کراچی: ریلوے پولیس اہلکار کے بروقت رسپانس نے ضعیف مسافر کو بڑے حادثے سے بچالیا،مسافر نے جان بچانے پر ریلویز پولیس اہلکار کا شکریہ ادا کیا۔
تفصیلات کے مطابق ریلوے پولیس اہلکار کی حاضر دماغی نے ایک اور مسافرکی جان بچالی، مسافر غلام اکبر نے میانوالی اسٹیشن پر چلتی تھل ایکسپریس سے اترنے کی کوشش کی، جلد بازی اور لاپرواہی کی وجہ سے مسافر اترتے وقت اپنا توازن برقرار نہ رکھ سکا اور پھسل گیا۔
فوٹیج میں دیکھا جاسکتا ہے ہیڈ کانسٹیبل محمد انور نے مسافرکو ٹرین کے نیچے آنے سے بچایا۔
ترجمان ریلوے کا کہنا ہے اہلکار کے بروقت رسپانس نے ضعیف مسافر کو بڑے حادثے سے بچالیا، مسافر غلام اکبر نے ویڈیو پیغام کے ذریعے جان بچانے پر ریلویز پولیس اہلکار کا شکریہ ادا کیا۔
یاد رہے دو ماہ قبل سٹی اسٹیشن کراچی سے روانہ ہونے والے پہلی عید اسپیشل ٹرین ایک بڑے حادثے سے بال بال بچ گئی تھی ، کوئٹہ ریلوے پولیس کے ایک اہل کار نے بروقت ٹرین کو حادثے سے بچایا تھا۔
