Tag: روہت شرما

بھارتی ٹیم کے سبکدوش ہونے والے ہیڈ کوچ راہول ڈریوڈ نے کہا ہے کہ ون ڈے ورلڈکپ میں شکست کے بعد انھوں نے کوچنگ چھوڑنے کی ٹھان لی تھی۔

2023 میں آئی سی سی ورلڈ ٹیسٹ چیمپئن شپ اور آئی سی سی ون ڈے کرکٹ ورلڈ کپ دونوں میں راہول ڈریوڈ بھارتی ٹیم کو فائنل میں لے جانے میں کامیاب رہے تھے تاہم سائیڈ ٹرافی سے محروم رہی تھی۔

آئی سی سی ٹی ٹوئنٹی ورلڈ کپ 2024 کا ٹائٹل جیتنے کے ساتھ ہی راہول ڈریوڈ نے اپنے کوچنگ پورٹ فولیو میں ایک ورلڈکپ کپ وننگ کوچ کا بھی اضافہ کرلیا ہے۔

انھوں نے کہا کہ ون ڈے ورلڈکپ کے فائنل میں آسٹریلیا کے خلاف شکست کے بعد وہ اپنے معاہدے کی تجدید کا کوئی ارادہ نہیں رکھتے تھے اور کوچنگ چھوڑنا چاہتے تھے لیکن کپتان روہت شرما کے فون کی وجہ سے انھوں نے اپنا ارادہ بدل دیا۔

بی سی سی آئی کی طرف سے پوسٹ کی گئی ایک ویڈیو میں ڈریوڈ نے کہا کہ روہت شرما نومبر میں مجھے کال کرنے اور مجھ سے کوچنگ جاری رکھنے کا کہنے کے لیے آپ کا بہت شکریہ۔

راہول ڈریوڈ نے کہا کہ میرے خیال میں آپ میں سے ہر پلیئر کے ساتھ کام کرنا ایک اعزاز اور خوشی کی بات ہے، لیکن اس وقت کے لیے روہت کا بہت شکریہ۔

سبکدوش ہونے والے ہیڈ کوچ نے بتایا کہ ہم نے کئی بار گفتگو کی ہے، کئی بار بحث کی ہے، کبھی ہم ایک دوسرے کی بات سے راضی ہوئے اور کبھی اختلاف بھی کیا، لیکن میں آپ کا بہت بہت شکریہ ادا کرنا چاہتا ہوں۔

راہول ڈریوڈ نے بھارت کی ورلڈکپ میں فتح کے بعد کہا کہ میرے پاس عام طور پر الفاظ کی کمی نہیں ہوتی لیکن آج جیسا دن ہے اور میں اس کا حصہ ہوں میں اس سے زیادہ شکر گزار نہیں ہو سکتا۔

خیال رہے کہ راہول ڈریوڈ جو کرکٹ میں شاندار کیریئر کے مالک رہے ہیں جنوبی افریقہ کے خلاف ٹی ٹوئنٹی فائنل میں بھارت کی فتح کے ساتھ ہی انھوں نے بالآخر بطور کوچ ورلڈکپ جیتنے کا اعزاز بھی حاصل کرلیا ہے۔

ورلڈکپ فاتح کپتان روہت شرما نے بھارتی ٹیم کے مداحوں کے لیے خصوصی پیغام جارے کرتے ہوئے انھیں بڑی دعوت دی ہے۔

آئی سی سی ٹی ٹوئنٹی ورلڈکپ میں جنوبی افریقہ کو شکست دے کر ٹائٹل جیتنے والی بھارتی ٹیم کے کپتان نے ٹیم کی بھارت آمد پر مداحوں سے ممبئی میں روڈ شو کی تفصیلات شیئر کی ہیں، روہت شرما نے منگل کو ٹیم انڈیا کے شائقین کے لیے ایک خاص پیغام شیئر کیا ہے۔

بھارتی کپتان کی جانب سے بھارتی کرکٹ شائقین کو ممبئی میں میرین ڈرائیو اور وانکھیڈے اسٹیڈیم میں فتح کی پریڈ کے حوالے سے مدعو کیا ہے۔

سوشل میڈیا پلیٹ فارم ایکس پر جاری پیغام میں انھوں نے کہا کہ ’ہم آپ سب کے ساتھ اس خاص لمحے سے لطف اندوز ہونا چاہتے ہیں تو آئیں ورلڈکپ کی جیت کا جشن میرین ڈرائیو اور وانکھیڈے میں 4 جولائی کو شام 5 بجے سے فتح کی پریڈ کے ساتھ منائیں، ٹرافی گھر آرہی ہے۔‘

بورڈ آف کنٹرول فار کرکٹ ان انڈیا کے سیکریٹری جے شاہ نے بھی اپنی پوسٹ میں ممبئی میں منعقد ہونے والے ورلڈکپ وننگ پریڈ کے بارے میں تفصیلات شیئر کیں۔

انھوں نے لکھا کہ بھارت کی ورلڈ کپ فتح کے اعزاز میں وکٹری پریڈ کے لیے ہمارے ساتھ شامل ہوں! ہمارے ساتھ اس جیت کا جشن منانے کے لیے 4 جولائی کو شام 5 بجے سے میرین ڈرائیو اور وانکھیڈے اسٹیڈیم کی طرف چلیں! تاریخ یاد رکھیں۔

خیال رہے کہ روہت شرما اور ان کی ٹیم بارباڈوس میں طوفان میں پھنس گئی تھی، جن کے بھارت آنے کے بی سی سی آئی کی جانب سے خصوصی انتظامات کیے گئے۔

روہت نے اپنی حالیہ پوسٹ میں جارح مزاج بیٹر سوریا کمار یادیو کے ساتھ پوز بھی دیا تھا تاکہ اس بات کی تصدیق ہوجائے کہ سمندری طوفان بیرل کے باعث تاخیر کے بعد بھارتی ٹیم کیریبین سے وطن آرہی ہے۔

آسٹریلیا کیخلاف سپرایٹ مرحلے کے اہم میچ میں روہت شرما نے تابڑ توڑ بلے بازی کا مظاہرہ کیا تھا تاہم وہ 8 رنز کی کمی سے سنچری نہیں بنا پائے تھے۔

اپنی جارحانہ بیٹنگ پر مین آف دی میچ کا اعزاز حاصل کرنے والے روہت نے میچ کے بعد گفتگو کرتے ہوئے کہا کہ میں نے اس میچ سے پہلے ہونے والے مقابلے کی پریس میٹنگ کے دوران بھی کہا تھا کہ 50 اور 100 رنز میرے لیے کوئی اہمیت نہیں رکھتے۔

روہت شرما نے کہا کہ میں ایک ہی رفتار کے ساتھ بیٹنگ کرنا چاہتا ہوں اور جب بھی ضروری ہو شاٹس کھیلتا ہوں اور بالرز پر دباؤ ڈالتا ہوں۔

بھارتی کپتان نے کہا کہ آپ ہر میچ میں بڑا اسکور بنانا چاہتے ہیں لیکن آپ اس بات کا کافی دھیان رکھنا ہوتا ہے کہ بالر اگلی بال کہاں پچ کرے گا اور اسے کس طرح کھیلنا ہے۔

انھوں نے کہا کہ آج میں آسٹریلیا کے خلاف اچھی بیٹنگ کرنے میں کامیاب رہا، میں نے میدان کے صرف ایک طرف نہیں بلکہ تمام اطراف میں کامیابی سے شارٹس کھیلے۔

یہ بات قابل ذکر ہے کہ وہ اس اننگز میں سنچری بنانے سے محروم رہے، اگر وہ یہ کارنامہ انجام دے دیتے تو ٹی ٹوئنٹی ورلڈکپ میں سنچری بنانے والے پہلے کپتان بن جاتے۔

خیال رہے کہ بھارتی کپتان روہت شرما نے ٹی ٹوئنٹی ورلڈ کپ میں آسٹریلیا کیخلاف شاندار بلے بازی کا مظاہرہ کرتے ہوئے ایک ہی میچ میں 6 ریکارڈز اپنے نام کیے۔

روہت شرما نے اس میچ میں 41 گیندوں پر 92 رنز کی طوفانی اننگ کھیلی جو بھارت کی فتح کی کنجی ثابت ہوئی جس کے ساتھ ہی بلیو شرٹس نے سیمی فائنل میں بھی جگہ پکی کی۔

بھارتی کپتان کی یہ جارحانہ اننگ 8 چھکوں اور 7 چوکوں سے سجی تھی تاہم خاص بات یہ ہے کہ روہت شرما نے ایک ہی میچ میں ایک یا دو نہیں بلکہ پانچ ریکارڈز اپنے نام کیے۔