ARYNews.tv | Urdu – Har Lamha Bakhabar

Tag: ریسکیو

  • بلوچستان میں مسافر کوچ الٹ گئی‘ 8افراد جاں بحق

    بلوچستان میں مسافر کوچ الٹ گئی‘ 8افراد جاں بحق

    کوئٹہ : صوبہ بلوچستان کےضلع مستونگ میں مسافر کوچ تیزرفتاری کےباعث الٹ گئی جس کے نتیجے میں 8افراد جاں بحق ہوگئے۔

    تفصیلات کے مطابق بلوچستان کے ضلع مستونگ میں لک پاس کے قریب مسافر کوچ تیزرفتاری کے باعث الٹ گئی۔حادثے میں 8افراد جاں بحق جبکہ 20 افراد زخمی ہوگئے۔

    اسپتال ذرائع کے مطابق مسافر کوچ کو پیش آنے والے حادثے میں 20افراد زخمی ہیں جن میں سے11 کی حالت تشویش ناک ہےجنہیں اسپتال منتقل کردیاگیاہے۔

    ریسکیو ذرائع کاکہناہےکہ مسافر کوچ کراچی سے کوئٹہ جارہی تھی کہ تیز رفتاری کے باعث مستونگ میں لک پاس کے قریب الٹ گئی۔

    فیصل آباد میں بس حادثہ‘4افراد جاں بحق

    خیال رہےکہ رواں سال 16 جنوری کو صوبہ پنجاب کے شہر فیصل آباد کی تحصیل سمندری میں مسافر بس حادثے کا شکارہوگئی تھی جس کے نتیجے میں افراد جاں بحق جبکہ70افراد زخمی ہوگئےتھے۔

    ڈی جی خان : ٹرالراور بس میں تصادم‘ 2افرادجاں بحق

    یاد رہےکہ رواں ہفتے ڈیرہ غازی میں انڈس ہائی وے پر اڈا پتافی کےقریب ٹرالر اور بس میں تصادم کے نتیجے میں 2افراد جاں بحق جبکہ 9افراد زخمی ہوگئےتھے۔

    آزاد کشمیر میں مسافربس کھائی میں جاگری‘5افراد جاں بحق

    واضح رہےکہ رواں سال12 جنوری کو قبل آزاد کشمیر میں ہجیرہ کے مقام پر مسافر بس گہری کھائی میں گرنے سے خاتون اور بچی سمیت 5 افراد جاں بحق اور متعدد زخمی ہو گئےتھے۔

  • لاہور: گھرمیں آتشزدگی‘3افراد جاں بحق

    لاہور: گھرمیں آتشزدگی‘3افراد جاں بحق

    لاہور: لاہور کےعلاقے مزنگ میں واقع ایک گھر میں آگ لگنے سےمیاں بیوی سمیت3افراد جاں بحق ہوگئے۔

    تفصیلات کےمطابق لاہورکےعلاقےمیں گھر میں رات گئے اچانک آگ بھڑک اٹھی جس کے باعث میاں بیوی اور بچی جاں بحق ہوگئے جن کی لاشیں نکال کر اسپتال منتقل کر دی گئی ہیں۔

    ریسکیو اہلکار واقعے کی اطلاع ملتے ہی موقع پر پہنچےاور مکان میں موجود لوگوں کوبچانے کےلیے کوششیں کیں تاہم شدید دھویں کےباعث دم گھٹنے سےزائد،ثمینہ اورعائشہ جان کی بازی گئےتھے۔

    دوسری جانب سیالکوٹ کی تحصیل ڈسکہ کےنواحی گاؤں میں گیس سلنڈردھماکےکےنتیجےمیں تین بچوں سمیت 5افرادزخمی ہوگئےجنہیں قریبی اسپتال منتقل کردیاگیا۔

    مزید پڑھیں:ڈسکہ کےگھر میں آتشزدگی،3معذور بچےجاں بحق

    یاد رہےکہ گزشتہ سال نومبر میں ڈسکہ کےایک گھر میں رکھے گیس سلنڈروں کےباعث آگ لگنےسےتین معذور بچےجھلس کر جاں بحق ہوگئے تھے۔

    مزید پڑھیں:گھر میں آگ لگنے سے ایک ہی خاندان کے 4 افراد جاں بحق

    واضح رہےگزشتہ سال دسمبر میں کوٹ لکھپت کےگھر میں آگ لگنے سے جھلس کر4افرادجاں بحق ہوگئے تھے۔

  • کینیا:آئل ٹینکرکےگاڑیوں سےتصادم میں30افرادہلاک

    کینیا:آئل ٹینکرکےگاڑیوں سےتصادم میں30افرادہلاک

    نیروبی : کینیا کےشہر نیروبی کی اہم شاہراہ پرتیز رفتار آئل ٹینکر کےگاڑیوں سےتصادم کے نتیجےمیں کم از کم 30افراد ہلاک ہوگئے۔

    تفصیلات کےمطابق نیشنل ڈیزاسٹر مینجمنٹ یونٹ کا کہنا ہے کہ آئل ٹینکر جو نیروبی سے نیواشا جارہا تھاجو بے قابو ہو کر شاہراہ پر معتدد گاڑیوں سے ٹکرا گیا۔

    گاڑیوں سے ٹکرانے کے بعد ٹینکر میں آگ بھڑک اٹھی جس کے نتیجے میں 30افراد ہلاک اورمتعددافرادزخمی بھی ہوگئے ہیں۔پولیس اور ریسکیو ٹیموں نے جائے وقوعہ پر پہنچ کر امدادی کارروائیوں کا آغاز کردیا ہے۔

    ریسکیو اہلکاروں نے زخمیوں کو ایمبولینسوں کے ذریعے اسپتال پہنچانا شروع کردیا ہے۔جہاں زخمیوں کا علاج کر جارہا ہےجبکہ ہلاک ہونےوالےافراد کی لاشوں کو مزید کارروائی کےلیے اسپتال منتقل کردیا گیا ہے۔

    مزید پڑھیں:افغانستان میں مسافر بس اور آئل ٹینکر میں تصادم،38 ہلاک

    یاد رہے کہ رواں سال ستمبر میں افغانستان کے جنوبی صوبے زابل میں مسافر بس اور آئل ٹینکر کے درمیان تصادم کے نتیجے میں 38 افرادجاں بحق اور 20 شدید زخمی ہوگئےتھے۔

    مزید پڑھیں:افریقی ملک موزمبیق میں‌ دھماکہ،73 افراد ہلاک، 110سے زائد زخمی

    واضح رہے کہ اس سے قبل گزشتہ ماہ افریقی ملک موزمبیق کےشہربیرہ میں آئل ٹینکر میں ہونے والے دھماکے سے کم ازکم 73افراد ہلاک اور 100سے زائد افراد زخمی ہوگئےتھے۔

  • ہوٹل آتشزدگی: جاں بحق افراد کی تعداد 13ہوگئی

    ہوٹل آتشزدگی: جاں بحق افراد کی تعداد 13ہوگئی

    کراچی : شارع فیصل پر نجی ہوٹل میں آگ لگنے کے نتیجے میں دم گھٹنے اور جھلسنے سے جاں بحق ہونے والوں کی تعداد 13 تک جا پہنچی، زخمیوں کی تعداد 74 ہے۔

    تفصیلات کےمطابق جناح اسپتال کے قریب شارع فیصل پر واقع نجی ہوٹل کےگراؤنڈ فلور پر رات گئے آتشزدگی کا حادثہ پیش آیا جس میں خواتین وبچوں سمیت 13افراد ہلاک اور65 سے زائد زخمی ہوگئے۔

    آگ بجھانے کے لیے فائر بریگیڈ کی تین گاڑیاں اور اسنارکل موقع پر پہنچےجس کے بعد محصور افراد کو نکالنے کے لیے آپریشن کا آغاز کیا گیا۔

    ہوٹل کی عمارت میں دھواں بھرجانے کے باعث امدادی کارروائیوں میں مشکلات کا سامنا رہا تاہم فائر برگیڈ حکام نے آگ پر تقریباً 3 گھنٹے بعد قابو پالیا۔

    آگ لگنے کے بعد ہوٹل میں مقیم کئی افراد نے کھڑکیوں سے چھلانگ لگا کر اپنی جان بچائی،چھلانگ لگانے والے افراد میں سے کئی افراد کو سنگین چوٹیں بھی لگیں،جنہیں تشویش ناک حالت میں اسپتال منتقل کیا گیا۔

    ریسکیو حکام کی جانب سے ہلاکتوں میں اضافے کا خدشہ ظاہر کیا جارہا ہےجبکہ لاشوں اور زخمیوں کو جناح اسپتال منتقل کیاگیا۔

    آگ لگنے کے بعد میئر کراچی وسیم اختر نے متاثرہ ہوٹل کا دورہ کیا اورانہوں نے ہوٹل میں آگ لگنے جیسے واقعات سے نمٹنے کے لیے نامناسب انتظامات پر برہمی کا اظہار کیا۔

    ہوٹل میں مقیم کرکٹرززخمی

    ہوٹل میں آتشزدگی کے وقت ہوٹل کی چوتھی منزل پر قائداعظم ٹرافی کھیلنے کے لیے آنے والے کرکٹرز بھی موجود تھے، جنہوں نے ہوٹل کی کھڑکیوں سے چھلانگ لگا کرجان بچائی۔

    regent-post-1

    ہوٹل میں قومی کرکٹ کے کھلاڑی صہیب مقصود بھی موجود تھےجو واقعے میں محفوظ رہےجبکہ انہوں نے متاثرہ افراد کو ریسکیو کرنے میں امدادی کارکنان کی مدد بھی کی۔

    regent-post-2

    ایڈیشنل پولیس سرجن ڈاکٹرکلیم شیخ کے مطابق جاں بحق ہونے والے 11میں سے 8افراد کی شناخت ہوچکی ہے جن میں 2ڈسٹرکٹ ہیلتھ افسران شامل ہیں۔

    ڈاکٹرکلیم شیخ کا کہناہےکہ اس کے علاوہ ہلاک ہونے والوں میں تاجر رحمت،ہوٹل منیجر الیاس بابراور جاں بحق ہونے والی 4 خواتین میں سے2کی شناخت نرس روبی اور نجی کمپنی کی ملازمہ نورین کے نام سے ہوئی ہے۔

    ذرائع کا کہناہے ہلاک ہونے والے والوں میں 4خواتین اور 3ڈاکٹرزجبکہ زخمیوں میں غیر ملکی افراد سمیت رینجرز کے اہلکار بھی شامل ہیں۔

    اسپتال انتظامیہ کےمطابق عمارت میں دھواں بھرجانےسے65 سے زائد افراد متاثر ہوئے،کئی افراد کو ابتدائی طبی امداد کے بعد اسپتال سے فارغ کردیاگیا۔

    ہوٹل آتشزدگی میں جاں بحق اور زخمی ہونےوالے افراد کی فہرست

    khi7

    khi8

    k1

    k1khi2khi3khi-4khi5khi6

  • رحیم یارخان ٹریفک حادثہ،مالکان کےخلاف مقدمہ درج

    رحیم یارخان ٹریفک حادثہ،مالکان کےخلاف مقدمہ درج

    رحیم یار خان: صوبہ پنجاب کےشہررحیم یارخان میں سہجہ موڑ کے قریب پیش آنے والے ٹریفک حادثے کا مقدمہ مالکان اور ڈرائیورز کے خلاف درج کرلیاگیا۔

    تفصیلات کےمطابق رحیم یار خان میں گزشتہ روز پیش آنے والے ٹریفک حادثے کا مقدمہ سہجہ تھانے میں مالکان اور بس ڈرائیورز کے خلاف درج کرلیاگیا۔

    پولیس حکام کا کہنا ہے حادثہ ڈائیورز کی غفلت کی وجہ سے پیش آیا جبکہ دوسری وجہ ڈرائیور کی عدم دستیابی اور اس کے علاوہ منزل پر پہچنے کی جلدی تھی۔

    ایم ایس شیخ زید اسپتال ڈاکٹر تسنیم کامران کاکہناہےکہ حادثے میں شدید زخمی ہونےوالے افراد کے آپریشن آج کیے جائیں گے۔

    یادرہےکہ گزشتہ روز رحیم یار خان کے علاقے سہجہ کےقریب دو مسافربسوں میں ہولناک تصادم کے نتیجے میں 29افراد جاں بحق اور93افرادزخمی ہوگئے تھے۔جاں بحق ہونے والوں میں بچے اور خواتین بھی شامل ہیں۔

    ریسیکو ذرائع کا کہنا تھاکہ انہیں صبح 6 بجکر 12 منٹ پر حادثے کی اطلاع ملی جس کے بعد وہ حادثے کے مقام پر پہنچے اور امدادی کارروائیاں شروع کی تھیں۔

    ڈی سی او رحیم یار خان کیپٹن ریٹائرڈ ظفر اقبال کا کہنا تھاکہ 15 زخمیوں کو شیخ زاہد میڈیکل کالج اسپتال رحیم یار خان جبکہ 35 زخمیوں کو ٹی ایچ کیو اسپتال خان پور منتقل کیاگیا۔حادثےکاشکارمسافربس کراچی سے بہاولپور اورفیصل آبادسےصادق آبادجارہی تھی۔

    bus-post-1

    تصادم کے نتیجے میں تباہ ہونے والی بسوں کے اندر سے لاشوں اور زخمیوں کو بسوں کی باڈی کو کاٹ کر نکالا گیاتھا۔

    bus-post-2

    bus-post-3

    وزیراعظم سمیت سیاسی رہنماوں کا اظہار افسوس

     

    وزیراعظم نوازشریف نےحادثے پر گہرے دکھ اورافسوس کااظہار کرتے ہوئے زخمیوں کوبہترین طبی سہولت فراہم کرنے کی ہدایت کی تھی۔وزیراعظم کا کہنا تھاکہ جاں بحق افراد کے لواحقین کے غم میں برابر کے شریک ہیں ۔

    وزیراعلٰی پنجاب نے بھی خانپور حادثے میں قیمتی جانوں کی ضیاع پر گہرے دکھ اور افسوس کا اظہار کیاتھا۔ وزیراعلی نے انتظامیہ سے رپورٹ طلب کی تھی۔

    سابق صدر آصف علی زرداری کا رحیم یار خان ٹریفک حادثے پر افسوس کا اظہار کرتے ہوئےجاں بحق افراد کے لواحقین سے ہمدردی اور تعزیت کا پیغام دیاتھا۔

    واضح رہےکہ چار سال قبل سہجہ موڑ کے قریب 2 بسیں حادثے کا شکار ہوئی تھیں جس کے نتیجے میں 2دولہے اور2دلہن سمیت 25افراد جاں بحق ہوگئے تھے۔

     

  • رحیم یارخان اورحب میں ٹریفک حادثہ،6افرادجاں بحق

    رحیم یارخان اورحب میں ٹریفک حادثہ،6افرادجاں بحق

    حب : بلوچستان کے علاقے حب اور پنجاب کے شہر رحیم یار خان کی تحصیل خان پور میں ٹریفک حادثے کے تیجے میں 6افراد جاں بحق ہوگئے۔

    تفصیلات کے مطابق بلوچستان میں حب کے علاقہ ویراب ندی کے قریب بس کو حادثہ پیش آیا ،حادثے کے نتیجے میں تین زائرین جاں بحق اور متعدد زخمی ہو گئے۔

    ذرائع کا کہنا ہے کہ مسافر بس کراچی سے شاہ نورانی جا رہی تھی جس میں بیس سے زائد زائرین سوار تھے تاہم واقعے کے بعد زخمیوں کو قریبی اسپتال منتقل کر دیا گیا ہے۔

    دوسری جانب رحیم یارخان کی تحصیل خان پور میں کوٹلہ پٹھان کےقریب کاردرخت سےٹکرا گئی،جس کے نتیجے میں 3افرادجاں بحق اور 2زخمی ہوگئے۔ریسکیو حکام کےمطابق حادثے میں جاں بحق ہونے والے تمام افراد کا تعلق گجرخان سے ہے۔

    مزید پڑھیں:چونیاں میں ویگن کی موٹر سائیکل کو ٹکر،2بہنیں جاں بحق

    واضح رہےکہ دو روزقبل صوبہ پنجاب میں چونیاں کے علاقے الہٰ آباد میں موٹرسائیکل سوار اپنی بیٹیوں کو اسکول چھوڑنے جارہاتھا کہ تیزرفتارویگن نے موٹرسائیکل کو ٹکردے ماری جس کے نتیجے میں 2 بہنیں جاں بحق ہوگئی تھیں۔

  • سندھ کے مختلف شہروں میں زلزلہ،چھت گرنے سے1شخص جاں بحق

    سندھ کے مختلف شہروں میں زلزلہ،چھت گرنے سے1شخص جاں بحق

    حیدرآباد: نواب شاہ،حیدرآباد سمیت سندھ کے مختلف شہروں میں زلزلے کے جھٹکے محسوس کیے گئے۔مکان کی چھت گرنے سے ایک شخص جاں بحق اورتین خواتین زخمی ہوگئیں۔

    تفصیلات کےمطابق نواب شاہ، حیدرآباد،لطیف آباد، مٹیاری،ہالہ،سعید آبادمیں رات گئے زلزلے کے جھٹکے محسوس کئے گئے۔ زلزلے کےبعد لوگ خوف زدہ ہوکر گھروں سے باہر نکل آئے۔

    سن کےعلاقے چھچھر میں مکان کی چھت کا ایک حصہ گرگیا۔ملبے تلے دب کر وسیم نامی شخص جاں بحق اور تین خواتین زخمی ہوگئیں جنہیں مقامی اسپتال منتقل کردیا گیا۔

    زلزلہ پیما مرکز کےمطابق زلزلہ زیر زمین 20کلو میٹر میں آیا اور اس کا مرکز نواب شاہ سے ساٹھ کلو میٹر دور شمال مشرق کی جانب تھاریکٹر اسکیل پر زلزلہ کی شدت 4 عشاریہ 9 ریکارڈ کی گئی۔

    مزید پڑھیں: خیبرپختونخواکےبعض علاقوں میں زلزلہ،جانی مالی نقصان کی اطلاع نہیں

    واضح رہے کہ اس سے قبل رواں سال جون میں خیبر پختونخواہ کے بعض علاقوں میں زلزلہ محسوس کیاگیا تھاجس کی ریکٹراسکیل پر شدت پانچ ریکارڈ کی گئی تھی۔

  • سوات میں سیلاب اور آسمانی بجلی گرنے سے5افرادجاں بحق

    سوات میں سیلاب اور آسمانی بجلی گرنے سے5افرادجاں بحق

    سوات : صوبہ خیبر پختونخواہ میں سوات کے علاقے مدین میں سیلاب اور آسمانی بجلی گرنے سے جاں بحق ہونے والوں کی تعداد پانچ ہوگئی۔

    تفصیلات کےمطابق خیبر پختونخواہ کے علاقے سوات میں آسمانی بجلی اور سیلابی ریلے سے کئی گھر تباہ ہو گئے جن کے ملبے تلے دب کر 5افراد جاں بحق ہو گئے۔

    مدین کے علاقے پلم کا پورا گاؤں صفحہ ہستی سے مٹ گیا،مدین میں ایک مکان کے ملبے سے ماں بیٹی کی لاشیں نکال لی گئیں۔

    پاک فوج اور ریسکیو ٹیمیں امدادی کاموں میں مصروف ہے۔بڑے پیمانے پر تباہی کے باعث متعدد افراد کے ملبے تلےدبے رہنے کا خدشہ ہے.

  • سپرہائی وے پر ٹریفک حادثہ،3افراد جھلس کر جاں بحق

    سپرہائی وے پر ٹریفک حادثہ،3افراد جھلس کر جاں بحق

    کراچی: سپر ہائی وے پر ڈی ایچ اے سٹی کے قریب آئل ٹینکر کا ٹائر پھٹنے سے متعدد گاڑیاں آپس میں ٹکرا گئیں جبکہ حادثے کے باعث گاڑیوں میں آتشزدگی سے 3افراد جاں بحق اور 4 زخمی ہو گئے۔

    تفصیلات کے مطابق سپر ہائی وے پر ڈی ایچ اے سٹی کے قریب آئل ٹینکر کا ٹائر پھٹ گیا جس کے نتیجے میں پیچھے سے آنے والی متعدد گاڑیاں آپس میں ٹکرا گئیں۔

    آئل ٹینکر میں پٹرول ہونے کے باعث آگ بھڑک اٹھی جس نے دیگر گاڑیوں کو بھی لپیٹ میں لے لیا،آتشزدگی کی زد میں آنے والی گاڑیوں میں گاڑیوں سے لدا ہوا ایک ٹرالر بھی شامل ہے۔

    ریسکیو ذرائع کا کہنا ہے کہ حادثے کے باعث لگنے والی آگ سے متاثرہ ایک گاڑی سے 3افراد کی جھلسی ہوئی لاشیں نکال لی گئی ہیں جبکہ 4 افراد کو طبی امداد کے لیے اسپتال منتقل کردیا گیا ہے۔

    حادثے کے باعث سپر ہائی وے کو ہر قسم کی ٹریفک کے لئے روک دیا گیا ہے جس کے باعث شدید ٹریفک جام ہو گیا ہے۔

    گاڑیوں میں لگی آگ کو بجھانے کے لئے فائر ٹینڈر کو موقع پر روانہ کردیا گیا ہے تاہم ٹریفک جام کے باعث فائر بریگیڈ حکام کو آگ بجھانے میں شدید دشواری کا سامنا ہے۔

  • کراچی: بارش کے باعث مختلف حادثات میں 6افراد جاں بحق

    کراچی: بارش کے باعث مختلف حادثات میں 6افراد جاں بحق

    کراچی : شہر قائد میں میں دوسرے روزجاری بارش کے دوران مختلف حادثات میں 6 افراد جان کی بازی ہار گئے.

    تفصیلات کےمطابق کراچی میں بارش کے دوران مختلف حادثات میں6 افراد جاں بحق ہوگئے.بارش کے بعد شہر کےمختلف علاقوں میں بجلی بھی غائب ہوگئی ہے.

    کراچی میں بارش ہوتے ہی بجلی چلی گئی ،دوسرے روز ہونے والی برسات کے بعد 180فیڈرزٹرپ کرگئے،شہر کے مختلف حصوں میں بجلی کی فراہمی معطل ہوکر رہ گئی ہے۔

    ترجمان کے الیکٹرک نے کہا ہے کہ 180کے قریب فیڈرز متاثر ہوئے ہیں، بجلی کی بحالی کے لیے کے الیکٹرک کا عملہ مصروف ہے.

    محکمہ موسمیات کے مطابق سب سے زیادہ 45ملی میٹر بارش لانڈھی میں ہوئی،ایئرپورٹ اور گلستان جوہر میں 18ملی میٹر ،گلشن حدید میں 17ملی میٹر اور صدر میں 4ملی میٹر بارش ریکارڈ کی گئی ہے .

    ریسکیو ذرائع کے مطابق اورنگی ٹاؤن ایم پی آر کالونی میں مکان کی دیوار گرنے سے ایک شخص جاں بحق جبکہ ایک زخمی ہوا، جسے اسپتال منتقل کردیا گیا ہے .

    ذرائع کے مطابق سول لائنز میں گھر کی چھت کا ایک حصے گرنے سے ایک شخص جاں بحق ہوا جبکہ نارتھ کراچی میں کرنٹ لگنے سے ایک شخص جان کی بازی ہار گیا.

    *کراچی: بارش کے باعث مختلف حادثات میں 15 افراد جاں بحق

    یاد رہے کہ رواں ماہ کے آغاز میں ہونے والی بارشوں میں مختلف حادثات کے دوران 15 افراد جان کی بازی ہار گئے تھے.