اسلام آباد : سابق وزیراعظم ذوالفقارعلی بھٹوریفرنس کی سماعت براہ راست نشر کرنے یا ریکارڈنگ آن ایئر کرنے سے متعلق رپورٹ پیر کو پیش کی جائے گی۔
تفصیلات کے مطابق سابق وزیراعظم ذوالفقارعلی بھٹو ریفرنس کی سپریم کورٹ میں سماعت کی براہ راست نشریات کے معاملے پر 3 رکنی کمیٹی کی رپورٹ تیار کرلی۔
ذرائع نے بتایا ہے کہ کمیٹی ذوالفقارعلی بھٹوریفرنس کی سماعت براہ راست نشریات یا ریکارڈنگ آن ائیر کرنےسے متعلق رپورٹ پیر کو پیش کرے گی۔
ذرائع کا کہنا ہے کہ کمیٹی اپنی سفارشات فل کورٹ کے سامنے رکھے گی، سابق وزیراعظم ذوالفقار علی بھٹو ریفرنس پر سماعت 12 دسمبر کو ہوگی، چیف جسٹس قاضی فائزعیسٰی کی سربراہی میں9رکنی لارجربینچ سماعت کرے گا۔
9رکنی لارجربینچ میں جسٹس سردارطارق مسعود، جسٹس منصورعلی شاہ، جسٹس یحیٰی آفریدی، جسٹس امین الدین اور جسٹس جمال مندوخیل ، جسٹس محمد علی مظہر، جسٹس حسن اظہر رضوی اور جسٹس مسرت ہلالی شامل ہیں۔
خیال رہے آصف علی زرداری کی جانب سے 2011 میں فیصلے پر صدراتی ریفرنس بھجوایا گیا تھا۔
