Tag: ریاض

ریاض: سعودی وزارت تجارت اور سرمایہ کاری نے انتباہ دیا ہے کہ جو سعودی غیرملکی کو اپنے نام سے کاروبار کرائے گا اسے دو برس قید اور 20 لاکھ ریال جرمانہ کی سزا ہوگی۔

عرب میڈیا کے مطابق سعودی وزارت تجارت اور سرمایہ کاری نے خبردار کیا ہے کہ جو سعودی غیرملکی کو اپنے نام سے کاروبار کرائے گا اسے دو برس قید اور 20 لاکھ ریال جرمانہ تک کی سزا ہوگی جبکہ اخبارات میں بھی اس کے خرچ پر تشہیر کی جائے گی۔

رپورٹ کے مطابق سعودیوں کے نام سے دکانیں کرائے پر حاصل کرنے والے غیرملکیوں نے بھی کرائے دینے سے انکار کردیا ہے۔

دکانداروں کا موقف ہے کہ دکان ان کے نام پر نہیں بلکہ سعودیوں کے نام پر ہے لہٰذا کرایہ بھی وہی ادا کرے گا، اس سلسلے میں وہ سعودی بھی مشکل میں آگئے ہیں جن کے زیر کفالت افراد اپنے کفیل کے نام سے کرائے پر لیے ہوئے تھے اور سعودی عرب سے رخصت ہوگئے۔

مزید پڑھیں: سعودی عرب: غیر ملکیوں نے دکانیں، کاروبار بند کرنا شروع کردئیے

عرب میڈیا کے مطابق اب دکانوں کے مالکان کرایوں کا مطالبہ انہی سعودیوں سے کررہے ہیں جن کے نام پر دکانیں کرائے پر حاصل کی گئی تھیں۔

واضح رہے کہ سعودی عرب میں غیرملکیوں کے کاروبار کرنے پرسعودی ائزیشن کے تحت پابندیاں عائد کرکے مقامی سعودی شہریوں کے لیے روزگار کے مواقع بڑھائے جارہے ہیں۔

دوسری جانب سعودی عرب میں رہائش پذیر سعودی فیملیز کے لیے سالانہ فیس مقرر کرنے پر بڑی تعداد میں غیرملکی سعودی عرب چھوڑنے پر مجبور ہوگئے ہیں۔

ریاض: سعودی وزارت محنت و سماجی بہبود نے افرادی قوت کی درآمد اور پیشوں کے حوالے سے نئی ویزا پالیسی جاری کردی۔

عرب میڈیا کے مطابق وزارت محنت نے افرادی قوت کی درآمد کے لیے مندرجہ ذیل شرائط اور ضوابط لاگو کردئیے گئے ہیں، نئے ملازمین کی آمد پر سعودی ملازم کی لیبر مارکیٹ سے چھٹی نہ ہو۔

نئے ملازم سعودی ملازمین کے لیے مسابقت کا مسئلہ پیدا نہ کریں، افرادی قوت کی درآمد کی درخواست دینے والا ادارہ سعودائزیشن کی مقررہ شرح کی پابندی کررہا ہو۔

نئی ویزا پالیسی کے مطابق ایسے کسی بھی پیشے پر غیرملکی کے لیے ویزا جاری نہیں ہوگا جو پیشہ سعودیوں کے لیے مختص ہوگا، کسی بھی ادارے کو غیرملکی ملازمین کے لیے ایسا کوئی ویزا جاری نہیں ہوگا جس کے اجراء سے متعلقہ محکمے میں سعودائزیشن کی شرح کم ہورہی ہو۔

مزید پڑھیں: سعودی عرب، ویزا کے حوالے سے نئے قوانین وضع

رپورٹ کے مطابق اٹھارہ برس سے کم عمر اور ساٹھ برس سے زیادہ غیرملکی کو ملازمت کی غرض سے ویزا جاری نہیں ہوگا، ساٹھ سال کی پابندی ڈاکٹرز، ماہرین اور وزیر محنت کی جانب سے جاری کردہ افراد پر لاگو نہیں ہوگا اور ان کی درخواستیں مسترد کردی جائیں گی۔

اگر ویزے طلب کرنے والا ادارہ ایسا ہو کہ جس نے اپنے ملازمین کی تنخواہیں ادا نہ کی ہوں، ایسا ادارہ جو اپنے نام سے غیرملکی کو کاروبار کراہا ہو، ایسا ادارہ جس کا مالک اپنے تمام یا بعض کارکنان کو کسی اور کے یہاں غیرقانونی طریقے سے ملازمت کی اجازت دئیے ہوئے ہو۔

ایسے ادارے کو بھی نئے ویزے جاری نہیں ہوں گے جو سعوائزیشن کی کم سے کم تعداد پوری نہ کررہا ہو۔

ریاض: سعودی محکمہ ٹریفک نے کہا ہے کہ عام شاہراہوں پر دو گاڑیوں کے درمیان ریس لگانا ٹریفک خلاف ورزی پر جس پر جرمانہ ہوگا۔

عرب میڈیا کے مطابق سعودی محکمہ ٹریفک نے گاڑیوں کے جلوس نکالنے، دو گاڑیوں کے درمیان ریس لگانے کو ٹریفک خلاف ورزی قرار دے دیا جس کے مرتکب پائے جانے والے کے خلاف محکمہ جاتی کارروائی عمل میں لائی جائے گی۔

[bs-quote quote=”سعودی وزارت محنت اور ایتھوپیا کے درمیان گھریلو ملازمین لانے کا معاہدہ ہوگیا” style=”style-7″ align=”left”][/bs-quote]

سعودی ذرائع ابلاغ کے مطابق شادی بیاہ یا خوشی کے دیگر مواقع پر گاڑیوں کا جلوس نکالنا بھی قانوناً جرم ہوگا، اس سے نہ صرف ٹریفک کی روانی متاثر ہوتی ہے بلکہ راہگیروں اور شہریوں کے آرام میں بھی خلل پڑتا ہے۔

دوسری جانب سعودی وزارت محنت اور ایتھوپیا کے درمیان گھریلو ملازمین لانے کا معاہدہ ہوگیا، وزارت محنت نے کہا ہے کہ شہریوں کو سہولت پہنچانے کے لیے مختلف ممالک سے گھریلو ملازمین لانے کے معاہدے جاری ہیں۔

بہت جلد شہری ایتھوپیا سے بھی گھریلو ملازمین کے ویزے حاصل کرسکتے ہیں، ایتھوپیا سے ماہر اور سستا عملہ حاصل کیا جاسکتا ہے، اس حوالے سے ایتھوپین حکام کے ساتھ بات چیت ہوچکی ہے۔