Tag: رکی پونٹنگ

آئی سی سی کے لیے تجزیہ کرتے ہوئے لیجنڈ کرکٹرز رکی پونٹنگ اور روی شاستری نے کوہلی اور روہت کے حوالے سے اظہار خیال کیا ہے۔

آئی سی سی ریویو میں میزبان سے گفتگو کرتے ہوئے آسٹریلیا کے سابق کپتان رکی پونٹنگ نے کہا کہ کوہلی کے لیے چیلنج ہے اور آپ دیکھ سکتے ہیں کہ وہ اس پر قابو پانے کی کوشش کررہا ہے، وہ اتنی محنت کر رہا ہے کہ اس وجہ سے بلے بازی مشکل ہو جاتی ہے۔

پونٹنگ نے کہا کہ کبھی کبھی ایسا ہوتا ہے کہ جب آپ بیٹنگ کے لیے بہت محنت کرتے ہیں، تو آپ کو اپنی محنت کے مقابلے میں کم کامیابی ملتی ہے۔

تاہم، پونٹنگ نے کہا کہ کوہلی بھارتی ڈریسنگ روم میں ایک سینئر پلیئر کے طور پر بہت کام آئیں گے جو نوجوان کھلاڑیوں کو رہنمائی اور مدد فراہم کر سکتے ہیں۔

سابق بھارتی کرکٹر روی شاستری نے آئی سی سی ریویو میں بتایا کہ اب میرا ذہن ٹنڈولکر اور برائن لارا کی طرف جاتا ہے، جب آپ ان کے کریئر کا جائزہ لیتے ہیں اور دیکھتے ہیں کہ اس وقت ویرات کہاں ہیں۔

انھوں نے کہا کہ کوہلی کو چاہیے کہ وہ آنے والے نوجوانوں کی رہنمائی کریں اور ان کی مدد کریں، ڈریسنگ روم کا حصہ بنیں اور ٹیم میں اپنا حصہ ڈالیں۔

آسٹریلیا کے سابق کپتان اور کرکٹ لیجنڈ رکی پونٹنگ نے مچل اسٹارک اور پیٹ کمنز کے بجائے ایشیائی کرکٹر کو دنیا کا بہترین بولر قرار دیدیا۔

کئی ورلڈکپ ٹرافیز اپنے ہاتھوں میں تھامنے والے رکی پونٹنگ نے بھارتی پیسر جسپریت بمراہ کی تعریف کرتے ہوئے ان کے اب تک کے سفر کو سراہا ہے، بمراہ کچھ عرصہ قبل اپنے کیریئر میں کافی خطرناک انجری کا شکار ہوئے تھے لیکن وہ تمام فارمیٹس میں پہلے سے کہیں زیادہ مضبوط اور مہلک بولر کے طور پر سامنے آئے۔

پونٹنگ کا کہنا تھا کہ بہت سے لوگ سوال کر رہے تھے کہ کیا بمراہ انجری کے بعد کبھی بھارت کے کلیدی بولر کے طور پر واپس آئیں گے لیکن ٹی ٹوئنٹی ورلڈ کپ 2024 میں اپنی غیر معمولی کارکردگی سے انھوں نے تمام شکوک و شبہات اور ناقدین کو خاموش کر دیا۔

سابق آسٹریلوی کپتان نے اس بات پر بھی حیرانی کا اظہار کیا کہ بمراہ کس طرح اس کھیل میں اب تک کے بہترین باؤلروں میں سے ایک کے طور پر واپس آئے ہیں، پونٹنگ نے بمراہ کو جدید دور کا بہترین آل فارمیٹ بولر بھی قرار دیا۔

رکی پونٹنگ نے آئی سی سی ریویو میں کہا کہ کچھ سال پہلے کچھ خدشہ تھا جب بمراہ کو انجری ہوئی تھی تاہم وہ بہترین انداز میں واپس آئے ہیں۔ میں کہتا آرہا ہوں کہ بمراہ شاید پچھلے پانچ یا چھ سالوں سے عالمی کرکٹ میں ملٹی فارمیٹ کے بہترین باؤلر ہیں۔

خیال رہے کہ 30 سالہ جسرپریت بمراہ اپنی انجری کے بعد نئے جوش کے ساتھ کھیل میں واپس آئے ہیں اور اپنی کارکردگی کو نئی بلندیوں تک پہنچایا ہے۔

وہ اپنی انجری کی وجہ سے 2022 کے T20 ورلڈ کپ سے باہر ہو گئے تھے لیکن انھوں نے نہ صرف بھارت کو ٹی 20 ورلڈ کپ 2024 جیتنے میں مدد کی ہے بلکہ وہ ٹورنامنٹ کے بہترین کھلاڑی بھی قرار پائے تھے۔

بگ بیش لیگ میں سابق آسٹریلوی کپتان رکی پونٹنگ نے بیٹر کے فوری آؤٹ ہونے کی درست پیشگوئی کرکے سب کو حیران کردیا۔

ہوبارٹ ہریکینز اور میلبرن اسٹارز کے درمیان بگ بیش لیگ کا مقابلہ جاری تھا، اس دوران آسٹریلیا کے سابق لیجنڈ کپتان رکی پونٹنگ نے کرکٹ میں اپنی دور اندیشی اور ذہانت کا شاندار مظاہرہ کیا۔

انھوں نے نیتھن کولٹر نائل کے آل راؤنڈر نکھل چودھری کو آؤٹ کرنے کی درست پیشن گوئی کرتے ہوئے شائقین اور ماہرین کو حیرت میں مبتلا کردیا۔

18 ویں اوور میں کولٹر نائل اپنی تیسری گیند کرنے کے لیے تیار تھے۔ جب انھوں نے رن اپ شروع کیا تو پونٹنگ نے کمنٹری کرتے ہوئے انھیں مشورہ دیا کہ اگر بولر لینتھ کو پیچھے رکھ کر سلو گیند کرے تو وکٹ حاصل کرسکتا ہے۔

حیران کن طور پر، کولٹر نائل نے کمنٹری باکس سے دیے گئے ان کے مشورے پر عمل کیا اور وکٹ حاصل کرلی۔ شائقین اور ماہرین پونٹنگ کی اس ذہانت پر حیرت زدہ رہ گئے۔

Ricky Ponting: "He'll drag the length back now, Coulter-Nile, take the pace off. It's what he does so well here at the MCG."

No prizes for guessing what Coulter-Nile does next to get Chaudhary's wicket…#BBL13 pic.twitter.com/DY57iEGxNG

— 7Cricket (@7Cricket) January 15, 2024

اس میچ میں ہوبارٹ ہوریکینز نے مقررہ 20 اوورز میں 8 وکٹوں کے نقصان پر 187 رنز بنائے۔ بین میک ڈرماٹ نے اپنی ٹیم کے لے قیمتی نصف سنچری بنائی۔ میلبرن اسٹارز کی جانب سے ڈین لارنس نے شاندار بولنگ کرتے ہوئے چار وکٹیں حاصل کیں۔

آئی سی سی ہال آف فیم میں شامل رکی پونٹنگ کا کا کہنا ہے کہ آسٹریلیا کے ٹیسٹ بیٹنگ آرڈر میں ڈیوڈ اوپنر کی جگہ کیمرون بینکرافٹ درست انتخاب ہوسکتے ہیں۔

سابق آسٹریلین کپتان نے اپنے خیالات کا اظہار کرتے ہوئے کہا کہ کیمرون بینکرافٹ ٹیسٹ میچ میں وارنر کی جگہ لے سکتے ہیں۔ وہ اوپنر عثمان خواجہ کے اچھے اوپننگ پارٹنر ثابت ہوسکتے ہیں۔

وارنر نے سال کے شروع میں اعلان کیا تھا کہ وہ پاکستان کے خلاف آئندہ ٹیسٹ سیریز کے بعد کھیل کے طویل ترین فارمیٹ سے ریٹائر ہونے کا ارادہ رکھتے ہیں۔ لیفٹ ہینڈ بیٹر کے اعلان کے بعد کئی پلیئرز آسٹریلوی ٹیم میں ان کی جگہ پر اپنی نظریں جمائے ہوئے ہیں۔

پونٹنگ کے خیال میں بینکرافٹ جنھوں نے پچھلے کچھ سالوں میں آسٹریلیا کے ڈومیسٹک سیزن میں بہترین کارکردگی دکھائی ہے وہ بطور اوپنر ٹیم میں آسکتے ہیں۔

بینکرافٹ نے 2019 کے بعد سے اب تک آسٹریلیا کے لیے کوئی ٹیسٹ میچ نہیں کھیلا، تاہم سابق کپتان کا خیال ہے کہ رائٹ ہینڈ بیٹر کو انٹرنیشنل لیول پر ایک اور موقع ملنا چاہیے۔

رکی پونٹنگ نے کہا کہ اگر آپ مارکس ہیرس، میھتیو رینشا اور کیمرون بین کرافٹ میں موازنہ کریں تو واضح طور پر بین کرافٹ وہ بیٹر ہیں جنھوں نے اسکور بورڈ پر رنز سجائے ہیں۔

انھوں نے کہا کہ اگر سلیکٹر کیمرون بین کرافٹ کا انتخاب کرتے ہیں تو مجھے کوئی حیرانی نہیں ہوگی۔ مجھے محسوس ہورہا ہے کہ انھیں موقع دیا جائے گا۔