ARYNews.tv | Urdu – Har Lamha Bakhabar

Tag: ریحام خان

  • ریحام کی کتاب سیاست پر نہیں دو خاندانوں پر لکھی گئی ہے، کپیٹن (ر) صفدر

    ریحام کی کتاب سیاست پر نہیں دو خاندانوں پر لکھی گئی ہے، کپیٹن (ر) صفدر

    اسلام آباد : سابق وزیراعظم نواز شریف کے داماد کیپٹن (ر) صفدر کا کہنا ہے کہ پرویزمشرف پاکستان نہیں آئیں گے، ریحام کی کتاب سیاست پر نہیں دو خاندانوں پر لکھی گئی ہے۔

    تفصیلات کے مطابق مسلم لیگ ن کے رہنما اورسابق وزیراعظم نواز شریف کے داماد کیپٹن (ر) صفدر نے احتساب عدالت میں میڈیا سے گفتگو میں ریحام خان کی کتاب پر تبصرہ کرتے ہوئے کہا دوخاندانوں میں علیحدگی ہوئی اورخاتون نےکتاب لکھی، یہ کتاب سیاست پرنہیں لکھی گئی۔

    کیپٹن (ر) صفدر کا کہنا تھا کہ جس شخص میں غلطی ہوتی وہ چھپتا پھرتا ہے، ماضی میں بھی خواتین نے کئی کتابیں لکھیں، کتاب پر کچھ نہیں کہوں گا میں نے نہیں پڑھی۔

    پرویزمشرف کے حوالے سے نواز شریف کے داماد نے کہا کہ پرویز مشرف پاکستان نہیں آئیں گے، اس کو پتہ ہے، انہوں نے آئین توڑا، پرویز مشرف نے حاضر سروس آرمی چیف کو گرفتار کیا اور ایک منتخب وزیراعظم کو گھر بھیجا۔

    ان کا مزید کہنا تھا کہ مشرف ایک قانون سےبچ بھی گئےتوفوج کےقانون میں پکڑے جائیں گے۔

    یاد ریے چند روز قبل نواز شریف کے داماد اور رہنما ن لیگ کیپٹن (ر) صفدر نے کمرہ عدالت میں صحافیوں سے غیر رسمی بات چیت کرتے ہوئے کہا تھا کہ جے  آئی ٹی میں پیشی پر انہوں نےپوچھا پاناما کیا ہے، میں نے جواب دیا پاناما 58 ٹو بی ہے ، سخت سوالات اورپریشر ڈال کروعدہ معاف گواہ بنانے کی کوشش کی گئی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • عمران خان آئندہ الیکشن میں خواب میں بھی شیروانی نہیں پہنیں گے،حنیف عباسی

    عمران خان آئندہ الیکشن میں خواب میں بھی شیروانی نہیں پہنیں گے،حنیف عباسی

    لاہور : مسلم لیگ ن کے رہنما حنیف عباسی کا کہنا ہے کہ ریحام خان کے معاملے میں مجھے گھسیٹا جارہا ہے میرا تعلق نہیں، عمران خان آئندہ الیکشن میں خواب میں بھی شیروانی نہیں پہنیں گے۔

    تفصیلات کے مطابق مسلم لیگ ن کے رہنما حنیف عباسی نے این اے 60 کیلئے کاغذات نامزدگی جمع کرادیئے اور کہا کہ بیان حلفی ایک دوروزمیں جمع کرا دوں گا، راولپنڈی میں الزامات کی سیاست کی کمی نہیں رہی، لوگ غصے میں ہیں،شیر پر مہرلگے گی۔

    میڈیا سے گفتگو کرتے ہوئے حنیف عباسی کا کہنا تھا کہ ریحام خان کے معاملے میں مجھے گھسیٹا جارہا ہے میرا تعلق نہیں، مسلم لیگ ن کا بھی ریحام خان کے معاملے میں ہاتھ نہیں۔

    رہنما ن لیگ نے کہا کہ ریحام کو پیسے کہاں سےدےسکتاہوں میرے اکاؤنٹ ہی منجمد ہیں، پی ٹی آئی اب تو یہ بھی کہے گی کہ نکاح اورطلاق میں نے کروائی، اللہ نہ کرے عمران خان والی تصویریں اور بلیک بیری میرا نکل آئے۔

    ان کا کہنا تھا کہ عمران خان کو الیکشن سے پہلے اپنے آپ کو عدالتوں سے کلیئر کرنا پڑے گا ، عمران خان آئندہ الیکشن میں خواب میں بھی شیروانی نہیں پہنیں گے۔

    حنیف عباسی نے کہا کہ خلائی مخلوق جہاں سے بھی آجائے ہمارا مقابلہ ان سے ہے ، شعبدہ باز کا مقابلہ الیکشن میں کریں گے،لوڈ شیڈنگ کی ذمہ داری نگراں حکومت ہے۔

    ریحام خان کی کتاب کے حوالے سے ان کا کہنا تھا کہ ریحام خان کی کتاب پر چیف جسٹس کوازخودنوٹس لینا چاہیے، ریحام خان کی کتاب سے کوئی تعلق نہیں ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ریحام خان عائشہ گلالئی پارٹ 2 ہیں، فواد چوہدری

    ریحام خان عائشہ گلالئی پارٹ 2 ہیں، فواد چوہدری

    اسلام آباد : پاکستان تحریک انصاف کے ترجمان فواد چودھری نے ریحام خان کو عائشہ گلالئی ٹو قرار  دے دیا اور کہا ریحام خان کے پاس بلیک بیری ہے تو میڈیا کو دیں اور فرانزک کروائیں۔

    تفصیلات کے مطابق پی ٹی آئی کے ترجمان فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا کہ کہ عمران خان کے بلیک بیری کیا قبرمیں لے کر جانا ہے، ریحام خان کے پاس بلیک بیری ہے تو میڈیا کو دیں اور فرانزک کروائیں، ریحام خان عائشہ گلالئی پارٹ ٹو ہیں۔

    یاد رہے اس سے قبل بھی تحریک انصاف کےترجمان فواد چوہدری نے ریحام خان کی کتاب کے سلسلے میں پریس کانفرنس کرتے ہوئے کہا تھا کہ اس قسم کی کتاب انتخابات سے قبل دھاندلی میں شمار ہوتی ہے۔

    فواد چوہدری نے ریحام خان سے مطالبہ کیا کہ وہ چوبیس گھنٹوں میں اس ایشو کی تردید کردیں بہ صورت دیگر جو کچھ کتاب میں لکھا گیا ہے وہ شدید ترین قانونی کارروائی کا متقاضی ہے، اس پر پرچا نہیں کرمنل کیسز ہونے ہیں، الیکشن کمیشن کو فوری اس کتاب کو بین کرنا چاہیے۔

    مزید پڑھیں :  الیکشن کمیشن ریحام خان کی کتاب پر فوری پابندی لگائے، ترجمان تحریک انصاف

    ان کا کہنا تھا ریحام خان کی کتاب کا مواد بالکل گھٹیا، بکواس، واہیات اور پاکستان کی خاندانی روایات کے خلاف ہے،مشرقی تو کیا کوئی مغربی خاتون بھی ایسی کتاب اپنے بچوں کےساتھ نہیں لکھ سکتی، یہ رائیونڈ نیٹ ورک ہے، جس کو حسین حقانی کے ذریعہ اپ ڈیٹ کیا گیا،ریحام کا کوئی ذریعہ معاش نہیں لیکن شہزادیوں والی زندگی گزاررہی ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ریحام خان کواستعمال کرنے والے افراد جلد بے نقاب ہوں گے: شاہ محمود قریشی

    ریحام خان کواستعمال کرنے والے افراد جلد بے نقاب ہوں گے: شاہ محمود قریشی

    ملتان: پیپلزپارٹی کے نائب چیئرمین شاہ محمود قریشی نے کہا ہے کہ ریحام خان کو سیاسی مقاصد کے لئے استعمال کیا گیا، ریحام کو استعمال کرنے والے افراد جلد بے نقاب ہوں گے.

    ان خیالات کا اظہار انھوں نے ملتان کے سابق ڈپٹی مئیراختربھٹہ کے تحریک انصاف میں شمولیت کے موقع پر کیا. ان کا کہنا تھا کہ اختربھٹہ نے ساتھیوں سمیت ن لیگ چھوڑی ہے، اب وہ تحریک انصاف کا حصہ ہیں.

    شاہ محمود قریشی کا کہنا تھا کہ ناصر الملک نے الیکشن وقت پرکروانے کی یقین دہانی کروائی ہے، جو خوش آئند ہے.

    پاکستان تحریک انصاف کے نائب چیئرمین نے کہا کہ نوازحکومت ناکام ہوئی، لوگ مایوسی کا شکار ہیں، اسی وجہ سے ووٹر آئندہ انتخابات میں‌ قوم کو لوٹنے والوں کو مسترد کردیں گے.

    شاہ محمود قریشی نے کہا کہ جہانگیر ترین سےکوئی تلخ کلامی نہیں ہوئی، خبر درست نہیں، جہانگیرترین میرے لیے قابل احترام ہیں۔

    ایک سوال کے جواب میں انھوں نے کہا کہ اصغرخان کیس کا فیصلہ لازمی ہونا چاہیے، کیس میں پیش رفت ہونی چاہیے۔

    انھوں نے ریحام خان کتاب تنازعے سے متعلق کہا کہ عمران خان کی سابق اہلیہ کو مخالفین نے سیاسی مقاصد کے لئے استعمال کیا۔

    نواز شریف ملک کے مفادات کو داؤ پر لگا رہے ہیں: شاہ محمود قریشی

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • کوشش ہے کہ کتاب الیکشن سے پہلے شائع ہوجائے، ریحام خان

    کوشش ہے کہ کتاب الیکشن سے پہلے شائع ہوجائے، ریحام خان

    لندن: چیئرمین تحریک انصاف کی سابق اہلیہ اور صحافی ریحام خان نے کہا ہے کہ ابھی کتاب شائع نہیں ہوئی اس لیے کسی کو جواب دہ نہیں ہوں، کوشش ہے کہ انتخابات سے قبل کتاب شائع ہوجائے البتہ اس بارے میں کچھ کہنا قبل ازوقت ہوگا۔

    اے آر وائی نیوز کے نمائندے سے خصوصی گفتگو کرتے ہوئے ریحام خان نے کتاب کے مسودے کی تصدیق یا تردید کرنے سے گریز کیا اور کہا کہ جب کتاب سامنے آجائے اُس کے بعد ہی بات ہوسکتی ہے۔

    اُن کا کہنا تھا کہ کتاب سے متعلق تہلکہ میں نے نہیں بلکہ تحریک انصاف نے خود مچایا اگر اچھی حرکتیں کی ہوتیں تو ڈرنے کی ضرورت نہیں تھی، حمزہ علی عباسی کا شکوہ ہے کہ اُن کا نام کتاب میں موجود ہے اب اُن کا نام شامل کر کے گلہ ختم کردوں گی۔

    ریحام خان نے تصدیق کی کہ میری کوشش ہے کتاب الیکشن سے پہلے آئے تاکہ لوگ بہت سوچ سمجھ کر اپنے نمائندے کو منتخب کریں، میری اس کاوش کا مقصد وطن کی خدمت ہے اس لیے پاکستان کو عزیز رکھتے ہوئے یہ تنازع اپنے سر لیا۔

    مزید پڑھیں: الیکشن کمیشن ریحام خان کی کتاب پر فوری پابندی لگائے، ترجمان تحریک انصاف

    اُن کا کہنا تھا کہ بہت سی ای میلزآرہی ہیں جو بتائی بھی نہیں جاسکتیں، ہمارے سیاستدانوں نے پوری دنیا میں ملک کی عزت کو خاک میں ملا دیا، پاکستان واپس جاکر ملک کے لیے کام کرنا چاہتی ہوں اور خواہش ہے کہ میرے دیس مین ہر نوجونوان برسرروزگار ہو اور ملک میں امن کا بول بالا ہو۔

    ریحام کا کہناتھا کہ ایک کتاب باہرسےشائع ہورہی ہےاس پرمعلوم نہیں کیوں طوفانِ بدتمیزی مچایا جارہا ہے، پاکستان میں اب کسی کو بھائی کہتے ہوئے بھی ڈر لگتا ہے، مجھے ایک خط کےذریعے قانونی نوٹس کی دھمکی دی گئی، پی ٹی آئی نے بتادیامیرےبچوں کےباپ کاعمران خان سےکیاتعلق ہے۔

    چیئرمین تحریک انصاف کی سابق اہلیہ کا کہنا تھا کہ سابق شوہر کاوکیل  پی ٹی آئی کی ترجمانی کیوں کررہا ہے اس بات کا علم نہیں البتہ 4 لوگوں کی طرف سے بھیجے گئے خطوط کو میرے وکلا دیکھ رہے ہیں، حمزہ عباسی نے شہباز شریف سے ایک لاکھ پاؤنڈ لینے کا جو الزام لگایا اس پر قانونی ایکشن لیا اگر اُن کے پاس ثبوت نہیں تو الزام کیو لگایا۔

    یہ بھی پڑھیں: ملتان کی سول کورٹ نے ریحام خان کی کتاب کو اشاعت سے روک دیا

    ریحام کا مزید کہنا تھا کہ میری کتاب پاکستان سے نہیں برطانیہ سے پبلش ہوگی اور اس بارے میں حتمی طور پر کچھ نہیں کہہ سکتی کہ یہ الیکشن سے قبل آئے یا بعد میں کیونکہ اس کی تاریخ میرے پاس خود بھی نہیں ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • ن لیگ ریحام کی کتاب کو کبھی ایشو نہیں‌ بنائے گی، یہ ہماری پارٹی پالیسی ہے: زعیم قادری

    ن لیگ ریحام کی کتاب کو کبھی ایشو نہیں‌ بنائے گی، یہ ہماری پارٹی پالیسی ہے: زعیم قادری

    لاہور: مسلم لیگ ن کے سینئر رہنما زعیم قادری نے کہا ہے کہ ریحام کی کتاب کا چھپنا سماجی، اخلاقی اور مذہبی اعتبار سے غلط ہے.

    ان خیالات کا اظہار انھوں نے اے آر وائی نیوز کے پروگرام آف دی ریکارڈ میں گفتگو کرتے ہوئے کیا. زعیم قادری کا کہنا تھا کہ ریحام خان کی کتاب کی مذمت کرتے ہیں، یہ ہماری پارٹی پوزیشن ہے.

    انھوں نے ایک سوال کے جواب میں کہا کہ نوازشریف اس قسم کی کتاب کی حمایت نہیں کریں گے، نہ ہی اہمیت و فوقیت دیں گے، معذرت کے ساتھ اس کتاب میں ریحام خان خاتون ہونے کا ثبوت نہیں دے رہیں.

    ان کا کہنا تھا کہ ریحام خان کی کتاب میں جو کچھ ہے، اس پرمزید بات نہ کی جائے، یہی بہتر ہے، ن لیگ ریحام کی کتاب کو ایشو نہیں‌ بنائی گئی، یہ ہماری پارٹی پالیسی ہے.

    انھوں نے کہا کہ میں‌ نواز شریف اور شہبازشریف کو جانتا ہوں، پارٹی ریحام کی کتاب پر کبھی تبصرہ نہیں کرنے کا ارادہ رکھتی ہے.

    ایک سوال کے جواب میں‌ انھوں نے کہا کہ ریحام خان نے علیحدگی کے بعد خود کہا تھا کہ سب کچھ بتاؤں گی، اس ضمن میں ہم پر الزام درست نہیں.

    الیکشن کمیشن ریحام خان کی کتاب پر فوری پابندی لگائے، ترجمان تحریک انصاف

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ریحام خان نے کتاب میں شہرت اور پیسے کیلئےالزامات لگائے، وسیم اکرم

    ریحام خان نے کتاب میں شہرت اور پیسے کیلئےالزامات لگائے، وسیم اکرم

    اسلام آباد : سابق قومی کرکٹ ٹیم کے کپتان وسیم اکرم نے کہا ہے کہ ریحام خان نے کتاب میں شہرت اور پیسے کیلئےالزامات لگائے، ہرذی شعور خود فیصلہ کرے کہ ریحام کتنا سچ بول رہی ہے۔

    یہ بات انہوں نے اے آر وائی نیوز سے خصوصی گفتگو کرتے ہوئے اپنے رد عمل میں کہی۔ ان کا کہنا تھا کہ ریحام خان کی کتاب میں الزامات سے دھچکا لگا، یہ سب جھوٹ ہے اور جھوٹ کے پاؤں نہیں ہوتے۔

    ریحام خان کی کتاب میں لگائے گئے جھوٹے الزامات جلد پکڑے جائیں گے، ان جھوٹے الزامات سے ظاہر ہے کہ کچھ لوگ سستی شہرت حاصل کرنے کے لئے کچھ بھی کرسکتے ہیں۔

    ریحام خان نے کتاب میں شہرت اور پیسے کیلئےالزامات لگائے، انہوں نے بتایا کہ ریحام خان سے ان کی رہائش گاہ پر اہلیہ کے ساتھ صرف ایک بار ملاقات ہوئی تھی۔

    ریحام نے ایسی عورت پر الزام لگائے جو اپنے دفاع کیلئے دنیا میں ہی موجود نہیں، گھٹیا الزامات پر بہت افسوس ہوا، ریحام کی کتاب میں لگائے گئے الزامات کیخلاف آخری حد تک جاؤں گا، اگر کوئی میرے اوپر الزام لگائے تو معاف کر سکتا ہوں لیکن اپنی بیوی اوربچوں کے پیچھے آنے والے کو معاف نہیں کروں گا ۔

    مزید پڑھیں: کتاب میں شرمناک الزامات پرمختلف شخصیات نے ریحام خان کو قانونی نوٹس بھجوادیا

    واضح رہے کہ عمران خان کی سابق اہلیہ ریحام خان نے اپنی کتاب کے مسودے میں موصولہ اطلاعات کے مطابق کچھ شخصیات کے حوالے سے متنازعہ قسم کے تاثرات درج کیے ہیں جس پر میڈیا میں بھونچال سا آگیا ہے اور ان شخصیات نے ریحام خان کیخلاف قانونی نوٹس بھی ارسال کردیا ہے۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • ریحام خان اور حمزہ علی عباسی مورچہ بند، ایک دوسرے پر الزامات کی بارش

    ریحام خان اور حمزہ علی عباسی مورچہ بند، ایک دوسرے پر الزامات کی بارش

    کراچی: معروف پاکستانی ٹی وی اداکار حمزہ علی عباسی نے دعویٰ کیا ہے کہ ریحام خان نے اپنی نئی آنے والی کتاب میں صرف عمران خان کی مخالفت میں باتیں لکھیں اور خود کو فرشتہ ثابت کیا جبکہ ریحام نے حمزہ علی عباسی کے دعویٰ مضحکہ خیز قرار دے دیا۔

    تفصیلات کے مطابق تحریک انصاف کے چیئرمین عمران خان کی سابق اہلیہ ریحام خان کی کتاب آئندہ چند روز میں رونمائی کے لیے پیش کی جائے گی مگر پاکستانی اداکارہ نے دعویٰ کیا کہ انہوں نے کتاب کا مسودہ پڑھ لیا۔

    حمزہ علی عباسی نے گزشتہ روز سماجی رابطے کی ویب سائٹ پر ایک ٹویٹ کیا کہ ’بدقسمتی سے ریحام خان کی کتاب کا مسودہ پڑھنے کا اتفاق ہوا جس کا خلاصہ یہ ہے کہ عمران خان اس دنیا کے سب سے بڑے شیطان ہیں‘۔

    انہوں نے مزید دعویٰ کیا کہ ریحام نے خود کو دنیا کی سب سے نیک اور تہجد گزار خاتون اور شہباز شریف کو سب سے زیادہ حیران کُن شخصیت قرار دیا۔

    دوسری جانب ریحام خان نے دعویٰ پر ردعمل دیتے ہوئے کہا کہ ’میری کتاب تو ابھی تک شائع نہیں ہوئی تو پھر حمزہ علی عباسی نے مسودہ کس طرح پڑھا، یہ صرف فراڈ کے ذریعے ہی ممکن ہے‘۔

    ملکی اور غیر ملکی میڈیا میں صحافتی امور سرانجام دینے والی ریحام خان نے ایک اور ٹویٹ میں دعویٰ کیا کہ انہیں حمزہ علی عباسی نے ایک سال قبل دھمکی آمیز ای میل بھیجی۔

    عمران خان کی سابق اہلیہ نے سماجی رابطے کی ویب سائٹ ٹویٹر پر  مبینہ دھمکی آمیز ای میل کا اسکرین شارٹ بھی شیئر کی جو 15 اگست 2017 کو بھیجی گئی تھی۔

    ریحام خان نے ساتھ ہی حمزہ علی عباسی اور دیگر ناقدین کا شکریہ بھی ادا کیا کہ انہوں نے سماجی رابطے کی ویب سائٹ پر کتاب کی تشہیر بالکل مفت کردی۔

    بعد ازاں حمزہ علی عباسی نے سماجی رابطے کی ویب سائٹ پر ریحام خان کی ای میل کو جھوٹا قرار دیا اور بتایا کہ مذکورہ ای میل ایڈریس اُن کے استعمال میں کبھی بھی نہیں رہا۔

    ریحام خان نے ایک اور ٹویٹ میں‌ اعلان کیا کہ اگر اُن کے پاس ثبوت ہیں‌تو پیش کریں‌، میں ایسے لوگوں کے خلاف قانونی کارروائی کا ارادہ رکھتی ہوں

    بات یہی ختم نہیں ہوئی بلکہ دونوں فریقین کی جانب سے ایک دوسرے پر مزید الزامات کی بارش کی گئی۔

    ریحام خان نے حمزہ علی عباسی کے اُس ٹویٹ کی تصویر بھی شیئر کیں جو انہوں نے کچھ ہی دیر بعد حذف کردیا۔

     

    واضح رہے کہ ریحام خان نے علیحدگی کے بعد اعلان کیا تھا کہ وہ اپنی زندگی اور خصوصا شادی کے بعد پیش آنے والے مسائل کے حوالے سے کتاب تحریر کریں گی ۔

    دوسری جانب تحریک انصاف کے ترجمان فواد چوہدری نے دعویٰ کیا ہے کہ ریحام خان کو شریف خاندان نے عمران خان اور تحریک انصاف کی ساکھ متاثر کرنے کے لیے استعمال کیا جس پر انہوں نے کتاب تحریر کی اور اب یہ الیکشن کے عین وقت اس لیے ہی سامنے لائی جارہی ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں

  • ریحام خان اور مریم نواز کی ملاقات کے واضح ثبوت مل گئے، فواد چوہدی کا دعویٰ

    ریحام خان اور مریم نواز کی ملاقات کے واضح ثبوت مل گئے، فواد چوہدی کا دعویٰ

    اسلام آباد: تحریک انصاف کے ترجمان فواد چوہدری نے دعویٰ کیا ہے کہ ریحام خان اور مریم نواز کی خفیہ ملاقات کا اہتمام احسن اقبال نے کروایا جس کے واضح ثبوت مل گئے۔

    سماجی رابطے کی ویب سائٹ پر فواد چوہدری نے دعویٰ کیا کہ ریحام خان کی کتاب سے صاف ظاہر ہے یہ تحریک انصاف کی ساکھ کو متاثر کرنے کے لیے انتخابات کے عین وقت سامنے لائی جارہی ہے، عمران خان کی سابق اہلیہ نے مریم نواز سے ملاقات کی جس کا پورا انتظام احسن اقبال نے کیا۔

    فواد چوہدری کا کہنا تھا کہ کتاب کی رونمائی اور اشاعت کی ٹائمنگ بہت سوچ سمجھ کر رکھی گئی، شریف خاندان نے نصرت بھٹو اور محترمہ بے نظیر بھٹو کے خلاف بھی اسی طرح کا کام کیا اور اب وہ عمران خان کے خلاف استعمال ہو رہی ہیں۔

    ترجمان تحریک انصاف کا کہناتھا کہ ریحان خان نے کتاب میں جھوٹی کہانیاں تحریر کی ہوں گی جس پر انہیں قانونی نوٹس ارسال کردیا ہے، حسین حقانی سے بھی اُن کی ملاقات سوچے سمجھے منصوبے کا حصہ ہیں۔

    فواد چوہدری نے دعویٰ کیا کہ ریحام خان اور مریم نواز کی ملاقاتوں کا سلسلہ بہت پرانا ہے، ناقابل تردید اور دستاویزی شواہد نےساری سازش کاپول کھول دیا، جو ای میلز اب سامنے آرہی ہیں وہ دھرنے کے وقت کی ہیں۔

    ریحام کی کتاب سے عمران خان کو کوئی فرق نہیں پڑے گا، شیخ رشید

    دوسری جانب عوامی مسلم لیگ کے سربراہ شیخ رشید احمد نے اے آر وائی نیوز سے گفتگو کرتے ہوئے کہا کہ ریحام خان کی کتاب  عمران خان کا کچھ نہیں بگاڑ سکتی، ایسی تصنیف سے عمران کو کوئی فرق نہیں پڑے گا۔

    اُن کا کہنا تھا کہ عمران خان کے خلاف سارے ہتھکنڈے ناکام ہوں گے، پی ٹی آئی چیئرمین کی سیاست کو ہیلی کاپٹر سے پھینکیں تب بھی تحریک انصاف کی سیاست پر کوئی فرق نہیں پڑے گا، سب جانتے ہیں ریحام خان کو کس نے پیسے ادا کیے۔

    واضح رہے کہ ایک روز قبل ریحام خان کی امریکا میں تعینات سابق پاکستانی سفیر حسین حقانی کے ساتھ ملاقات کی تصاویر سوشل میڈیا پر سامنے آئی تھیں جس کے بعد یک دم اُن کی نئی آنے والی کتاب کا تذکرہ چھٹ گیا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں

  • دھمکیاں دی جا رہی ہیں،اہل خانہ بھی محفوظ نہیں، ملک چھوڑ کرجا رہی ہوں، ریحام خان

    دھمکیاں دی جا رہی ہیں،اہل خانہ بھی محفوظ نہیں، ملک چھوڑ کرجا رہی ہوں، ریحام خان

    اسلام آباد : ریحام خان نے کہا ہے کہ مجھے کئی سابق کرکٹرز نے عمران خان کو بھول جانے اور کسی قسم کی لڑائی سے اجتناب برتنے کا مشورہ دیا ہے تاکہ مجھے کوئی نقصان نہ پہنچے، جان لیوا دھمکیوں کے باعث ملک چھوڑنے کا فیصلہ کرلیا ہے.

    ان کا خیالات کا اظہار انہوں نے نجی چینل کو انٹرویو دیتے ہوئے کیا، عمران خان کی سابق اہلیہ ریحام خان کا کہنا تھا کہ چیئرمین تحریک انصاف سے متعلق بات کرنے کے بعد جہاں مجھے قتل کی دھمکیاں موصول ہوری تھیں وہی اب میرے اسٹاف کو بھی سنگین نتائج کی دھمکیاں دی جارہی ہیں.

    انہوں نے مزید کہا کہ ان دھمکیوں سے گھبرا کر میں نے اپنی بیٹی کو اسکول جانے سے روک دیا ہے جب کہ ہماری نقل و حرکت بھی محدود ہو گئی ہے اس لیے میں نے بہت دکھی دل کے ساتھ یہ ملک ہی چھوڑنے کا فیصلہ کرلیا ہے تاکہ اپنی اور اپنے بچوں کی جانوں کو محفوظ بنا سکوں.

     ‘اسی سے متعلق : ’اگر ہم نے لب کشائی کی تو ریحام کو چھپنے کی جگہ نہیں ملے گی 

    ریحام خان نے بتایا کہ میرے اہل خانہ کے علاوہ اب میرے اسٹاف کو دھمکی آمیز فون کالز موصول ہو رہی ہیں جس میں میرے انٹرویوز اور تقریبات منعقد نہ کرانے کے لیے دباؤ ڈالا جا رہا ہے اور سب سے افسوس ناک بات یہ ہے کہ اس وقت کوئی سیاسی جماعت نہ میری حمایت کررہی ہے اور نہ ساتھ کھڑی ہے.

    خیال رہے دو روز قبل ریحام خان نے ایک بھارتی چینل کو انٹرویو دیتے ہوئے عمران خان کی جانب سے شادی کو خفیہ رکھنے اور شادی کی تاریخ سے متعلق جھوٹ بولنے کا انکشاف کیا تھا جب کہ عمران خان کی تیسری شادی سے متعلق بھی گفتگو کی تھی.

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔