Tag: ریسکیو

لاہور: صوبہ پنجاب کے دارالحکومت لاہور کے اندرون دہلی گیٹ مسجدوزیرخان کےقریب گھرکی چھت گرگئی،جس کے نتیجے میں 5 افراد جاں بحق اور 8 زخمی ہوگئے.

تفصیلات کے مطابق لاہور میں دہلی اندورن دہلی گیٹ مسجد وزیر خان کے قریب شادی کی تقریب میں چھت گرنے سے پانچ افراد جان کی بازی ہارگئے اور آٹھ افراد زخمی ہوگئے.

ریسکیوذرائع کے مطابق جاں بحق ہوانے والی 3خواتین اور 2 بچیاں بھی ہیں،جبکہ 8 افراد زخمی ہیں.

حادثے میں زخمیوں کو نواز شریف اسپتال اور مئیو اسپتال میں منتقل کر دیا گیا،جاں بحق ہونے والوں میں 45 سالہ تفصیلہ،25 سالہ مہوش،16 سالہ دعا،6 سالہ ماہ نور،10 سالہ اقصی کے نام شامل ہیں.

ریسکیو اہلکاروں کی بروقت امدادی کارروائیوں سے ملبے تلے تمام افراد کو نکال لیا گیا ہے.

واضح رہے کہ گھرکی چھت پرشادی کی تقریب ہورہی تھی اور اس وقت چھت گری جب شادی کی تقریب سے لوگ گھر واپس جارہےتھے.

ملتان : یوم پاکستان کے سلسلے میں منعقد تقریب میں فائرنگ سے بچے سمیت دو افراد جاں بحق ہو گئے جبکہ فائرنگ کرنے والے شخص نے بھی خودکشی کر لی.

تفصیلات کے مطابق ملتان میں یہ واقعہ بستی ملوک میں پیش آیا جہاں یونین کونسل نمبر 384 کے دفتر میں یوم پاکستان کے سلسلے میں کیک کاٹا جا رہا تھا کہ ندیم نامی شخص تقریب میں داخل ہوا اور فائرنگ کر دی.

فائرنگ سے پاکستان مسلم لیگ نواز کے کارکن سلیم رجب اعوان اور ان کے بیٹے زخمی ہو گئے اور فائرنگ کرنے والا شخص ندیم موقع سے فرار ہوگیا.

ریسکیو 1122 نے سلیم رجب اعوان کو نشتر اسپتال جبکہ بچوں کو ایک نجی اسپتال میں منتقل کر دیا جہاں اسپتال ذرائع کے مطابق سلیم رجب اعوان اور ان کا بیٹا عرفان دم توڑ گئے ہیں.

دوسری جانب پولیس کا کہنا ہے کہ فائرنگ کرنے والے شخص ندیم نے بعد میں خود کو گولی مار کر خودکشی کر لی ہے. پولیس کا کہنا ہے کہ واقعہ ذاتی دشمنی کا لگتا ہے تاہم ابھی کچھ کہنا قبل از وقت ہے .

لاہور: صوبہ پنجاب کے دارالحکومت لاہور کے علاقے کوٹ لکھپت میں دکان کی چھت گرنے سے پانچ مزدور زخمی ہوگئے.

تفصیلات کےمطابق لاہور کے علاقے کوٹ لکھپت میں دکان کی چھت پر پانچ مزدور سو رہے تھے،اس دوران اچانک چھت گرنے سے زمین بوس ہوگئی،جس کے نتیجے میں پانچوں مزدور زخمی ہوگئے.

ریسکیو عملے نے موقع پر پہنچ کر زخمیوں کوملبے سے نکالااور جنرل اپستال منتقل کردیا،اسپتال ذرائع کے مطابق زخمیوں کی حالت خطرے سے باہر ہے.

پولیس کے مطابق دکان کی چھت کمزور ہونے کے باعث زمین بوس ہوئی،حادثے کی تفتیش کی جارہی ہے.

*لاہور میں گھر کی چھت گرنے سے6افرادزخمی

یاد رہے کہ گزشتہ ماہ پرانا راوی پل کے قریب گھر کی چھت گرنے سے چھ افراد زخمی ہوئے تھے،جنہیں میو اسپتال منتقل کر دیا گیا ہے

لاہور: صوبہ پنجاب کے دارالحکومت لاہور کے علاقے شاہدرہ میں کرنٹ لگنے سے ایک ہی گھر کے تین افراد جان کی بازی ہار گئے،جبکہ 1زخمی کواسپتال متقل کردیا گیا.

تفصیلات کے مطابق شاہدرہ کےعلاقے ملت پارک میں خاتون گھر کی چھت پر چارپائی دیوار کے ساتھ کھڑی کر رہی تھی کہ چارپائی چھت کے اوپر سے گزرنے والی تار سے چھو گئی جس سے خاتون کو بچاتے ہوئے اس کا خاوند 60سالہ محمد شریف تیس سالہ بیٹا اشفاق اوراٹھارہ سالہ بیٹی مقدس جاں بحق جبکہ ماں اور پچیس سالہ بیٹا نواز زخمی ہوگیا۔

ریسکیو 1122 نے زخمی خاتون اور اس کے بیٹے کو طبی امداد کے لیے شاہدرہ اسپتال منتقل کردیا جنہیں انہیں طبی امداد کے بعد فارغ کردیا گیا.

*لاہور: بجلی کا تار گرنے سے خاتون سمیت 2شہری جاں بحق

یاد رہے کہ گزشتہ ہفتے لاہور کے علاقے حمزہ ٹاؤن میں بجلی کی مین ٹرانسمیشن لائن کے تار ٹوٹ کر گرنے سے خاتون سمیت دوافراد جاں بحق ہوگئے تھے.

واضح رہے کہ حادثے میں جاں بحق ہونے والے تینوں افراد اور زخمی کا تعلق ایک ہی خاندان سے ہے.

لاہور: شادمان میں واقع فاطمہ میموریل اسپتال میں اچانک آگ بھڑک اٹھی،ریسکیو اہلکاروں نے ایک گھنٹے کی کاروائی کے بعد آگ پر قابو پالیا.

تفصیلات کے مطابق لاہور کے علاقے شادمان میں واقع فاطمہ میوریل اسپتال کے عملے کے مطابق اسپتال کی دوسری منزل پر واقع آئی سی یو وارڈ کےکوریڈور میں اچانک آگ بھڑک اٹھی اور دیکھتے ہی دیکھتے دھواں اسپتا ل کے کمروں میں پھیل گیا،اسپتال میں آگ لگنے سےلوگوں میں بھگڈر میچ گئی.

ریسکیو نے اطلاع ملتے ہی بروقت موقع پر پہنچ کر آگ پر قابو پا لیا،اس آپریشن کے دوران ریسکیو ٹیموں کی تین گاڑیوں نے حصہ لیا.

آگ لگنے کے دوران باحفاظت تمام مریضوں کو اسپتال سےباہر نکال لیا گیااور آگ بجنے کے بعد واپس منتقل کر دیا گیا،خوش قسمتی سے کوئی جانی نقصان نہیں ہوا.