ARYNews.tv | Urdu – Har Lamha Bakhabar

Tag: ریحام خان

  • تبدیلی میوزیکل چیئر کا نام ہے تو اللہ اس سے محفوظ رکھے، ریحام خان

    تبدیلی میوزیکل چیئر کا نام ہے تو اللہ اس سے محفوظ رکھے، ریحام خان

    بنی گالہ : تحریک انصاف کے سربراہ عمران خان کی سابق اہلیہ ریحام خان نے کہا ہے کہ اگر تبدیلی میوزیکل چیئر کا نام ہے تو اللہ ایسی تبدیلی سے سب کو محفوظ رکھے۔

    وہ بنی گالہ کے علاقہ کری میں اپنی سالگرہ کی تقریب کے بعد صحافیوں سے بات چیت کر رہی تھیں انہوں نے کہا کہ تحریک انصاف کے لیڈران سے میرا ویژن ملتا ہی نہیں، پی ٹی آئی سمیت کوئی سیاسی جماعت جمہوری نہیں،جن نوجوانوں کو گیٹ پر کھڑا رکھتے ہیں انہیں کبھی اسٹیج پر بیٹھا نہیں دیکھا۔

    اس موقع پر ایک صحافی نے سوال پوچھا کہ سالگرہ کی تقریب کے لئے بنی گالہ کا انتخاب کر کے کسی کو کوئی پیغام دینا چاہتی ہیں جس پر ریحام خان نے جواب دیا کہ جنہیں اللہ کوئی پیغام نہیں دے سکا ایسے لوگوں کو وہ کیا پیغام دیں گی۔


    ریحام خان نے عمران خان کا نام لیے بغیر سوال کیا کہ کیاسیاست صرف خواتین کو اپنے جلسوں کی زینت بنانے کا نام ہے؟؟

    انہوں نے کہا کہ خیبر پختونخوا میں تعلیمی نظام ویسا نہیں ہے جیسا کہ میڈیا میں بتایا جاتا ہے حالات اس کے بالکل برعکس ہیں۔

    ریحام خان نے کہا کہ کسی سے ڈرتی نہیں ہوں لیکن پھر بھی کہتی ہوں پی ٹی آئی سمیت کسی بھی سیاسی جماعت میں جمہوریت نہیں ہے۔

    ایک سوال کے جواب میں ریحام کا کہنا تھا کہ اگر کسی سیاسی پارٹی سے ملک کی خدمت کے جذبے کے تحت شمولیت کی آفر آئی تو وہ اسے قبول کریں گی۔

    واضح رہے ریحام خان نے اپنی سالگرہ بنی گالہ میں غریب و نادار بچوں کے ہمراہ منائی اور سالگرہ کا کیک کاٹا اس موقع پر ریحام خان نے ریحام خان فاؤنڈیشن اسکول کی بنیاد بھی رکھی۔

  • فلم ’جاناں‘ کے گانوں کا البم ریلیز

    فلم ’جاناں‘ کے گانوں کا البم ریلیز

    اے آر وائی فلمز کے بینر تلے بننے والی پاکستانی فلم ’جاناں‘ کے گانوں کا البم ریلیز کردیا گیا۔ فلم عید الاضحیٰ کے موقع پر ریلیز کی جائے گی۔

    آئی آر کے فلمز، ایم ایچ پروڈکشنز اور اے آر وائی فلمز کی مشترکہ پیشکش فلم ’جاناں‘ کے مصںف عثمان خالد بٹ ہیں۔ ریحام خان، حریم فاروق، منیر حسین اور عمران کاظمی کی پروڈکشن میں بننے والی اس فلم کی ہدایات اظفر جعفری نے دی ہیں۔

    فلم کی کاسٹ میں ارمینہ رانا خان، بلال اشرف اور علی رحمان مرکزی کردار ادا کر رہے ہیں جبکہ فلم کی دیگر کاسٹ میں مشی خان، عجب گل اور نیئر اعجاز شامل ہیں۔

    ٹائٹل سانگ سنیئے

    فلم کا ٹائٹل سانگ بھارتی گلوکار ارمان ملک نے گایا ہے جس کی تحریر فاطمہ نجیب کی ہے جبکہ گانے کی کمپوزیشن سالم سولیمہ نے دی ہے۔ ارمان ملک نے پہلی مرتبہ کسی پاکستانی فلم کے لیے گایا ہے۔

    ٹریلر دیکھیئے

    فلم جاناں کی کہانی خیبر پختونخوا کے پس منظر، رسم رواج اور ثقافت میں پنپنے والی محبت پر مبنی ہے۔

  • جب بھی شادی کی دھوم دھام سے کروں گا،عمران خان

    جب بھی شادی کی دھوم دھام سے کروں گا،عمران خان

    راولپنڈی: تحریک انصاف کے چیئرمین عمران خان نے میڈیا پر گردش کرنے والی اپنی شادی کی خبروں کو بے بنیاد قرار دے دیا۔

    اس سے قبل ترجمان تحریک انصاف کے ٹوئٹر اکاؤنٹ پر مرکزی سیکریٹری اطلاعات نعیم الحق کی طرف سے کہا گیا تھا کہ عمران خان نے اپنی بہنوں سے شادی کا اظہار کر رکھا ہے۔ وہ آج کل چھٹیاں منانے اپنے بیٹوں کے ساتھ لندن میں ہیں۔

    انہوں نے عمران خان کی شادی کی خبروں کی مکمل تردید کرتے ہوئے انہیں بے بنیاد قرار دیا۔ دوسری جانب عمران خان نے بھی اپنے ٹوئٹ میں اسے بے بنیاد خبر قرار دیتے ہوئے کہا کہ انہوں نے شادی نہیں کی۔ وہ جب بھی شادی کریں گے دھوم دھام سے کریں گے اور باقاعدہ اعلان کریں گے۔

    دن کے آغاز سے عمران خان کی تیسری شادی سے متعلق خبریں میڈیا میں گردش کر رہی تھیں جن میں کہا جا رہا تھا کہ عمران خان پاک پتن کے مانیکا خاندان کی کسی لڑکی سے تیسری شادی کرنے جا رہے ہیں۔

    اس حوالے سے نعیم الحق نے کہا کہ مانیکا خاندان سے عمران خان کے روحانی تعلقات ہیں۔

    ایک روز قبل ایک انٹرویو میں عمران خان نے تیسری شادی کا عندیہ دیا تھا۔ انہوں نے کہا تھا کہ ان کا شادی پر یقین پہلے زیادہ پختہ ہوگیا ہے۔ تیسری شادی کرتے وقت وہ محتاط رہیں گے۔

    واضح رہے کہ عمران خان نے پہلی شادی جیمز گولڈ اسمتھ کی بیٹی جمائما گولڈ اسمتھ سے کی تھی تاہم ان کی پہلی شادی 9 سال بعد 2004 میں ٹوٹ گئی تھی۔

    عمران خان دوسری بار معروف صحافی ریحام خان سے 2014 میں رشتہ ازدواج میں منسلک ہوئے لیکن شادی کے 10 ماہ بعد ہی دونوں میں طلاق ہوگئی تھی۔

  • ریحام خان نے کپتان کی زندگی جہنم بنادی تھی، برطانوی اخبار کا دعویٰ

    ریحام خان نے کپتان کی زندگی جہنم بنادی تھی، برطانوی اخبار کا دعویٰ

    لندن : عمران خان اورریحام میں علیحدگی کا سبب جاننے کے لئے تجسس بڑھنے لگا، برطانوی اخبار ڈیلی میل نے دعویٰ کیا ہے کہ ریحام خان نے کپتان کی زندگی جہنم بنادی تھی اور وہ بیڈ روم میں پالتو کتوں کے آنے کے بھی خلاف تھیں۔

    عمران خان اور ریحام کی شادی خبر پہلے چرچا عام بنی پھر لگ بھگ دس ماہ میں ہی دونوں کی راہیں جدا ہوگئیں، ہر اک کو فکر آخر ایسا کیوں ہوا، سب ہی اداس ہوگئے، سوالات کے جواب کی کھوج میں برطانوی اخبار ڈیلی میل متحرک ہوا اور کئی انکشافات کرڈالے۔

    برطانوی اخبار نے اپنی رپورٹ میں دعوی کیاکہ عمران خان نے ریحام کو ایس ایم ایس کے ذریعے طلاق دی، دونوں میں کئی معاملات پر تلخیاں رہیں، ریحام نے کپتان کے پالتوں کتوں کا کمرے میں داخلہ بند کردیا تھا اہلیہ کا یہ فیصلہ کپتان کو سخت ناپسند تھا۔

    The couple broke up amid furious rows over everything from his friends to her attempts to ban his beloved dogs (pictured) from the bedroom

    برطانوی اخبار کے مطابق ریحام کواس بات پر بھی اعتراض تھاکہ کپتان کاسابقہ اہلیہ جمائماسے قریبی تعلق تاحال کیوں قائم ہے، اس کے ساتھ ریحام نے گھرآنے والے مہانوں کے لئےاصول بھی بنا ڈالے تھے۔

    ان کی چھوٹی بیٹی ان کے پاس ہی تھی جبکہ بڑی بیٹی اور بیٹے کو آنے جانے پرکوئی روک ٹوک نہ تھی، عمران خان کے بھانجوں کے بنی گالہ آنے پر پابندی عائد کردی گئی تھی۔

    اخبار نے انکشاف کیا کہ عمران خان کو ریحام کے سیاست میں کردار ادا کرنے کی خواہش پر بھی تشویش تھی۔

  • عمران خان پر مبنی فلم کیلئے بالی ووڈ پروڈیوسر کی ریحام خان سے ملاقات

    عمران خان پر مبنی فلم کیلئے بالی ووڈ پروڈیوسر کی ریحام خان سے ملاقات

    پاکستان تحریک انصاف کے چیئرمین عمران خان پر مبنی فلم کیلئے بالی ووڈ پروڈیوسر راکیش اوپدھیا کی ریحام خان سے ملاقات ہوئی۔

    راکیش اوپدھیا گزشتہ دنوں مختصر دورے پر پاکستان میں موجود تھے ، انہوں نے گزشتہ دنوں اسلام آباد میں پی ٹی آئی کے چیئرمین عمران خان کے گھر بنی گالہ میں ان کی اہلیہ ریحام خان سے ملاقات بھی کی۔

    راکیش اوپدھیا بالی ووڈ کے ڈائریکٹر ہیں جبکہ متعدد بالی ووڈ کی مشہور فلموں کو پروڈیوس  بھی کرچکے ہیں۔جس میں کھلاڑی 786، شوقین اور سردار جی شامل ہیں۔

    راکیش اوپدھیا نے اپنی آنے والی فلم کے حوالے سے ریحام خان سے ملاقات کی جس میں فلم کی لوکیشن ، کاسٹ اور دیگر امور پر بات چیت کی گئی۔ انہوں نے بھارتی فلموں کو بین الاقوامی مارکیٹ فروغ دینے اور باصلاحیت اور قابل احترام پاکستانی فلموں میں اپنی خدمات پیش کرنے کے حوالے سے بھی گفتگو کی۔

    پاکستان تحریک انصاف کے چیئرمین عمران خان  کی اہلیہ نے ٹوئٹر پر اپنے ٹوئٹ میں بتایا کہ اس خبر غلط طریقے سے پیش کیا گیا ان کا کہنا تھا کہ بالی ووڈ پروڈیوسر عمران خان پر فلم بنانا چاہتے ہیں جس کے باعث انہوں نے ملاقات کی۔

    واضح رہے کہ مقامی خبر رساں ادارے کو انٹرویو دیتے ہوئے راکیش نے بتایاکہ وہ بالی ووڈ میں اپنے پارٹنرمعروف موسیقار و گلوکار ہمیش رشمیا کے ساتھ مل کرفلمیں پروڈیوس کرتے ہیں لیکن پاکستان میں فلمسازی کے حوالے سے شروع ہونے والے اس پروجیکٹ کو وہ خود اور پاکستان میں اپنے ایک دوست بابرشیخ کی مدد سے پروڈیوس کرینگے۔

    انہوں نے ریحام خان کے ساتھ ہونے والی ملاقات کے حوالے سے بتایاکہ بہت ہی تسلی بخش ملاقات رہی ہے اوراس لیے ہم بہت جلداپنے پروجیکٹ پرکام شروع کرینگے، جو سب کے لئے حیران کن ہوگا۔

  • ریحام خان کا ایک اور سرپزائز، فلم جنان 2016 میں ریلیز کی جائیگی

    ریحام خان کا ایک اور سرپزائز، فلم جنان 2016 میں ریلیز کی جائیگی

    ریحام خان کا ایک اور سرپرائزمنظرعام پر آگیا آئی آر کے ، ریحام خان اور اے آروائی فلمز کی مشترکہ پیش کش فلم جنان اگلے سال ریلیز کی جائیگی۔

    صحافت، سیاست اور اب فلم نگری میں قدم ریحام خان کا ایک کے بعد ایک سرپرائز سامنے آرہا ہے، ریحام خان نے بطور پروڈِیوسر اپنی پہلی فلم جنان بنانے کا اعلان کر دیا۔

    جو آئی آر کے ، ریجام خان اور اے آروائی فلمز کے بینر تلے اگلے سال ریلیز کی جائیگی، فلم جنان میں پاکستان کی ثقافت، خوبصورتی، اور وطن کے کئی خوشگوار پہلو وں کو اجاگر کیا جائیگا۔

    اظفر جعفری کی ڈائیکریکشن جبکہ ریحام خان اور عمران رضا کاظمی کی پروڈکشن میں بننے والی فلم شمالی علاقوں میں فلمائی جائیگی۔

    فلم جنان کے مرکزی کرداروں میں بلال اشرف ، ارمینا خان، علی رحمان خان سمیت کئی جانے مانے اداکار شامل ہیں۔

    اس موقع پر اے آر وائی کے بانی اور صدر سلمان اقبال کا کہنا ہے کہ ریحام خان کی فلم میڈان پاکستان کے مشن کو آگے بڑھانے میں مدد دیگی۔

  • کیا ایم کیو ایم کراچی کی رونقیں بحال ہونے پر مستعفی ہوئی، ریحام خان

    کیا ایم کیو ایم کراچی کی رونقیں بحال ہونے پر مستعفی ہوئی، ریحام خان

    کراچی : پاکستان تحریک انصاف کے سربراہ عمران خان کی اہلیہ ریحام خان کاکہنا ہے کہ انہیں اس بات کی سمجھ نہیں آئی کہ ایم کیو ایم نے استعفے کیوں دیئے ہیں، کیا وہ کراچی کی رونقیں بحال ہونے پر مستعفی ہوئے ہیں۔

    کراچی کے مقامی ہوٹل میں خواتین کی ترقی و حقوق کے متعلق سیمینار سے خطاب اور میڈیا سے گفتگو میں ریحام خان کاکہنا تھا کہ جب تک خواتین اور اقلیتوں کو ان کے حقوق نہیں ملیں گے جناح کا پاکستان نہیں بن سکتا۔

    ریحام خان کاکہنا تھا کہ سیاسی جماعتوں کو ایسا ماحول بنانا ہوگا کہ خواتین ذیادہ سے ذیادہ سیاسی سرگرمیوں میں حصہ لے سکیں۔

    ریحام خان کاکہنا تھا کہ اس یوم آزادی پرہمیں خواتین ، اقلیتیں ، سانحہ قصور اور سانحہ آرمی پبلک اسکول کے شہداء کو بھی یاد رکھنا چاہئیے جن کے اہلخانہ انتہائی تکلیف اور اذیت سے گزر رہے ہیں۔

    تقریب سے پیپلزپارٹی کی رہنماؤں شیریں رحمان، ڈاکٹر فہمیدہ مرزا ، اورصوبائی وزیر نثار کھوڑو سمیت دیگر نے بھی خطاب کیا۔

    پیپلزپارٹی کے رہنماؤں کاکہنا تھا کہ ان کی جماعت نے ہمیشہ خواتین کی ترقی کیلئے کام کیا، بعد ازاں ریحام خان نے فیصل واوڈا اور عمران اسماعیل کی فیملی کے ہمراہ نجی ہوٹل میں ڈنر کیا۔

  • عوام ضمنی انتخاب میں پی ٹی آئی کے امیدوار کو کامیاب بنائیں، ریحام خان

    عوام ضمنی انتخاب میں پی ٹی آئی کے امیدوار کو کامیاب بنائیں، ریحام خان

    ہری پور : تحریک انصاف کے چیئر مین عمران خان کی اہلیہ ریحام خان نے ہری پور میں ضمنی انتخاب میں پی ٹی آئی کے امیدوار کو کامیاب کرانے کی اپیل کی ہے۔

    تفصیلات کے مطابق ریحام خان نے سیاست میں میدان میں اننگز کھیلنے کیلئے کمر کس لی۔ ہری پور میں ضمنی انتخاب کے سلسلے میں جلسے سے خطاب کرتے ہوئے ریحام خان نے سولہ اگست کو ہونے والے ضمنی انتخاب میں پی ٹی آئی کے امیدوار کو کامیاب کرنے کی اپیل کے ساتھ مخالف امیدوار کو بھی تنقید کا نشانہ بناڈالا۔

    ریحام خان نے کہا کہ لوگوں کے ووٹ چھینے گئے وہ ہر اس جگہ جائیں گی جہاں لوگ تکلیف میں ہوں گے ۔اس سے قبل ریحام خان نے خواتین کنونشن میں عمران خان کی تعریف میں زمین آسمان ایک کرتے ہوئے کپتان کی صفات اپنے اندر پیدا کرنے پر زور دیا۔

    عمران خان کے بعد اب ریحام خان بھی عوام میں مقبولیت حاصل کرتی جا رہی ہیں۔ کارکنوں کا کہنا ہے کہ وہ کسی موقع پر اپنے رہنماؤں کا ساتھ نہیں چھوڑیں گے۔ ریحام خان کا کہنا تھا کہ وہ قومی بھابھی ہیں اور لوگوں کا درد بنی گالہ تک پہنچائیں گی۔

  • ریحام خان کی پہلی فلم کا نام سامنے آگیا

    ریحام خان کی پہلی فلم کا نام سامنے آگیا

    کراچی: ریحام خان نے سیاست کے ساتھ ہی فلم انڈسٹری میں بھی قدم رکھ دیاہے،ریحام فنکاروں سے ملاقاتیں کررہی ہیں۔

    ریحام خان بطورفلمساز پہلی فلم "جانان” بنارہی ہیں،فلم کےمرکزی کردارعجب گل، اور ارمینہ رانا خان ہیں۔

    اس سے قبل رعنا خان مختلف ٹی وی ڈراموں میں کام کر چکی ہیں جن میں عشق پرست، کرب اور بن روئے وغیرہ شامل ہیں لیکن کسی فلم میں وہ پہلی بار اداکاری کریں گی۔

    ذرائع کا کہنا ہے کہ خیبر پختونخوا کی عوام پر فلمائی جائے گی۔فلم جانان ایک پختون خاندان پر مبنی رومانوی اور مزاحیہ فلم ہوگی۔

    ذرائع کاکہناہےریحام فنکاروں سےملاقاتیں کررہی ہیں فلم کی شوٹنگ سوات اور شمالی علاقہ جات میں کی جائے گی، فلم جانان کے مصنف عثمان خالد جعفری، اور ہدایتکار اصغر بٹ ہیں۔

    پاکستان فلم انڈسٹری کی بحالی کے لیے ضروری ہے کہ فلموں میں ہماری ثقافت اور تہذیب کو پھر سے زندہ کیا جائے، اب دیکھنا یہ ہے کہ مسز خان اس نیک عمل میں اپنا کردار کیسے ادا کرتی ہیں۔

    ریحام خان دو نجی پروڈکشن ہائوسز سے مل کر فلم بنانے کی شروعات کر چکی ہیں۔ ایک فلم پشتو جبکہ دوسری اردو زبان میں بنائی جائے گی۔

  • ٹی وی نہیں دیکھتی، عمران خان کی سب سے بڑی سپورٹر ہوں، ریحام خان

    ٹی وی نہیں دیکھتی، عمران خان کی سب سے بڑی سپورٹر ہوں، ریحام خان

    اسلام آباد : چیئرمین پاکستان تحریک انصاف عمران خان کی اہلیہ ریحام خان نے کہا ہے کہ عمران خان کی سب سے بڑی سپورٹر ہیں۔

    ان کا کہنا تھا کہ میں ٹی وی نہیں دیکھتی اورعمران خان کے کمرے کا ٹی وی خراب ہے، انہوں نے کہا کہ میں عملی طور پر پارٹی کی انتخابی مہم میں حصہ لے رہی ہوں اور لیتی رہوں گی۔ جس سے رشتہ جوڑ لیا اب اُس کا نظریہ میرا نظریہ ہے ۔

    اسلام آباد میں میڈیا سے گفتگو کرتے ہوئے ریحام خان نے خود کو عمران خان کا سب سے بڑا فالوور قرار دےد یا، انتخابی جلسے میں خطاب کیلئے ہری پور روانگی سے قبل ریحام خان کا کہنا تھا کہ عملی طور پر انتخابی مہم کا آغاز بہت پہلے کرچکی ہوں اور اسے جاری رکھوں گی۔

    انہوں نے کہا کہ ڈیرہ پنیاں میرا آبائی گاؤں ہے وہاں اپنے بھائی کو سپورٹ کروں گی۔ اپنے امیدوار کے لئے بھرپور مہم چلائیں گے۔

    ریحام خان کا کہنا تھا کہ مولانا فضل الرحمان کی خواہش پر عمران خان کو اسمبلی جانے کا مشورہ نہیں دیں گی، جعلی ڈگری سے متعلق سوال پر ان کا کہنا تھا کہ میں ٹی وی نہیں دیکھتی اورعمران خان کے کمرے کا ٹی وی خراب ہے۔

    ریحام خان کا کہنا تھا کہ ہری پور این اے انیس کی مہم میں حصہ لینے کا مقصد سیاست میں خواتین کو آگے لاناہے۔ ہماری سیاسی جماعتوں میں خواتین کے لئے ماحول موزوں نہیں بہت سی خواتین نے ماحول کی ہم آہنگی نہ ہونے کی شکایت کی۔

    ریحام خان کا کہنا تھا کہ خواتین کو ووٹ دینے کے حق سے محروم کیا گیا تو آواز بلند کریں گی۔