ARYNews.tv | Urdu – Har Lamha Bakhabar

Tag: ریلوے اسٹیشن

  • کراچی میں جدید طرز کا ریلوے اسٹیشن 10 ستمبر کو افتتاح کے لیے تیار ہو جائے گا

    کراچی میں جدید طرز کا ریلوے اسٹیشن 10 ستمبر کو افتتاح کے لیے تیار ہو جائے گا

    فیصل آباد(11 اگست 2025): وزیر ریلوے محمد حنیف عباسی نے اعلان کیا ہے کہ 10 ستمبر کو کراچی میں جدید ریلوے اسٹیشن کا افتتاح کیا جائے گا۔

    تفصیلات کے مطابق حنیف عباسی نے فیصل آباد ریلوے سٹیشن کے دورے کے دوران میڈیا سے گفتگو کرتے ہوئے کہا کہ وزیر اعظم کے ویژن کے مطابق پاکستان ریلوے آپریشنز کو جدید بنانے کے لیے ملک بھر میں مختصر اور طویل المدتی منصوبوں پر کام تیزی سے جاری ہے۔

    وفاقی وزیر ریلوے نے بتایا کہ سندھ حکومت کے ساتھ معاہدے کے تحت روہڑی ریلوے اسٹیشن کو لاہور ماڈل پر اَپ گریڈ کیا جائے گا جبکہ کراچی میں جدید طرز کا اسٹیشن 10 ستمبر کو افتتاح کے لیے تیار ہو جائے گا۔

    انہوں نے کہا کہ سبی تا روہڑی 250 کلومیٹر سیکشن اور روہڑی تا کراچی 480 کلومیٹر ٹریک کی فزیبلٹی رپورٹ آئندہ دو ماہ میں مکمل ہو گی جس کے بعد اگلے سال جون تک تعمیر کا آغاز متوقع ہے۔

    وفاقی وزیر ریلوے نے کہا کہ ریلوے کی ڈیجیٹلائزیشن کے تحت ٹکٹنگ سسٹم مکمل طور پر آن لائن کر دیا گیا ہے، ٹرین ٹریکنگ سسٹم فعال ہے، بڑے اسٹیشنز پر اے ٹی ایم مشینیں نصب کر دی گئی ہیں اور وزیراعلیٰ پنجاب کے تعاون سے صوبے کے 40 ریلوے اسٹیشنز پر وائی فائی سروس فراہم کرنے کا عمل جاری ہے۔

    حنیف عباسی نے کہا کہ لاہور میں اس کا آغاز ہو چکا ہے اور جلد کراچی، حیدرآباد، فیصل آباد اور دیگر شہروں تک یہ سہولت توسیع پائے گی۔

    انہوں نے کہا کہ ریلوے کی آؤٹ سورسنگ کا عمل 30 ستمبر تک مکمل کر لیا جائے گا جس کے تحت نو سے گیارہ مسافر ٹرینیں، فریٹ ٹرینز، مہمان خانے، خصوصی سلونز، اسپتال، اسکولز اور دیگر سہولیات نجی شعبے کے حوالے کی جا رہی ہیں تاکہ سروسز کے معیار میں بہتری اور ادارے کی آمدنی میں خاطر خواہ اضافہ ہو۔

    اس کے علاوہ شاہدرہ تا رائیونڈ تک لینیئر پارک کی تعمیر کا کام شروع ہوگیا ہے جسے 2 ارب 35 کروڑ روپے کی لاگت سے مکمل کیا جائے گا، اسی طرح کراچی، لاہور، راولپنڈی اور ٹیکسلا اسٹیشنز کی اپ لفٹ اور بلوچستان میں شیخ زید سے کچلاک تک 50 کلو میٹر سیکشن کی اَپ گریڈیشن بھی شامل ہے۔

    Modern railway station set to be inaugurated in Karachi next month

  • حکم رانوں کی کوشش تھی کہ ریل گاڑی چل جائے!

    حکم رانوں کی کوشش تھی کہ ریل گاڑی چل جائے!

    ریل کی نقل و حمل کا آغاز متحدہ ہندوستان میں برطانوی دورِ حکومت میں ہوا تھا۔ 1857ء میں کئی ریلوے کمپنیوں کے انجنیئروں‌ اور بہت سے ہنر مندوں‌ نے یہاں‌ ریلوے ٹریک بچھانے کا کام شروع کیا۔ یہ ریلوے نظام انگریز راج میں یہاں کے عوام کے لیے گویا سب سے بڑا تحفہ تھا۔ اس نے ہندوستان میں دور دراز مقامات تک لوگوں‌ کی رسائی آسان بنا دی اور مسافروں کے علاوہ مال گاڑیوں کے ذریعے بھاری ساز و سامان بھی آسانی سے دوسرے علاقوں تک پہنچنے لگا۔

    معروف صحافی، مصنف اور محقق رضا علی عابدی کی کتاب ’ریل کہانی‘ سے یہ اقتباس اس دور کی ایک تصویر دکھاتا ہے جو آپ کی دل چسپی کا باعث بنے گا۔ وہ لکھتے ہیں:

    1857ء کے یہ وہی دن تھے، جب برصغیر کے طول و عرض میں ریلوے لائنیں ڈالی جا رہی تھیں اور تیزی سے ڈالی جا رہی تھیں۔

    ہندوستان کے افق پر بغاوت کے اٹھتے ہوئے بادل پہلے ہی نظر آنے لگے تھے اور حکمرانوں کی کوشش یہ تھی کہ ریل گاڑی چل جائے، تاکہ فوجوں کو ایک جگہ سے دوسری جگہ تیزی سے پہنچانے کا بندوبست ہو جائے۔

    وہ جو آزادی کی دھن میں مگن تھے، سندھ سے لے کر بہار اور بنگال تک اپنی بوسیدہ فرسودہ بھرمار بندوقیں اور طمنچے اٹھائے پھر رہے تھے اور بدیسی حکمرانوں پر قہر کر رہے تھے، لہٰذا ریلوے لائنیں ڈالنا مشکل ہوا جا رہا تھا۔

    کچھ ایسے ہی تجربوں سے گزرنے کے بعد انگریزوں نے لاہور کا ریلوے اسٹیشن بنایا۔عمارت کو باغیوں کے حملوں سے محفوظ رکھنے کے لیے قلعے کی طرح بنایا گیا۔ اس میں فصیلیں بھی تھیں، برج بھی تھے، رائفلیں داغنے کے لیے فصیلوں روزن بھی تھے، غرض یہ کہ حملہ آور کو پرے رکھنے کے سارے انتظامات تھے۔ اس وقت اسٹیشن کے دونوں سروں پر لوہے کے بہت بڑے در بھی لگائے تھے، تاکہ حملہ ہو تو عمارت کو ہر طرف سے بند کر دیا جائے۔ شروع شروع میں راتوں کو لاہور اسٹیشن کے یہ دونوں آہنی گیٹ بند کر دیے جاتے تھے۔ یہ شاید وہی دن تھے، جب یہاں رات کے وقت ٹرین نہیں چلتی تھی۔

    بہت کم لوگ جانتے ہیں کہ یہ اسٹیشن قدیم لاہور کی پرانی عمارتوں کے اوپر بنایا گیا ہے۔کہتے ہیں کہ اسٹیشن کی عمارتوں کی بنیادیں ڈالنے کے لئے زمین کھودی گئی تو گہرائی تک قدیم عمارتوں کی بنیادیں ملیں۔ لاہور والے بتاتے ہیں کہ مغلوں کے محل اسی علاقے میں تھے۔ اب بھی کچھ مغلیہ عمارتیں اسٹیشن کے آس پاس موجود ہیں۔ خود انگریزوں کی جی ٹی روڈ وہیں سے گزرتی تھی، جہاں یہ اسٹیشن ہے، اسے بھی ہٹا کر دور لے جانا پڑا۔

  • ماہرہ خان ریلوے اسٹیشن پہنچ کر رپورٹر چاند نواب بن گئیں، ویڈیو دیکھیں

    ماہرہ خان ریلوے اسٹیشن پہنچ کر رپورٹر چاند نواب بن گئیں، ویڈیو دیکھیں

    عالمی شہرت یافتہ اداکارہ ماہرہ خان اپنوں کے ساتھ عید منانے کے لیے ریلوے اسٹیشن پہنچ گئیں، وہاں انھوں نے ہوبہو صحافی چاند نواب کی نقل کی۔

    اے آر وائی نیوز کے مطابق پاکستان کی نامور اداکارہ ماہرہ خان عیدالفطر کی آمد کے پیش نظر مشہور و معروف رپورٹر چاند نواب بن گئیں، ریلوے اسٹیشن پہنچ انھوں نے کر اپنے شہر عید منانے جانے والوں کا حال بتایا، جس کی ویڈیو سوشل میڈیا پر وائرل ہوگئی۔

    ماہرہ خان نے چاند نواب کے مشہور کلپ "کراچی سے لوگ اندرون ملک اپنوں میں عید منانے کے لیے جارہے ہیں کیمرہ مین کامی یوسف کے ساتھ چاند نواب۔۔۔” کی پرمزاح انداز میں پیروڈی کی۔

    چاند نواب کی اس وائرل کلپ اور ان کے کردار کو بالی ووڈ فلم بجرنگی بھائی جان میں بھی استعمال کیا گیا تھا جبکہ اداکار نوازالدین صدیقی نے پاکستانی صحافی کا کردار بڑی خوبی سے نبھایا تھا۔

    خیال رہے کہ پاکستانی صحافی چاند نواب کی ماضی میں وائرل ہونے والی دلچسپ ویڈیو کے چرچے آج بھی زبان زدعام ہیں، وہ اپنے مخصوص انداز سے لوگوں کی توجہ کا مرکز بن گئے تھے اور وہ ویڈیو سوشل میڈیا پر اب بھی زیرِگردش ہے۔

    اے آر وائی ڈیجیٹل کے پروگرام گڈ مارننگ پاکستان میں انھوں نے میزبان ندا یاسر کے سوالات کا جواب دیتے ہوئے اس منظر کا پس منظر بیان کیا تھا کہ اُس وقت ان کی کیا کیفیت تھی۔

    چاند نواب نے بتایا تھا کہ سال 2007 میں عید کی آمد آمد تھی اور میں ایک نجی چینل کیلئے بیپر ریکارڈ کروا رہا تھا، مجھ پر میری خاتون ڈائریکٹر نیوز کی جانب سے شدید دباؤ تھا کہ جلدی بیپر دوں کیونکہ اس وقت کینٹ اسٹیشن سے آخری ٹرین روانہ ہورہی تھی۔

    بیپر ریکارڈ کروانے کے بعد مجھے یقین تھا کہ نوکری سے نکال دیا جاؤں گا لیکن اللہ کا کرم ہوا کہ سی او نے مجھے حوصلہ دیا کہ کوئی بات نہیں آپ کام جاری رکھیں، تاہم بعد ازاں وہ ویڈیو یوٹیوب پر اتنی وائرل ہوئی جس کا اندازہ مجھے بھی نہیں تھا۔

  • ٹرین چڑھتے ہوئے خاتون کا پاؤں پھسل گیا، خاتون کو کیسے بچایا گیا؟ فوٹیج

    ٹرین چڑھتے ہوئے خاتون کا پاؤں پھسل گیا، خاتون کو کیسے بچایا گیا؟ فوٹیج

    لاہور: ریلوے پولیس اہلکار کی حاضر دماغی نے یک خاتون مسافر کی جان اس وقت بچا لی گئی جب وہ ٹرین پر چڑھنے کی کوشش کر رہی تھی اور اس کا پاؤں پھسل گیا۔

    تفصیلات کے مطابق لاہور ریلوے اسٹیشن پر ایک فیملی چلتی ٹرین میں جلد بازی سے سوار ہونے کی کوشش کر رہی تھی، کہ ایک خاتون مسافر پاؤں سلپ ہونے اور توازن برقرار نہ رکھنے کی وجہ سے ٹرین کے نیچے آنے لگی۔

    سامنے آنے والی فوٹیج میں ڈیوٹی پر موجود کانسٹیبل رفاقت علی کو فوراً خاتون کی مدد کے لیے بھاگتے دیکھا جا سکتا ہے، اہلکار کی فوری مدد نے خاتون کو چلتی ٹرین کے نیچے آنے سے بچا لیا۔

    مذکورہ فیملی قراقرم ایکسپریس کے ذریعے لاہور سے کراچی سفر کرنا چاہتی تھی، ناخوش گوار واقعے کے بعد ریلوے پولیس اہلکار نے ٹرین رکوا کر فیملی کو بہ حفاظت سوار کرا دیا۔

    پنجاب میں افسوسناک واقعہ: چلتی ٹرین پر چڑھنے کا خوفناک انجام

  • نئی دہلی کے ریلوے اسٹیشن پر بھگدڑ، 18 افراد ہلاک

    نئی دہلی کے ریلوے اسٹیشن پر بھگدڑ، 18 افراد ہلاک

    بھارت کے دارالحکومت نئی دہلی کے ریلوے اسٹیشن پر بھگدڑ مچنے سے 18 افراد ہلاک ہوگئے مرنے والوں میں خواتین اور بچے بھی شامل ہیں۔

    بھارت کے دارالحکومت نئی دہلی کے ریلوے اسٹیشن پر بھگدڑ مچنے سے 18 افراد ہلاک اور درجنوں زخمی ہو گئے۔ مرنے والوں میں 9 خواتین، 5 بچے اور 4 مرد شامل ہیں۔

    انڈین میڈیا کے مطابق یہ سنگین حادثہ ہفتہ کی رات 10 بجے دہلی ریلوے اسٹیشن کے پلیٹ فارم 13 اور 14 پرمہا کمبھ کیلیے دو ٹرینوں میں تاخیر کے باعث پیش آیا۔ مسافر رش کی وجہ سے ایک پلیٹ فارم سے دوسرے پر آئے تو بھگدڑ مچ گئی۔

    ریلوے حکام نے واقعے کی انکوائری کا حکم دیدیا جبکہ بھارتی وزیر اعظم نریندر مودی نے قیمتی جانوں کے ضیاع پر افسوس کا اظہار کیا ہے۔

    واضح رہے کہ اس سے قبل گزشتہ ماہ مہا کمبھ کے میلے کے اندر بھگدڑ مچنے سے درجنوں یاتری ہلاک اور زخمی ہوگئے تھے۔

    https://urdu.arynews.tv/stampede-at-festival-30-deaths-in-india/

  • ریلوے اسٹیشن کی گرنے والی چھت نے کس وزیراعظم کا دھڑن تختہ کر دیا؟

    ریلوے اسٹیشن کی گرنے والی چھت نے کس وزیراعظم کا دھڑن تختہ کر دیا؟

    دنیا میں مختلف حادثات پر متعلقہ وزرا کے تو استعفے سامنے آتے رہتے ہیں لیکن ایک ملک کے وزیراعظم ریلوے اسٹیشن کی چھت منہدم ہونے پر مستعفی ہوگئے۔

    کسی بھی حادثے کی صورت میں متعلقہ محکمہ کے وزیر کا مستعفی ہونا ترقی یافتہ ممالک میں عام بات ہے لیکن سربیا وہ ملک بن گیا ہے جہاں صرف ریلوے اسٹیشن کی چھت گرنے پر اس کے وزیراعظم ملوس ووسیویک نے استعفیٰ دے دیا۔

    <div class="paragraphs"><p>ملوس ووسیویک، تصویر&nbsp;@milos_vucevic</p></div>

    غیر ملکی میڈیا کے مطابق گزشتہ سال نومبر میں سربیا کے نووی ساد ریلوے اسٹیشن کی چھت کا اسٹینڈ گر گیا تھا اور اس حادثے میں 15 افراد ہلاک ہوئے تھے۔

    اس جان لیوا حادثے کے بعد سربیائی عوام سڑکوں پر نکل آئی اور حادثہ کا ذمہ دار حکومت کو ٹھہراتے ہوئے مسلسل تین ماہ تک احتجاج کیا۔

    ان کا یہ احتجاج بالآخر رنگ لایا اور گزشتہ شب سربیا کے وزیراعطم الیگزینڈر ملوس ووسیوک نے ٹی وی پر قوم سے خطاب میں مستعفی ہونے کا اعلان کرتے ہوئے کہا کہ وہ اگلے 10 روز میں یہ طے کریں گے کہ نئے پارلیمانی انتخابات کرائے جائیں یا موجودہ پارلیمنٹ سے ہی نئی حکومت تشکیل دی جائے۔

    تاہم اس احتجاج کی قابل ذکر بات یہ ہے کہ اس طویل احتجاج کی سربیا کے طلبہ نے قیادت کی تھی اور دسمبر میں مظاہرے میں ایک لاکھ سے زائد افراچ شامل ہوئے تھے۔

    اس سے قبل گزشتہ سال بنگلہ دیش میں طلبہ احتجاج کے نتیجے میں وزیراعظم حسینہ واجد اپنا 16 سالہ اقتدار چھوڑنے پر مجبور ہوئی تھیں اور وہ اس وقت بھارت میں پناہ گزین ہیں۔

  • ریلوے اسٹیشن پر ملزم 2 کلو چرس سمیت گرفتار

    ریلوے اسٹیشن پر ملزم 2 کلو چرس سمیت گرفتار

    پشاور کی ریلویز پولیس نے اسٹیشن پر ملزم کو 2 کلو چرس سمیت گرفتار کرلیا۔

    تفصیلات کے مطابق ریلویز پولیس کی منشیات کے خلاف کارروائیاں جاری ہیں، پشاور اسٹیشن پر ایک ہفتے کے دوران دوسری کارروائی میں ریلوے پولیس نے ایک ملز م کو منشیات سمیت گرفتار کر لیا۔

    ریلویز پولیس کا کہنا ہے کہ ملزم امیر حمزہ دو کلو چرس پشاور سے لاہور اسمگل کرنا چاہتا تھا، ملزم کو گرفتار کرکے تھانہ ریلویز پولیس پشاور کینٹ میں مقدمہ درج کرلیا گیا۔

    گزشتہ ہفتے بھی ریلوے پولیس پشاور نے ایک کارروائی میں مسافر کے سامان سے لاکھوں روپے مالیت کی بھاری مقدار میں ہیروئن برآمد کی تھی۔

    اس سے قبل کوئٹی ریلوے پولیس نے مچ اسٹیشن پر جعفر ایکسپریس کے مسافر سے منشیات برآمد ہونے پر گرفتار کر لیا تھا۔

    ریلوے پولیس کے مطابق خفیہ اطلااع کے بعد ایس پی ریلوے پولیس وزیر علی کی ہدایت پر مچ اسٹیشن پر چیکنگ کرتے ہوئے ٹرین میں سوار مسافر اعتزاز کے سامان جوس اور لاثانی شیٹ کے ٹکڑوں سے بنے ڈبوں سے چھ کلو چرس برآمد ہوئی، جس پر ملزم کو گرفتار کر کے چرس قبضے میں لے لی گئی تھی۔ پولیس نے بتایا کہ ملزم منشیات سندھ اسگل کر رہا تھا ۔

  • کوئٹہ دھماکے میں جاں بحق افراد کے لواحقین شدت غم سے نڈھال

    کوئٹہ دھماکے میں جاں بحق افراد کے لواحقین شدت غم سے نڈھال

    صوبہ بلوچستان کے شہر کوئٹہ میں آج صبح ریلوے اسٹیشن پر ہونے والے ایک دھماکے میں 24 افراد ہلاک اور 40 زخمی ہوئے ہیں۔

    کوئٹہ کے ایس ایس پی آپریشنز کے مطابق زخمی ہونے والے افراد کو سول اسپتال کوئٹہ کے ٹراما سینٹر میں منتقل کیا گیا ہے جبکہ دھماکے کی نوعیت کا تعین کرنے کے لیے تحقیقات شروع کر دی گئی ہیں۔

    اس دھماکے کی ذمہ داری کالعدم تنظیم نے قبول کی ہے، ایس ایس پی آپریشنز نے بتایا کہ ’یہ دھماکہ ریلوے سٹیشن میں اس وقت ہوا جب جعفر ایکسپریس کے مسافر ریل گاڑی کے انتظار میں پلیٹ فارم پر موجود تھے۔

    دھماکے کی سی سی ٹی وی فوٹیج میں دیکھا جا سکتا ہے کہ دھماکے کے وقت پلیٹ فارم پر درجنوں افراد ریل گاڑی کے انتظار میں شیڈ کے نیچے موجود ہیں۔

    اس خودکش دھماکے میں کسی کا بھائی شہید ہوا تو کسی کا بیٹا اپنی جان سے گیا، اپنے پیاروں سے جدا ہونے والے پھوٹ پھوٹ کر رو پڑے، اپنوں کی نشانی کو سینے سے لگائے غم کی تصویر بن گئے۔

    دھماکے میں جاں بحق ہونے والے شخص کا بھائی پھوٹ پھوٹ کر رو پڑا، بھائی نے کہا کہ میرا بھائی آج صبح 7 بجے اسٹیشن کام پر آیا تھا اور ساڑھے 8 بجے یہ دھماکہ ہوگیا، میرا بھائی معذور ہونے کے باوجود کام کرتا تھا۔

    ایک اور شخص نے کہا کہ ہم ملازم بھی محفوظ نہیں ہم کہا جائیں، کب تک یہ ظلم سہتے رہیں گے، متاثرین نے حکومت سے دہشتگردوں کو کیفر کردار تک پہنچانے کا مطالبہ کیا ہے۔

     

    View this post on Instagram

     

    A post shared by ARY News (@arynewstv)

  • ریلوے پولیس نے 2 مسافروں سے بھاری تعداد میں خطرناک اسلحہ برآمد کر لیا

    ریلوے پولیس نے 2 مسافروں سے بھاری تعداد میں خطرناک اسلحہ برآمد کر لیا

    پشاور: ریلورے پولیس نے 2 مسافروں سے 5 خطرناک خنجر  اور 30 بور پستول کی 100 گولیاں برآمد کرلی۔

    تفصیلات کے مطابق ریلویز پولیس کی ریلوے اسٹیشنوں اور ٹرینوں میں جرائم پیشہ افراد کے خلاف کارروائیاں جاری ہے، پشاور ڈویژن کی ریلوے اسٹیشن پشاور کینٹ پر کارروائی کرتے ہوئے 2 مسافر کو گرفتار کرلیا۔

    ریلوے پولیس کے ترجمان کے مطابق ملزمان کو ایس ایچ او پشاور جمال عبد الناصر نے شک کی بنا پر چیک کیا، تلاشی لینے پر ملزمان کے قبضے سے خطرناک خنجر اور پستول کی گولیاں برآمد کرلی گئیں۔

    ترجمان کا کہنا ہے کہ ملزم زبیر اور ذیشان خنجروں اور پستول کی گولیوں کو ٹرین خیبر میل کے ذریعے کراچی لیجانا چاہتے تھے، دونوں ملزمان کو ریلویز پولیس نے موقع پر گرفتار کرلیا۔

    ترجمان کا کہنا ہے کہ ملزمان کے خلاف تھانہ ریلویز پولیس پشاور کینٹ میں مقدمہ درج کرکے مزید تفتیش جاری ہے۔

  • پیرس ریلوے اسٹیشن میں چاقو کے وار سے تین افراد زخمی

    پیرس ریلوے اسٹیشن میں چاقو کے وار سے تین افراد زخمی

    پیرس کے ریلوے اسٹیشن میں تین افراد پر چاقو سےحملہ کیا گیا جس میں وہ زخمی ہوگئے، پولیس نے اس حوالے سے بڑا دعویٰ کیا ہے۔

    تفصیلات کے مطابق گارے ڈی لیون ریلوے اسٹیشن میں ہفتہ کو علی الصبح چاقو کے حملے میں تین افراد زخمی ہوگئے، پولیس نے اس حملے میں دہشت گردی کے امکانات کو مسترد کردیا ہے۔

    پیرس پولیس چیف لارینٹ نونس نے میڈیا کو بتایا کہ مشتبہ حملہ آور کو گرفتار کرلیا گیا ہے، ملزم میں میں ذہنی عارضے کی علامات پائی گئی ہیں۔

    لارینٹ نونس نے مزید کہا کہ ہمیں اس کی دوائیاں بھی ملی ہیں جس سے پتہ چلتا ہے کہ وہ زیرِعلاج مریض ہے۔

    پولیس نے بتایا کہ زخمی ہونے والوں میں سے دو افراد کو ہلکے زخم آئے ہیں جبکہ تیسرا شدید زخمی ہے لیکن اس کی حالت خطرے سے باہر ہے۔

    حملہ آور کے پاس اطالوی رہائشی اجازت نامہ ہے اور وہ قانونی طور پر فرانس میں مقیم تھا، اس نے مسافروں پر چاقو اور ہتھوڑے سے حملہ کیا۔

    فرانسیسی میڈیا کا اس حوالے سے کہنا ہے کہ ملزم کا اصل تعلق مالی سے ہے لیکن نونس نے ان اطلاعات کی تصدیق نہیں کی۔