Tag: روی چندرن ایشون

سابق بھارتی کرکٹر روی چندرن ایشون کا کہنا ہے کہ چیمپئنز ٹرافی میں دو پاکستانی کھلاڑیوں کی بیٹنگ دیکھنے لائق ہوگی۔

یوٹیوب چینل پر گفتگو کرتے ہوئے سابق بھارتی اسپنر روی چندرن ایشون نے کہا کہ نائب کپتان سلمان آغا اور مڈل آرڈر بیٹر طیب طاہر کی بیٹنگ دیکھنے کے لیے پرجوش ہوں۔

انہوں نے کہا کہ آغا سلمان کا پہلے ذکر کیا جانا چاہیے وہ ایسے کھلاڑی ہیں جو دباؤ میں حالات کو سنبھال سکتے ہیں اور کریز پر ان کی موجودگی ہے جو میں نے طویل عرصے سے کسی پاکستانی کھلاڑی میں نہیں دیکھی۔

سابق بھارتی کرکٹر نے کہا کہ میں امید کرتا ہوں کہ وہ دیگر کھلاڑیوں کے راستے پر نہیں چلیں گے اگر وہ اسی طرح کھیلتے رہے تو وہ پاکستان کرکٹ کے لیے پوسٹر بوائے بن سکتے ہیں، میرا یقین ہے کہ آغا سلمان میں بابر اعظم اور محمد رضوان کو بھی پیچھے چھوڑنے کی صلاحیت ہے۔

روی چندرن ایشون نے کہا کہ آغا سلمان گراؤنڈ کے چاروں طرف شاٹس کھیل سکتے ہیں اور ان کے پاس بڑی مہارت ہے، محمد رضوان ایک اہم کھلاڑی ہوں گے لیکن میری رائے میں آغا سلمان کی بیٹنگ ہی دیکھنے لائق ہوگی۔

انہوں نے نوجوان بیٹر طیب طاہر کو غیرمعمولی مڈل آرڈر کھلاڑی قرار دیتے ہوئے کہا کہ پاکستان کو طویل عرصے کے بعد ایک کھلاڑی ملا ہے۔

واضح رہے کہ آغا سلمان نے 33 ون ڈے میچز کھیلے ہیں جس میں 45.75 کی شاندار اوسط سے 915 رنز بنائے ہیں جس میں پانچ نصف سنچریاں اور ایک سنچری شامل ہے۔

جنوبی افریقا کے خلاف حال ہی میں ختم ہونے والی سہ فریقی ون ڈے سیریز میں پاکستان نے آغا سلمان اور کپتان محمد رضوان کی شاندار کارکردگی کی بدولت 49 اوورز میں 352 رنز کا مشکل ہدف حاصل کیا تھا۔

برسبین ٹیسٹ کے ڈرا ہونے کے ساتھ ہی بھارتی مایہ ناز اسپنر روی چندرن ایشون کا شاندار کیریئر بھی اختتام پذیر ہوگیا۔

بھارت کے 38 سالہ اسپنر روی چندرن ایشون نے آسٹریلیا کے خلاف تیسرے ٹیسٹ میچ کے بعد ریٹائرمنٹ کا اعلان کیا، انہوں نے 106 ٹیسٹ میچز میں بھارت کی نمائندگی کی، انہوں ٹیسٹ کیریئر میں 537 وکٹیں حاصل کیں۔ اسپنر نے 116 ون ڈے اور 65 ٹی ٹوئنٹی میچز میں بھی بھارت کی نمائندگی کی ہے۔

اسپنر نے اپنی ریٹائرمنٹ کے فیصلے پر بات کرتے ہوئے کہا کہ کرکٹ کے اس سفر میں جس نے بھی ساتھ دیا ان سب کا شکریہ، تمام فارمیٹس میں بطور کرکٹر یہ میرا آخری دن تھا۔

ان کا مزید کہنا تھا کہ اپنے کیریئر کے دوران بہت انجوائے کیا اور کئی یادگار یادیں ہیں، یہ میرے لیے کافی جذباتی لمحہ ہے۔

تاہم ایشون کی ریٹائرمنٹ پر بھارت کے مایہ ناز بیٹر ویرات کوہلی نے جذباتی پوسٹ شیئر کی اور ایشون کی بھارتی ٹیم کے لیے کامیابیوں کو سراہا۔

انہوں نے لکھا کہ ’میں نے آپ کے ساتھ 14 سال کرکٹ کھیلی اور جب آپ نے مجھے بتایا کہ آج ریٹائر ہورہے ہیں تو اس نے مجھے جذباتی کردیا اور ان تمام سالوں میں ساتھ کھیلنے والی یادیں میرے ذہن میں آئیں۔

ویرات نے لکھا کہ ’بھارتی کرکٹ کے لیے میچ وننگ شراکتیں اکسی سے ڈھکی چھپی نہیں اور آپ کو ہمیشہ کرکٹ کے لیجنڈ کے طور پر یاد رکھا جائے گا۔

بھارتی بیٹر نے لکھا کہ ’آپ کے قریبی لوگوں کے لیے بہت زیادہ احترام اور محبت کے ساتھ ہر چیز کے لے شکریہ۔‘

بھارتی آف اسپنر روی چندرن ایشون نے اپنا نقطہ نظر پیش کرتے ہوئے کہا ہے کہ بابر اعظم اور ویرات کوہلی کو ایک پیرائے میں نہیں دیکھنا چاہیے۔

اپنے یو ٹیوب چینل پر ایشون نے کہا اگر کوئی ٹیسٹ کرکٹ میں ویرات کوہلی کے قریب پہنچ سکتا ہے تو وہ انگلش بیٹر جو روٹ ہیں، بارڈر کی دونوں جانب ویرات کوہلی اور بابر اعظم کو ایک ہی پیرائے میں قطعی طور پر نہیں دیکھنا چاہیے، کوئی بیٹر کوہلی کے قریب بھی نہیں آسکتا۔

انھوں نے کہا کہ بابر اعظم کو آگے موقع ملے گا تو وہ رنز اسکور کریں گے، تاہم میرے خیال میں ہمیں بابر اور ویرات کے تقابل کی بحث کو ہمیشہ کے لیے ختم کردینا چاہیے۔

روی چندرن ایشون نے کہا کہ میں معذرت چاہتا ہوں کہ میں بابر اعظم کو ریٹ کررہا ہوں وہ ایک بہترین پلیئر ہیں مگر ویرات کوہلی کے اعداد وشمار کچھ اور ہی کہتے ہیں۔

آف اسپنر نے مزید کہا کہ کئی بار دباؤ کی صورتحال میں ویرات کوہلی نے جس طرح کی کارکردگی کا مظاہرہ کیا ہے کرکٹ کی دنیا میں کوئی ان کے قریب بھی نہیں آسکتا۔

خیال رہے کہ پاکستان سلیکشن کمیٹی کا بابر اعظم پر سے اعتماد اٹھ چکا ہے کیوں کہ وہ ریڈ بال کرکٹ میں مسلسل بدترین فارم کا شکار ہیں، سابق کپتان پاکستان کرکٹ ٹیم ٹیسٹ میچز کی آخری 18 اننگز میں ایک بھی 50 اسکور کرنے میں ناکام رہے ہیں۔

ہوم گراؤنڈ پر اپنی آخری 8 اننگز میں بابر اعظم صرف 18.75 کی اوسط سے رنز بناپائے جبکہ اسی دوران دوسرے قومی بیٹرز نے ان کے مقابلے میں کافی رنز اسکور کیے۔

اسی پرفارمنس کے پیش نظر پی سی بی سلیکشن کمیٹی نے انھیں انگلینڈ کے خلاف آخری دو ٹیسٹ میچز میں آرام دینے کا فیصلہ کرتے ہوئے پہلی بار ٹیم سے ڈراپ کردیا تھا۔

پاکستان کے سابق ٹیسٹ کرکٹر کامران اکمل نے کہا ہے کہ بھارت اپنی سرزمین پر ان دو پلیئرز کے بغیر ٹیسٹ ٹیم بنا ہی نہیں سکتا۔

بھارتی جوڑی کی کارکردگی کو سراہتے ہوئے سابق پاکستانی اسٹار کامران اکمل نے روی چندرن ایشون اور رویندر جڈیجا کو میچ جیتنے والی جوڑی قرار دیا، انھوں نے کہا کہ ایشون نے زبردست آل راؤنڈ کارکردگی دکھائی۔

کامرن اکمل نے کہا کہ ایشون نے دوسری اننگز میں چھ وکٹیں حاصل کیں اور سنچری بنائی، جڈیجہ اور انھوں میچ جیتنے والی شراکت داری قائم کی۔

سابق پاکستانی کرکٹڑ نے کہا کہ ان دو کھلاڑیوں کے بغیر، بھارت اپنی ہوم سیریز میں ٹیسٹ پلیئنگ الیون نہیں بنا سکتا۔ وہ بڑے پرفارمرز ہیں۔

اکمل نے دوسری اننگز میں شاندار سنچری بنانے پر رشبھ پنت کی بھی تعریف کی اور بی سی سی آئی کی میڈیکل ٹیم کو مبارکباد دی، پنت نے پہلی اننگز میں 39 رنز بنائے جبکہ دوسری اننگز میں چھٹی ٹیسٹ سنچری بنائی۔

خیال رہے کہ روی چندرن ایشون اور رویندر جڈیجہ ان دنوں کافی اچھی فارم میں ہیں، دنوں نے اتوار کو چنئی میں پہلے ٹیسٹ میں بنگلہ دیش کو شکست دینے میں احمد کردار ادا کیا تھا۔

جڈیجا اور ایشون دونوں نے پہلی اننگز میں 199 رنز کی میچ وننگ شراکت قائم کی جبکہ ایشون نے آخر کے نمبرز پر بیٹنگ کرتے ہوئے شاندار سنچری بنائی تھی اوردونوں اننگز میں مجموعی طور پر نو وکٹیں حاصل کی تھیں۔

روی چندرن ایشون نے بھارتی سرزمین پر وہ ریکارڈ بنا دیا جو اب تک کوئی دوسرا بولر نہ بنا سکا، انھوں نے انگلینڈ کے خلاف سنگ میل عبور کیا۔

بھارت کے نامور آف اسپنر روی چندرن ایشون نے بھارتی گراؤنڈز میں سب سے زیادہ وکٹیں لے کر تاریخ رقم کردی۔ رانچی میں بھارت اور انگلینڈ کے درمیان چوتھے ٹیسٹ میچ کے تیسرے دن ایشون نے بھارتی سرزمین پر سب سے زیادہ وکٹیں لینے کا عالمی ریکارڈ انیل کمبلے سے چھین لیا۔

وہ اپنے گراؤنڈز پر 59 ٹیسٹ کھیل کر اب تک 354 وکٹیں اپنے نام کے آگے درج کرواچکے ہیں۔ اس سے قبل بھارتی سرزمین پر سب سے زیادہ وکٹیں لینے کا ریکارڈ لیجنڈ لیگ اسپنر انیل کمبلے کے نام تھا وہ 63 ٹیسٹ میچز میں مجموعی طور پر 350 وکٹیں حاصل کرنے کا اعزاز رکھتے ہیں۔

MOST WICKETS IN TESTS IN INDIA…!!!!

– One & only Ravichandran Ashwin. 🫡🇮🇳pic.twitter.com/R9ov9nk8za

— Johns. (@CricCrazyJohns) February 25, 2024

رانچی ٹیسٹ میں آف اسپنر نے 35 ویں مرتبہ کسی ٹیسٹ میچ پانچ یا زائد وکٹیں لینے کا کارنامہ بھی انجام دیا اور اس ریکارڈ میں انیل کمبلے کی برابری کی۔

بین الاقوامی کرکٹ میں رچرڈ ہیڈلی ہیڈلی 36 بار، شین وارن 37 مرتبہ اور متھیا مرلی دھرن 67 بار ایک اننگز میں پانچ وکٹ لینے کا ریکارڈ بنا چکے ہیں۔ ایشون ان تینوں کے بعد زیادہ 5 وکٹیں لینے والے چوتھے بولر ہیں۔

بھارتی سرزمین پر سب سے زیادہ وکٹیں لینے والے بولرز میں روی چندرن ایشون 354 وکٹیں لے کر پہلے انیل کمبلے 350 وکٹیں لے کر دوسرے جبکہ ہربھجن سنگھ 265 وکٹیں لیے کر تیسرے نمبر پر ہیں۔

کمبلے نے اپنے 132 ٹیسٹ میچوں میں 619 وکٹیں حاصل کیں، ایشون نے اب تک 99 ٹیسٹ میچوں میں 507 وکٹیں اپنے نام کیں۔ بھارت اور انگلینڈ کے درمیان پانچواں کرکٹ ٹیسٹ 7 مارچ سے دھرم شالہ میں کھیلا جائے گا جو کہ آف اسپنر کا 100 واں ٹیسٹ میچ بھی ہوگا۔