Tag: رونالڈو

میڈریڈ: پرتگال کے معروف فٹبالر رونالڈو سوشل میڈیا اکاؤنٹ سے فٹبال سے بھی زیادہ کمانے لگے۔

تفصیلات کے مطابق پرتگال کے معروف فٹبالر رونالڈو انسٹاگرام پر مارکیٹنگ کی پوسٹ کر کے فٹبال سے زیادہ کما رہے ہیں اور انہوں نے گزشتہ سال سے اب تک کروڑوں ڈالر زیادہ معاوضہ وصول کیا۔

بین الاقوامی جریدے کی رپورٹ کے مطابق رونالڈو نے گزشتہ برس فٹبال کھیل کر 3 کروڑ چالیس لاکھ ڈالر معاوضہ وصول کیا جبکہ وہ انسٹاگرام سے سالانہ 4 کروڑ 78 لاکھ ڈالر وصول کررہے ہیں۔

رپورٹ میں بتایا گیا ہے کہ رونالڈو اسپانسرڈ پوسٹ کے ذریعے ایک کروڑ ڈالر سے زائد کمالیتے ہیں اور وہ اب تک سوشل میڈیا پر سب سے زیادہ کمانے والے کھلاڑی بن گئے۔

مزید پڑھیں: عراق میں رونالڈو کا ہم شکل میدان میں آگیا، لوگ حیران رہ گئے

جریدے کی رپورٹ میں بتایا گیا ہے کہ رونالڈو کے بعد لیونل میسی بھی سوشل میڈیا سے کما رہے ہیں اور وہ 2 کروڑ 33 لاکھ ڈالر سالانہ آمدنی کے ساتھ دوسرے جبکہ کینڈل جینر ایک کروڑ 60 لاکھ سالانہ کمائی کے ساتھ تیسرے نمبر پر ہیں۔

انسٹاگرام پر رونالڈو کے فالورز کی تعداد 18 کروڑ 70 لاکھ ہے جو سوشل میڈیا پر موجود کسی بھی کھلاڑی کے پاس نہیں ہے۔ سوشل میڈیا پر متحرک رہنے کی وجہ سے جوتوں اور شیمپو بنانے والی کمپنی نے فٹبالر سے سالانہ معاہدہ کررکھا ہے۔

واشنگٹن: امریکی پراسیکیوٹر نے فٹبالر رونالڈو پر لگائے جانے والے ریپ کے الزامات کو مسترد کرتے ہوئے فیصلہ سنایا کہ شک کی بنیاد پر فیصلہ نہیں دے سکتے، ہمارے پاس کوئی مضبوط شواہد موجود نہیں ہیں۔

تفصیلات کے مطابق امریکی پراسیکیوٹرز کا کہنا ہے کہ پرتگال کے فٹ بالر کرسٹیانو رونالڈو کو مبینہ ریپ کے الزامات کا سامنا نہیں کرنا پڑے گا، رونالڈو نے امریکی خاتون کی جانب سے لگائے گئے زیادتی کے الزامات کو مسترد کیا تھا۔

انہوں نے مزید کہا کہ اس وقت کی معلومات کا جائزہ لینے کے بعد کرسٹیانو رونالڈو کے خلاف جنسی حملے کے الزامات کو مناسب شک سے باہر ثابت نہیں کیا جاسکتا ہے لہٰذا رونالڈو کے خلاف کوئی الزام نہیں ہے۔

برطانوی خبررساں ادارے کے مطابق کیتھرین مے یورگا نے رونالڈو کے ساتھ 2010 میں عدالت سے باہر ایک معاہدہ کیا جس کے تحت رونالڈو نے خاتون کو 375000 ڈالرز ادا کیے جس کے عوض یہ طے ہوا کہ وہ اپنے الزامات کبھی منظرعام پرنہیں لائیں گی تاہم انہوں نے اس گزشتہ برس اس مقدمے کو دوبارہ کھولنے کی کوشش کی۔

مزید پڑھیں: عراق میں رونالڈو کا ہم شکل میدان میں آگیا، لوگ حیران رہ گئے

دی کلارک کاؤنٹی ڈسٹرکٹ اٹارنی آفس نے اپنے بیان میں کہا ہے کہ متاثرہ خاتون نے 2009 میں جنسی حملے کی اطلاع دی تھی تاہم اس واقعے سے انکار کردیا کہ یہ کہاں ہوا یا حملہ آور کون تھا جس کے نتیجے میں پولیس معقول تحقیقات کرنے کے قابل نہیں تھی۔

لاس ویگاس کی پولیس نے اگست 2018 میں متاثرہ خاتون کی درخواست پر ایک بار پھر مبینہ جرم کی تحقیقات کیں۔

واضح رہے کہ جرمنی کے جریدے ڈر سپیگیل نے گزشتہ سال رونالڈو کے خلاف الزام لگانے والی خاتون کا انٹرویو شائع کیا تھا۔

یاد رہے کہ 34 سالہ کیتھرین مے یورگا نامی خاتون نے الزام عائد کیا تھا کہ رونالڈو نے 2009 میں امریکی شہر لاس ویگاس کے ایک ہوٹل میں انہیں زیادتی کا نشانہ بنایا۔

بغداد: مقبول ترین فٹ بالر رونالڈو کا دو نمبر میدان میں آ گیا، عراق کا نوجوان رونالڈو کا ہم شکل نکل آیا، لوگ حیران کن مشابہت دیکھ کر دنگ رہ گئے۔

تفصیلات کے مطابق شہر آفاق پرتگالی فٹ بالر کرسٹیانو رونالڈو کا ایک ہم شکل عراق میں نکل آیا ہے جسے دیکھ کر مداح حیران رہ گئے، اس کی شکل، اسٹائل، اور چلنا رونالڈو سے ملتے ہیں لیکن اس کا بینک بیلنس رونالڈو جیسا نہیں ہے۔

عراقی شہری 25 سالہ عبد اللہ اور رونالڈو میں اتنی مشابہت ہے کہ اصل اور نقل کی پہچان کرنا مشکل ہو جاتا ہے۔

یہ بھی دیکھیں:  پاکستانی ویٹر گیمز آف تھرونز اسٹار ٹیرون لینسٹر کا ہم شکل نکلا

دل چسپ بات یہ ہے کہ سپر اسٹار سے مشابہت نے عراقی نوجوان کو اسٹار بنا دیا ہے، عبد اللہ نامی نوجوان جب بھی گھر سے نکلتا ہے تو سیلفیوں کے لیے مداحوں کا رش لگ جاتا ہے۔

عبد اللہ نے بتایا کہ وہ پرتگالی اسٹار رونالڈو کا بہت بڑا فین ہے، تاہم وہ کسی فٹ بال کلب میں نہیں کھیلتا بلکہ شعبہ تعمیرات میں کام کرتا ہے۔

یہ بھی دیکھیں:  ممتاز فٹ بالر محمد صلاح‌ کا ہم شکل سامنے آگیا، تصاویر وائرل

نوجوان بیوار عبد اللہ شمالی عراق کے علاقے اربل سے 110 کلومیٹر دور واقع شہر سُرن کا رہائشی ہے، تاہم اس نے امید ظاہر کی ہے کہ ہزاروں کلو میٹر دور اطالوی کلب کے لیے کھیلنے والے رونالڈو کے ساتھ اس کی ملاقات ہوگی۔