روس کو دباؤ میں لانے کے لیے مغربی ممالک نے پابندیاں عائد کی ہیں، تاہم روس نے یہ کہہ کر دنیا کو حیران کر دیا ہے کہ ان سب پابندیوں کے خلاف روس نے پہلے ہی سے تیاری کر لی تھی۔

تفصیلات کے مطابق روسی صدارتی ترجمان دیمتری پیسکوف نے کہا ہے کہ روس کے خلاف مغربی پابندیوں کی انھیں توقع تھی، اور روسی حکام نے ان کے لیے پہلے سے تیاری شروع کر دی تھی، جتنی پابندیاں عائد کی جا رہی ہیں اس کے لیے روس پہلے ہی سے تیار تھا۔

پیسکوف کے مطابق روس ہرگز غافل نہیں تھا، پابندیوں کی یقینی توقع تھی، اس لیے مغربی ممالک کی جانب سے مختلف منظوریوں کے پیکجوں کے اثرات کو کم کرنے کے لیے روس میں تیاریاں شروع کر دی گئی تھیں۔

یاد رہے روس کے یوکرین میں جاری آپریشن کے بعد سے مغربی ممالک نے روس کے خلاف پابندیوں کا نہ رکنے والا سلسلہ شروع کر رکھا ہے۔

اس جنگ سے متعلق روسی مؤقف ہے کہ یوکرینی صدر زیلنسکی مغربی اشاروں پر چلتے ہوئے اپنے ملک کو جنگ کی دلدل میں مسلسل دھکیل رہے ہیں۔

روس نے جاپان کو جواب دے دیا

واضح رہے کہ یوکرین پر روسی حملے کا آج 14 واں دن تھا، صدر ولودیمیر زیلنسکی نے آج غیر ملکی میڈیا کو انٹرویو میں یوکرین سے الگ ہونے والے روس کے حامی 2 علاقوں کی حیثیت پر سمجھوتا کرنے کا عندیہ دیا، اور یہ بھی کہا کہ وہ اب اپنے ملک کو معاہدہ شمالی اوقیانوس کی تنظیم نیٹو کی رکنیت کے لیے بھی اصرار نہیں کر رہے۔

ٹی وی انٹرویو میں زیلنسکی نے کہا کہ نیٹو یوکرین کو قبول کرنے کو تیار نہیں ہے، اور یہ فوجی اتحاد متنازع چیزوں اور روس کے ساتھ تصادم سے خوف زدہ ہے۔

ماسکو: روس نے ایک ایسی فہرست جاری کی ہے جو غیر دوست ممالک پر مبنی ہے۔

تفصیلات کے مطابق روسی حکومت نے غیر ملکی ریاستوں اور خطوں کی ایک فہرست کی منظوری دی ہے، جس میں ان ممالک کو رکھا گیا ہے جو روس، اس کی کمپنیوں اور شہریوں کے خلاف غیر دوستانہ کارروائیاں کرتے ہیں۔

فہرست میں امریکا، کینیڈا، یورپی یونین کی ریاستیں، برطانیہ (بشمول جرسی، انگویلا، برٹش ورجن آئی لینڈ، جبرالٹر)، یوکرین، مونٹی نیگرو، سوئٹزرلینڈ، البانیہ، اندورا، آئس لینڈ، لیچٹنسٹائن، موناکو، ناروے شامل ہیں۔

اس فہرست میں سان مارینو، شمالی مقدونیہ، جاپان، جنوبی کوریا، آسٹریلیا، مائیکرونیشیا، نیوزی لینڈ، سنگاپور، اور تائیوان کو بھی جو کہ (چین کا علاقہ تصور کیا جاتا ہے، لیکن 1949 سے اس کی اپنی انتظامیہ کے زیر انتظام ہے) شامل کیا گیا ہے۔

روس کو دیوالیہ ہونے سے بچانے کیلیے پیوٹن کا اہم فیصلہ

فہرست میں جن ممالک اور علاقوں کا ذکر کیا گیا ہے وہ یوکرین میں روسی مسلح افواج کے خصوصی فوجی آپریشن کے آغاز کے بعد روس کے خلاف پابندیاں عائد کر رہے ہیں یا اس میں شامل ہوئے۔

واضح رہے کہ روسی صدر ولادیمیر پیوٹن نے ایک حکم نامے پر دستخط کر کے ملک کو دیوالیہ ہونے سے بچانے کے لیے بیرونی قرضے ملکی کرنسی روبل میں ادا کرنے کے احکامات جاری کیے ہیں، اس کے مطابق بیرونی قرض دہندگان کو عارضی طور پر قرضوں کی ادائیگی غیر ملکی کرنسی کے بجائے روبل سے کی جا سکے گی، اور اس اقدام کا مقصد قرضے واپس نہ کرسکنے یعنی نادہندہ ہونے سے بچنا ہے۔