دنیا کے ساتھ ساتھ بجلی چوروں نے بھی جدید انداز اپنالیے، پاکستان کی تاریخ میں پہلی بار بجلی چوری کرنے کیلئے میٹر کو ریموٹ سے کنٹرول کیا جانے لگا۔
پاکستان کے سب سے بڑے صوبہ پنجاب میں کھربوں روپے مالیت کی بجلی چوری کا اسکینڈل پکڑا گیا جسے جدید طریقے سے انجام دیا گیا تھا، بجلی کے صنعتی میٹروں کو کس طرح سے ٹمپر کیا جارہا ہے اس کی مثال پہلے نہیں ملتی۔
اے آر وائی نیوز کے پروگرام سرعام کی ٹیم نے ریمورٹ کنٹرول کے ذریعے کروڑوں روپے کی بجلی چوری کا راز فاش کردیا جسے واپڈا کا ٹیکنیکل عملہ بھی حیرت سے دیکھتا رہ گیا۔
واپڈا اہلکار کا کہنا تھا کہ ہم نے پہلی بار ایسا دیکھا کہ ایم ڈی آئی میں ایسی چیز کو نصب کردیا گیا کہ بجلی کا میٹر بھی ریموٹ سے چلنے لگا، واپڈا کے ایکسئین ایاز کھوکھر بھی انگشت بدنداں تھے کہ یہ کیسے ممکن ہوا؟
