اسلام آباد: وفاقی وزیر داخلہ رانا ثنااللہ نے الزام عائد کیا ہے کہ روضہ رسولﷺ پر ہونے والا واقعے کی منصوبہ بندی پاکستان سے کی گئی، سعودی حکومت سے درخواست کریں گے ایسے واقعات کیخلاف اقدامات کرے۔
تفصیلات کے مطابق وفاقی وزیر داخلہ رانا ثنااللہ نے پریس کانفرنس کرتے ہوئے کہا کہ روضہ رسولﷺ پر ہونے والا واقعہ قابل مذمت ہے، پوری قوم اس واقعے کی مذمت کرتی ہے، یہ وہ مقام ہے جو ادب و احترام کا ہے، جہاں اونچی سانس لینا بھی مناسب نہیں۔
وفاقی وزیر داخلہ کا کہنا تھا کہ حرم پاک کے تقدس میں فرق لانے کی کسی میں جرات نہیں، یہ واقعہ اچانک نہیں ہوا اس کے لئے یہاں سے منصوبہ بندی کی گئی ، سابق وزیراعظم اور سابق وزیرداخلہ ریکارڈ پر ہیں وہ سامنے لارہے ہیں، کیسے یہاں سے منصوبہ بندی کی گئی اور اس کومخفی بھی نہیں رکھا گیا۔
رانا ثنااللہ نے کہا کہ میں چاہوں تو شیدا ٹلی کی ٹلی اچھے انداز سے کھڑکائی جاسکتی ہے، مجھ پر دباؤ ہے مگر کارکنوں کو کہا ہے کسی قسم کا کوئی قدم نہ اٹھائیں، ایسے طرزعمل سے سیاست کسی اور طرف نکل جائے گی۔
پریس کانفرنس میں ان کا کہنا تھا کہ ایک سوال چھوڑ کر جارہاہوں کہ یہ کب تک چلے گا، اپنی حد میں رہیں ورنہ آپ کو پتہ چل جائے گا، آپ نے چار سال ہمارا بڑا امتحان لیا ہے ، آپ نے جو کرنا ہے کریں مگر اپنی حدود کو پار نہ کریں۔
سابق وزیراعظم کے حوالے سے وزیر داخلہ نے کہا کہ عمران خان اپنے کیخلاف کرپشن کے اسکینڈلز سے بچنے کیلئے ایسی کوششیں کر رہے ہیں، عمران خان لوگوں کو تنگ کرنے کا راستہ دکھا رہے ہیں، ووٹ لینے آپ نے بھی جانا ہے آپ کو بھی ایسا سامنا کرنا پڑے گا، پہل نہ ہم نے کی ہے اور نہ اب کریں گے۔
رانا ثنااللہ کا کہنا تھا کہ ہمارے حوصلے اور استقامت کا 4 سال امتحان لیا،اب آپ کوسمجھ آجانا چاہیے، آپ کوہمارے اوپر اعتراض ہے تو ضرورکریں، ہم بھی چاہیں تو ان کا گھروں سے نکلنا مشکل ہوجائے گا۔
وفاقی وزیر نے کہا کہ جہلم والے کو بتانا چاہتاہوں گھروں سے نکل کر تمہارے مقدمات کا سامنا کیا، ہم بھی چاہیں تو ان کا گھروں سے نکلنا مشکل ہوجائے گا، ہم اس کو غلط راستہ سمجھتے ہیں،اس سےسیاست مشکل ہوگی، یہ پارلیمانی جمہوریت اورملک کے لئے بہتر نہیں اور نہ ہی ایسا کریں گے۔
فرح خان کیخلاف تحقیقات کے حوالے سے ان کا کہنا تھا کہ فرح خان کامعاملہ حکومت نہیں نیب سامنے لائی ہے، جوالزامات لگےہیں ان کے جوابات نیب اورایف آئی اے کو دیں۔
وزیر داخلہ نے کہا کہ جب آپ بھی حلقوں اپنے میں جائیں گے تو آپ کو پتہ لگ جائے گا، پورے پنجاب کے 36 اضلاع میں بہت کم لوگ احتجاج کرنے آئے۔
رانا ثنااللہ نے بتایا کہ ایف آئی اے کی سائبرکرائم کی استعداد بڑھانے جارہےہیں، ہم عدلیہ اورالیکشن کمیشن کااحترام کرتےہیں، عمران خان عدلیہ ،چیف الیکشن کمشنرکے خلاف بات کرتے ہیں، پوری قوم عدلیہ اورچیف الیکشن کمشنر کے ساتھ کھڑی ہے۔
بابارحمتے اور پاگل خان دونوں ملیں گے تو قوم کواچھائی کی توقع نہیں، جو کل حرم پاک میں ہوا وہ دنیا میں کسی ملک کے بارے میں نہیں سنا ، سعودی حکومت سے درخواست کریں گے، ایسے واقعات کیخلاف اقدامات کرے، جو لوگ اس میں ملوث ہیں وہ وہاں رہنے کے بھی قابل نہیں۔
مسجد نبوی شریف میں اغوات کی تاریخ ملک الناصر صلاح الدین بن ایوب کے عہد سے شروع ہوتی ہے، وہ پہلی شخصیت ہیں جنہوں نے مسجد نبوی شریف کی خدمت کے لیے اغوات تعینات کیے تھے۔
اغوات حرمین شریفین میں صفائی، نظم و ضبط اور خواتین و مردوں کو الگ الگ کرنے کے کام پر مامور ہیں، اسی طرح سے جب مسجد نبوی شریف بند کی جاتی تو اغوات ہی خواتین کو مسجد سے نکالنے کی ذمہ داری انجام دیتے تھے۔