Tag: رونالڈو

ریاض: پرتگال کے اسٹار فٹبالر کرسٹیانو رونالڈو سعودی عرب کے دارالحکومت ریاض کے مہنگے ترین ہوٹل کے 17 کمروں پر مشتمل سوئٹ میں مقیم ہیں۔

خبر رساں ایجنسی کی رپورٹ کے مطابق کوسٹیانو رونالڈو اور انکی فیملی سعودی عرب کے مہنگے ترین ہوٹل کنگڈم ٹاور کے  17 کمروں پر متشمل سوٹ میں رہ رہیں ہیں جس کا ماہانہ کرایہ 3 لاکھ ڈالرز یعنی (پاکستان روپوں میں 7 کروڑ) کے قریب ہے۔

کرسٹیانو رونالڈو کے لیے ہوٹل کے کنگڈم سوٹ کو ایک ماہ کے لیے بک کرایا گیا ہے اور یہ اتنا خاص ہے کہ ہوٹل کی ویب سائٹ میں اس کا کرایہ تک درج نہیں۔

ہوٹل کے مطابق کنگڈم سوٹ  48 سے 50 ویں منزلوں پر مبنی ہے، جس میں ایک لیونگ روم، ایک پرائیویٹ آفس، کھانے کا کمرہ اور ایک میڈیا روم موجود ہے۔

اس کے علاوہ رونالڈ کو چین، جاپان بھارت اور مشرق وسطی کے بہترین پکوان فراہم کیے جائیں گے، یہ ہوٹل ایک شاپنگ مال میں واقع ہے جہاں پرتعیش دکانیں موجود ہیں جبکہ ٹینس کورٹس، مساج ٹریٹمنٹ اور اسٹیم روم جیسی سہولیات بھی دستیاب ہیں۔

اگرچہ فٹبالر رونالڈو اور ان کی فیملی  پرتعیش انداز سے قیام کررہا ہے مگر کرسٹیانو رونالڈو رہائش کے لیے مستقل جگہ کو بھی تلاش کررہے ہیں۔

واضح رہے کہ پرتگال کے اسٹار فٹبالر کرسٹیانو رونالڈو کا جنوری کے آغاز میں 21 کروڑ 30 لاکھ ڈالرز معاوضے کے عوض النصر کلب کا حصہ بننے ہیں، سعودی عرب پہنچنے کے بعد ان کا شاندار استقبال بھی کیا گیا تھا۔

ریاض: سعودی عرب میں منگل کو پرتگال کے سپر اسٹار فٹ بالر کرسٹیانو رونالڈو کا شاندار استقبال کیا گیا۔

غیر ملکی میڈیا رپورٹ کے مطابق سعودی دارالحکومت ریاض کے مرسول پارک اسٹیڈیم میں رونالڈو کے مقامی فٹ بال کلب ‘النصر’ کے ساتھ معاہدے کی تقریب منعقد ہوئی۔

اس معاہدے کے بعد رونالڈو نے ‘النصر’ کلب کی طرف سے پریکٹس میچ کھیلا جسے دیکھنے کے لیے لگ بھگ 25 ہزار شائقین اسٹیڈیم میں موجود تھے۔

لیجنڈ فٹبالرکرسٹیانو رونالڈو نے تقریب کے بعد پہلی پریس کانفرنس کی جہاں ان کا کہنا تھا کہ سعودی عرب میں قدم رکھتے ہی خودکو بڑا پُر جوش محسوس کیا، امید ہے بدھ سے النصر کے ساتھ کھیلنے کے لیے تیار ہوں۔

رونالڈو نے کہا کہ سعودی پروفیشنل فٹبال لیگ  اعلیٰ معیار رکھتی ہے، چیلنج قبول کرنے کیلئے تیار ہوں۔

An unwavering passion for the club we love 🔥

This is Al Nassr. This is our club. And these are our incredible fans 💛#HalaRonaldo pic.twitter.com/mDv6vZJfYA

— AlNassr FC (@AlNassrFC_EN) January 3, 2023

کرسٹیانو رونالڈو کا کہنا تھا کہ النصر کے ساتھ میرا معاہدہ منفرد ہے، میں بھی منفرد کھلاڑی ہوں، اس لیے یہ میرے لیے معمولی ہے۔

رونالڈو نے کہا کہ یورپ اور شمالی امریکا سے متعدد پیشکشوں کو رد کیا، یورپ میں تمام ریکارڈ توڑ دیے وہاں میرا کام مکمل ہوگیا ہے، اب سعودی پرفیشنل لیگ میں بھی  چند ریکارڈ توڑنا چاہتا ہوں۔

انکا کہنا تھا کہ میری فیملی نے ایشیا کا رخ کرنےکےفیصلےمیں  میرا ساتھ دیا،  سعودی عرب میں کھیل کرجیتنے اور یہاں کی  ثقافت کا حصہ بننے آیا ہوں۔

رونالڈو نے کہا کہ میں ہر  چیزجیت چکا،میں یورپ کے بہترین کلب سے کھیل چکا اب ایشیا میں ایک نیا امتحان ہے۔

واضح رہے کہ رونالڈو کا ‘النصر’ کلب کے ساتھ یہ معاہدہ تقریباً 21 کروڑ ڈالر سے زائد کا ہے، جس کے تحت وہ ڈھائی برس تک کلب کی نمائندگی کریں گے۔

پرتگال کے اسٹار کھلاڑی رونالڈو نے کہا ہے کہ پرتگال کے لیے ورلڈ کپ جیتنا میرے کیریئر کا سب سے بڑا خواب تھا۔

قطر میں جاری فیفا ورلڈکپ کے کوارٹر فائنل میں گزشتہ روز مراکش نے پرتگال کو 0-1 سے شکست دے کر پہلی مرتبہ سیمی فائنل میں جگہ بنائی اور ساتھ ہی رونالڈو کے ورلڈکپ جیتنے کا خواب بھی چکنا چور کر دیا۔

رونالڈو نے سوشل میڈیا پر ورلڈ کپ ختم ہونے کے بعد اپنا بیان جاری کیا ہے جس میں انہوں نے لکھا کہ پرتگال کے لیے ورلڈ کپ جیتنا میر کیریئر کا سب سے بڑا خواب تھا، خوش قسمتی سے میں نے پرتگال سمیت بین الاقوامی مقابلوں میں بہت سے ٹائٹل جیتے لیکن اپنے ملک کے لیے ورلڈ کپ جیتنا میرا سب سے بڑا خواب تھا۔

انکا کہنا تھا کہ اس خواب کو پورا کرنے کے لیے میں نے پوری کوشش کی، 16 سال میں 5 ورلڈ کپ کھیلے اور گول کیے، میں نے اس خواب کو پورا کرنے کے لیے کبھی ہمت نہیں ہاری، لیکن افسوس کی بات ہے مراکش کے خلاف میچ میں میرا خواب ٹوٹ گیا۔

رونالڈو نے مزید کہا کہ  بہت کچھ کہا گیا، بہت کچھ لکھا گیا بہت قیاس آرائیاں بھی ہوئیں لیکن میں صرف یہ چاہتا ہوں کہ آپ سب جان لیں کہ پرتگال کے لیے میری لگن ایک لمحے کے لیے بھی تبدیل نہیں ہوئی، میں ہمیشہ سب کے مقصد کے لیے لڑا، میں اپنے ساتھیوں اور اپنے ملک سے کبھی منہ نہیں موڑوں گا،اب اور کچھ نہیں کہنا ، شکریہ پرتگال،  شکریہ قطر ،میرا وہ خواب جب تک چلتا رہا اچھا رہا۔

واضح رہے کہ خیال کیا جارہا ہے کہ رونالڈو کا یہ آخری ورلڈکپ تھا اور شائقین انہیں دوبارہ ورلڈکپ میں کھیلتا نہیں دیکھیں گے ان کی آج کی پوسٹ سے اس بات پر یقین کیا جاسکتا ہے کہ وہ اگلا ورلڈکپ نہیں کھیلیں گے۔