کراچی کنگز کے ہیڈ کوچ روی بوپارا اسلام آباد یونائیٹڈ کے خلاف آخری لیگ میچ میں شکست کے باوجود پلے آف میں ٹیم کی واپسی کے لیے پرامید ہیں۔
پی ایس ایل 10 میں کراچی کنگز اور اسلام آباد یونائیٹڈ کے میچ کے بعد میڈیا سے گفتگو کرتے ہوئے ہیڈ کوچ روی بوپارا نے کہا کہ یہ ہمارا بہترین دن نہیں تھا لیکن اس نے ہمارے اعتماد کو متزلزل نہیں کیا۔
انہوں نے کہا کہ یہ ٹیم مضبوط یونٹ ہے، ہم ایک ساتھ اچھے لمحات سے لطف اندوز ہوتے ہیں اور ہم مشکل وقت میں ایک دوسرے کے ساتھ کھڑے ہوتے ہیں، ہر طرح سے آگے بڑھنے کا ارادہ رکھتے ہیں۔
ہیڈ کوچ نے کہا کہ ہم نے پورے گروپ مرحلے میں بہترین کرکٹ کھیلی ہے، ہم دوسرے نمبر پر رہے لیکن اسلام نے دوبار شکست دی اس لیے وہ اس پوزیشن کے مستحق ہیں۔
یہ پڑھیں: پی ایس ایل 10: اسلام آباد یونائیٹڈ نے کراچی کنگز کو شکست دے دی
انہوں نے مزید کہا کہ میں اس سیزن میں ابھرتے ہوئے بلے بازوں سے متاثر ہوا ہوں، عام طور پر ہم زیادہ تیز گیند بازوں کو دیکھتے ہیں لیکن اس بار کچھ واقعی مضبوط ہٹر آئے ہیں، وہ طاقتور ہیں، وہ باؤنڈریز کو لگا سکتے ہیں۔
روی بوپارا نے کہا کہ وہ بیٹرز ابھی ناتجربہ کار ہیں ہمیں ان کی رہنمائی کرنی ہوگی اور اس طرح ہم انہیں عالمی معیار کا کھلاڑی بناسکتے ہیں۔
واضح رہے کہ کراچی کنگز ، لاہور قلندرز کے خلاف 22 مئی کو ناک آؤٹ میچ کھیلے گی۔
