ARYNews.tv | Urdu – Har Lamha Bakhabar

Tag: رکشہ

  • بھکرمیں رکشہ بس کی زد میں آگیا‘ 7 افراد جاں بحق

    بھکرمیں رکشہ بس کی زد میں آگیا‘ 7 افراد جاں بحق

    بھکر: صوبہ پنجاب کے شہر بھکر میں رکشہ بس کی زد میں آگیا جس کے نتیجے میں 7 افراد جاں بحق ہوگئے۔

    تفصیلات کے مطابق بھکر میں جھنگ روڈ جیسے والا کے قریب رکشہ بس کی زد میں آگیا، افسوس ناک حادثے میں 7 افراد جان کی بازی ہار گئے۔

    ریسکیو حکام کے مطابق جاں بحق افراد میں 6 طالبات اور رکشہ ڈرائیور شامل ہے، طالبات نویں جماعت کا پرچہ دینے کے بعد گھر جا رہی تھیں۔

    صادق آباد میں ٹریفک حادثہ‘ 2 افراد جاں بحق

    اس سے قبل آج صبح صادق آباد میں کوٹ سبزل چیک پوسٹ کے قریب گاڑی اور ٹرک میں تصادم ہوا، حادثے میں 2 افراد جان کی بازی ہار گئے تھے۔

    ریسکیو حکام کے مطابق افسوس ناک حادثے میں ایک شخص زخمی ہوا جسے طبی امداد کے لیے اسپتال منتقل کردیا گیا تھا۔

    مظفرگڑھ : بس اور ٹرک میں تصادم‘ 3 افراد جاں بحق

    یاد رہے کہ گزشتہ روز صوبہ پنجاب کے شہر مظفرگڑھ میں مسافر بس اور تیز رفتاری کے باعث ٹرک سے ٹکرا گئی تھی جس کے نتیجے میں 3 افراد جاں بحق جبکہ درجنوں زخمی ہوگئے تھے۔

  • خواتین سے کرایہ نہ لینے والا رکشہ ڈرائیور

    خواتین سے کرایہ نہ لینے والا رکشہ ڈرائیور

    نئی دہلی: بھارت کے رکشے والے نے خاتون سے سواری کے پیسے نہ لے کر عوام کے دلوں میں گھر کرلیا۔

    بھارتی میڈیا کے مطابق  کولکتہ کی رہائشی خاتون نیہا داس نے اپنی سہیلی پروین راجن کے ساتھ پیش آنے والا خوشگوار واقعہ سوشل میڈیا پر شیئر کیا۔

    مزید پڑھیں: کیا آپ کسی کی مالی مدد کرنے کے فوائد جانتے ہیں؟

    اُن کا کہنا تھا کہ پروین  دفتر سے گھر واپسی جانے کے لیے رات گئے سڑک پر کھڑی سواری کا انتظار کررہی تھی کہ اسی دوران رکشے والا اُس کے پاس آیا، اپنے گھر کا پتہ بتانے کے بعد لڑکی نے جب کرایہ معلوم کیا تو ڈرائیور نے مسکراتے ہوئے جواب دیا۔

    ’میڈیم، میری کوشش ہوتی ہے کہ رات گئے باہر نکلنے والی لڑکیوں کو خیروعافیت سے اُن کے گھر پہنچا دوں اور یہی میرے لیے بہت ضروری ہے‘۔

    نیہا داس کے مطابق رکشہ ڈرائیور نے کئی بار دریافت کرنے کے باوجود اپنا نام پوشیدہ رکھا اور میری دوست کو بخیر وعافیت گھر پہنچایا، راجن نے جب انہیں کرایہ اور اضافی پیسے نکال کر دینے کی کوشش کی تو انہوں نے صاف انکار کردیا مگر بہت ضد اور اصرار کے بعد بس کرایے کے پیسے لیے۔

    یہ بھی پڑھیں: معذور بھائی اور گھر والوں کی مدد کرنے والی 9 سالہ بلند حوصلہ بچی، ویڈیو وائرل

    پروین راجن نے جب رکشہ ڈرائیور سے تصویر لینے کی خواہش کا اظہار کیا تو انہوں نے اجازت دی اور مسکرانے لگے جس کے بعد مذکورہ خاتون اُن کی ایک تصویر لے کر سماجی رابطے کی ویب سائٹ پر شیئر کی جو دیکھتے ہی دیکھتے وائرل ہوگئی۔

    یاد رہے کہ بھارت کے شہر دہلی میں رات گئے سڑکوں پر نکلنے والے رکشہ یا ٹیکسی ڈرائیور مسافروں سے زیادہ کرایہ اور اضافی پیسے لیتے ہیں۔

  • قصورمیں کاراوررکشےمیں تصادم‘ 4 افراد جاں بحق

    قصورمیں کاراوررکشےمیں تصادم‘ 4 افراد جاں بحق

    قصور : صوبہ پنجاب کے شہر قصور میں تیزرفتار کار اور رکشے میں تصادم کے نتیجے میں 4 افراد جاں بحق جبکہ ایک زخمی ہوگیا۔

    تفصیلات کے مطابق قصور میں فیروزپور روڈ وڈانہ کے قریب تیزرفتار کار اور رکشے میں تصادم کے نتیجے میں رکشے میں سوار 4 افراد جان کی بازی ہار گئے۔

    ریسکیوحکام کے مطابق حادثے میں ایک شخص زخمی ہوا ہے جسے طبی امداد کے لیے اسپتال منتقل کردیا گیا ہے۔

    وزیراعلیٰ پنجاب کا قصور حادثے پراظہارافسوس

    وزیراعلیٰ پنجاب شہبازشریف نے قصور حادثے میں انسانی جانوں کے ضیاع پر اظہار افسوس اور جاں بحق افراد کے لواحقین سے تعزیت کی ہے۔

    شہبازشریف نے حادثے میں زخمیوں کو علاج کی بہترین سہولتیں فراہم کرنے کی ہدایت کی ہے۔

    شیخوپورہ کےقریب کاراورٹرالرمیں تصادم‘ 5افراد جاں بحق

    خیال رہے کہ رواں برس 23 جون کو صوبہ پنجاب کےشہرشیخوپورہ انٹرچینج کے قریب کار ٹرالر سے ٹکراگئی تھی، جس کے نتیجے میں پانچ افراد جاں بحق اورایک شدیدزخمی ہوگیا تھا۔

    اوکاڑہ میں ٹریکٹرٹرالی اورایمبولینس میں تصادم ‘ 4 افراد جاں بحق

    یاد رہے کہ 25 اگست 2017 کوپنجاب کے شہر اوکاڑہ کے قریب ٹریفک حادثے میں دو خواتین سمیت چار افراد جاں بحق اور دو زخمی ہو گئے تھے۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • پاکستانی رکشے اب جاپان میں بھی چلیں گے

    پاکستانی رکشے اب جاپان میں بھی چلیں گے

    جاپان یوں تو اپنی صنعتی ترقی کی وجہ سے سب سے آگے ہے تاہم اب اسے آٹو موبائلز کی صنعت میں پاکستان کی مدد کی ضرورت پڑ گئی اور جاپان نے ایک منفرد شے پاکستان سے درآمد کرنے کا فیصلہ کرلیا ہے۔

    یہ شے کچھ اور نہیں بلکہ پاکستان کے 3 پہیوں والے سی این جی رکشے ہیں جو اب جاپان کی سڑکوں پر بھی دوڑتے نظر آئیں گے۔

    گو کہ آٹو موبائلز کی صنعت میں جاپان نے بے شمار گاڑیاں متعارف کروائی ہیں تاہم اب وہ سفری سہولیات کے کم قیمت ذرائع کی طرف توجہ دے رہا ہے اور اس کے لیے اس کی نظر انتخاب پاکستانی رکشاؤں پر ٹہری ہے۔

    پاکستان سے جاپان کو رکشے درآمد کر کے دینے والی انجینئرنگ کمپنی کا کہنا ہے کہ پاکستانی رکشوں اور ٹرکوں پر گہرے رنگوں سے بنائے گئے خوبصورت نقش و نگار ہمیشہ سے دنیا بھر کو متاثر کرتے رہے ہیں اور یہی وجہ ہے کہ ٹرک آرٹ بھی پوری دنیا میں بے حد مقبول ہے۔

    مزید پڑھیں: معروف فیشن برانڈ پاکستانی ٹرک آرٹ سے متاثر

    یاد رہے کہ جاپان کو پاکستانی رکشوں کی برآمد پاکستانی معیشت کے لیے ایک اہم سنگ میل ثابت ہوگی کیونکہ پاکستان میں مقامی طور پر تیار کردہ موٹر وہیکلز پہلی بار پاکستان سے باہر بھجوائی جارہی ہے۔

    اس درآمد سے پاکستان اور جاپان دونوں کی معیشت کو بے انتہا فائدہ پہنچے گا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سیہون شریف کےقریب ٹرک اوررکشےمیں تصادم‘ 5 افراد جاں بحق

    سیہون شریف کےقریب ٹرک اوررکشےمیں تصادم‘ 5 افراد جاں بحق

    سیہون : صوبہ سندھ کےشہرسیہون کےقریب تیزرفتار ٹرک اور رکشے کےتصادم کےنتیجے میں 5افراد جاں بحق ہوگئے۔

    تفصیلات کےمطابق سندھ کےشہرسیہون شریف کے قریب یہ حادثہ اس وقت پیش آیا جب ایک تیز رفتار مزدا ٹرک نے سامنے سے آنے والے رکشہ کو ٹکر مار دی جس کے نتیجے میں رکشہ میں سوار ایک ہی خاندان کے 5 افراد موقع پر ہی جاں بحق ہوگئے۔

    حادثے میں ایک ہی خاندان کے پانچ افراد جان کی بازی ہارگئے جبکہ 4افراد شدید زخمی ہوگئے ہیں جنہیں قریبی اسپتال منتقل کردیاگیا ہےجہاں انہیں طبی امداد دی جارہی ہے۔ جاں بحق افراد میں 2خواتین اور 1بچہ بھی شامل ہیں۔

    ریسکیو ذرائع کا کہنا ہے کہ حادثہ تیزرفتار مزدا ٹرک اور رکشہ کے تصادم کےنتیجے میں پیش آیا تاہم زخمیوں کو طبی امداد کے لیے قریبی اسپتال منتقل کردیا گیا ہے۔

    لیہ میں بس اورٹرک میں تصادم ‘ 11 افراد جاں بحق

    یاد رہےکہ چار روز قبل صوبہ پنجاب کے ضلع لیہ میں بس اور منی ٹرک میں تصادم کے نتیجے میں 11افراد جاں بحق جبکہ 21 افراد زخمی ہوگئےتھے۔

    ملتان ایمرسن کالج کے3 پروفیسرز ٹریفک حادثے میں جاں بحق

    واضح رہےکہ گزشتہ روزملتان ایمرسن کالج کے تین پروفیسر مری کے قریب ٹریفک حادثے میں جاں بحق ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • لاہور: اورنج لائن منصوبے پر کام کرنے والے ٹرک کی ٹکر سے چارافراد ہلاک

    لاہور: اورنج لائن منصوبے پر کام کرنے والے ٹرک کی ٹکر سے چارافراد ہلاک

    لاہور: اورنج لائن منصوبے پر کام کرنے والے ٹرک کی رکشے اور موٹرسائیکلوں کو ٹکر کے نتیجے میں چار افراد جاں بحق اور چار زخمی ہو گئے.

    تفصیلات کے مطابق لاہور کے داروغہ والا علاقے میں اورنج لائن منصوبے پر کام کے دوران ایک ٹرک نے رکشے اور دو موٹرسائیکلوں کو ٹکر مار دی،جس کے نتیجے میں چار افراد جاں بحق اور چار زخمی ہو گئے.

    حادثے کے بعد ٹرک ڈرائیور موقع سے فرار ہو گیا،جاں بحق ہونے والوں میں چالیس سالہ امجد، دس سالہ نعمان اور 34 سالہ ملازم علی خان شامل ہیں،اور ایک بچے کی لاش کی شناخت نہیں ہو سکی.

    حادثے میں زخمی عامر کو سروسز اسپتال جبکہ تین زخمیوں وسیم،شمیم اور رزاق کو میو اسپتال منتقل کر دیا گیا ہے.

    پولیس نے ٹرک کو اپنی تحویل میں لے کر تفتیش شروع کر دی ہے،جبکہ اہل علاقہ نے واقعہ کےخلاف شدید احتجاج کیا اور ٹائر جلا کر سڑک بند کر دی،مظاہرین نے پولیس کی جانب سے تحویل میں لیے گئے ٹرک کو بھی روک لیا.

    وزیراعلیٰ شہباز شریف نے حادثے میں چار افراد کے جاں بحق ہونے پر دکھ اور افسوس کا اظہار کرتے ہوئے ڈرائیور کی فوری گرفتاری کا حکم دیا اور ہدایت کی کہ زخمیوں کو علاج معالجہ کی بہترین سہولتیں فراہم کی جائیں.

    شہباز شریف نے افسوسناک واقعہ کے بارے میں انتظامیہ اور پولیس حکام سے رپورٹ بھی طلب کر لی.

  • کراچی :اسٹیل ٹاؤن میں پولیس مقابلہ نودہشتگرد ہلاک

    کراچی :اسٹیل ٹاؤن میں پولیس مقابلہ نودہشتگرد ہلاک

    کراچی : پولیس کے مطابق اسٹیل ٹاؤن میں میاں خان گوٹھ میں دہشت گردوں کی اطلاع پرپولیس کی بھاری نفری نے علاقے کو گھیرے میں لے کر آپریشن کیا۔ پولیس کے پہنچتے ہی دہشت گردوں نے فائرنگ کردی۔

    پولیس کی جوابی کارروائی میں نو دہشت گرد مارے گئے۔ کارروائی کے دوران دہشت گردوں کے قبضے سے بارود سے بھرا رکشہ بھی برآمد کرلیا گیا،جبکہ پولیس سےچھینی گئی ایس ایم جی رائفلیں بھی ملی ہیں۔ ایس ایس پی راؤانور کے مطابق دہشت گردوں کا تعلق کالعدم تنظیم سے ہے۔

  • لاہور: رکشے کاسلنڈرپھٹنے سے ماں بیٹی جاں بحق

    لاہور: رکشے کاسلنڈرپھٹنے سے ماں بیٹی جاں بحق

    Lahore-Rickshaw-01

  • کراچی میں رکشہ ٹیکسی سے سفر ہوائی جہاز سے بھی مہنگا

    کراچی میں رکشہ ٹیکسی سے سفر ہوائی جہاز سے بھی مہنگا

    کراچی میں حکومت کی عدم دلچسپی کی وجہ سے رکشہ اور ٹیکسی کے کرائے ہوائی جہاز سے بھی زیادہ ہوگئے۔

    کراچی کے رکشہ اور ٹیکسی ڈرائیور بھی اسی طرح سی این جی بندش کا فائدہ اٹھاتے ہوئے فی کلو میٹر کرایہ چالیس سے پچاس روپے وصول کر رہے ہیں، اس طرح کراچی میں چلنے والے دو لاکھ سے زائد رکشہ ڈرائیور فی کلومیٹر کے حساب سے ہوائی جہاز کے اندرون ملک کرائے سے چار سو فیصد زیادہ کرایہ وصول کررہے ہیں۔

    اس وقت ملک میں ٹرین کا سفر ڈیڑ روپے فی کلو میٹر کے آس پاس ہے جبکہ قومی ایئرلائین کا کرایہی بارہ روپے فی کلومیٹر کے قریب، کراچی میں گزشتہ چھ سال سے کوئی نئی ٹرانسپورٹ بس رجسٹر نہیں کرائی گئی جبکہ پرانی بسوں کی تعداد بھی روز بروز کم ہو رہی ہے ۔

    سرکلر ریلوے جو کراچی کی سب سے بڑی ضرورت ہے، کئی برس سے بند پڑی ہے، اگر یہ ہی صورتحال جاری رہی تو آئندہ دو سالوں میں شہر میں ٹریفک کا دباؤ کنٹرول کرنا مشکل ہو جائے گا۔