Tag: روہت شرما

بھارتی کرکٹ ٹیم کے سابق کپتان روہت شرما کے بھولنے کی عادت سے سب واقف ہیں ان کے بعد انڈیا کو ایک اور بھلکڑ کپتان مل گیا ہے۔

بھارت کے کامیاب ترین سابق کپتانوں میں سے ایک روہت شرما کو جہاں ان کی عالمی سطح پر کامیابیوں کے حوالے سے یاد رکھا جائے گا۔ وہیں انہیں ایک بھلکڑ شخص کے طور پر بھی یاد رکھا جائے گا۔ وہ کئی بار ٹورز پر اپنی اہم دستاویزات اور اشیا ہوٹل یا کہیں اور بھول گئے۔ اس کا اعتراف بھی انہوں نے کیا۔

لیکن لگتا ہےکہ روہت شرما کی ریٹائرمنٹ کے بعد بھارت کو ایک اور بھلکڑ کپتان شبمن گل کی صورت میں مل گیا ہے۔ انہوں نے روہت کے بعد صرف بھارتی ٹیم کی قیادت ہی نہیں سنبھالی بلکہ وراثت میں بھولنے کی عادت بھی لے لی۔

انگلینڈ اور بھارت کے درمیان گزشتہ روز پانچویں اور آخری ٹیسٹ میچ کے ٹاس کے موقع پر بھارتی کپتان شبمن گل بھی بھول گئے جس نے روہت شرما کی یاد تازہ کر دی۔

ٹاس کے بعد پریزینٹر اور سابق کرکٹر روی شاستری نے بھارتی کپتان سے ٹیم میں تبدیلیوں سے متعلق سوال کیا۔ اس پر شبمن گل نے جواب دیا کہ آخری میچ کے لیے ٹیم میں 3 تبدیلیاں کی گئی ہیں۔ دھرو جوریل، کرن نائر اور پراسدھ کرشنا کو ریشابھ پنت، شردل ٹھاکر اور جسپریت بمرا کی جگہ الیون میں شامل کیا ہے۔

تاہم جب ٹیم شیٹ دیکھی گئی تو معلوم ہوا کہ بھارت نے پانچویں ٹیسٹ میچ کے لیے فائنل الیون میں تین نہیں بلکہ چار تبدیلیاں کیں۔

دراصل بھارتی کپتان تبدیلیاں بتاتے ہوئے آکاش دیپ کا ذکر کرنا بھول گئے، جنہیں گروئن انجری کے باعث چوتھے میچ میں آرام دیا گیا تھا۔ تاہم پانچویں میچ میں انشول کمبوج کو باہر بنچ پر بھٹا کر آکاش دیپ کو فائنل الیون کا حصہ بنایا گیا ہے۔

بھارتی کرکٹر یوزویندر چہل کو ’کارٹون‘ کہنے پر سابق کپتان روہت شرما کی اہلیہ ریتیکا سجدے سوشل میڈیا صارفین کی شدید تنقید کی زد میں آگئیں۔

بھارتی میڈیا رپورٹس کے مطابق روہت شرما کی اہلیہ ریتیکا سجدے یوزویندرا چہل کو ’کارٹون‘ کہنے پر سوشل میڈیا پر تنقید کا نشانہ بن گئیں، یہ واقعہ سابق آف اسپنر ہربھجن سنگھ اور ان کی اہلیہ گیتا بسرا کے یوٹیوب شو کے دوران پیش آیا۔

شو میں ہربھجن اور گیتا نے روہت اور ریتیکا کو کچھ کرکٹرز کی تصویریں دکھاتے ہیں اور پوچھتے ہیں کہ ان کی تصویریں دیکھنے کے بعد ان کے ذہن میں کیا آتا ہے۔

پہلی تصویر جو سامنے آئی وہ شیکھر دھون کی تھی جس میں روہت انھیں ‘جاٹا’ کہہ رہے تھے، تاہم اگلی تصویر یوزویندر چہل کی تصویر سامنے آئی، روہت تو چپ رہے مگر ریتیکا نے بے ساختہ انھیں "کارٹون” کہہ دیا۔

Rohit Sharma's wife called Yuzvendra Chahal a cartoon. Is this the way she respects an indian player?

Imagine if Anushka Sharma calls an Indian player a cartoon like this? pic.twitter.com/z962NpiCqa

— Honest Cricket Lover (@Honest_Cric_fan) June 22, 2025

روہت کی اہلیہ کا کہنا تھا کہ "عام طور پر وہ ایک کارٹون ہوتا ہے،” یہ کلپ کچھ ہی دیر میں سوشل میڈیا پر وائرل ہو گئی۔

یوزویندر کو ‘کارٹون’ کہنے پر سوشل میڈیا صارفین نے روہت کی اہلیہ پر تنقید کرنے میں کوئی کسر نہیں چھوڑی، ایک صارف کا کہنا تھا کہ یہ کیسی بےشرمی کا رویہ ہے، جس نے اسے یوزویندر کو کارٹون کہنے کا حق دیا۔

ایک اور صارف نے لکھا کہ یہ بےشرم ہے، یہ تو خود لگتی ہے کارٹون جیسی ناک، کان، منہ دیکھو اور دوسروں کو بول رہی ہے۔

بھارت کو ایک سال میں دو آئی سی سی ٹرافی دلانے والے بھارتی کپتان روہت شرما کے ٹیسٹ کرکٹ سے ریٹائرمنٹ کے بعد نئے کپتان کا نام سامنے آیا ہے۔

بھارت نے آئندہ ماہ جون میں انگلینڈ جا کر پانچ ٹیسٹ میچوں کی سیریز کھیلنی ہے۔ تاہم سیریز سے قبل اور آئی پی ایل کے درمیان بھارت کو ایک سال کے مختصر عرصہ میں دو آئی سی سی ٹرافیاں (ٹی ٹوئنٹی ورلڈ کپ اور چیمپئنز ٹرافی) جتوانے والے کپتان روہت شرما کے اچانک ٹیسٹ کرکٹ سے ریٹائرمنٹ کےبعد نئے کپتان کے نام کی بازگشت شروع ہو گئی ہے۔

بھارتی میڈیا کے مطابق روہت شرما کی ریٹائرمنٹ کے بعد دورہ انگلینڈ میں بھارتی ٹیم کی قیادت شبھمن گل کا مقدر بن سکتی ہے۔

رپورٹ کے مطابق ٹیسٹ ٹیم کے نائب کپتان جسپریت بمراہ جنہوں نے آسٹریلیا میں بارڈر گواسکر ٹرافی کے دوران روہت شرما کی غیر موجودگی میں بھارتی ٹیم کی کپتانی کی تھی۔ تاہم کام کی زیادتی اور مسلسل فٹنس مسائل کے باعث سلیکٹرز انہیں مکمل طور پر قیادت کا بوجھ دینا نہیں چاہتے۔

رواں ماہ کے آخر میں بھارتی چیف سلیکٹر اجیت اگرکر کی قیادت میں سلیکشن کمیٹی کی میٹنگ میں دورہ انگلینڈ کے لیے ٹیم کا انتخاب متوقع ہے۔

دورہ انگلینڈ سے بھارت اگلے ورلڈ ٹیسٹ چیمپئن شپ سائیکل 27-2025 کا آغاز کرے گی اور سلیکٹرز ٹیم کے مستقبل کو مدنظر رکھتے ہوئے ایسا کپتان چاہتے ہیں جو چند سال تک ٹیم کی قیادت کا بوجھ اٹھا سکے اور اس کے لیے 25 سالہ شبھمن گل ترجیحی آپشن بن سکتے ہیں۔

واضح رہے کہ شبھمن گل کو حال ہی میں روہت شرما کے ساتھ ون ڈے ٹیم کا نائب کپتان بنایا گیا تھا۔ جب کہ وہ بھارت کے لیے ٹی ٹوئنٹی فارمیٹ میں بھی کپتان کر سکتے ہیں۔ کے لیے ٹی ٹوئنٹی کی کپتانی کر چکے ہیں۔ اگر شبھمن کو ٹیسٹ فارمیٹ کا کپتان بنایا جاتا ہے تو بطور کپتان دورہ انگلینڈ ان کی پہلی آزمائش ہوگا۔

شبھمن گل نے دسمبر 2020 میں ملیبرن میں انٹرنیشنل ڈیبیو کیا اور اب تک 32 ٹیسٹ میچوں میں 5 سنچریوں اور 7 نصف سنچریوں کی مدد سے 1893 رنز بنا چکے ہیں۔

بھارت کو ایک سال میں دو آئی سی سی ٹرافیاں جتوانے والے کپتان روہت شرما کا متبادل کون ہوگا ایک نام سامنے آ گیا۔

بھارت کو ایک سال میں دو آئی سی سی ٹرافیاں (ٹی 20 ورلڈ کپ 2024 اور چیمپئنز ٹرافی 2025) جتوانے والے کپتان روہت شرما کی جلد کھیل سے ریٹائرمنٹ لینے کی خبریں میڈیا میں گردش کرتی رہتی ہیں۔

روہت نے فی الحال ان خبروں کو افواہ ہی قرار دیا ہے تاہم ایک سابق بھارتی سلیکٹر روہت شرما کے جاں نشین کا نام سامنے لے آئے ہیں۔

سابق سلیکٹر اور وکٹ کیپر صبا کریم نے بھارتی میڈیا سے گفتگو میں کہا ہے کہ روہت شرما کی جگہ رشبھ پنت انڈین ٹیسٹ ٹیم کے کپتان بن سکتے ہیں۔

ان کا کہنا تھا کہ آج کل ہر طرز کی کرکٹ کے لیے الگ کپتان بنانے کا ٹرینڈ ہے، تاہم اگر تمام فارمیٹس کے لیے ایک ہی کھلاڑی کو کپتان منتخب کیا جائے تو میں اس کے لیے رشبھ پنت کا ہی نام لوں گا۔

صبا کریم نے کہا کہ نئے ٹیلنٹ میں رشبھ پنت واحد کھلاڑی ہیں جنہوں نے تینوں فارمیٹ میں اپنی صلاحیتیں منوا لی ہیں۔ اس لیے وہ اس عہدے کے سب سے بڑے دعوے دار ہوں گے۔

سابق سلیکٹر جو آئی پی ایل میں دہلی کیپٹلز ٹیم میں رشبھ پنت کے ساتب بطور مینٹور کام کر چکے ہیں۔ ان کا کہنا ہے کہ پنت میں میں میچ جیتنے کی بھوک ہے اور وہ کپتانی کا بوجھ نہیں لیتا۔

ان کا کہنا تھا کہ اب بھارتی ٹیم 2027 کی ورلڈ ٹیسٹ چیمپئن شپ کو مدنظر رکھ کر بنائی جانی چاہیے اور اس کے لیے طویل مدتی کپتان کا تلاش کرنا ہو گا، جس کے لیے پنت موزوں ترین امیدوار ہو سکتے ہیں۔

https://urdu.arynews.tv/rohit-sharma-lead-team-india-during-tests-vs-eng/

بھارتی کپتان روہت شرما جو چیزیں بھول جانے سے متعلق مشہور ہیں اس بار چیمپئنز ٹرافی جیت کر ٹرافی اٹھانا ہی بھول گئے۔

بھارتی کرکٹ ٹیم کے کپتان روہت شرما جو مختلف ٹورنامنٹس میں کئی بار اپنی اہم چیزیں بھول چکے ہیں جس کے باعث قریبی لوگ انہیں بھلکڑ بھی کہتے ہیں۔ تاہم دبئی میں آئی سی سی چیمپئنز ٹرافی جیتننے کے بعد بلیو شرٹس کپتان اپنا پاسپورٹ یا فون نہیں بلکہ چیمپئنز ٹرافی لینا ہی بھول گئے۔

چیمپئنز ٹرافی جیتنے کے بعد بھارتی کپتان نے پریس کانفرنس کی۔ اس گفتگو کے کلپ کا آخری حصہ سوشل میڈیا پر تیزی سے وائرل ہو رہا ہے جس میں روہت شرما کو پریس کانفرنس ختم ہونے کے بعد خالی ہاتھ کرسی سے اٹھ کر واپس جاتے دیکھا جا سکتا ہے جب کہ میگا ایونٹ کی جیتی ہوئی ٹرافی سامنے میز پر یونہی رکھی رہتی ہے۔

وائرل ویڈیو میں دیکھا جا سکتا ہے کہ جیسے ہی پریس کانفرنس ختم ہوتی ہے وہ اپنی نشست سے اٹھ کر تیزی سے چلے جاتے ہیں اور اپنے سامنے میز پر رکھی چیمپئنز ٹرافی کو اٹھانا بھول جاتے ہیں۔

یہ منظر دیکھ کر وہاں موجود انتظامیہ کا ایک شخص ٹرافی اٹھا کر بھارتی کپتان کے پیچھے پیچھے انہیں ٹرافی دینے کے لیے روہت بھائی روہت بھائی پکارتا ہوا جاتا ہے۔

واضح رہے کہ روہت شرما کو بھولنے کی عادت ہے اور اسی عادت سے مجبور ہو کر دو برس قبل ایشیا کپ جیتنے کے بعد بھارتی کپتان سری لنکا سے وطن واپسی کے لیے ایئرپورٹ جاتے ہوئے اپنا پاسپورٹ ہوٹل میں بھول گئے تھے۔

2023 کے ون ڈے ورلڈ کپ میں کپتانوں کی ملاقات کے ایونٹ کے دوران روہت شرما اپنا آئی فون ہی بھول گئے تھے۔

یہ انکشاف پاکستانی اوپنر امام الحق نے اپنے ایک پوڈکاسٹ انٹرویو میں کیا تھا اور بتایا تھا کہ 2023 ورلڈ کپ سے قبل تمام ٹیموں کے کپتانوں کی ملاقات کی تقریب میں روہت شرما کئی بار اپنا آئی فون اور آئی پوڈ وہاں بھولے اس وقت کے پاکستانی کپتان بابر اعظم نے روہت کا آئی فون گم ہونے سے بچاتے ہوئے کم از کم دو بار آئی فون بھارتی کپتان کو دیا تھا۔