Tag: روہت شرما

بھارتی کرکٹ شائقین نے کپتان روہت شرما کے پھر سے ناکام ہونے پر کہا ہے کہ وہ ٹیم پر بوجھ بن چکے ہیں، پلیز ریٹائر ہوجائیں۔

انگلینڈ کے خلاف سیریز کے پہلے ون ڈے میں بھی روہت شرما بری طرح ناکام ثابت ہوئے اور 7 گیندوں پر صرف 2 رنز بنا کر چلتے بنے جس پر شائقین کے صبر کا پیمانہ لبریز ہوگیا اور سوشل میڈیا صارفین انھیں جی بھر کر تنقید کا نشانہ بنا رہے ہیں اور ان سے ریٹائرمنٹ کا مطالبہ کررہےہ ہیں۔

روہت شرما نے انگلش بولر ثاقب محمود کی بال کو فلک کرنے کی کوشش کی، تاہم بال ان کے بلے سے ٹاپ ایج لگتے ہوئے ہوا میں بلند ہوئی اور لیام لیونگسٹن نے کیچ تھام لیا۔

روہت 2024-25 کے سیزن کے دوران تمام فارمیٹس میں 6، 5، 23، 8، 2، 52، 0، 8، 18، 11، 3، 6، 10، 3، 9 اور 2 رنز اسکور کرپائے ہیں، 10.37 کی اوسط سے 16 اننگز میں مجموعی طور پر انھوں نے صرف 166 رنزبنائے ہیں۔

سوشل میڈیا پر اپنے دل کی بھڑاس نکالتے ہوئے لوگوں نے لکھا کہ روہت شرما تم ٹیم پر بوجھ بن چکے ہو، پلیز ریٹائر ہوجاؤ، کئی صارفین نے ان کی فارم کو شدید تنقید کا نشانہ بنایا۔

سوشل میڈیا صارفین نے روہت شرما کے لیے کسی رحم دلی کا مظاہرہ نہیں کیا اور انھیں کھری کھری سنائی کئی صارفین نے ان سے فوری ریٹائرمنٹ کا مطالبہ بھی کیا۔

خیال رہے کہ بھارتی کپتان روہت شرما کا بلا نہ صرف انٹرنیشنل کرکٹ بلکہ ڈومیسٹک کرکٹ میں بھی رنز اگلنا بھول گیا ہے وہ فارم بحال کرنے ڈومیسٹک کھیلنے گئے تھے لیکن وہاں بھی 3 رنز پر آؤٹ ہوگئے۔

بھارتی ٹیم کے کپتان انگلینڈ کے خلاف ون ڈے سیریز سے قبل ممبئی اور جموں و کشمیر کے درمیان رانجی ٹرافی کے مقابلے کے دوران صرف 3 رنز بنا کر پویلین لوٹ گئے تھے۔

2015 کے بعد اپنا پہلا رانجی ٹرافی میچ کھیلنے والے روہت شرما جموں و کشمیر کے فاسٹ بولر کی باؤنسرز سئے پریشان نظر آئے اور 19 گیندوں پر 3 رنز بنا کر فاسٹ بولر عمر نذیر کی گیند پر اپنی وکٹ گنوا بیٹھے۔

بھارتی ٹیم کے کپتان روہت شرما نے تنقید کا نشانہ بنانے پر سابق کرکٹر سنیل گواسکر کے خلاف بی سی سی آئی میں شکایت درج کروادی۔

بھارتی ٹیم کا دورہ آسٹریلیا مایوس کن رہا اور بارڈر گواسکر ٹرافی روہت کے لیے ڈراؤنا خواب ثابت ہوئی کیونکہ وہ بیٹنگ میں بھی بری طرح ناکام رہے اور ان کو سابق کرکٹرز کی جانب سے شدید تنقید کا نشانہ بنایا جبکہ تنقید کرنے والوں میں کمنٹیٹر سنیل گواسکر بھی شامل تھے۔

تاہم اب یہ انکشاف ہوا ہے کہ روہت شرما نے گواسکر کے خلاف کرکٹ کی سپریم گورننگ باڈی، بی سی سی آئی کے پاس باضابطہ شکایت درج کروادی ہے۔

واضح رہے کہ روہت شرما بارڈر گواسکر ٹرافی کے دوران اپنے تین ٹیسٹ میچوں میں چھ کی معمولی اوسط سے صرف 31 رنز بناسکے تھے۔

یہ پڑھیں: سنیل گواسکر نے روہت شرما اور ویرات کوہلی کی کلاس لے لی

سنیل گواسکر نے روہت کی ٹیسٹ ٹیم میں شمولیت پر سوالیہ نشان لگایا اور وہ ان کے سڈنی ٹیسٹ سے باہر بیٹھنے کے انتخاب سے بھی خوش نہیں تھے۔

انہوں نے کہا کہ روہت شرما کو کپتانی سے استعفیٰ دے دینا چاہیے اور دوسروں کو قیادت کرنے کا موقع دینا چاہیے۔

روہت شرما نے تنقید کرنے پر شکایت کرنے کے لیے بی سی سی آئی سے رجوع کرنے کا فیصلہ کیا، روہت شرما نے کہا کہ اس انداز میں تنقید کرنا ضروری نہیں ہے اسی لیے انہوں نے بی سی سی آئی سے رابطہ کیا۔

واضح رہے کہ روہت شرما فارم بحال کرنے کے لیے ڈومیسٹک کرکٹ رانجی ٹرافی کھیل رہے ہیں لیکن وہاں بھی وہ دونوں اننگز میں اچھی کارکردگی نہیں دکھا سکے۔

بھارتی ٹی ٹوئنٹی کرکٹ ٹیم کے کپتان سوریا کمار یادیو میچ کے دوران اسٹمپ مائیک سے دور رہتے ہیں، اس کی انھوں نے دلچسپ وجہ بیان کی ہے۔

سوریہ کمار کے پیشرو روہت شرما میچ کے دوران اسٹمپ مائیک پر اپنے تبصروں کے لیے جانے جاتے ہیں، مداح ان کی اس حرکت سے لطف اندوز بھی ہوتے ہیں جبکہ ان کے کلپ سوشل میڈیا پر وائرل ہوتے بھی نظر آتے ہیں۔

ان کی سب سے مشہور اسٹمپ مائیک کلپ میں سے ایک یہ بھی ہے کہ وہ ساتھی پلیئر پر میچ کے دوران برس رہے تھے کہ ’گارڈن میں گھوم رہے ہو کیا‘، روہت میچ کے دوران سست فیلڈنگ پر یہ جملے کہتے نظر آئے تھے۔

سوریہ کمار سے حال ہی میں پوچھا گیا کہ کیا بھارتی کرکٹر اب بھی باغ میں گھومتے ہیں، اب جب کہ روہت ریٹائر ہو چکے ہیں، سوریا کمار نے مزاحیہ انداز میں کہا کہ وہ اپنے فیلڈرز پر گھومنے پھرنے پر پابندیاں نہیں لگاتے کیونکہ اب کوئی ایسا نہیں کرتا۔

سوریہ کمار نے یہ بھی بتایا کہ جتنا ہو سکتا ہے وہ میچ کے دوران اسٹمپ مائک سے دور رہنے کی کوشش کرتے ہیں، بھارتی ٹی ٹوئنٹی کپتان کے مطابق کسی کی خاصیت ان کے پاس ہی رہنی چاہیے۔

بھارتی جارح مزاج بیٹر نے کہا کہ میں اسٹمپس سے دور رہنے کی کوشش کرتا ہوں اگر یہ کسی کی خاصیت ہے، پھر یہ بہتر ہے کہ یہ صرف اس شخص کے ساتھ رہے۔

خیال رہے کہ روہت شرما میں چیزوں کو بھول جانے کا رجحان بہت زیادہ ہے اور وہ بات چیت کے لیے (یہ-وہ) الفاظ کا استعمال کرتے نظر آتے ہیں،

سوریہ کمار سے پوچھا گیا کہ کیا وہ روہت کے بات کرنے کے منفرد انداز سے واقف ہیں؟ ممبئی کے بلے باز نے مزاحیہ انداز میں جواب دیا کہ ہاں جب وہ ہم گھومتے رہتے ہیں گارڈن میں وہ سننے کو مل ہی جاتا ہے۔

رانجی ٹرافی میں روہت شرما امپائر سے الجھ پڑے جس کی ویڈیو سوشل میڈیا پر وائرل ہوگئی۔

بھارتی ٹیم کے کپتان روہت شرما تقریباً نو سال بعد رانجی ٹرافی کھیلنے گئے کیونکہ وہ اپنی فارم بحال کرسکیں لیکن وہاں بھی وہ امپائر سے الجھ پڑے۔

روہت شرما پہلی اننگز میں کریز پر آئے جموں و کشمیر کے خلاف صرف 3 رنز بنا کر آؤٹ ہوگئے۔

ممبئی کی دوسری اننگز میں روہت شرما کریز پر سیٹ نظر آئے اور انہوں نے دو چوکوں اور تین چھکوں کی مدد سے 34 گیندوں پر 28 رنز بنائے اور یشسول جیسوال کے ساتھ 54 رنز کی شراکت قائم کی۔

تاہم وہ ایک بلند و بالا شارٹ کھیلتے ہوئے آؤٹ ہوگئے۔

روہت شرما شاٹ کھیلنے جاہی رہے تھے کہ گیند بلے کے اندرونی کنارے کو لگ کر مڈ وکٹ کی طرف چلی گئی جہاں فیلڈر نے کیچ پکڑنے میں کوئی غلطی نہیں کی۔

روہت شرما کی مختصر اننگز کی خاص بات امپائر کے ساتھ ان کی بحث تھی کیونکہ امپائر نے بولنگ سائیڈ کی شکایت پر گیند کو تبدیل کردیا تھا۔

رانجی ٹرافی کے دوسرے ہاف میں یہ واقعہ پیش آیا، جموں و کشمیر کے کھلاڑی امپائر کے پاس گیند کو لے کر گئے اور اسے تبدیل کرنے کا کہا۔

جیسے ہی امپائر نے نئی گیندین لانے کا کہا تو روہت شرما نان اسٹرائیکر اینڈ پر آن فیلڈ امپائر سے بحث کرنے لگے تاہم ان کی ناراضگی کے باوجود میچ آفیشلز نے گیند کو ناکارہ سمجھا اور تبدیل کردیا۔

واضح رہے کہ بی سی سی آئی کی جانب سے قومی ٹیم میں منتخب ہونے کے لیے ڈومیسٹک کھیلنا لازمی قرار دیا ہے جس کے بعد روہت شرما، شبھمن گل، رشبھ پنت سمیت کئی کھلاڑی رانجی ٹرافی میں واپس آگئے ہیں۔