ARYNews.tv | Urdu – Har Lamha Bakhabar

Tag: رینجرز اور پولیس

  • احتجاج کے دوران سرکاری املاک کو نقصان پہنچانے میں ملوث 5 ملزمان گرفتار

    احتجاج کے دوران سرکاری املاک کو نقصان پہنچانے میں ملوث 5 ملزمان گرفتار

    کراچی: احتجاج کے دوران سرکاری املاک اور گاڑیوں کو نقصان پہنچانے سمیت ریاستی اداروں کے خلاف منفی پروپیگنڈے میں ملوث ملزمان کو گرفتار کرلیا گیا۔

    تفصیلات کے مطابق کراچی بن قاسم ٹاؤن میں رینجرز اور پولیس نے مشترکہ کارروائی کرتے ہوئے احتجاج کے دوران سرکاری املاک و گاڑیوں کو نقصان پہنچانے میں ملوث پانچ ملزمان کو گرفتار کرلیا۔

    ترجمان رینجرز کے مطابق گرفتار ملزمان میں گلاب، غلام علی، ناظم علی، محمد عمر شر اور عبدالطیف شامل ہیں۔

    ترجمان کا کہنا ہے کہ ملزمان کے موبائل سے ملکی اداروں کے خلاف منفی پروپیگنڈے کے ثبوت ملے ہیں اور ان کے خلاف شہر کے مختلف تھانوں میں مقدمات درج ہیں۔

    گرفتار ملزمان کو مزید کارروائی کیلئے پولیس کے حوالے کر دیا گیا ہے، جبکہ ان کے دیگر ساتھیوں کی گرفتاری کے لیے مختلف مقامات پر چھاپے مارے جا رہے ہیں۔

    https://urdu.arynews.tv/karachi-girl-kidnapping-drama/

    دوسری جانب کراچی میں بلال کالونی پولیس کے ہاتھوں مقابلے کے بعد زخمی حالت میں گرفتار ملزمان کا تعلق لیاری گینگ وار بھتہ خور وصی لاکھو اور صمد کا ٹھیاواری سے نکلا۔

    ملزمان تاجروں دکانداروں بلڈرز، حضرات کو صمد کا ٹھیاواری کے حکم پر بھتہ کی پرچیاں، دھمکی آمیز کال سمیت فائرنگ کرنے میں ملوث ہیں۔

    ایس ایس پی سینٹرل ذیشان شفیق صدیقی کے مطابق ملزمان کا گروہ نیو کراچی 5 نمبر پر بھتہ نہ دینے پر فائرنگ کر کے دوکانداروں کو قتل و زخمی کرنے کی وارداتوں میں ملوث ہیں

  • کراچی: انتہائی مطلوب ملزمان گرفتار، ڈکیتی مزاحمت پر متعدد افراد کو قتل کا اعتراف

    کراچی: انتہائی مطلوب ملزمان گرفتار، ڈکیتی مزاحمت پر متعدد افراد کو قتل کا اعتراف

    کراچی: رینجرز اور پولیس نے خفیہ اطلاع پر جرائم کی متعدد وارداتوں میں ملوث 15 رکنی گروہ کے سرغنہ کو ساتھی سمیت گرفتار کرلیا۔

    تفصیلات کے مطابق رینجرز اور پولیس کی حب ریور روڈ سردار ممتاز ولیج میں کارروائی کرتے ہوئے متعدد وارداتوں میں ملوث 2 انتہائی مطلوب ملزمان کو گرفتار کرلیا۔

    ترجمان رینجرز کا کہنا ہے کہ 15 رکنی ڈکیت گینگ کا سرغنہ فہیم ساتھی سمیت گرفتار ہوا ہے، ملزمان قانون نافذ کرنے والے ادارےکی موبائل پر فائرنگ میں بھی ملوث ہیں۔

    ترجمان کا کہنا ہے کہ گرفتار ملزمان کا ساتھی محمد نعیم دوران ڈکیتی پہلے ہی گرفتار ہوچکا ہے، ملزمان حب ریور روڈ، اتحاد ٹاؤن اور دیگر علاقوں میں وارداتیں کرتے تھے۔

    ترجمان کا مزید کہنا ہے کہ ملزمان نے ڈکیتی مزاحمت پر متعدد افراد کو قتل اور زخمی کرنے کا اعتراف بھی کیا ہے جبکہ متعدد بار گرفتار ہو کر جیل بھی جا چکے ہیں، گینگ میں شامل دیگر ملزمان کی گرفتاری کے لیے چھاپے مارے جارہے ہیں۔

  • بیوی کے ہمراہ وارداتیں کرنے والا انتہائی مطلوب ملزمان ساتھی سمیت گرفتار

    بیوی کے ہمراہ وارداتیں کرنے والا انتہائی مطلوب ملزمان ساتھی سمیت گرفتار

    کراچی: رینجرز اور پولیس نے لیاری سے 2 انتہائی مطلوب ملزمان کو گرفتار کرلیا، ایک ملزم اپنی بیوی کے ہمراہ وارداتیں کرتا تھا۔

    تفصیلات کے مطابق رینجرز اور پولیس نے انٹیلی جنس معلومات پر لیاری میں چھاپہ مار کارروائی کے دوران 2 انتہائی مطلوب ملزمان کو گرفتار کرلیا۔

    ترجمان رینجرز کے مطابق ملزمان چوری شدہ موٹر سائیکلوں کا نمبر پنچ کر کے فروخت کرتے تھے، گرفتار ملزمان ایاز علی سیال، حیات بلوچ  سے اسلحہ بر آمد کیا گیا، ملزمان مختلف کمپنیز کی گاڑیوں کو گن پوائنٹ پر روکتے تھے اور منصوبہ بندی کے تحت لاٹ مار کرتے تھے۔

    ترجمان رینجرز نے بتایا کہ ملزمان چوری اور چھینی گئی موٹر سائیکلوں کا نمبرز پنچ کرتے تھے، ٹیمپرڈ موٹر سائیکلیں واجد اور ہوشیار کو فروخت کرتے تھے، واجد اور ہوشیار موٹر سائیکلوں کو بلوچستان لے جاکر فروخت کرتے تھے۔

    ترجمان رینجرز کا کہنا ہے کہ ان میں سے ایک ملزم ایاز علی سیال اپنی بیوی کے ہمراہ بھی وارداتیں کرتا تھا، ملزم نے گلشن معمار اور نیو لیاری سے مویشی چوری کرنے کا اعتراف بھی کیا۔

    ترجمان رینجرز کا کہنا ہے کہ ملزم ایاز علی بھائی فیاض، عظمت، سالہ مراد، فرحان، حیات بلوچ کے ہمراہ وارداتیں کرتا تھا، ملزمان لیاری، گڈاپ ٹاؤن اور گلشن معمار میں وارداتیں کرتے تھے۔

    ترجمان رینجرز کے مطابق ملزمان نے مختلف کمپنیز کی گاڑیوں کو روک کر متعدد سیلز مینوں کو لوٹنے کا اعتراف بھی کیا، ملزم ایاز علی سیال کو فوٹیج میں واضح طور پر دیکھا جا سکتا ہے۔

    ترجمان رینجرز نے مزید بتایا کہ ملزمان نے فقیرہ گوٹھ میں گاڑی سوار افراد سے ساڑھے 4 لاکھ لوٹنے کا اعتراف بھی کیا ہے، ملزمان اس سے قبل بھی گرفتار ہو کر جیل جا چکے ہیں، گرفتار ملزمان کو مزید قانونی کارروائی کے لیے پولیس کے حوالے کر دیا گیا۔

  • رینجرز اور پولیس کی مشترکہ کارروائی، لیاری گینگ کے انتہائی مطلوب ملزمان گرفتار

    رینجرز اور پولیس کی مشترکہ کارروائی، لیاری گینگ کے انتہائی مطلوب ملزمان گرفتار

    کراچی: سندھ رینجرز اور پولیس نے مشترکہ کارروائی کرتے ہوئے بھتہ خوری، اغوا برائے تاوان، ڈکیتی اور دیگر جرائم میں ملوث لیاری گینگ کے انتہائی مطلوب ملزمان کو گرفتار کرلیا۔

    تفصیلات کے مطابق رینجرز اور پولیس نے لیاری میں مشترکہ کارروائی کے دوران انتہائی مطلوب 3 ملزمان کو گرفتار کرلیا، گرفتار ملزمان میں فرحان عرف انڈین، سلمان عرف ملا عرف یاسین، محمد حارث عرف کلی شامل ہیں۔

    ترجمان رینجرز کے مطابق گرفتار ملزمان کا تعلق لیاری گینگ وار کمانڈر ایاز زہری گروپ سے ہے، گرفتار ملزمان بھتہ وصولی اور اسٹریٹ کرائم میں ملوث ہیں، ملزمان سے وارداتوں میں استعمال اسلحہ وایمونیشن بھی برآمد کر لیا گیا۔

    ترجمان رینجرز کا کہنا ہے کہ فرحان عرف انڈین 2011 میں لیاری گینگ وار وصلی اللہ لاکھو گروپ میں شامل ہوا، ملزم کا بھتہ وصولی، 30 سے زائد افراد کے قتل میں ملوث ہونے کا اعتراف کر چکا ہے۔

    ترجمان رینجرز نے بتایا کہ فرحان عرف انڈین 2013 میں گرفتار ہو کر جیل گیا، ملزم کو اے ٹی سی سے 19 سال اور سیشن کورٹ سے 15 سال قید ہوئی تھی تاہم ہائیکورٹ نے سزا کو کالعدم قرار دے کر ملزم کو بری کر دیا تھا۔

    ترجمان رینجرز کے مطابق ملزم 2024 میں ایاز زہری اور ارسلان پٹنی گروپ میں شامل ہوا، ملزم بھتہ وصولی اور بلڈرز کی زیر تعمیر عمارتوں کی ریکی کر کے نمبر زگینگ وار کمانڈر کو دیتا رہا،  ملزم کا ساتھی معین عرف کٹا بھتہ وصولی میں اسلحہ وایمونیشن پہنچانے میں ملوث رہا ہے، ملزم 24 جون کو ساتھی کیساتھ زیر تعمیر عمارت پنجابی کلب کھارادر پر فائرنگ کرنے گیا اپنے ساتھی ریحان عرف آکاش کی گرفتاری کے بعد فرار ہوگیا تھا۔

    ترجمان رینجرز کا کہنا ہے کہ سلمان عرف ملا عرف یاسین 2014 میں مذہبی جماعت میں شامل ہوا، عبد الصمد عرف فرحان کیساتھ مل کر مختلف مجرمانہ سرگرمیوں میں ملوث رہا، سلمان عرف ملا عرف یاسین  نے کھارادر میں فائرنگ کیلئے اپنی موٹر سائیکل دی تھی، موٹر سائیکل ریحان عرف آکاش کی گرفتاری کے دوران پکڑی گئی تھی۔

    ترجمان رینجرز کے مطابق حارث عرف کلی، عبدالصمد عرف فرحان کے فرنٹ مین یوسف عرف موٹا کے گروپ میں شامل ہوا، یوسف عرف موٹا، فرحان عرف جھاڑی اور حمزہ قریشی کیساتھ بھتہ وصولی میں ملوث رہا، 5 مختلف مقامات پر فائرنگ کرنے اور دیگر ساتھیوں کے ہمراہ ریکی، منصوبہ بندی میں ملوث رہا، گرفتار ملزمان کو بمعہ اسلحہ و ایمونیشن قانونی کارروائی کیلئے پولیس کے حوالے کر دیا گیا۔

  • رینجرز اور پولیس کی مشترکہ کارروائی، لیاری گینگ وار کے انتہائی مطلوب ملزمان گرفتار

    رینجرز اور پولیس کی مشترکہ کارروائی، لیاری گینگ وار کے انتہائی مطلوب ملزمان گرفتار

    کراچی: رینجرز اور پولیس نے مشترکہ کارروائی میں لیاری گینگ وار کے انتہائی مطلوب ملزمان کو گرفتار کرلیا۔

    تفصیلات کے مطابق رینجرز اور سٹی پولیس نے مشترکہ کارروائی کرتے ہوئے کراچی کے علاقہ کھارادر سے لیاری گینگ وار (کمانڈر ایاز زہری گروپ )سے تعلق رکھنے والے اور اسٹریٹ کرائم میں ملوث انتہائی مطلوب 2 ملزمان گرفتار کرلئے۔

      ترجمان رینجرز کے مطابق گرفتار ملزمان کی شناخت امیر حمزہ اور حارث عرف ناک کٹا کے ناموں سے ہوئی، ملزمان کے قبضے سے وارداتوں میں استعمال ہونے والا اسلحہ وایمونیشن بھی برآمد کر لیا گیا۔

    ترجمان نے بتایا کہ ملزم حارث عرف ناک کٹا لیاری گینگ وار عبدالصمد عرف عرفان کے ساتھ براہ راست رابطے میں تھا، ملزم نے اس کے کہنے پر بھتہ وصولی کی، ملزم فائرنگ کرنے والے مختلف ملزمان کو اسلحہ و ایمونیشن فراہم کرنے کے ساتھ ساتھ سہولت کاری میں بھی ملوث رہا ہے۔

     ترجمان رینجرز کے مطابق ملزم نے جنوری 2024 کو عبدالصمد عرف فرحان کے کہنے پر کمانڈر ایاز زہری گروپ میں شمولیت اختیار کی، 6 جولائی 2024 کو ملزم امیر حمزہ اپنے دیگر ساتھیوں یوسف عرف موٹا، لیاری گینگ وار کمانڈر ایاز زہری، ارسلان پٹنی اور عبدالصمد عرف فرحان کے ساتھ ملکر کھارادر پنجاب کلب زیر تعمیر عمارت میں فائرنگ کی۔

    فائرنگ کے نتیجے میں ایک مزدور غلام حیدر نبی زخمی ہوا تھا، ملزم کے ساتھی ایاز زہری نے بلڈر سے 2 کروڑ بھتے کی ڈیمانڈ کی تھی اور بھتہ نہ دینے کی صورت میں فائرنگ کی تھی۔

    ترجمان رینجرز نے کہا کہ ملزمان کو سی سی ٹی وی فوٹیج میں فائرنگ کرتے ہوئے واضح طور پر دیکھا جا سکتا ہے، ملزمان کے خلاف تھانہ کھارادر میں ایف آئی آر بھی درج ہے، ملزمان کے دیگر ساتھیوں کی گرفتاری کے لیئے چھاپے مارے جا رہے ہیں۔

    سندھ رینجرز کا کہنا ہے کہ گرفتار ملزمان کو بمعہ اسلحہ و ایمونیشن مزید قانونی کارروائی کے لیے سٹی پولیس کے حوالے کر دیا گیا ہے۔

  • ڈکیتیوں کی سنچری کرنے والے دو ملزمان گرفتار

    ڈکیتیوں کی سنچری کرنے والے دو ملزمان گرفتار

    کراچی: رینجرز اور پولیس نے ڈکیتی کی متعدد وارداتوں میں ملوث 2 ملزمان کو گرفتار کرلیا۔

    تفصیلات کے مطابق رینجرز اور پولیس نے اسپارکو روڈ کے قریب مشترکہ کارروائی کے دوران ڈکیتی کی متعدد وارداتوں میں ملوث 2 ملزمان کو گرفتار کرلیا۔

    ترجمان رینجرز کے مطابق گرفتار ملزمان کی شناخت محمد علی اور محمد واجد کے نام سے ہوئی ہے، ملزم سے اسلحہ، موبائل فون، چھینی ہوئی موٹر سائیکل برآمد ہوئی۔

    ترجمان کا بتانا ہے کہ ملزمان نے ساتھیوں کے ہمراہ 100 سے زائد ڈکیتیوں کا اعتراف کیا ہے، ملزمان کے دیگر ساتھیوں کی گرفتاری کیلئے چھاپے مار رہے ہیں۔

  • لیاری گینگ وار کمانڈر احمد علی مگسی گروپ کے 3 مطلوب ملزمان گرفتار

    لیاری گینگ وار کمانڈر احمد علی مگسی گروپ کے 3 مطلوب ملزمان گرفتار

    کراچی: رینجرز اور پولیس نے لیاری گینگ وار کمانڈر احمد علی مگسی گروپ سے تعلق رکھنے والے 3 مطلوب ملزمان کو گرفتار کرلیا۔

    تفصیلات کے مطابق رینجرز اور پولیس نے پرانی سبزی منڈی پیرالہٰی بخش کالونی میں مشترکہ کارروائی کرتے ہوئے لیاری گینگ وار کمانڈر احمد علی مگسی گروپ سے تعلق رکھنے والے 3 مطلوب ملزمان کو گرفتار کرلیا۔

     ترجمان رینجرز کے مطابق گرفتار ملزمان میں عثمان شاہ عرف عثمان رکشے والا، عبداللہ اور نثار عرف کاشان  شامل ہیں، گرفتار ملزمان سے وارداتوں میں استعمال ہونے والا اسلحہ، ہینڈ گرنیڈ اور آوان بم برآمد کرلیا گیا۔

    ترجمان رینجرز کے مطابق ملزمان مناگھا نچی اور صادق عرف سلو کی ہدایت پر بھتہ وصولی اور دیگر جرائم کا نیٹ ورک چلا رہے تھے، ملزمان بھتہ وصولی، منشیات فروشی، فائرنگ، اسلحہ ڈمپنگ اور دیگر متعدد جرائم میں ملوث ہیں۔

    ترجمان رینجرز کے مطابق ملزمان نے دسمبر 2020 میں گتہ فیکٹری کے مالکان سے 50 لاکھ روپے بھتہ مانگا تھا، بھتہ نہ دینے پر ملزما ن نے فیکٹری پر فائرنگ کی بعد میں فیکٹری مالک سے 20 لاکھ بھتہ وصول کیا۔

    ترجمان نے بتایا کہ جنوری 2021 میں بلڈر کے آفس میں بھتہ نہ دینے پر فائر نگ کی اور 70 لاکھ وصول کئے، ملزمان نے ایک ہوٹل والے کو ڈرا دھمکا کر 5 لاکھ روپے بھتہ وصول کیا، ملزمان مختلف تاجروں سے ماہانہ بھتہ وصول کر کے احمد علی مگسی کو بیرون ملک بھجوا رہے تھے، گرفتار ملزما ن نے  بھاری مقدار میں اسلحہ ڈمپ کرنے اور کمانڈر کے کارندوں کو فراہم کرنے کا بھی انکشاف کیا۔

  • رینجرز اور پولیس کی مشترکہ کارروائی، 5 ملزمان گرفتار

    رینجرز اور پولیس کی مشترکہ کارروائی، 5 ملزمان گرفتار

    کراچی: کراچی میں رینجرز اور پولیس نے مشترکہ کارروائی کرتے ہوئے 5 ملزمان کو گرفتار کرلیا۔

    تفصیلات کے مطابق رینجرز اور پولیس نے قذافی روڈ اورنگی میں مشترکہ کارروائی کرتے ہوئے 5 ملزمان کو گرفتار کرلیا، گرفتار ملزمان سے 4 پستول اور 74 گولیاں برآمد ہوئیں۔

    ترجمان رینجرز کے مطابق معمول کی اسنیپ چیکنگ پر تعینات رینجرز اہلکاروں نے گاڑی کو روکا، کار سوار ملزمان کی حرکات مشکوک محسوس ہونے پر جامع تلاشی لی گئی۔

    ترجمان رینجرز نے بتایا کہ دوران تلاشی غیر قانونی اسلحہ برآمد ہونے پر ملزمان کو گرفتار کر لیا گیا، گرفتار ملزمان کو اسلحہ و ایمونیشن سمیت پولیس کے حوالے کر دیا گیا، گرفتار ملزمان میں ابوبکر، عثمان، بادشاہ، دوست محمد اور عتیق الرحمان شامل ہیں۔

  • ڈیفنس سے بھتہ خور گروہ کا سرغنہ عارف علی گرفتار

    ڈیفنس سے بھتہ خور گروہ کا سرغنہ عارف علی گرفتار

    کراچی: : رینجرز اور پولیس نے مشترکہ کارروائی کرتے ہوئے بھتہ خور گروہ کے سرغنہ عارف علی کو ڈیفنس سے گرفتار کرلیا۔

    تفصیلات کے مطابق کراچی میں رینجرز اور پولیس نے ڈیفنس بدر کمرشل میں مشترکہ کارروائی کرتے ہوئے بھتہ خور گروہ کے سرغنہ عارف علی کو گرفتار کرلیا۔

     ترجمان رینجرز نے بتایا کہ ملزم نے کلفٹن کے تاجر سے 20 لاکھ روپے بھتہ طلب کیا تھا، بھتہ کی رقم نہ دینے پر سنگین نتائج کی دھمکیاں دی تھیں۔

    ترجمان  نے بتایا کہ ملزم واردات کیلئے چوری شدہ سم اور موبائل فون کا استعمال کرتا تھا، ملزم بھتہ کی کال کے بعد موبائل فون بند کر دیتا تھا، اس سے قبل بھی ملزم نے 2 افراد سے 10 لاکھ بھتہ وصول کرنے کا انکشاف کیا۔

    ترجمان رینجرز نے مزید بتایا کہ ملزم کے دیگر ساتھیوں کی گرفتاری کیلئے چھاپے مارے جارہے ہیں۔

  • 150 سے زائد وارداتوں میں ملوث ملزم عبدالجلیل عرف ’منشی‘ گرفتار

    150 سے زائد وارداتوں میں ملوث ملزم عبدالجلیل عرف ’منشی‘ گرفتار

    کراچی: رینجرز اور پولیس نے کارروائی کرتے ہوئے ڈکیتی کی متعدد وارداتوں میں ملوث ملزم کو گرفتار کرلیا۔

    تفصیلات کے مطابق رینجرز اور پولیس نے کراچی کے علاقے اختر کالونی میں کارروائی کرتے ہوئے ڈکیتی کی متعدد وارداتوں میں ملوث ملزم عبدالجلیل عرف منشی کو گرفتار کر کے اسلحہ و ایمونیشن برآمد کرلیا۔

      ترجمان رینجرز کے مطابق گرفتار ملزم نے دو دریا سی ویو پر فیملی سے لوٹ مار کی تھی فیملی سے گن پوائنٹ پر لاکھوں مالیت کا سامان لوٹا گیا چھینی گئی اشیاء میں 3 آئی فونز ایک سمارٹ واچ اورنقد رقم شامل تھی واردات کی سی سی ٹی وی فوٹیج سوشل میڈیا پر وائرل ہوئی تھی مقدمہ ساحل تھانے میں درج کیا گیا تھا۔

    ترجمان رینجرز نے کہا کہ ملزم نے 150سے زائد وارداتوں میں ملوث ہونے کا اعتراف کیا ملزم دوران ڈکیتی مزاحمت پر لوگوں کو خوفزدہ کرنے کے لیے ہوائی فائرنگ بھی کرتا تھا۔

    ترجمان رینجرز نے مزید کہا کہ ملزم کے دیگر ساتھیوں کی گرفتاری کے لیے چھاپے مارے جا رہے ہیں۔