Tag: روہت شرما

بھارتی کپتان کے لیے ایک عام سا بولر ڈراؤنا خواب بن گیا، نیٹ بولر نے روہت شرما کو دو گیندوں پر دو بار آؤٹ کیا۔

تجربہ کار بلے باز روہت شرما کے لیے انگلینڈ کے خلاف ٹیسٹ میچز کے بعد نیٹ میں بھی مشکلات کم نہیں ہوئیں۔ انھیں راجکوٹ میں ہونے والے تیسرے ٹیسٹ میچ سے قبل نیٹ میں بولنگ کرنے والے بولر نے کافی ٹف ٹائم دیا۔

بھارتی اخبار کے مطابق ملک کے بہترین بیٹرز میں سے ایک روہت مسلسل دو گیندوں پر نیٹ باؤلر کے ہاتھوں آؤٹ ہو گئے۔ پہلی گیند نے ان کی مڈل اسٹمپ کو اکھاڑ دیا جبکہ اگلی گیند ایک آؤٹ سوئنگر تھی جو بلے کا کنارہ لیتی ہوئی سلپ کی پوزیشن میں گئی۔

شائقین پرامید ہیں کہ کپتان تیسرے ٹیسٹ میں فارم میں واپس آجائیں گے کیونکہ یہ بھی اطلاعات ہیں کہ ہوم سائیڈ اس اہم مقابلے نسبتاً ناتجربہ کار بیٹنگ لائن اپ کو میدان میں اتارے گی۔

بھارت نے تجربہ کار اجنکیا رہانے اور چیتشور پجارا کو ٹیم میں شامل نہ کرنے کا فیصلہ کیا ہے جبکہ لیجنڈ ویرات کوہلی نے ’ذاتی وجوہات‘ کی بنا پر سیریز سے دستبرداری اختیار کی ہے۔

واضح رہے کہ انگلینڈ کے خلاف اب تک کی چار اننگز میں روہت نے 22.50 کی اوسط سے صرف 90 رنز بنائے ہیں۔ جنوبی افریقہ کے خلاف دو میچوں کی ٹیسٹ سیریز میں بھی وہ ناکام رہے تھے جہاں انھوں نے 20.33 کی اوسط سے چار اننگز میں محض 61 رنز اسکور کیے۔

بھارتی کپتان دوسرے ٹیسٹ میچ کے دوران گراؤنڈ میں چلاتے رہے جبکہ ان کی ویڈیو بھی وائرل ہورہی ہے جس میں وہ اس بابت گفتگو کرتے پائے گئے۔

تفصیلات کے مطابق انڈین کپتان روہت شرما وشاکاپٹنم میں انگلینڈ کے خلاف دوسرے ٹیسٹ کے دوران میدان میں کافی مستعد نظر آئے اور چلا چلا کر اپنے پلیئرز کو ہدایات دیتے رہے۔

بھارتی کپتان کئی مواقع پر اسٹمپ مائیک پر ٹیم کے ساتھیوں کے ساتھ تفریحی گفتگو کرتے ہوئے پائے گئے ہیں جو کہ سوشل میڈیا پر فوری وائرل ہوگئی۔

ٹیسٹ میچ کا چوتھا دن بحیثیت قائد ان کے لیے کافی اچھا ثابت ہوا اور انھیں مہمان سائیڈ کے خلاف فتح نصیب ہوئی تاہم اپنے پلیئرز کے ساتھ ان کی مضحکہ خیز گفتگو بھی سوشل میڈیا کی زینت بن گئی۔

انگلینڈ کی دوسری اننگز کے 34 ویں اوور کے دوران روہت شرما اپنے کھلاڑیوں پر تھوڑا غصہ کرتے نظر آئے جب انگلینڈ کے 157 پر 4 کھلاڑی آؤٹ تھے۔

انھیں وائر ویڈیو میں واضح طور پر کہتے سنا جاسکتا ہے کہ ’’میرے گلے کا واٹ لگ گیا ہے چلا چلا کے تم سب کو۔‘‘

🤣🤣 Rohit Bhai@ImRo45 #INDvsENGTest #INDvsENG pic.twitter.com/MX4JKoPHMn

— RITIKA_RO_45 👑 (@RITIKAro4545) February 5, 2024

واضح رہے کہ دوسرے ٹیسٹ میں میزبان بھارت نے انگلینڈ کو 106 رنز کے مارجن سے شکست دی تھی۔ مہمان سائیڈ چوتھی اننگز میں 399 رنز کے ہدف کے تعاقب میں چوتھے دن 292 رنز پر ڈھیر ہوگئی تھی۔

اس سے قبل سیریز کے پہلے مقابلے میں انگلینڈ نے شاندار کارکردگی کا مظاہر کرتے ہوئے بھارتی ٹیم کو چت کیا تھا جس میں انگلش اسپنرز نے اہم کردار ادا کیا تھا۔ اس وقت پانچ میچز کی ٹیسٹ سیریز 1-1 سے برابر ہے۔

سابق انگلش کرکٹر نے پہلے ٹیسٹ میں شکست کے بعد روہت شرما کے حوالے سے بڑا دعویٰ کرتے ہوئے کہا کہ ان کا دور ختم ہوچکا ہے۔

حیدرآباد ٹیسٹ میں انگلینڈ نے حیران کن طور پر بھارت کو 28 رنز سے شکست دی تھی، میزبان ٹیم اپنے ہوم گراؤنڈ پر 231 رنز کا معمولی ہدف حاصل کرنے میں ناکام رہی جبکہ میچ میں روہت شرما کی پرفامنس اور کپتانی دونوں اوسط درجے کی رہی۔

بھارتی کپتان کی بلے بازی کے بارے میں اپنے خیالات کا اظہار کرتے ہوئے انگلینڈ کے سابق کرکٹر جیفری بائیکاٹ نے کہا کہ ماضی قریب میں انھوں نے اپنی ٹیم کے لیے ہوم گراؤنڈ پر صرف دو سنچریاں اسکور کی ہیں۔

جیفری نے کہا کہ بھارتی کپتان روہت شرما تقریباً 37 سال کے ہوچکے ہیں اور وہ اپنے بہترین دور سے گزر چکے ہیں۔ انھوں نے کافی کوشش کی لیکن چار سالوں میں ہوم گراؤنڈ پر صرف دو ٹیسٹ سنچریاں ہی اسکور کرسکے۔

انھوں نے کہا کہ بھارتی ٹیم میدان میں کمزور نظر آئی اور انگلینڈ کے پاس سنہری موقع ہے کہ وہ 12 سال بعد اسے ہوم گراؤنڈ پر شکست دینے والی پہلی ٹیم بن جائے۔

بائیکاٹ نے برطانوی اخبار کے لیے اپنے کالم میں لکھا کہ ویرات کوہلی کی کمی بری طرح محسوس ہورہی ہے جبی رویندر جڈیجا کو ہیمسٹرنگ انجری ہوچکی ہے اور وہ دوسرا ٹیسٹ نہیں کھیلیں گے۔

انگلش فاسٹ بولر مارک ووڈ نے ٹیسٹ سیریرز کے آغاز سے قبل روہت شرما کے شارٹ بالز کو اچھا کھیلنے کی تعریف کی ہے مگر انھیں خبردار بھی کیا ہے۔

مارک ووڈ نے کہا کہ میں جانتا ہوں کہ بھارتی کپتان روہت شرما شارٹ گیندوں کو کتنی اچھی طرح سے کھیلتے ہیں، تاہم اس کا مطلب یہ ہرگز نہیں ہے کہ میں انھیں باؤنسر نہیں کراؤں گا۔ اس کا مطلب صرف یہ ہے کہ مجھے انھیں کافی درست انداز میں اور صحیح وقت میں باؤنسر کرنا ہوگا۔

انگلینڈ کے اٹیک بولر کا مزید کہنا تھا کہ وہ بھارت میں چیلنجز سے واقف ہیں لیکن دسمبر 2022 میں پاکستان کو اس کی سرزمین پر 0-3 سے شکست دینے والی ٹیم بھرپور کارکردگی دکھائے گی۔

انھوں نے کہا کہ ہمیں یہاں کے چیلنجز کا علم ہے۔ بھارتی ٹیم اپنے ملک میں بہت کم ہی ہارتی ہے۔ میرے خیال میں یہ موقع ایک فری ہٹ کی طرح ہے جہاں ہم کچھ مختلف کرنے کی کوشش کر سکتے ہیں۔

مارک ووڈ نے کہا کہ ہم نے حال ہی میں پاکستان میں سیریز کے ہر ٹیسٹ میچ میں فتح حاصل کرکے تاریخ رقم کی ہے، کوشش کریں گے بھارت کو بھی شکست دیں۔

قابل ذکر بات یہ ہے کہ روہت شرما 2021 میں لارڈز ٹیسٹ کی دوسری اننگز کے دوران مارک ووڈ کے خلاف شارٹ گیند پر آؤٹ ہو گئے تھے۔

بھارتی بیٹر کا انگلینڈ کے خلاف ریکارڈ شاندار ہے، انھوں نے 17 اننگز میں 49.80 کی اوسط سے دو سنچریوں اور تین نصف سنچریوں کی مدد سے 747 رنز جوڑ رکھے ہیں۔

اوپننگ بلے باز اپنے ملک میں بھی کافی بہتر ریکارڈ کے حامل ہیں انھوں نے بھارت میں بیٹنگ کرتے ہوئے 36 اننگز میں 66.73 کی اوسط سے 2002 رنز بنائے ہیں۔

سابق جنوبی افریقی جارح مزاج بیٹر سمجھتے ہیں کہ اگر ہاردک پانڈیا ممبئی انڈینز میں آگئے تو روہت انھیں کپتانی سونپ دیں گے۔

اے بی ڈی ویلیرز کو لگتا ہے کہ روہت شرما اگر بھارتی ٹیم کی کی کپتان جاری رکھتے ہیں تو ہاردک پانڈیا ممبئی انڈینز میں آکر کپتانی کی ذمہ داری اپنے کندھوں پر لے سکتے ہیں۔ اس سے روہت پر بوجھ کم ہوجائے گا۔

اپنے یوٹیوب چینل پر ایک ویڈیو میں گفتگو کرتے ہوئے مسٹر 360 کی عرفیت سے مشہور کرکٹر کا کہنا تھا کہ ’مجھے ایک مضحکہ خیز احساس ہورہا ہے کہ روہت اپنی جگہ ہاردک کو کپتان بنانے جا رہے ہیں۔ روہت پر ٹیم انڈیا کی کپتانی کا بہت زیادہ دباؤ ہے۔ شاید وہ اس لیے یہ اقدام کرنا چاہیں۔‘

اپنے خیالات کا اظہار کرتے ہوئے ڈی ویلیرز نے کہا کہ ممبئی انڈینز کے لیے یہ ایک بڑی خبر ہے۔ ہاردک کئی سالوں سے ممبئی کے لیے کافی اہم پلیئر رہے ہیں۔

ان کا مزید کہنا تھا کہ پانڈیا کو وانکھیڈے اسٹیڈیم میں کھیلنا پسند ہے۔ انھوں نے گجرات ٹائٹنز کے ساتھ ٹرافی جیتی اور پھر اگلے سیزن میں فائنل تک گئے۔ شاید انھیں لگتا ہے کہ یہ ان کا وقت ہے۔

واضح رہے کہ پچھلے دو سیزن میں آل راؤنڈر ہاردک نے گجرات ٹائٹنز کی قیادت کی تھی، جس میں انھوں نے ایک ٹائٹل جیتا اور دوسرے سیزن میں فائنل میں جگہ بنائی تھی۔ اب اطلاعات کے مطابق امکان ہے کہ گجرات کی ٹیم ممبئی کے ساتھ ان کا تبادلہ کرلے۔