ARYNews.tv | Urdu – Har Lamha Bakhabar

Tag: رینجرزکے اختیارات

  • سندھ رینجرزکے اختیارات میں توسیع کا فیصلہ، نوٹیفکیشن آج جاری ہوگا

    سندھ رینجرزکے اختیارات میں توسیع کا فیصلہ، نوٹیفکیشن آج جاری ہوگا

    کراچی : حکومت سندھ  نے چار روزبعد رینجرز کے اختیارات میں توسیع کا فیصلہ کرلیا، تین ماہ کی توسیع کا نوٹیفکیشن آج جاری کیا جائے گا۔

    تفصیلات کے مطابق رینجرز کے اختیارات کا معاملہ حل ہو گیا، سندھ حکومت نے رینجرزکے اختیارات میں توسیع کا فیصلہ کرلیا ہے، ذرائع سندھ حکومت کا کہنا ہے کہ اختیارات میں توسیع کانوٹیفکیشن آج جاری کیا جائےگا۔

    نوٹیفکیشن کے مطابق رینجرز کے اختیارات میں 3 ماہ کی توسیع کی جائے گی، پیپلزپارٹی کی اعلیٰ قیادت کی جانب سے وزیراعلیٰ سندھ سید مراد علی شاہ کو رینجرز کو اختیارات دینے کی ہدایت کی گئی تھی۔

    مزید پڑھیں : سندھ رینجرزکے خصوصی اختیارات آج رات سے ختم

    نو ٹیفکیشن کے اجراء کے بعد رینجرز کو چھاپوں، گرفتاری اورملزمان سے تحقیقات سمیت دیگراختیارات حاصل ہوں گے، محکمہ داخلہ سندھ اختیارات کانوٹیفکیشن وفاقی حکومت کوارسال کریگی جس کے بعد وفاقی حکومت رینجرز اختیارات کی مدت میں توسیع کانوٹیفکیشن جاری کریگی۔

    مزید پڑھیں: رینجرز اختیارات، لوگ معاملے کو اچھال کر زندہ رہنا چاہتے ہیں، چانڈیو

    یاد رہے کہ سندھ میں رینجرز کو انسداد دہشت گردی ایکٹ 1997 کے تحت اختیارات دیئےجاتے ہیں، رینجرز کے اختیارات 4 روز پہلے 15جنوری کو ختم ہوئے تھے۔

  • رینجرزکے اختیارات کا معاملہ پھرسراٹھانے والا ہے

    رینجرزکے اختیارات کا معاملہ پھرسراٹھانے والا ہے

    کراچی : سندھ میں رینجرز کے اختیارات کا معاملہ پھر زیر بحث آگیا، وزیراعلیٰ سندھ سید قائم علی شاہ نےیہ اعلان بھی کردیا کہ رینجرز کومکمل اختیارات دینے کیلئے سندھ اسمبلی میں پیش کی جانے والی قرارداد میں ترمیم بھی کی جاسکتی ہے ،لیکن وفاق سے ساتھ معاملات ابھی سردہی نذر آرہے ہیں .

    وزیراعظم کی ہدایت کے باوجود چوہدری نثار کراچی نہ آسکے، رینجرز کے اختیارات کا معاملہ پانچ فروری کو پھر سامنے آنے والا ہے لیکن اس کی باز گشت ابھی سے سنائی دے رہی ہے۔

    کورکمانڈر کراچی سے ملاقات میں وزیراعلیٰ سندھ نے اعلان کردیا کہ رینجرزکو مکمل اختیارات دیئے جائیں گے ۔ پانچ فروری کو رینجرز اختیارات میں توسیع بھی ختم ہوجائے گی اور سندھ اسمبلی پھر اس معاملے پر بحث کرے گی۔

    وزیراعلیٰ سندھ نے تو معاملہ حل کرنے کا عندیہ دے دیا ہے لیکن وفاقی وزیر چوہدری نثار شاید اس حل میں شامل نہیں۔

    وزیراعظم کی ہدایت کے باوجود چوہدری نثار کراچی نہیں آئے۔ دیکھنا یہ ہے کہ بیورو کریسی وڈے سائیں کی ہدایت پر عمل کرتی ہے یا نہیں۔