ARYNews.tv | Urdu – Har Lamha Bakhabar

Tag: روپے کی قدر

  • اس سال ڈالر کے مقابلے میں روپے کی قدر کتنی کم ہوئی؟

    اس سال ڈالر کے مقابلے میں روپے کی قدر کتنی کم ہوئی؟

    اسلام آباد: رواں سال 2024 میں نو سال کے بعد ڈالر کے مقابلے میں روپے کی قدر میں اضافہ دیکھنے میں آیا ہے۔

    تفصیلات کے مطابق پاکستانی روپے کی قدر گزشتہ ایک دہائی سے مسلسل گر رہی ہے تاہم سال 2024 میں روپے کی قدر مجموعی طور پر مستحکم رہی ہے۔

    رپورٹ کے مطابق رواں سال 2024 میں نو سال کے بعد ڈالر کے مقابلے میں روپے کی قدر میں ایک فیصد اضافہ ہوا ہے جبکہ 2024 سے پہلے 8 سال میں ڈالر کے مقابلے روپے کی قدر میں سالانہ 10 فیصد کی کمی ہورہی تھی۔

    ڈالر کے مقابلے میں روپے کی قدر 278 روپے 37 پیسے پر ہے، جو 31 دسمبر 2023 کو تقریبا 281 روپے 85 پیسے سے اوپر تھا، ایکسچینج ریٹ میں بہتری ترسیلات زر میں اضافے اور کرنٹ اکاونٹ خسارے میں کمی کی وجہ سے دیکھی جا رہی ہے۔

    رپورٹ کے مطابق 20 دسمبر تک پاکستان کے زرمبادلہ کے ذخائر 16 ارب 37 کروڑ ڈالر سے تجاویز کر گئے اور اسٹیٹ بینک کے زرمبادلہ کے ذخائر 11 ارب 85 کروڑ 35 لاکھ ڈالر ہو چکے ہیں۔

    جولائی سے نومبر 2024 میں پاکستان کا کرنٹ اکاونٹ 94 کروڑ 40 لاکھ ڈالر سے سرپلس رہا ہے جو گزشتہ مالی سال کے پانچ ماہ میں ایک ارب 66 کروڑ 60 لاکھ ڈالر خسارے میں تھا۔

  • آئی ایم ایف سے قرض کی منظوری کے بعد روپے پر دباؤ کم ہونے لگا

    آئی ایم ایف سے قرض کی منظوری کے بعد روپے پر دباؤ کم ہونے لگا

    کراچی: آئی ایم ایف سے قرض کی منظوری کے بعد روپے پر دباؤ کم ہونے لگا ہے۔

    ڈالر اور کرنسی مارکیٹ کی ہفتہ وار رپورٹ کے مطابق آئی ایم ایف سے قرض کی منظوری کے بعد روپے پر پریشر کم ہونے لگا ہے، آئی ایم ایف سے قرض کی پہلی قسط 1 ارب 2 کروڑ ڈالر بھی موصول ہو گئی۔

    ایک ہفتے میں انٹربینک میں ڈالر 12 پیسے سستا ہو کر 277.52 روپے پر بند ہوا، جب کہ اوپن مارکیٹ میں ڈالر 31 پیسے کمی کے بعد 280 روپے سے نیچے آ گیا۔

    ایک ہفتے میں انٹربینک میں ڈالر 280.15 روپے سے کم ہو کر 279.84 روپے پر آ گیا، ایک ہفتے میں یورو 3.8 9 روپے سستا ہو کر 307.22 روپے کا ہو گیا، برطانوی پاؤنڈ 6.51 روپے سستا ہو کر 366.71 روپے کا ہو گیا۔

    پاکستان میں آج ڈالر اور دیگر کرنسیوں کی قیمت

    ایک ہفتے میں یو اے ای درہم 76.08 روپے پر جب کہ سعودی ریال 74.28 روپے پر برقرار رہا۔

    اسٹیٹ بینک آف پاکستان کا کہنا ہے کہ آئی ایم ایف سے قرض کی پہلی قسط 1.02 ارب ڈالر ملنے سے ذخائر بڑھ گئے ہیں، اور مجموعی ملکی ذخائر 24 جون 2022 کی بعد بلند سطح 15.98 ارب ڈالر پر پہنچ گئے ہیں۔

    اسٹیٹ بینک کے ذخائر بھی 16 اپریل 2022 کی بلند سطح 10 ارب 70 کروڑ ڈالر ہو گئے ہیں۔

  • روپے کی قدر میں بتدریج اضافہ، انٹر بینک میں ڈالر 1 روپے 9 پیسے سستا

    روپے کی قدر میں بتدریج اضافہ، انٹر بینک میں ڈالر 1 روپے 9 پیسے سستا

    کراچی: زرمبادلہ مارکیٹ میں روپیہ آہستہ آہستہ مضبوط ہو رہا ہے، اور روپے کی قدر میں بتدریج اضافہ ہونے لگا ہے، گزشتہ ایک ہفتے کے دوران انٹر بینک میں ڈالر 1 روپے 9 پیسے سستا ہوا۔

    فاریکس ایسوسی ایسی کے مطابق انٹربینک میں ایک ہفتے کے دوران ڈالر 284 روپے 96 پیسے کم ہو کر 283 روپے 87 پیسے پر بند ہوا۔

    ایک ہفتے کے دوران اوپن مارکیٹ میں ڈالر کی قدر میں 1 روپے 25 پیسے کی کمی ریکارڈ کی گئی، اوپن مارکیٹ میں ڈالر 286 روپے سے کم ہو کر 284 روہے 75 پیسے میں فروخت ہوا۔

    ایک ہفتے میں اوپن مارکیٹ میں یورو 4 روپے سستا ہوا، یورو 311 روپے سے کم ہو کر 307 روپے کا ہو گیا، ایک ہفتے میں برطانوی پاؤنڈ کی قیمت کوئی کمی یا اضافہ نہیں ہوا ، پاؤنڈ کی قیمت 360 روپے پر مستحکم رہی۔

    ایک ہفتے میں امارتی درہم 40 پیسے کی کمی سے 77 روپے 80 پیسے کا ہو گیا، اوپن مارکیٹ میں سعودی ریال کی قیمت میں 40 پیسے کی کمی ہوئی، سعودی ریال 76 روپے 20 پیسے کم ہو کر 75 روپے 80 پیسے کا ہو گیا۔

    مثبت معاشی اشارے اور بینکوں کی مینوپلیشن

    جنرل سیکریٹری ایکسچینج کمپنیز آف پاکستان ظفر پراچہ کا کہنا ہے کہ گزشتہ تین ماہ میں ایکسچینج کمپنیوں نے انٹر مارکیٹ میں 1 ارب ڈالر جمع کرائے ہیں، ڈالر کی اسمگلنگ ہورڈنگ سمیت دیگر عوامل کی روک تھام کے باعث ڈالر کی قدر کم اور معیشت بہتر ہو رہی ہے، معاشی اشارے مثبت انداز میں آگے بڑھ رہے ہیں اور برآمدات میں اضافہ ہوا ہے۔

    ظفر پراچہ نے کہا اسٹاک مارکیٹ ریکارڈ سطح پہنچ گئی ہے، پہلی بار سکوک بانڈز کی تجارت اسٹاک مارکیٹ کے ذریعے کی جا رہی ہے بینکوں کی مینوپلیشن کو کنٹرول کیا گیا ہے۔

    نومبر 2023 میں ترسیلات زر کی شرح کیا رہی؟

    فاریکس ایسوسی ایشن ملک بوستان کا کہنا ہے کہ آئندہ آنے والے دنوں میں ڈالر 260 سے 250 کے درمیان آ سکتا ہے، ڈالر کی قدر جب کم ہو رہی تھی تو بینکس اور مارکیٹ پلیئرز کو اچھا نہیں لگا اور مینوپلیشن کر کے ایکسپورٹرز کو سینٹیمنٹ بنایا۔

    انھوں نے کہا آئی ایم ایف سے رقم بہت جلد مل جائے گی جس کے بعد ڈالر مزید گرے گا، یو اے ای سے اربوں ڈالرز کی سرمایہ کاری کی توقع ہے، ایس آئی ایف سی کے تحت کیے گئے اقدامات ملکی معیشت کے لیے مثبت ہیں۔

  • فضائی کرایوں میں 20 سے 30 ہزار روپے اضافہ ہو گیا

    فضائی کرایوں میں 20 سے 30 ہزار روپے اضافہ ہو گیا

    کراچی: ڈالر کی اونچی اڑان فضائی ٹکٹوں پر مسلسل اثر انداز ہونے لگی ہے، فضائی کرایوں میں 20 سے 30 ہزار روپے اضافہ ہو گیا ہے۔

    تفصیلات کے مطابق ڈالر کی قدر میں اضافے کی وجہ سے کراچی سمیت ملک کے دیگر علاقوں سے فضائی سفر کرنے والے مسافروں کو مشکلات کا سامنا ہے۔

    سعودی عرب، امریکا، برطانیہ اور یورپی ملکوں کے کرائے میں 20 سے 30 ہزار روپے کا اضافہ کر دیا گیا ہے، ذرائع کا کہنا ہے کہ جدہ اور مدینہ کے ٹکٹ میں بھی 28 ہزار روپے اضافہ ہو گیا ہے۔

    دبئی کا یک طرفہ کم از کم کرایہ 99 ہزار روپے سے بڑھ کر ڈیڑھ لاکھ روپے تک ہو گیا ہے۔

    لاہور سے کراچی کے کرائے میں بھی 7 ہزار روپے سے زائد کا اضافہ کیا گیا ہے، لاہور سے کراچی دو طرفہ کرایہ 34 ہزار سے بڑھ کر 41 ہزار روپے ہو گیا۔

    لاہور سے استنبول کرائے میں 15 ہزار روپے سے زائد کا اضافہ کیا گیا ہے، یک طرفہ کرایہ 1 لاکھ 88 ہزار روپے ہو گیا۔ لاہور سے ٹورنٹو کرائے میں 35 ہزار روپے سے زائد کا اضافہ کیے جانے کے بعد یک طرفہ کرایہ 5 لاکھ 3 ہزار روپے ہو گیا۔

  • ڈالر 168 روپے کا ہوگیا

    ڈالر 168 روپے کا ہوگیا

    کراچی: انٹر بینک میں ڈالر کی قیمت میں اضافہ اور روپے کی قدر میں کمی دیکھی جارہی ہے جس کے بعد ڈالر کی قیمت 168 روپے ہوگئی۔

    تفصیلات کے مطابق انٹر بینک میں ڈالر 35 پیسے مہنگا ہوگیا جس کے بعد انٹر بینک میں ڈالر کی قیمت 168 روپے پر پہنچ گئی۔

    ڈالر کی قیمت 167 روپے سے گزشتہ روز تجاوز کرگئی تھی، گزشتہ روز ڈالر 62 پیسے مہنگا ہوا تھا جس کے بعد ڈالر 167 روپے سے تجاوز کر گیا تھا، انٹر بینک میں ڈالر کی قیمت 166.58 سے بڑھ کر 167.20 روپے ہوگئی تھی۔

    گزشتہ چند روز میں ڈالر کی قیمت میں کمی دیکھی جارہی تھی، گزشتہ روز انٹر بینک میں ڈالر 33 پیسے سستا ہوگیا تھا جس کے بعد انٹر بینک میں ڈالر 166.63 سے کم ہو کر 166.30 روپے پر پہنچ گیا تھا۔

    اس سے قبل بھی ڈالر کی قدر میں 10 پیسے کمی ہوئی تھی اور ڈالر 165.75 تک پہنچ گیا تھا۔

  • انٹر بینک اور اوپن مارکیٹ میں ڈالر مزید مہنگا ہو گیا

    انٹر بینک اور اوپن مارکیٹ میں ڈالر مزید مہنگا ہو گیا

    کراچی: انٹر بینک اور اوپن مارکیٹ میں ڈالر کی قدر میں ایک بار پھر اضافہ ہو گیا ہے۔

    اے آر وائی نیوز کے مطابق اوپن مارکیٹ میں ڈالر ایک روپے مہنگا ہو گیا ہے، جس کے بعد ڈالر 157 سے بڑھ کر 158 روپے کا ہو گیا ہے، فاریکس ایسوسی ایشن کے صدر ملک بوستان کا کہنا ہے کہ تین روز میں اوپن مارکیٹ میں ڈالر 3 روپے 70 پیسے مہنگا ہو چکا ہے۔

    فاریکس ایسوسی ایشن کے مطابق ٹی بلز اور بانڈز سے سرمایہ نکلنے پر ڈالر کی خریداری ہو رہی ہے، روپے پر دباؤ بڑھنے سے ڈالر کی قدر میں تین روز سے مسلسل اضافہ ہو رہا ہے۔

    انٹر بینک میں بھی ڈالر 98 پیسے مہنگا ہو گیا ہے، فاریکس ڈیلرز کے مطابق انٹر بینک میں ڈالر سات ماہ کے بعد 158.42 روپے پر جا پہنچا، فاریکس ڈیلرز کے مطابق انٹر بینک میں ڈالر 157.44 سے بڑھ کر 158.42 روپے پر بند ہوا۔

    ملکی زرمبادلہ کے ذخائر 18 ارب 86 کروڑ ڈالرز تک پہنچ گئے

    بینکوں کے درمیان لین دین میں ڈالر کی قدر میں اضافہ جاری ہے، اور 158 روپے کی سطح عبور ہو گئی ہے، ڈالر نے 6 ماہ بعد 158 روپے کی حد سے تجاوز کیا، تین دن میں ڈالر کی قیمت 2.6 فی صد بڑھی۔

  • سال 2019: حکومتی اصلاحات کے نتیجے میں روپے کی قدر میں استحکام رہا

    سال 2019: حکومتی اصلاحات کے نتیجے میں روپے کی قدر میں استحکام رہا

    اسلام آباد: سال 2019 کی پہلی ششماہی پاکستانی کرنسی اور اسٹاک مارکیٹ دونوں کے لیے انتہائی سخت ثابت ہوئی، دوسری ششماہی میں دونوں میں نمایاں استحکام دیکھنے میں آیا۔

    تفصیلات کے مطابق سال 2019 کا آغاز پاکستانی کرنسی کے لیے کچھ خاص بہتر نہ ثابت ہوسکا، تاہم حکومت کے معاشی استحکام کے لیے کی گئی اصلاحات کے نتیجے میں جولائی کے بعد سے روپے کی قدر میں استحکام دیکھا جا رہا ہے۔

    دسمبر 2018 کے اختتام پر ڈالر کی قیمت 140 روپے تھی جو اب بڑھ کر 155 سے زائد پر آگئی ہے، گزشتہ سال کے دوران روپے کی قدر تاریخ کی کم ترین سطح پر بھی دیکھی گئی۔ 3 جولائی کو ایک ڈالر 163 روپے 07 پیسے پر فروخت ہوا۔

    پاکستان اسٹاک مارکیٹ میں بھی یہی رجحان دیکھنے میں آیا۔ 31 دسمبر 2018 کو انڈیکس 37 ہزار 66 پوائنٹس پر بند ہوا۔ اس کے بعد سال 2019 میں اگست میں انڈیکس 28 ہزار 765 کی کم ترین سطح پر دیکھا گیا۔

    تاہم اس کے بعد سے انڈیکس میں تیزی دیکھی گئی، 17 دسمبر کو انڈیکس 42 ہزار پوائنٹس کی سطح پر جا پہنچا۔

    رواں برس حکومتی کاوشوں اور ملکی معاشی صورتحال میں بہتری کے باعث سرمایہ کاروں کا اعتماد بھی بحال ہوا۔ سال بھر میں انڈیکس 10.9 فیصد جبکہ کم ترین سطح سے 43 فیصد بڑھ چکا ہے۔

    گزشتہ برس بیرونی کھاتوں میں استحکام سے روپے کی قدر میں بھی پہلے بہتری اور پھر استحکام دیکھا گیا، تاہم ماہرین نئے سال میں ڈالر کی قیمت بڑھنے کا خدشہ ظاہر کر رہے ہیں۔

  • پاکستانی روپے کے مقابلے میں امریکی ڈالر کی قدر میں مزید کمی

    پاکستانی روپے کے مقابلے میں امریکی ڈالر کی قدر میں مزید کمی

    کراچی: مقامی انٹربینک مارکیٹ میں بدھ کو پاکستانی روپے کے مقابلے میں امریکی ڈالر کی قدر میں مزید 8پیسے کی کمی ہوئی جبکہ اوپن مارکیٹ میں استحکام رہا۔

    تفصیلات کے مطابق فاریکس ایسوسی ایشن آف پاکستان کا کہنا ہے کہ گزشتہ روز انٹربینک مارکیٹ میں روپے کے مقابلے میں امریکی ڈالر کی قیمت میں 8 پیسے کی کمی ریکارڈ کی گئی جس کے نتیجے میں امریکی ڈالر کی قیمت خرید 156.35روپے سے گھٹ کر156.27روپے اور قیمت فروخت 156.45روپے سے گھٹ کر156.37روپے ہوگئی۔

    اوپن کرنسی مارکیٹ میں ڈالر کی قیمت خرید 156.20روپے اور قیمت فروخت 156.70روپے برقرار رہی، دیگر کرنسیوں میں یورو کی قیمت خرید 171.50روپے اور قیمت فروخت173.50روپے مستحکم رہی۔

    برطانوی پونڈ کی قدر میں1.50روپے کا اضافہ ریکارڈ کیا گیا جس سے برطانوی پاونڈ کی قیمت خرید 191روپے سے بڑھ کر192.50روپے اور قیمت فروخت 193روپے سے بڑھ کر194.50روپے ہوگئی۔

    گزشتہ ہفتے ڈالر کی قیمت میں کمی

    فاریکس ایسوسی ایشن کے مطابق سعودی ریال کی قیمت خرید 41.40روپے سے بڑھ کر41.50روپے اور قیمت فروخت 41.70روپے سے بڑھ کر41.80روپے ہوگئی۔

    یو اے ای درہم کی قیمت خرید 42.40روپے سے بڑھ کر42.50روپے اور قیمت فروخت 42.70روپے سے بڑھ کر 42.80روپے ہوگئی۔ چینی یو آن کی قیمت خرید 22.50روپے اور قیمت فروخت 23.80روپے کی سطح پر مستحکم رہی۔

  • روپے کے مقابلے ڈالر کی قدر میں مسلسل کمی کا رجحان

    روپے کے مقابلے ڈالر کی قدر میں مسلسل کمی کا رجحان

    کراچی: انٹر بینک اور مقامی اوپن کرنسی مارکیٹ میں روپے کے مقابلے ڈالر کی قدر میں کمی کا رجحان دیکھنے میں آیا ہے، روپے کے مقابلے ڈالر کی قدر میں 70پیسے تک کمی ہوئی۔

    تفصیلات کے مطابق فاریکس ایسوسی ایشن آف پاکستان کی رپورٹ میں کہا گیا ہے کہ جمعرات کو انٹر بینک میں روپے کے مقابلے ڈالر کی قدر میں 70پیسے کی کمی واقع ہوئی جس سے ڈالر کی قیمت فروخت 158.70روپے سے کم ہو کر158روپے ہو گئی۔

    اسی طرح مقامی اوپن کرنسی مارکیٹ میں ڈالر کی قدر 30پیسے گھٹ گئی جس سے ڈالر کی قیمت خرید 158.50روپے سے کم ہو کر158.20روپے اور قیمت فروخت159روپے سے کم ہو کر158.70روپے ہوگئی۔

    روپے کے مقابلے ڈالر کی قدر گھٹ گئی، اوپن مارکیٹ میں روپے کی قدر مستحکم

    فاریکس رپورٹ کے مطابق یورو کی قدر میں 20پیسے کی کمی واقع ہوئی جس سے یورو کی قیمت خرید 174روپے سے کم ہو کر173.20روپے اور قیمت فروخت176روپے سے کم ہو کر175.80روپے ہو گئی تاہم برطانوی پونڈ کی قمت خرید 190روپے اور قیمت فروخت192.50روپے پر بدستور برقرار رہی۔

    دو روز قبل بھی انٹر بینک میں روپے کے مقابلے ڈالر کی قدر گھٹی تھی جبکہ مقامی اوپن کرنسی مارکیٹ میں روپے کی قدر مستحکم رہی۔

  • روپے کے مقابلے ڈالر کی قدر گھٹ گئی، اوپن مارکیٹ میں روپے کی قدر مستحکم

    روپے کے مقابلے ڈالر کی قدر گھٹ گئی، اوپن مارکیٹ میں روپے کی قدر مستحکم

    کراچی: انٹر بینک میں روپے کے مقابلے ڈالر کی قدر گھٹ گئی جبکہ مقامی اوپن کرنسی مارکیٹ میں روپے کی قدر مستحکم رہی۔

    تفصیلات کے مطابق فاریکس ایسوسی ایشن آف پاکستان کی رپورٹ میں کہا گیا ہے کہ منگل کو انٹر بینک میں روپے کے مقابلے ڈالر کی قدر میں3 پیسے کی کمی واقع ہوئی جس سے ڈالر کی قیمت خرید158.70روپے سے کم ہو کر158.67روپے اور قیمت فروخت 158.80روپے سے کم ہو کر158.77روپے ہوگئی۔

    تاہم مقامی اوپن کرنسی مارکیٹ میں ڈالر کی قیمت خرید 158.50روپے اور قیمت فروخت159روپے پر بدستور برقرار رہی۔

    ایشیائی ترقیاتی بینک پاکستان کو مزید ڈھائی کروڑ ڈالر کا قرض دے گا

    فاریکس رپورٹ کے مطابق یورو کی قدر میں 1روپے کی نمایاں کمی ریکارڈ کی گئی جس سے یورو کی قیمت خرید174.50روپے سے کم ہو کر173.50روپے اور قیمت فروخت176.50روپے سے کم ہو کر175.50روپے ہوگئی۔

    اسی طرح 75پیسے کی کمی سے برطانوی پونڈ کی قیمت خرید190.75روپے سے کم ہو کر190روپے اور قیمت فروخت 192.75 روپے سے کم ہو کر 192روپے پر آ گئی۔