لندن : برطانوی معاشی تحقیقی ادارے کی جانب سے دنیا کی10 ابھرتی معیشتوں کی فہرست جاری کی گئی ہے جو آئندہ دس سالوں میں عالمی مارکیٹ میں تیزی سے ابھرنے کی صلاحیت رکھتے ہیں.
تفصیلات کے مطابق برطانوی معاشی تحقیقی ادارے بی ایم آئی کے مطابق 2025تک دنیا کے دس ممالک کی جانب سے عالمی جی ڈی پی میں چار کھرب تیس ارب ڈالز کا اضافہ کریں گے، جو چابان کی موجودہ معیشت کے تقریباّ برابر ہے.
عالمی مارکیٹ میں آئندہ دس سالوں کے دوران تیزی سےترقی کرنے والے دس ممالک میں پاکستان،بنگلادیش،مصر،ایتھوپیا،انڈونیشیا، کینیا،میانمار، نائجیریا،فلپائن اور ویت نام شامل ہیں.
1- بنگلہ دیش
برطانوی معاشی ادارے کی رپورٹ کے مطابق بنگلہ دیش گارمینٹس اور زراعت کے شعبے میں تیزی کے ساتھ ترقی کررہا ہے اور صرف دو شعبوں سے ملکی آمدنی میں پچاس فیصد تک اضافہ ہورہا ہے.
2- مصر
رپورٹ کے مطابق مصر میں قدرتی گیس کے ذخائر، تیل، پھل اور کاٹن اندسٹری ملکی معیشت میں اہم کررہی ہے،اس کے ساتھ آئندہ سالوں میں مصر کے شہری آبادی میں ہرسال دس لاکھ افراد کا اضافہ ہوگا.
3-ایتھوپیا
ایتھوپیا کی ملکی معیشت میں زراعت،سونا،سبزیاں اور کافی کے شعبے اہم کردار ادا کررہے ہیں، رپورٹ کے مطابق آئندہ سالوں میں ایتھوپیامیں تعمیراتی شعبے میں سرمایہ کاری میں اضافہ ہوگا جس سے ملکی معیشت پر مثبت اثرات مرتب ہوں گے.
4-انڈونیشیا
انڈونیشین معیشت میں زراعت کے شعبے کے ساتھ ساتھ مشینری پارٹس بنانے کی اندسٹری اہم کردار اداکرہی ہے اور ملک کے انفراسٹکچر میں مزید تبدیلیاں رونما ہوں گی.
5- کینیا
کینیا کی ملکی معیشت میں کافی چائے کے شعبے مرکزی کردار ادا کررہے ہیں، آئندہ آنے والے سالوں میں مالی خدمات اور تجارت کےشعبے میں مزید بہتری آئے گی
6- میانمار
ملکی معیشت میں قدرتی گیس اور لڑکی کی صنعت اور اس سے متعلق دیگر مصنوعات کا اہم کردارہےاور2010 کے بعد ملک میں ہونے والی اصلاحات اور ایک طویل عرصے بعد جمہوریت حکومت کی واپسی یہ تمام عوامل میانمار میں ہونے والی ترقی میں مددگار ثابت ہوں گے.
7- نائیجیریا
نائیجیریا میں تیل اور ناریل کے دو اہم شعبے جو ملکی آمدنی کا ذریعہ ہیں، آئندہ آنے والے سالوں میں ملک میں مالی خدمات کے شعبے کے ساتھ دیگرفرد کی مجموعی آمدنی میں بھی اضافہ ہوگا.
8- پاکستان
رپورٹ کے مطابق پاکستان میں پیداواری اور تعمیراتی شعبے سب سے زیادہ ترقی کرتے نظر آرہے ہیں،پاکستان آئندہ برسوں میں پیداواری مرکز کے طور پر ابھرے گا.
9-فلپائن
ایشیائی ملک فلپائن کی معیشت میں تعمیراتی شعبے اور آٹوز اندسٹری اہم کردار ادا کررہے ہیں اور فلپائن میں چلنے والی کرپشن کی اصلاحات اور اس کے علاوہ معاشی اصلاحات کے باعث ملکی معیشت میں مزید بہتری کی توقع ہے.
10- ویتنام
ویتنام کی زاعت اور آئل ریفائننگ اندسٹری ملکی معیشت کی ترقی میں بنیادی کردار اداکررہے ہیں اور آئندہ آنے والے سالوں میں ملک میں بیرونی سرمایہ کاری صنعتی شعبےمیں بہتری سمیت دیگر شعبوں میں نمایاں بہتری ہوں گی.
واضح رہے کہ رپورٹ کے مطابق پاکستان میں پیداواری اور تعمیراتی شعبے سب سے زیادہ ترقی کرتے نظر آرہے ہیں،پاکستان آئندہ برسوں میں پیداواری مرکز کے طور پر ابھرے گا جبکہ ٹیکسٹائل اور کارسازی زیادہ تیزی سے ترقی کرتے نظرآرہی ہے.
