Tag: روس

دمشق : روس کے فوجی حکام کا کہنا ہے کہ شام کے شمالی علاقے میں باغیوں نے اس کے ایک ہیلی کاپٹر کو نشانہ بنایا جس کے نتیجے میں پانچ افراد جاں بحق ہوگئے.

تفصیلات کے مطابق روسی وزارت دفاع کے حکام کا کہنا ہے کہ شام کے شمالی علاقے میں اس کے ہیلی کاپٹر کو نشانہ بنایا گیا،ایم آئی ایٹ ہیلی کاپٹر میں پانچ افراد سوار تھے.

روسی حکام کے مطابق ہیلی کاپٹر حلب میں امداد پہنچانے کے بعد واپس آ رہا تھا،ابھی تک یہ واضح بھی نہیں ہو سکا کہ باغیوں کے کس گروپ نے ہیلی کاپٹر کو گرایا ہے.

روس شامی صدر بشارالاسد کے قریبی اتحادی ہے اور یہ حکومتی فورسز کو باغیوں کے خلاف کارروائیوں میں فضائی مدد فراہم کر رہا ہے.

اس سے پہلے رواں برس مئی میں سیٹیلائیٹ تصاویر سے پتا چلا تھا کہ شام میں سٹریٹیجک اعتبار سے اہم اور روسی فورسز کے زیر استعمال اڈے کو ’دولتِ اسلامیہ‘ کی جانب سے حملے کے بعد شدید نقصان پہنچا.

*دمشق: داعش نے روس کا ہیلی کاپٹر مار گرایا،دو پائلٹس ہلاک

اس واقعے سے پہلے گزشتہ ماہ شام کے شہرتدمرکے اوپر پرواز کر رہا تھا کہ داعش کے عسکریت پسندوں نے اسے فائرنگ کرکے نشانہ بنایا،جس کے نتیجے میں دو روسی فوجی پائلٹ ہلاک ہو گئے تھے.

واضح رہے کہ حملے کی ذمہ داری دہشت گرد نتظیم داعش نے قبول کی تھی.

ماسکو : روسی صدر ولادیمیر پیوٹن نے نومنتخب برطانوی وزیراعظم تھریسامےکےساتھ دوطرفہ تعلقات،اوربین الاقوامی امور پربات چیت کی خواہش کااظہارکردیا.

تفصیلات کے مطابق روسی صدر ولادیمیر پیوٹن نےنومنتخب برطانوی وزیراعظم تھریسامےکیساتھ دوطرفہ تعلقات،اوربین الاقوامی امور پربات چیت کی خواہشات کااظہارکردیا.

کریملن سے جاری ہونے والےبیان میں کہا گیاہےکہ ولادیمیرپیوٹن نے مختلف شعبوں میں روس اوربرطانیہ کےباہمی تعاون پر زور دیا،ان کا کہناتھاکہ بہتر تعلقات دونوں ملکوں کےمفاد میں ہے.

روسی صدر ولادیمیر پیوٹن نےڈیوڈ کیمرون کی خدمات کےاعتراف میں کہا کہ انہیں امید ہےڈیوڈ کیمرون کا وسیع تجربہ مستقبل میں برطانیہ اور بین الاقوامی برادری کےکام آئے گا.

ماسکو: روس نے شام میں فضائی کارروائی کے دوران داعش کے متعدد ٹھکانے تباہ کردیے،فضائی کارروائی میں داعش کے متعدد جنگجو ہلاک ہوئے.

تفصیلات کےمطابق روس کی شام میں داعش کے خلاف کارروائیوں میں تیزی داعش کے متعدد ٹھکانے تباہ کردیے،فضائی کارروائی میں داعش کےمتعدد جنگجو بھی بلاک ہوئے.

روسی وزارت دفاع کی جانب سے جاری بیان میں کہناہےکہ روس کے جنوبی علاقے میں واقعے ائیر بیس سےاڑان بھرنے والے طیاروں نے شام میں پالمیرا اور دیگر علاقوں پر کارروائی کی۔ٖفضائی کارروائی کے دوران داعش کا کیمپ،اسلحہ کے تین ڈپو،تین ٹینکس چار فوجی گاڑیاں اور آٹھ دیگر گاڑیاں تباہ کردیں، جبکہ فضائی کارروائی میں داعش کے متعدد جنگجو مارے گئے.

روسی وزارت دفاع کااپنے بیان میں مزید کہناتھاکہ شام میں دہشت گردوں کےخلاف برسرپیکار امریکی اتحاد کوفضائی کارروائی سے قبل آگاہ کیا گیاتھا.

*دمشق: داعش نے روس کا ہیلی کاپٹر مار گرایا،دو پائلٹس ہلاک

یاد رہے کہ دو روز قبل روس کا میزائل بردار جنگی ہیلی کاپٹر شام کے شہر تدمرکے اوپر پرواز کر رہا تھا کہ داعش کے عسکریت پسندوں نے اسے فائرنگ کرکے نشانہ بنایا،جس کے نتیجے میں دو بائلٹس ہلاک ہوگئے تھے.

واضح رہے کہ روسی وزارت دفاع نے ہیلی کاپٹر مار گرانے کی تصدیق کی جبکہ واقعے میں ہیلی کاپٹر میں سوار روس کے دونوں پائلٹ بھی مارے گئے،ہلاک ہونے والے پائلٹس میں 51 سالہ کرنل رفغت حبیب العین اور 24 سالہ لیفٹیننٹ ایونگی دولگین شامل تھے.

پیرس : فرانسیسی سینٹ میں روس پریورپی یونین کی جانب سےپابندیوں کےخلاف بل منظور کرلیا گیا،اراکین کی اکثریت نے روس پر سے پابندیاں اٹھانے کے حق میں ووٹ دیا.

تفصیلات کے مطابق فرانسیسیسینٹ میں روس پر یورپی یونین کی پابندیوں سے متعلق بل پیش کیا گیا، سینٹ میں روس پر پابندیا ں اٹھانے سے متعلق رائے شماری کی گئی.

سینٹ اراکین کی اکثریت نے فیصلہ روس کے حق میں سنادیا، اراکین کی اکثریت نے کہا کہ یورپی یونین کی جانب سےروس پر عائد پابندیاں اُٹھا لینی چاہیے.رائے شماری میں تین سو دو ارکان نے پابندیاں اُٹھانے کے حق میں ووٹ ڈالا جبکہ صرف سولہ ارکان نے روس پر پابندیاں برقرار رکھنے کے حق میں ووٹ ڈالا.

اسے سے قبل 28 اپریل کو اسی طرح کی قرارداد فرانس کی قومی اسمبلی میں پیش کی گئی، قومی اسمبلی کے 577 اراکین میں سے ایک سو ایک اراکین نے ووٹنگ میں حصہ لیا تھا، 55 اراکین پارلیمنٹ نے روس کے خلاف یورپی یونین کی پابندیوں میں توسیع کی مخالفت کی تھی.

فرانس یورپ کا صرف واحد ملک نہیں جہاں سیاست دان روس کےمخالف پابندیوں کو ختم کرنے کے حق میں ہیں.

یاد رہےکہ انیس مئی کو اٹلی کے شمال مشرقی علاقے وینیٹو میں کونسل میں ایک قرارداد پیش کی گئی تھی جس میں کریمیا کو روس کا حصہ تسلیم کیا گیا تھا اور اطالوی حکومت اور یورپی یونین پر زور دیا گیا تھا کہ روس پرعائد پابندیاں ختم کی جائیں.

واضح رہے دو ہزار چودہ میں روس کے مشرقی یوکرین پر حملےاور یوکرین کے روس سے الحاق کے بعد یورپی یونین نے روس پر پابندیاں عائدکردی تھیں.