ARYNews.tv | Urdu – Har Lamha Bakhabar

Tag: رینجرز کی کارروائی

  • رینجرز کی کارروائی، قتل میں ملوث تین سہولت کاروں سمیت8ملزمان گرفتار

    رینجرز کی کارروائی، قتل میں ملوث تین سہولت کاروں سمیت8ملزمان گرفتار

    کراچی : رینجرز نے قتل کی واردات میں ملوث تین سہولت کاروں سمیت8ملزمان گرفتار کرلیے، ملزمان نے اعتراف جرم کرلیا، واردات میں استعمال اسلحہ بھی برآمد کرلیا گیا۔

    تفصیلات کے مطابق رینجرز نے انٹیلی جنس بنیاد پر خیرپور میرس میں کامیاب کارروائی کرتے ہوئے قتل کی واردات میں ملوث تین سہولت کار سمیت8ملزمان کو گرفتار کرلیا۔

    رینجرز ذرائع کا کہنا ہے کہ گرفتار سہولت کاروں میں بشارت، افراز گل اور غفران شامل ہیں، قتل کے5ملزمان کو ملزم غفران سے تفتیش کے بعد گرفتار کیا گیا۔

    دوران تفتیش ملزم غفران نے انکشاف کیا کہ قتل کے ملزمان کار میں گلگت فرار ہوئے ہیں، ملزم کے انکشاف پرٹیکنیکل اور انٹیلی جنس ذرائع سے فوری کارروائی کی گئی۔

    رینجرز کے مطابق قتل کے پانچ ملزمان کو فرار ہوتے ہوئے خیرپورمیرس سے گرفتار کیا گیا، مذکورہ ملزمان میں وقاص حسین، ذیشان حیدر، محمد سلیم ،سہیل احمد، شبرحسن شامل ہیں۔

    ابتدائی تفتیش میں پانچوں ملزمان نے ذاتی دشمنی کی بنا پر محمد علی کے قتل کا اعتراف کرلیا، رینجرز حکام کا کہنا ہے کہ ملزمان سے قتل کی واردات میں استعمال اسلحہ بھی برآمد کرلیا گیا ہے اور تمام ملزمان کو قانونی چارہ جوئی کیلئے پولیس کے حوالے کردیا گیاہے۔

  • رینجرز کی مختلف علاقوں میں کارروائیاں، 8ملزمان گرفتار، اسلحہ برآمد

    رینجرز کی مختلف علاقوں میں کارروائیاں، 8ملزمان گرفتار، اسلحہ برآمد

    کراچی: سندھ رینجرز نے کراچی کے مختلف علاقوں میں کارروائی کرتے ہوئے 8 ملزمان کو گرفتار کرلیا، ملزمان کے قبضے سے اسلحہ و مسروقہ سامان برآمد کرلیا گیا۔

    تفصیلات کے مطابق سندھ رینجرز نے کراچی کے مختلف علاقوں میں کامیاب کارروائی کرتے ہوئے 8 ملزمان کو گرفتار کرلیا، سپرمارکیٹ کے علاقے سے گرفتار 3 ملزمان کا تعلق ایم کیو ایم لندن گروپ سے ہے۔

    ترجمان رینجرز کے مطابق ملزمان اسٹریٹ کرائم، ڈکیتی اور منشیات فروشی میں ملوث ہیں، ملزمان کی شناخت نسیم اختر، حبیب اللہ اور حیدر کے ناموں سے ہوئی ہے۔

    ادھر بلدیہ اتحاد ٹاؤن، سعید آباد سے 5 ملزمان کو گرفتار کیا گیا ہے، گرفتار ملزمان اسٹریٹ کرائمز کی متعدد وارداتوں میں ملوث ہیں، ملزمان سے غیرقانونی اسلحہ، مسروقہ سامان، منشیات برآمد کرلی گئی ہے۔

    ترجمان رینجرز کے مطابق تمام گرفتار ملزمان کو مزید کارروائی کے لیے پولیس کے حوالے کردیا گیا ہے۔

    مزید پڑھیں: رینجرزکی لیاری میں کارروائی‘ ملزم فیضودادا گرفتار

    دوسری جانب اندرون سندھ میں پانی چوری کے خلاف محکمہ آبپاشی، پولیس، رینجرز نے مشترکہ آپریشن کرتے ہوئے گھوٹکی میں ببلی کینال، سب برانچ آر ڈی تیس تا آر ڈی 78 تک کارروائی کی اور غیرقانونی کنکشنز، موگھے، نکوں کے خلاف مشترکہ آپریشن کیا گیا۔

    ترجمان رینجرز کے مطابق مجموعی طور پر 17 مقامات سسے پانی کے غیر قانونی کنکشن ہٹادئیے گئے، پانی چوری میں ملوث 9 افراد کے خلاف متعلقہ تھانوں میں مقدمات درج کیے گئے ہیں۔

    واضح رہے کہ 12 جنوری کو رینجرز نے لیاری میں کارروائی کرتے ہوئے سیکیورٹی اداروں پر حملوں میں ملوث مطلوب ملزم فیضو دادا کو گرفتار کیا تھا، ملزم کا تعلق ٓبدنام زمانہ گینگ غفار ذکری گروپ سے تھا۔

  • رینجرز نے ڈکیتی میں مزاحمت پر فائرنگ کرنے والے ملزمان کو گرفتار کرلیے

    رینجرز نے ڈکیتی میں مزاحمت پر فائرنگ کرنے والے ملزمان کو گرفتار کرلیے

    کراچی: سندھ رینجرز نے کراچی کے علاقے ماڈل کالونی میں کارروائی کرتے ہوئے ڈکیتی مزاحمت پر فائرنگ کرنے والے تین ملزمان کو گرفتار کرلیا۔

    تفصیلات کے مطابق سندھ رینجرز نے شہر قائد کے علاقے ماڈل کالونی میں کارروائی کرتے ہوئے تین ملزمان گرفتار کیے ہیں، ملزمان ڈکیتی و اسٹریٹ کرائم کی متعدد وارداتوں میں ملوث ہے۔

    ترجمان رینجرز کے مطابق ملزم بلال نے ساتھی کے ہمراہ ڈکیتی مزاحمت پر فائرنگ کی تھی، زخمی افراد کے ساتھ نجم ثاقب، واصف کاذاتی تنازع تھا، ملزم کو فائرنگ سے زخمی کرنے کے لئے نجم اور ثاقب نے سپاری دی تھی۔

    ترجمان سندھ رینجرز کا کہنا تھا کہ ملزم نے 4 لاکھ 80 ہزار نقدی چھین کر 2 افراد کو فائرنگ کر کے زخمی کیا، ملزم نے واردات کے بعد روکنے پر ایک راہ گیر کو فائرنگ کر کے زخمی کردیا تھا۔

    ترجمان سندھ رینجرز نے بتایا کہ ملزم کی فائرنگ سے زخمی ہونے والا راہ گیر دوران علاج دم توڑ گیا تھا، جبکہ واردات کے بعد ملزم بلال عرف پراٹھا اسلام آباد فرار ہو گیا تھا، ملزم بلال کو سی سی ٹی وی فوٹیج میں فائرنگ کرتے ہوئے دیکھا جاسکتا ہے۔

    مزید پڑھیں : کراچی، رینجرز کی مختلف علاقوں میں کارروائیاں، 11 ملزمان گرفتار

    یاد رہے کہ کچھ روز قبل  سندھ رینجرز نے شہر قائد کے مختلف علاقوں میں کارروائی کرتے ہوئے 11 ملزمان گرفتار کیا تھا، گلبہار سے گرفتار ملزم سردار عرف پرویز کا تعلق ایم کیو ایم لندن سے ہے، ملزم سردار کانسٹیبل سیف اللہ کی ٹارگٹ کلنگ سمیت 500 سے زائد ڈکیتیوں میں ملوث تھے۔

  • کراچی: رینجرز کی کارروائی، موٹرسائیکل لفٹر گروہ کے 4 کارندے گرفتار

    کراچی: رینجرز کی کارروائی، موٹرسائیکل لفٹر گروہ کے 4 کارندے گرفتار

    کراچی: سندھ رینجرز نے کراچی میں کارروائی کرتے ہوئے 4 ملزمان کو گرفتار کرلیا، ملزمان کا تعلق موٹر سائیکلیں چوری کرنے والے گروہ سے ہے۔

    تفصیلات کے مطابق سندھ رینجرز نے ملیر 15 اور لیاری میں کامیاب کارروائی کرتے ہوئے موٹر سائیکل لفٹر گروہ کے چار کارندوں کو گرفتار کرلیا، ملزمان نے 500 سے زائد موٹرسائیکلیں چوری کیں اور چھینی۔

    ترجمان رینجرز کے مطابق گرفتار ملزمان میں نور محمد، زید علی، معاذ علی اور محمد رحیم شامل ہیں۔

    رینجرز کی جانب سے جاری کردہ رپورٹ کے مطابق ملزمان ملیر، سرجانی، لانڈھی اور کمرشل علاقوں میں وارداتیں کرتے تھے۔

    ترجمان رینجرز کے مطابق ملزمان سے چوری کی گئیں 4 موٹر سائیکلیں، نمبر پلیٹس برآمد ہوئیں، ملزمان چھینی گئی موٹر سائیکلیں جعلی نمبر پلیٹس پر تربت لے جاتے تھے۔

    مزید پڑھیں: کراچی: رینجرز کی مختلف علاقوں میں کارروائیاں، 12 ملزمان گرفتار

    واضح رہے کہ چند روز قبل رینجرز نے مختلف علاقوں میں کارروائیاں کرتے ہوئے 12 ملزمان کو گرفتار کیا تھا، ملزمان سے غیر قانونی اسلحہ، گولیاں اور مسروقہ سامان برآمد کیا گیا تھا۔

    رینجرز ترجمان کے مطابق گرفتار ملزمان میں عزیز آباد سے ایم کیو ایم لندن سے تعلق رکھنے والے 2 ملزمان بھی شامل تھے جو سائبر کرائم کی متعدد وارداتوں میں ملوث ہیں۔

    چاکیواڑہ اور کھارادر سے لیاری گینگ وار کے 2 ملزمان بھی گرفتار کیے گئے تھے، ان ملزمان کا تعلق عزیر بلوچ، فاروق مایا گروپ اور غفاز ذکری گروپ سے ہے، ملزمان بھتہ اور متعدد وارداتوں میں بھی ملوث ہیں۔

  • رینجرز کی کارروائی، جعلی فوجی افسر گرفتار

    رینجرز کی کارروائی، جعلی فوجی افسر گرفتار

    کراچی: سندھ رینجرز نے شہر قائد کے علاقے مبینہ ٹاؤن میں کارروائی کرتے ہوئے جعلی فوجی افسر کو گرفتار کرلیا۔

    ترجمان کی جانب سے جاری اعلامیے کے مطابق رینجرز نے کراچی کے مختلف علاقوں میں کارروائی کرتے ہوئے 6 ملزمان کو گرفتار کیا جو جرائم کی مختلف وارداتوں میں ملوث تھے۔

    رینجرز نے پہلی کارروائی ناظم آباد میں واقع عیدگاہ کے قریب کی جہاں سے دو اسٹریٹ کرمنلز کو گرفتار کیا گیا جن کی شناخت حنیف عرف ماموں اور سعد کے نام سے ہوئی۔

    مزید پڑھیں: کراچی: رینجرز کی مختلف علاقوں میں مزید کارروائیاں، 13 ملزمان گرفتار

    اعلامیے کے مطابق رینجرز نے دوسری کارروائی سکھن کے علاقے میں کی جہاں سے غیر قانونی اسلحہ رکھنے والے ملزمان علی رضا اور اسد کو حراست میں لیا گیا۔

    رینجرز نے سب سے بڑی کارروائی مبینہ ٹاؤن کے علاقے میں کی جہاں سے خود کو جعلی آرمی آفیسر ظاہر کرنے والے عرفان نامی ملزم کو گرفتار کیا گیا۔

    ترجمان رینجرز کے مطابق خود کو جعلی فوجی افسر ظاہر کرنے والا عرفان جرائم کی مختلف وارداتوں میں ملوث ہے۔

    یہ بھی پڑھیں: کراچی کی صورتحال ماضی سے یکسر مختلف ہے: ڈی جی رینجرز

    شہر قائد میں کی جانے والی کارروائیوں میں رینجرز نے ملزمان کے قبضے سے غیر قانونی اسلحہ اور مسروقہ سامان بھی برآمد کیا جبکہ حراست میں لیے جانے والے تمام افراد کو قانونی چارہ جوئی کے لیے پولیس کے حوالے کردیا۔

  • نواب شاہ : رینجرز کی کارروائی، مراد علی شاہ کےسابق معاون خصوصی اسمعیل ڈاہری گرفتار

    نواب شاہ : رینجرز کی کارروائی، مراد علی شاہ کےسابق معاون خصوصی اسمعیل ڈاہری گرفتار

    نواب شاہ: رینجرز نے کارروائی کرتے ہوئے پانچ مقدمات میں مطلوب مراد علی شاہ کے سابق معاون خصوصی اسماعیل ڈاہری کو گرفتارکرلیا۔

    تفصیلات کے مطابق اقدام قتل، غیرقانونی اسلحہ ،اراضی پر قبضوں سمیت پانچ سنگین مقدمات میں مطلوب مرادعلی شاہ کےسابق معاون خصوصی اسمعیل ڈاہری قانون کے شکنجے میں آگئے۔

    ترجمان رینجرز کے مطابق خفیہ اطلاع پر نوابشاہ کےعلاقے دولت پورمیں رینجرز اور پولیس نے مشترکہ کارروائی کرکےانتہائی مطلوب ملزم اسماعیل ڈاھری کو حراست میں لےکر بڑی تعدادمیں اسلحہ برآمد کرلیا۔

    ترجمان کا کہنا ہے کہ اسمٰعیل ڈاہری کو حراست میں لے کر پانچ ایس ایم جیز، بارہ میگزین، پسٹل، دو گرنیڈ لانچر، چالیس راؤنڈ اور دیگر اسلحہ برآمد کیا گیا ہے۔

    ملزم اسماعیل ڈاھری کے کیخلاف پانچ ایف آئی آر درج ہیں، ملزم اقدام قتل،غیرقانونی اسلحہ رکھنے ، اراضی پر قبضوں سمیت دیگرسنگین مقدمات میں مطلوب تھا۔

    رینجرز حکام کے مطابق کارروائی میں اسماعیل ڈاھری کا کوئی ساتھی گرفتار نہیں کیا گیا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کراچی میں رینجرز کی کارروائی، 8ملزمان گرفتار، اسلحہ برآمد

    کراچی میں رینجرز کی کارروائی، 8ملزمان گرفتار، اسلحہ برآمد

    کراچی : پاکستان رینجرز(سندھ) نے شہر قائد کے مختلف علاقوں میں کارروائی کرتے ہوئے 8 ملزمان کو گرفتار کرلیا، مذکورہ ملزمان مختلف جرائم میں ملوث ہیں۔

    ترجمان رینجرز کے مطابق زمان ٹاؤن کے علاقے میں رینجرز اہلکاروں نے کارروائی کرتے ہوئے 2 ملزمان محمد آصف عرف لنگڑا اور محمد کاشف کو گرفتارکیا، ملزمان بھتہ خوری سمیت جرائم کی متعدد وارداتوں میں ملوث ہیں۔

    علاوہ ازیں گلستان جوہر کے علاقے میں رینجرز نے کارروائی کرتے ہوئے 5 ملزمان محمد نعیم ،بیال ابراہیم ،عبد الشکور، سمیع اللہ اور محمد جاوید کو گرفتارکیا، ملزمان اسٹریٹ کرائم اور ڈکیتی کی متعدد وارداتوں میں پولیس کو مطلوب ہیں۔

    دریں اثناء سپر مارکیٹ کے علاقے میں رینجرز نے کارروائی کرکے ملزم عمیر کو گرفتار کرلیا، ملزم ڈکیتی سمیت جرائم کی متعدد وارداتوں میں ملوث رہا ہے۔

    ترجمان رینجرز کے مطابق گرفتار ملزمان کے قبضے سے غیر قانونی اسلحہ، ایمونیشن اور مسروقہ سامان بھی بر آمد کر لیا گیا ہے۔

    مزید پڑھیں: کراچی، رینجرز کی مختلف علاقوں میں کارروائیاں، 13 ملزمان گرفتار

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔ 

  • کراچی: کھارادرمیں بینک ڈکیتی، بہادرآباد میں شہری لٹ گیا

    کراچی: کھارادرمیں بینک ڈکیتی، بہادرآباد میں شہری لٹ گیا

    کراچی: کھارادر میں نجی بینک اور بہادر آباد میں ایک شہری کو سر عام لوٹ لیا گیا، مسلح افراد نے گاڑی میں سوار  شہری کے بھاگنے پر اسے گولی مارکر زخمی کردیا، دو دن میں دوسری بینک ڈکیتی نے لوگوں کو خوف وہراس میں مبتلا کردیا۔

    شہر قائد میں آج بھی اسٹریٹ کرائمز اور ڈکیتیوں کی وارداتیں بدستور جاری ہیں، پولیس سے حاصل ہونے والی تفصیلات کے مطابق کھارادر میں پانچ مسلح ڈکیت ماسک اور ہیلمٹ پہن کر نجی بینک میں داخل ہوئے سیکیورٹی گارڈ کا اسلحہ چھیننے کے بعد عملے کو یرغمال بنایا اور 6 لاکھ روپے سے زائد رقم لوٹ کر فرار ہوگئے۔

    پولیس کے مطابق ڈکیت کارروائی کے بعد بآسانی فرار ہوگئے، دوسری جانب بہادرآباد میں بھی اسٹریٹ کرائم کی واردات کے دوران رہزنوں نے ایک شہری کو فائرنگ کرکے زخمی کردیا۔

    مسلح افراد نے گاڑی میں سوار شہری کو لوٹنے کی کوشش کی، شہری کے بھاگنے پر ڈاکوؤں نے اسے گولی مار دی، اے آروائی نیوز کو موصول سی سی ٹی وی فوٹیج میں دو ڈکیتوں کو لوٹ مار کے بعد شہری کو فائرنگ کرکے زخمی کرتے ہوئے دیکھا جاسکتا ہے۔

    رینجرز کی کارروائی، 8 ملزمان گرفتار، اسلحہ و منشیات برآمد

    علاوہ ازیں رینجرز اہلکا روں نے کراچی کے مختلف علاقوں سے 8 ملزمان گرفتارکرکے ان کے قبضے سے اسلحہ اور منشیات برآمد کرلی۔

    ترجمان رینجرز کا کہنا ہے کہ مذکورہ کارروائیاں سولجربازار، درخشاں، بلدیہ، رضویہ کے علاقوں میں کی گئیں، گرفتار ہونے والے ملزمان میں ڈکیت اورمنشیات فروش شامل ہیں۔

    ترجمان کے مطابق رضویہ سے خود کو اہم ادارے کے افسر ظاہرکرنے والےدو ملزمان گرفتارکیے گئے ہیں، ملزمان نے جعلی کارڈ بھی بنا رکھے تھے۔

  • ٹارگٹ کلنگ اور منشیات فروشی میں‌ ملوث 7 ملزمان گرفتار

    ٹارگٹ کلنگ اور منشیات فروشی میں‌ ملوث 7 ملزمان گرفتار

    کراچی: رینجرز نے ٹارگٹ کلنگ، منشیات فروشی اور زمینو ں پر قبضوں میں ملوث 7 ملزمان کو گرفتار کرلیا۔

    تفصیلات کے مطابق رینجرز نے مختلف علاقوں میں کارروائیاں کرتے ہوئے 7 ملزمان کو گرفتار کرلیا جو کہ ٹارگٹ کلنگ، منشیات فروشی اور زمینوں پر قبضہ کرنے سمیت مختلف جرائم میں ملوث ہیں۔

    ترجمان رینجرز کے مطابق درخشاں سے تین ملزمان کو گرفتار کیا گیا جو کہ ایم کیو ایم لندن کے کارکنان ہیں،یہ ملزمان ٹارگٹ کلنگ سہولت کار،منشیات فروشی،لینڈگریبنگ میں ملوث ہیں۔

    اسی طرح لیاری گینگ وار کے ملزم عارف گنجا کو بھی گرفتار کیا گیا ہے جبکہ سعود آباد اور لیاری سے 3 ملزمان کو گرفتار کیا گیا ہے، یہ تینوں ملزمان ڈکیتی اور دیگر جرائم میں ملوث ہیں۔

    رینجرز نے ان تمام ملزمان کو پولیس کے حوالے کردیا ہے۔

  • رینجرزکی کارروائی، لیاری گینگ اورایم کیوایم لندن کے دو کارندے گرفتار

    رینجرزکی کارروائی، لیاری گینگ اورایم کیوایم لندن کے دو کارندے گرفتار

    کراچی : شہر قائد میں قیام امن کے لئے رینجرز کی کارروائیاں بھرپور طریقے سے جاری ہیں۔ لیاری سے عزیر بلوچ گروپ کا کارندہ پکڑا گیا۔ ایم کیوایم لندن کے بھی دو کارندے رینجرز کی گرفت میں آگئے۔ رینجرز نے مختلف علاقوں میں کارروائیاں کرکے دس ملزمان کو حراست میں لیا۔

    تفصیلات کے مطابق کراچی کے علاقے لیاری میں رینجرز نے کامیاب کارروائی کرکے گینگ وارعزیربلوچ گروپ کا کارندہ شاہد حسین عرف درندہ کو پکڑ لیا۔

    ترجمان رینجرز کے مطابق ملزم بیس سے زائد ٹارگٹ کلنگ، اغوا برائے تاوان اور بھتہ خوری کی وارداتوں میں ملوث ہے، پریڈی کے علاقےسے گرفتار زاہد علی عرف کوڈو ٹارگٹ کلنگ اور بھتہ خوری سمیت دیگر جرائم میں ملوث رہا ہے۔

    اورنگی ٹاؤن سے گرفتار ایم کیو ایم لندن کا کارندے محمد ماجد عرف دانش گرفتار کرلیا گیا، ملزم ٹارگٹ کلنگ، بھتہ خوری اور دیگر جرائم میں ملوث ہے۔ اورنگی ٹاؤن سے بھتہ خور افضال انصاری عرف فیضی گرفتار کیا گیا۔

    افضال انصاری بھتہ خوری کی متعددوارداتوں میں مطلوب ہے، جبکہ سعودآباد سےڈکیت عبدالعزیز کو گرفتار کیا گیا ہے، ترجمان رینجرز کے مطابق ڈکیت عبدالعزیز ڈکیتی کی متعدد وارداتوں میں ملوث ہے۔

    اس کے علاوہ رینجرز نے مختلف علاقوں میں کارروائیاں کرکے دس ملزمان کو گرفتار کیا، اکثر ملزمان کاتعلق مذہبی، سیاسی جماعتوں کےعسکری ونگ سے ہے۔ ملزمان سے اسلحہ،ایمونیشن، مسروقہ سامان اور منشیات برآمد ہوئی ہے۔