Tag: رونالڈو

عالمی شہرت یافتہ فٹبالر کرسٹیانو رونالڈو کے بیٹے کا انٹرویو کرنے والے مسٹر بیسٹ اس وقت حیران رہ گئے جب اس نے انشااللہ کہا۔

پرتگال سے تعلق رکھنے والے عالمی شہرت یافتہ فٹبالر کرسٹیانو رونالڈو نے سعودی فٹبال کلب النصر سے منسلک ہونے کے بعد دو سال سے مملکت میں خاندان کے ہمراہ سکونت اختیار کی ہوئی ہے۔

اس قیام کا اثر یہ ہوا کہ رونالڈو مسلم اور عرب ثقافت میں رنگ گئے اور مختلف مواقع پر وہ نہ صرف اسلامی بود وباش اختیار کرتے ہیں بلکہ عربی زبان میں مروجہ اسلامی الفاظ جیسے السلام وعلیکم، ان شا اللہ کا بھی استعمال کرتے ہیں۔

تاہم باپ کو دیکھ کر جونیئر رونالڈو بھی اسی رنگ میں رنگ گیا اور ایک انٹرویو کے دوران سششتہ عربی لہجے میں بولا کہ انشااللہ، انشااللہ۔

دنیا کے سب سے مقبول یوٹیوبر مسٹر بیسٹ نے رونالڈو کا انٹرویو کیا جس میں ان کا بیٹا جونیئر رونالڈو بھی موجود تھا اس کی ویڈیو سوشل میڈیا پر تیزی سے وائرل ہو رہی ہے۔

انٹرویو میں مسٹر بیسٹ نے کرسٹیانو جونیئر سے پوچھا کہ کیا تم لیبر ون اور اس کے بیٹے کی طرح رونالڈو کے ساتھ ایک ٹیم میں کھیلو گے۔

اس سوال کے جواب بغیر کسی توقف کے جونیئر رونالڈو نے انشااللہ، انشااللہ بول کر دیا۔ مسٹر بیسٹ عربی زبان سے نا واقف ہونے کی وجہ سے یہ الفاظ سن کر حیران ہو گیا۔

اس موقع پر کرسٹیانو رونالڈو نے مسکراتے ہوئے اپنے بیٹے کی پیٹ تھپتھپائی اور پھر مسٹر بیسٹ کو عربی کے ان الفاظ کو مطلب بھی سمجھایا۔

واضح رہے کہ گزشتہ دنوں کرسٹیانو رونالڈو کے ساتھی فٹبالر کی جانب سے بھی یہ دعویٰ سامنے آیا ہے کہ رونالڈو دین اسلام میں دلچسپی رکھتے ہیں اور وہ اس کو قبول کر کے دائرہ اسلام میں داخل ہونا چاہتے ہیں۔

https://urdu.arynews.tv/ronaldo-wants-to-convert-to-islam/

عالمی شہرت یافتہ فٹبالر کرسٹیانو رونالڈو کے ساتھی کھلاڑی  نے دعویٰ کیا ہے کہ رونالڈو اسلام میں دلچسپی رکھتے اور مسلمان ہونا چاہتے ہیں۔

پرتگال سے تعلق رکھنے والے عالمی شہرت یافتہ فٹبالر کرسٹیانو رونالڈو جو سعودی عرب کے فٹبال کلب النصر سے وابستہ ہونے کے باعث دو سال سے سعودیہ میں ہی فیملی کے ہمراہ مقیم ہیں۔ ان کے بارے میں ساتھی کھلاڑی اور النصر کے سابق فٹبالر نے دعویٰ کیا ہے کہ رونالڈو اسلام سے متاثر ہیں اور وہ دائرہ اسلام میں داخل ہونا چاہتے ہیں۔

ایک مقامی ٹی وی شو میں سعودی فٹبالر ولید عبداللہ نے انکشاف کہا ہے کہ رونالڈو اسلامی تعلیمات اور سعودی عرب کی ثقافت سے بہت متاثر ہیں اور وہ اسلام قبول کرنا چاہتے ہیں۔

یہ بھی پڑھیں: کرسٹیانو رونالڈو کی گول کرنے کے بعد ’سجدہ‘ کرنے کی ویڈیو وائرل

ولید عبداللہ نے کہا کہ النصر کی جانب سے کھیلتے ہوئے رونالڈو نے مئی 2023 گول کرنے کے بعد میدان میں سجدہ بھی کیا تھا جس پر ساتھی کھلاڑیوں نے اللہ اکبر کا نعرہ بلند کیا تھا جب کہ وہ کھلاڑیوں کو ہمیشہ نماز پڑھنے اور اسلامی روایات کی پیروی کرنے کی ترغیب دیتے ہیں۔

انہوں نے مزید انکشاف کیا کہ جب بھی ٹریننگ کے دوران اذان ہوتی ہے، رونالڈو کوچ سے درخواست کرتے ہیں کہ ٹریننگ کو روک دیا جائے تاکہ ان کے ساتھی کھلاڑی نماز ادا کر سکیں۔

ساتھی فٹبالر نے دعویٰ کیا کہ انہیں اسلامی تعلیمات کے اس قدر قریب دیکھتے ہوئے ایک دن میں نے ان سے بات کی تو رونالڈو نے اس حوالے سے دلچسپی کا اظہار کیا۔
سعودی فٹبالر نے کہا کہ رونالڈو اسلام قبول کریں یا نہ کریں، لیکن ان کا ڈسپلن اور محنت ہی انہیں اس مقام تک لے آئی ہے، جو بھی سعودی عرب آتا ہے، وہ رونالڈو سے متاثر ہوتا ہے۔

واضح رہے کہ کرسٹیانو رونالڈو اپنے سعودی عرب میں قیام کے بعد سے سوشل میڈیا میں کئی ایسی پوسٹس اور میدان میں ایسا عمل کرچکے ہیں جو ان کی اسلامی تعلیمات سے گہری دلچپسی کا اظہار ہے۔

https://urdu.arynews.tv/video-cristiano-ronaldo-reciting-bismillah-before-penalty-kick/