لاہور: چیئرمین پاکستان تحریک انصاف عمران خان آج لاہور پہنچیں گے جہاں وہ شہر کے مختلف مقامات پرپارٹی ممبزسازی کیمپوں کا دورہ کریں گے۔
تفصیلات کے مطابق پاکستان تحریک انصاف کے سربراہ عمران خان لاہور پہنچیں گے جہاں وہ لبرٹی چوک، فیصل ٹاؤن سمیت شہر کے مختلف مقامات پرکھلاڑیوں سے خطاب کریں گے۔
چیئرمین پاکستان تحریک انصاف عمران خان کے استقبال کے لیے تمام تیاریاں مکمل کرلی گئیں ہیں شہر کے زیادہ ترعلاقوں کو پارٹی رہنماوں کی تصاویر اور پارٹی پرچموں سے سجا دیا گیا ہے۔
عمران خان دورے کے دوران شہر کے مختلف مقامات پررکنیت سازی کیمپوں کا دورہ کریں گے اور تنظیمی سرگرمیوں میں بھرپور حصہ لیں گے۔
دوسری جانب پاکستان تحریک انصاف سینٹرل پنجاب کے صدر عبدالعلیم خان کا کہنا ہے کہ کھلاڑی لبرٹی چوک سے جلو موڑ اور شاہدرہ سے لاہور کینٹ تک ہرپوائنٹ پرکپتان کا تاریخی استقبال کرکے ثابت کریں گے کہ روایتی سیاست دم توڑ چکی اور ملک گیر تبدیلی کا آغازہوچکا۔
عمران، واوڈا ملاقات، پی ٹی آئی کو کراچی میں منظم کرنے کا فیصلہ
خیال رہے کہ چیئرمین پاکستان تحریک انصاف عمران خان نے پی ٹی آئی کراچی کے رہنما فیصل واوڈا سے اہم ملاقات کی تھی اورانہیں کلیدی ذمے داری سونپی تھی.
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
