نیٹ فلکس کی سپر ہٹ نیچرل ویب سیریز ’ویڈنزڈے ایڈمز‘ کے سیزن 2 کا سنسنی خیز ٹیزر جاری کردیا گیا جبکہ ریلیز کی تاریخ بھی سامنے آگئی ہے۔
نیٹ فلکس کی بلاک بسٹر سپر نیچرل ویب سیریز ’ویڈنزڈے‘ ایک بار پھر باکس آفس پر چھانے کے لیے تیار ہے، سیزن 2 کا پہلا خوفناک اور سنسنی خیز ٹیزر نیٹ فلکس پر جاری کر دیا گیا ہے۔
ٹیزر سے اندازہ لگایا جاسکتا ہے کہ اس بار کہانی میں پہلے سے بھی زیادہ پراسرار موڑ، سنسنی خیز مناظر اور نئے کردار شامل کیے گئے ہیں۔
مرکزی کردار ویڈنزڈے ایڈمز ایک بار پھر نیورمور اکیڈمی لوٹتی ہے، لیکن اس بار وہ صرف سیکھنے نہیں بلکہ لاشوں کے دفن ہونے کی جگہیں جاننے آئی ہے۔
ٹیزر کا آغاز ایک چونکا دینے والے منظر سے ہوتا ہے، جہاں جینا اور ٹیگا عرف ویڈنزڈے ایئر پورٹ سیکیورٹی سے گزرتے ہوئے اپنے کپڑوں میں چھپائے گئے ہتھیار نکالتی ہیں جسے دیکھ کر سیکیورٹی عملہ حیران رہ جاتا ہے۔
اس دوارن ویڈنزڈے کے بیگ سے ایک کٹا ہوا ہاتھ اور سن اسکرین کی ٹیوب ملتی ہے جسے دیکھ کر سیکیورٹی عملے کے ساتھ جینا بھی حیران رہ جاتی ہیں۔
ویڈنزڈے اس بار اپنے والدین مورٹیشیا اور گومز ایڈمز کے ہمراہ اسکول واپس آتی ہے، جہاں اس کے پرانے دوست اس کا پرتپاک استقبال کرتے ہیں لیکن ویڈنزڈے ہمیشہ کی طرح خاموش، سنجیدہ اور مشن پر فوکسڈ نظر آرہی ہیں۔
میڈیا رپورٹس کے مطابق سیزن کا پہلا مرحلہ 6 اگست جبکہ دوسرا 3 ستمبر 2025 کو نیٹ فلکس پر ریلیز کیا جائے گا۔
