لندن : برطانوی دارالحکومت میں واقع ریلوے اسٹیشن پر چاقو بردار شخص نے حملہ کردیا تاہم پولیس نے فوری کارروائی کرتے ہوئے مسلح شخص کو گرفتار کرلیا۔
تفصیلات کے مطابق برطانیہ کے دارالحکومت لندن کے جنوبی علاقے میں واقع تلسی ریلوے اسٹیشن پر نامعلوم چاقو بردار شخص نے اس وقت حملہ اچانک کردیا جب اسٹیشن پر مسافروں کا رش بہت زیادہ تھا۔
مقامی ذرائع کا کہنا ہے کہ چاقو زنی کی مذکورہ واردات میں کسی کے زخمی ہونے کی اطلاع موصول نہیں۔
واقعے کے عینی شاہدین نے خبر رساں اداروں کو بتایا کہ اچانک اسٹیشن پر افراتفری پھیل گئی اور مسافر خود کو مسلح شخص سے بچانے کے لیے ادھر ادھر بھاگ رہے تھے۔
تلسی ریلوے اسٹیشن پر موجود برطانوی ٹرانسپورٹ پولیس کے اہلکاروں نے بروقت کارروائی کرتے ہوئے 59 سالہ خنجر بردار شخص کو اقدام قتل اور غیر قانونی طور پر خطرناک ہتھیار رکھنے کے الزام میں موقع پر ہی گرفتار کرلیا تھا۔
@BBCNews @SkyNews @LBC women screaming and station in small chaos as a guy at Tulse Hill Station has just been tasered by #police after running around with a machete. 😐 must of had more than one weapon though as police seem to have multiple evidence bags. pic.twitter.com/SozVJ4XIej
— Daniel Roberts (@the1dan) January 14, 2019
واقعے کے ایک عینی شاہد نے سماجی رابطے کی ویب سایٹ پر ٹویٹ کیا کہ ’تلسی ریلوے اسٹیشن پر خطرناک خنجر سے حملہ کرنے والے شخص کو پولیس نے برقی گَن نے کرنٹ لگانے کے بعد حراست میں لیا تھا‘۔
Terrifying incident at Tulse Hill station where several of us had to run from a man wielding a machete. He has now been subdued by police – very grateful
for them being there quickly and acting bravely.
— David Northfield (@DANorthfield) January 14, 2019
برطانوی ٹرانسپورٹ پولیس کا خیال ہے کہ چاقو زنی کی یہ واردات دہشت گردانہ حملہ نہیں تھی، خوش قسمتی سے کوئی بھی مسافر کا پولیس اہلکار حملے میں زخمی یا ہلاک نہیں ہوا۔
مزید پڑھیں : لندن: فائرنگ اور چاقو زنی کی واردات، دو افراد قتل 4 زخمی
مزید پڑھیں : لندن : چاقو زنی کی واردات، ایک شخص ہلاک، ملزم گرفتار
پولیس کا کہنا ہے کہ گرفتار ملزم ذہنی مریض لگتا ہے تاہم حتمی رپورٹ طبی معائنے کے بعد تشکیل دی جائے گی۔
برطانوی خبر رساں ادارے کا کہنا ہے کہ لندن کے میئر صادق خان نے چاقو بردار شخص کی گرفتاری کے کچھ دیر بعد لامبیٹھ کونسل کے سربراہ لیب پیک کو نئے ریڈکشن یونٹ کا سربراہ تعینات کیا ہے۔
